ರಿಲಯನ್ಸ್ ಫೌಂಡೇಶನ್ ಅಧ್ಯಕ್ಷೆ ನೀತಾ ಅಂಬಾನಿ ನೇತೃತ್ವದ ಎನ್ಎಂಎಸಿಸಿ ಸಮಾರಂಭದ ಎರಡನೇ ದಿನವಾದ ನಿನ್ನೆ ಬಾಲಿವುಡ್ ಸ್ಟಾರ್ಗಳು ವಿಶೇಷವಾಗಿ ಗಮನ ಸೆಳೆದರು. ಶನಿವಾರ ರಾತ್ರಿ ನಡೆದ ಕಾರ್ಯಕ್ರಮದಲ್ಲಿ ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ತಮ್ಮ ಸೂಪರ್ ಹಿಟ್ ಚಿತ್ರ ಪಠಾಣ್ನ ಜೂಮೇ ಜೋ ಪಠಾಣ್ ಹಾಡಿಗೆ ಡ್ಯಾನ್ಸ್ ಮಾಡಿದರು. ಅವರ ಜೊತೆ ನಟರಾದ ರಣವೀರ್ ಸಿಂಗ್ ಮತ್ತು ವರುಣ್ ಧವನ್ ಸೇರಿಕೊಂಡರು. ಕಿಂಗ್ ಖಾನ್ ಡ್ಯಾನ್ಸ್ ಮಾಡುತ್ತಿದ್ದಂತೆ ಉಳಿದ ನಟರಿಬ್ಬರು ಅವರೊಂದಿಗೆ ಸ್ಟೆಪ್ ಹಾಕಿದರು.
ವೇದಿಕೆಯ ಮುಂಭಾಗದಲ್ಲಿ ನೆರೆದಿದ್ದ ಸೆಲೆಬ್ರಿಟಿಗಳು, ಪ್ರೇಕ್ಷಕರು ಬೊಬ್ಬೆ ಹೊಡೆದು ಸಂಭ್ರಮಿಸಿದರು. ಈ ವಿಡಿಯೋವನ್ನು ಪಾಪರಾಜಿಯೊಬ್ಬರು ಶೇರ್ ಮಾಡಿಕೊಂಡಿದ್ದು, ವೈರಲ್ ಆಗಿದೆ. ಈವೆಂಟ್ಗೆ ಶಾರುಖ್ ಖಾನ್ ಕಪ್ಪು ಕೋಟ್ ಮತ್ತು ಮ್ಯಾಚಿಂಗ್ ಪ್ಯಾಂಟ್ ಧರಿಸಿ ಬಂದಿದ್ದರು. ವರುಣ್ ಧವನ್ ಬಿಳಿ ಟಿ-ಶರ್ಟ್ ಮತ್ತು ಕಪ್ಪು ಜೀನ್ಸ್ ಧರಿಸಿದ್ದರೆ, ರಣವೀರ್ ಚಾರ್ಕೋಲ್ ವೆಸ್ಟ್ ಮತ್ತು ಕಪ್ಪು ಪ್ಯಾಂಟ್ ತೊಟ್ಟಿದ್ದರು.
- " class="align-text-top noRightClick twitterSection" data="
">
ರಣವೀರ್- ಪ್ರಿಯಾಂಕಾ ಡ್ಯಾನ್ಸ್: ರಣವೀರ್ ಸಿಂಗ್ ಮತ್ತು ಬಾಲಿವುಡ್ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ಜೊತೆಯಾಗಿ ಡ್ಯಾನ್ಸ್ ಮಾಡಿದರು. ರಣವೀರ್ ವೇದಿಕೆಯಲ್ಲಿ ಕುಣಿಯುತ್ತಿದ್ದ ವೇಳೆ ಮುಂಭಾಗದಲ್ಲಿ ನಿಂತಿದ್ದ ಪ್ರಿಯಾಂಕಾರನ್ನು ನಟ ವೇದಿಕೆಗೆ ಕರೆದುಕೊಂಡರು. ಬಳಿಕ ಅವರಿಬ್ಬರು ಜೊತೆಯಾಗಿ ನಟಿಸಿದ 2015 ರಲ್ಲಿ ಸೂಪರ್ ಹಿಟ್ ಕಂಡಿದ್ದ 'ದಿಲ್ ಧಡಕ್ನೇ ದೋ' ಸಿನಿಮಾದ ಹಾಡಿಗೆ ಡ್ಯಾನ್ಸ್ ಮಾಡಿದರು. ಇವರು ಕುಣಿಯುವುದನ್ನು ನಿಲ್ಲಿಸುತ್ತಿದ್ದಂತೆ ಪ್ರೇಕ್ಷಕರು ಒನ್ಸ್ ಮೋರ್ ಹೇಳಲು ಶುರು ಮಾಡಿದರು. ಮತ್ತೊಮ್ಮೆ ಅವರನ್ನು ಜೊತೆಯಾಗಿ ಸ್ಟೇಜ್ ಮೇಲೆ ನೋಡಲು ಬಯಸಿದರು.
