ಬಾಲಿವುಡ್ ನಟಿ ರುಬಿನಾ ದಿಲಾಕ್ ಮತ್ತು ಅವರ ಪತಿ ಅಭಿನವ್ ಶುಕ್ಲಾ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಈ ಸಂತಸದ ಸುದ್ದಿಯನ್ನು ದಂಪತಿ ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಯುನೈಟೆಡ್ ಸ್ಟೇಟ್ಸ್ನಲ್ಲಿ ವಿಹರಿಸುತ್ತಿರುವ ಜೋಡಿ ಹೃದಯಸ್ಪರ್ಶಿ ವಿಚಾರವನ್ನು ಹಂಚಿಕೊಳ್ಳಲು ಇನ್ಸ್ಟಾಗ್ರಾಮ್ ವೇದಿಕೆಯನ್ನು ಬಳಸಿಕೊಂಡರು.
ಪೋಸ್ಟ್ ಮಾಡಿದ ಫೋಟೋಗಳಲ್ಲಿ ರುಬಿನಾ ದಿಲಾಕ್ ಮತ್ತು ಅಭಿನವ್ ಶುಕ್ಲಾ ಸುತ್ತುವರೆದ ಸಮುದ್ರದ ಮಧ್ಯೆ ಕಾಣಿಸಿದ್ದಾರೆ. ಯುಎಸ್ ಟ್ರಿಪ್ನಲ್ಲಿ ಕ್ಲಿಕ್ಕಿಸಿದ ಸುಂದರ ಚಿತ್ರ ಇದಾಗಿದೆ. ಇಬ್ಬರು ತಮ್ಮ ಸಂತಸದ ನಗುವನ್ನು ಬೀರಿದ್ದಾರೆ. ದಂಪತಿ ತಮ್ಮ ಜೀವನದ ವಿಶೇಷ ಕ್ಷಣವನ್ನು ತುಂಬಾ ಖುಷಿಯಾಗಿ ಆನಂದಿಸುತ್ತಿದ್ದಾರೆ.
ರುಬಿನಾ ದಿಲಾಕ್ ಬ್ಲ್ಯಾಕ್ ಟಿ ಶರ್ಟ್, ಮ್ಯಾಚಿಂಗ್ ಟ್ರೌಸರ್ ಮತ್ತು ಕಾರ್ಡಿಜನ್ನಲ್ಲಿ ಚಿಕ್ ಆಗಿ ಕಾಣಿಸುತ್ತಿದ್ದಾರೆ. ಅಭಿನವ್ ಶುಕ್ಲಾ ಬಿಳಿ ಹೂಡಿ ಮತ್ತು ನೀಲಿ ಡೆನಿಮ್ನಲ್ಲಿ ಆಕರ್ಷವಾಗಿ ಕಾಣಿಸುತ್ತಿದ್ದಾರೆ. ಇಬ್ಬರೂ ಸನ್ಗ್ಲಾಸ್ ಧರಿಸಿ ತಿಳಿ ನಗು ಬೀರಿದ್ದಾರೆ. ಚಿತ್ರಕ್ಕೆ ನೀಡಿರುವ ಕ್ಯಾಪ್ಶನ್ನಲ್ಲಿ ಜೋಡಿಯು ಮದುವೆಯಿಂದ ಹಿಡಿದು ಮಗುವಿನ ನಿರೀಕ್ಷೆಯವರೆಗೂ ಚಿಕ್ಕದಾಗಿ ಸುಂದರವಾಗಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: 'ನರ್ವಸ್ ಆಗಿದ್ದೆ, ಮತ್ತೆ ಇಂಡಸ್ಟ್ರಿಗೆ ಮರಳುವಲ್ಲಿ ಆರ್ಯನ್ ಖಾನ್ ಪಾತ್ರ ಪ್ರಮುಖವಾಗಿತ್ತು': ಶಾರುಖ್ ಖಾನ್
"ನಾವು ಡೇಟಿಂಗ್ ಆರಂಭಿಸಿದಾಗಿನಿಂದ ನಾವು ಜಗತ್ತನ್ನು ಒಟ್ಟಿಗೆ ಅನ್ವೇಷಿಸುತ್ತೇವೆ ಎಂದು ಭರವಸೆ ನೀಡಿದ್ದೇವೆ. ಅದರಂತೆ ಮದುವೆಯಾಗಿ ಅದನ್ನೇ ಮಾಡುತ್ತಿದ್ದೇವೆ. ಶೀಘ್ರದಲ್ಲೇ ಲಿಟಲ್ ಟ್ರಾವೆಲರ್ ಅನ್ನು ಸ್ವಾಗತಿಸುತ್ತೇವೆ" ಎಂದು ಪೋಸ್ಟ್ಗೆ ಶೀರ್ಷಿಕೆ ನೀಡಿದ್ದಾರೆ. ಈ ಖುಷಿ ವಿಚಾರವನ್ನು ಹಂಚಿಕೊಂಡ ದಂಪತಿಗೆ ಸ್ನೇಹಿತರು, ಅಭಿಮಾನಿಗಳಿಂದ ಅಭಿನಂದನೆಗಳ ಮಹಾಪೂರವೇ ಹರಿದುಬರುತ್ತಿದೆ.
