Gucci ರಾಯಭಾರಿಯಾಗಿ ಆಲಿಯಾ ಭಟ್​: ಖ್ಯಾತ ಹಾಲಿವುಡ್​ ಸೆಲೆಬ್ರಿಟಿಗಳ ಜೊತೆ ಭಾರತೀಯ ತಾರೆ

ಬಾಲಿವುಡ್​ ನಟಿ ಆಲಿಯಾ ಭಟ್ ಹೊಸ ಗುಸ್ಸಿ ವಿಡಿಯೋದಲ್ಲಿ ಪ್ರಸಿದ್ಧ ಹಾಲಿವುಡ್ ಸೆಲೆಬ್ರಿಟಿಗಳೊಂದಿಗೆ ಕಾಣಿಸಿಕೊಂಡಿದ್ದಾರೆ.

ಭಾರತದ ಬಹುಬೇಡಿಕೆಯ ನಟಿ ಆಲಿಯಾ ಭಟ್​ ಐಷಾರಾಮಿ ಫ್ಯಾಷನ್​ ಬ್ರ್ಯಾಂಡ್​ ಗುಸ್ಸಿಯ ರಾಯಭಾರಿ ಆಗಿದ್ದಾರೆ. ಈ ವೇಳೆ, ಅವರು ಕೆಲವು ಖ್ಯಾತ ಹಾಲಿವುಡ್ ಸೆಲೆಬ್ರಿಟಿಗಳೊಂದಿಗೆ ​ಕಾಣಿಸಿಕೊಂಡರು. ಇತ್ತೀಚೆಗೆ ಜಾಗತಿಕವಾಗಿ ಬ್ರ್ಯಾಂಡ್‌ನ ಮುಖವೆಂದು ಘೋಷಿಸಲ್ಪಟ್ಟಿರುವ ಆಲಿಯಾ, ಗುಸ್ಸಿ ವಿಡಿಯೋವನ್ನು ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಸೆಲೆಬ್ರಿಟಿಗಳು ಹೊಸ ಅಭಿಯಾನದ ಭಾಗವಾಗಿ ಲಿಂಗ ಸಮಾನತೆಯನ್ನು ಉತ್ತೇಜಿಸಿದರು.

• Excited to be chiming in for Gucci Chime’s 10th Anniversary Campaign!#GucciChimeForGenderEquality #ChimeIn@gucci pic.twitter.com/ssvKrnVJaX

  — Alia Bhatt (@aliaa08) May 31, 2023 " class="align-text-top noRightClick twitterSection" data="

  Excited to be chiming in for Gucci Chime’s 10th Anniversary Campaign!#GucciChimeForGenderEquality #ChimeIn@gucci pic.twitter.com/ssvKrnVJaX

  — Alia Bhatt (@aliaa08) May 31, 2023

  ">

  Excited to be chiming in for Gucci Chime’s 10th Anniversary Campaign!#GucciChimeForGenderEquality #ChimeIn@gucci pic.twitter.com/ssvKrnVJaX

  — Alia Bhatt (@aliaa08) May 31, 2023

ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋ ಹಂಚಿಕೊಂಡಿರುವ ಆಲಿಯಾ, "ಗುಸ್ಸಿ ಚೈಮ್​ನ 10ನೇ ವಾರ್ಷಿಕೋತ್ಸವದ ಪ್ರಚಾರಕ್ಕಾಗಿ ಉತ್ಸುಕನಾಗಿದ್ದೇನೆ." ಎಂದು ಕ್ಯಾಪ್ಶನ್​ ಬರೆದಿದ್ದಾರೆ. ಜೂಲಿಯಾ ಗಾರ್ನರ್ ತನ್ನನ್ನು ತಾನು ಪರಿಚಯಿಸಿಕೊಳ್ಳುವುದರೊಂದಿಗೆ ವಿಡಿಯೋ ಪ್ರಾರಂಭವಾಗುತ್ತದೆ. ನಂತರದಲ್ಲಿ ಹಾಲೆ ಬೈಲಿ, ಜಾನ್ ಲೆಜೆಂಡ್ ಮತ್ತು ಸಲ್ಮಾ ಹಯೆಕ್ ಪಿನಾಲ್ಟ್, "ನಾನು ಲಿಂಗ ಸಮಾನತೆಗಾಗಿ ಧ್ವನಿ ಎತ್ತುತ್ತೇನೆ" ಎಂದು ಹೇಳುತ್ತಾರೆ.

ಬಳಿಕ ಡೈಸಿ ಎಡ್ಗರ್ ಜೋನ್ಸ್, ಆಲಿಯಾ ಭಟ್​, ಸೆರೆನಾ ವಿಲಿಯಮ್ಸ್, ಜೂಲಿಯಾ ರಾಬರ್ಟ್ಸ್ ಮತ್ತು ಇದ್ರಿಸ್ ಎಲ್ಬಾ ಅವರು 'ಶಿಕ್ಷಣ, ಶಕ್ತಿ ಮತ್ತು ಘನತೆ'ಗಾಗಿ ತಮ್ಮ ಬೆಂಬಲವನ್ನು ಘೋಷಿಸಿದರು. ಕೊನೆಯಲ್ಲಿ, ಇದ್ರಿಸ್ ಅವರು "ನಾವೆಲ್ಲರೂ ಒಂದೇ" ಎಂದು ಹೇಳುತ್ತಾರೆ. ಅಲ್ಲಿಗೆ 24 ಸೆಕೆಂಡ್​ಗಳ ವಿಡಿಯೋ ಕೊನೆಗೊಳ್ಳುತ್ತದೆ.