ಇದನ್ನೂ ಓದಿ: 'ಯಶ್ ಸಿನಿಮಾ ಅಪ್ಡೇಟ್ ನೀಡಿಲ್ಲಾಂದ್ರೆ ಸ್ಟ್ರೈಕ್': ರಾಧಿಕಾಗೆ ಫ್ಯಾನ್ಸ್ ಆವಾಜ್
ಗಿಗಿ ಹಡಿಡ್ ಅವರನ್ನು ಎತ್ತಿಕೊಂಡ ವರುಣ್: ಸೂಪರ್ ಮಾಡೆಲ್ ಗಿಗಿ ಹಡಿದ್ ಅವರನ್ನು ನಟ ವರುಣ್ ಧವನ್ ಸ್ಟೇಜ್ ಮೇಲೆ ಕರೆತಂದು ತಮ್ಮ ತೋಳುಗಳಲ್ಲಿ ಎತ್ತಿಕೊಂಡರು. ಬಳಿಕ ಅವರನ್ನು ಒಂದು ಸುತ್ತು ಸುತ್ತಿಸಿ ಕಿಸ್ ಕೊಟ್ಟು ಕೆಳಗೆ ಇಳಿಸಿಬಿಟ್ಟರು. ಇದು ಅಲ್ಲಿದ್ದವರನ್ನು ಒಂದು ಕ್ಷಣ ಬೆರಗುಗೊಳಿಸುವಂತೆ ಮಾಡಿತು. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಸುದೀಪ್ ಮುಂದಿನ ಸಿನಿಮಾ ಯಾವುದು?: ಕಿಚ್ಚನ ಸ್ಪಷ್ಟೀಕರಣ ಹೀಗಿದೆ..
ರಶ್ಮಿಕಾ, ಆಲಿಯಾ ಡ್ಯಾನ್ಸ್: ನಟಿಯರಾದ ಆಲಿಯಾ ಭಟ್ ಮತ್ತು ರಶ್ಮಿಕಾ ಮಂದಣ್ಣ ಇಬ್ಬರು ಜೊತೆಯಾಗಿ ಡ್ಯಾನ್ಸ್ ಮಾಡಿದರು. ಆಸ್ಕರ್ ಪ್ರಶಸ್ತಿ ವಿಜೇತ ನಾಟು ನಾಟು ಹಾಡಿಗೆ ತಾರೆಯರು ಕುಣಿದರು. ರಶ್ಮಿಕಾ ಮಂದಣ್ಣ ಸ್ಟೈಲಿಶ್ ಸೀರೆಯನ್ನು ಉಟ್ಟಿದ್ದು, ಆಲಿಯಾ ಶಾರ್ಟ್ ಡ್ರೆಸ್ ಧರಿಸಿದ್ದರು. ವೇದಿಕೆಗೆ ಇಬ್ಬರು ಜೊತೆಯಾಗಿಯೇ ಬಂದು ಕೋ ಡ್ಯಾನ್ಸರ್ ಜೊತೆ ಡ್ಯಾನ್ಸ್ ಮಾಡಿದರು. ಇವರ ಜೊತೆಗೆ ಪ್ರೇಕ್ಷಕರು ಕೂಡ ಕುಣಿದು ಕುಪ್ಪಳಿಸಿದರು.
ಇದನ್ನೂ ಓದಿ: ಶಿವಾಜಿ ಸುರತ್ಕಲ್ 2 ಟ್ರೇಲರ್ ರಿಲೀಸ್: ಹೆಚ್ಚಿದ ಕುತೂಹಲ, ಏ.14ಕ್ಕೆ ಸಿನಿಮಾ ತೆರೆಗೆ