ಡೇಟಿಂಗ್ನಲ್ಲಿದ್ದ ರುಬಿನಾ ದಿಲಾಕ್ ಮತ್ತು ಅಭಿನವ್ ಶುಕ್ಲಾ ಜೋಡಿ 2018ರ ಜೂನ್ 21 ರಂದು ದಾಂಪತ್ಯಕ್ಕೆ ಕಾಲಿಟ್ಟರು. 5 ವರ್ಷಗಳ ಬಳಿಕ ಇದೀಗ ಪೋಷಕರಾಗುತ್ತಿರುವುದಾಗಿ ಘೋಷಿಸಿದ್ದಾರೆ. ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ತಮ್ಮಿಬ್ಬರ ಪ್ರೇಮಕಥೆಯ ಮುಂದಿನ ಅಧ್ಯಾಯವನ್ನು ತೆರೆದುಕೊಳ್ಳಲು ಜೋಡಿ ಉತ್ಸುಕರಾಗಿದ್ದಾರೆ.
ಗಂಡು ಮಗುವಿಗೆ ತಾಯಿಯಾದ ಇಲಿಯಾನಾ: ಬಾಲಿವುಡ್ ನಟಿ ಇಲಿಯಾನಾ ಡಿಕ್ರೂಜ್ ಆಗಸ್ಟ್ 1ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಸಂತಸದ ವಿಚಾರವನ್ನು ನಟಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಸಾಮಾನ್ಯವಾಗಿ ಬಹುತೇಕ ಸೆಲೆಬ್ರಿಟಿಗಳು ಕೆಲವು ತಿಂಗಳವರೆಗೆ ತಮ್ಮ ಮಗುವಿನ ಮುಖವನ್ನು ಬಹಿರಂಗಪಡಿಸಲು ಬಯಸುವುದಿಲ್ಲ. ಆದರೆ ಇಲಿಯಾನಾ ಡಿಕ್ರೂಜ್ ಇದಕ್ಕೆ ವಿರುದ್ಧವಾಗಿದ್ದರು. ಅವರು ತಮ್ಮ ಮಗುವಿನ ಫೋಟೋವನ್ನು ಹುಟ್ಟಿದ ಕೆಲವೇ ದಿನಗಳಲ್ಲಿ ಜಗತ್ತಿಗೆ ಪರಿಚಯಿಸಿದ್ದರು. ಜೊತೆಗೆ ಮಗುವಿನ ಹೆಸರು 'ಕೋವಾ ಫೀನಿಕ್ಸ್ ಡೋಲನ್' ಎಂಬುದಾಗಿ ತಿಳಿಸಿದ್ದರು.
ಇದನ್ನೂ ಓದಿ: 'ಆಕೆ ಅತ್ಯುತ್ತಮ ನಟಿ, ಕೆಲಸದ ವಿಚಾರದಲ್ಲಿ ತುಂಬಾ ಪ್ರಾಮಾಣಿಕಳು': ಕಂಗನಾರನ್ನು ಹಾಡಿ ಹೊಗಳಿದ ಅನುರಾಗ್ ಕಶ್ಯಪ್