ಇತ್ತೀಚೆಗೆ ಬಾಲಿವುಡ್​ ನಟಿ - ನಿರ್ಮಾಪಕಿ ಆಗಿರುವ ಆಲಿಯಾ ಭಟ್​​ ಪ್ರತಿಷ್ಟಿತ ಬ್ರಾಂಡ್ ಗುಸ್ಸಿ ಕ್ರೂಸ್ ಶೋಗಾಗಿ ದಕ್ಷಿಣ ಕೊರಿಯಾದ ಸಿಯೋಲ್‌ಗೆ ಪ್ರಯಾಣಿಸಿದ್ದರು. ಗಂಗೂಬಾಯಿ ಕಥಿಯಾವಾಡಿ ನಟಿ ಪೋಲ್ಕ-ಡಾಟ್ ಕಟೌಟ್‌ಗಳೊಂದಿಗೆ ಮಿನಿ ಕಪ್ಪು ಉಡುಗೆಯನ್ನು ಧರಿಸಿದ್ದರು. ಜೊತೆಗೆ ಗುಸ್ಸಿ ಬ್ಯಾಂಬೋ 1947 ಬ್ಯಾಗ್​ ಮತ್ತು ಕಪ್ಪು ಶೂ ಜೊತೆ ತಮ್ಮ ಲುಕ್​ಗೆ ಸಂಪೂರ್ಣತೆ ತಂದುಕೊಂಡಿದ್ದರು.

ಇದನ್ನೂ ಓದಿ: IIFA Awards 2023: ಆಲಿಯಾ ಭಟ್, ಹೃತಿಕ್ ರೋಷನ್ ಅತ್ಯುತ್ತಮ!

ಕಳೆದ ತಿಂಗಳು ಐಷಾರಾಮಿ ಫ್ಯಾಷನ್ ಬ್ರಾಂಡ್ ಗುಸ್ಸಿಯ ಮೊದಲ ಭಾರತೀಯ ಜಾಗತಿಕ ರಾಯಭಾರಿಯಾಗಿ ಆಲಿಯಾ ಅವರನ್ನು ಘೋಷಿಸಲಾಯಿತು. ಈ ಸಂತಸದ ವಿಷಯವನ್ನು ಅಭಿಮಾನಿಗಳ ಜೊತೆ ಹಂಚಿಕೊಳ್ಳಲು ಅವರು ಇನ್​ಸ್ಟಾಗ್ರಾಮ್​ ವೇದಿಕೆಯನ್ನು ಬಳಸಿಕೊಂಡಿದ್ದರು. ಚಿತ್ರಗಳನ್ನು ಹಂಚಿಕೊಂಡ ಅವರು, "ನಾನು ಭಾರತದಲ್ಲಿ ಮಾತ್ರವಲ್ಲದೇ ಜಾಗತಿಕ ಮಟ್ಟದಲ್ಲಿಯೂ ಗುಸ್ಸಿಯನ್ನು ಪ್ರತಿನಿಧಿಸುವ ಗೌರವವನ್ನು ಹೊಂದಿದ್ದೇನೆ. ಗುಸ್ಸಿಯ ಪರಂಪರೆಯು ಯಾವಾಗಲೂ ನನಗೆ ಸ್ಫೂರ್ತಿ ಮತ್ತು ಆಸಕ್ತಿಯನ್ನುಂಟು ಮಾಡಿದೆ. ನಾವು ಒಟ್ಟಿಗೆ ರಚಿಸಲಿರುವ ಅನೇಕ ಮೈಲಿಗಲ್ಲುಗಳಿಗಾಗಿ ನಾನು ಎದುರು ನೋಡುತ್ತಿದ್ದೇನೆ @ಗುಸ್ಸಿ" ಎಂದು ಬರೆದುಕೊಂಡಿದ್ದರು.

ಆಲಿಯಾ ಭಟ್​ ಮುಂದೆ ಕರಣ್ ಜೋಹರ್ ಅವರ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿಯಲ್ಲಿ ರಣ್​​ವೀರ್ ಸಿಂಗ್ ಜೊತೆ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವು ಜುಲೈ 28ರಂದು ಥಿಯೇಟರ್‌ಗಳಲ್ಲಿ ತೆರೆಕಾಣಲು ಸಿದ್ಧವಾಗಿದೆ. ಕತ್ರಿನಾ ಕೈಫ್ ಮತ್ತು ಪ್ರಿಯಾಂಕಾ ಚೋಪ್ರಾ ಜೋನಾಸ್ ಜೊತೆಗೆ ಫರ್ಹಾನ್ ಅಖ್ತರ್ ಅವರ ಜೀ ಲೇ ಜರಾದಲ್ಲಿ ಜಾಣಿಸಿಕೊಳ್ಳಲಿದ್ದಾರೆ.

ಇದನ್ನೂ ಓದಿ: ಆಲಿಯಾ ಭಟ್​ ಅಜ್ಜ ನರೇಂದ್ರನಾಥ್​ ರಜ್ದಾನ್ ನಿಧನ: ಮೊಮ್ಮಗಳಿಂದ ಭಾವನಾತ್ಮಕ ಪೋಸ್ಟ್​