ಹೈದರಾಬಾದ್: ಮಹಿಳಾ ದಿನಾಚರಣೆ ದಿನದಂದೇ ರಣಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಅಭಿನಯದ 'ತು ಜುಟಿ ಮೇ ಮಕ್ಕರ್' ಚಿತ್ರ ಬಿಡುಗಡೆಯಾಗಿದ್ದು, ಭರ್ಜರಿ ಓಪನಿಂಗ್ ಕಂಡಿದೆ. ಈಗಾಗಲೇ ಈ ಚಿತ್ರದ ಪ್ರಿ ಅಡ್ವಾನ್ಸ್ ಬುಕ್ಕಿಂಗ್ ಆರಂಭವಾಗಿದ್ದು, ಈ ಚಿತ್ರದ ಕುರಿತು ಉತ್ತಮ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿ. ಸೋನು ಕೆ ಟಿಟು ಕಿ ಸ್ವೀಟಿ ಚಿತ್ರದ ಮೂಲಕ ಯಶಸ್ಸು ಕಂಡಿದ್ದ ಲವ್ ರಂಜನ್ ಅವರು ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಇದೇ ಮೊದಲ ಬಾರಿ ರಣಬೀರ್- ಶ್ರದ್ಧಾ ಜೋಡಿಯಾಗಿರುವುದು, ಹೊಸ ಜೋಡಿ ಉತ್ತಮವಾಗಿ ನಟಿಸಿದ್ದಾರೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಇನ್ನು, ಇದೇ ಮೊದಲ ಬಾರಿಗೆ ಸ್ಟಾಂಡ್ ಅಪ್ ಕಾಮಿಡಿಯನ್ ಅನುಭವ್ ಬಸ್ಸಿ ಕೂಡ ಬಾಲಿವುಡ್ನಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.
ಆಧುನಿಕ ಜೀವನದ ರೋಮ್ಯಾಂಟಿಕ್ ಮತ್ತು ಕಾಮಿಡಿಯನ್ ಚಿತ್ರ ಹೋಳಿ ಹಬ್ಬದ ಸಂಭ್ರಮ ಹೆಚ್ಚಿಸಿದ್ದಾರೆ. ಪಠಾಣ್ ಬಳಿಕ ಬಾಲಿವುಡ್ನಲ್ಲಿ ಹೆಚ್ಚು ಗಳಿಕೆ ಮಾಡಿದ ಚಿತ್ರ ಎಂಬ ಖ್ಯಾತಿಯನ್ನು ಹೊಂದಿದೆ. ವರ್ಷದ ಆರಂಭದಲ್ಲಿ ಬಿಡುಗಡೆಯಾದ ರಣಬೀರ್ ಅವರ ಚಿತ್ರ ಇದಾಗಿದ್ದು, ಹೊಸ ಟ್ರೆಂಡ್ ಸೃಷ್ಟಿಸಲಿದೆ. ವರದಿ ಪ್ರಕಾರ, ಮಂಗಳವಾರವೇ ಈ ಚಿತ್ರ 2.50 ಕೋಟಿ ಮೊತ್ತದ 84 ಸಾವಿರ ಟಿಕೆಟ್ಗಳು ಸೇಲ್ ಆಗಿವೆ. ಚಿತ್ರ ಬಿಡುಗಡೆಯಾದ ದಿನ 1 ಲಕ್ಷ ಟಿಕೆಟ್ ಸೇಲ್ ಆಗಿದ್ದವು. ಇನ್ನು, ಜಗತ್ತಿನಾದ್ಯಂತ ಈ ಚಿತ್ರ ಬಿಡುಗಡೆಯಾಗಿದ್ದು, ದೇಶದಲ್ಲಿ 3600 ಬೆಳ್ಳಿ ಪರದೆಯಲ್ಲಿ ರಿಲೀಸ್ ಆಗಿದೆ.
ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ ಎರಡು ಅಂಕಿಗಳಿಂದ ಓಪನ್ ಆಗಿದ್ದು, ಚಿತ್ರದ ಗಳಿಕೆ ಉತ್ತಮವಾಗಿ ಆರಂಭವ ಕಂಡಿದೆ. ದೆಹಲಿ-ಎನ್ಸಿಆರ್ ಪ್ರದೇಶದಲ್ಲಿ ಚಿತ್ರದ ಸಂಬಂಧ ಉತ್ತಮ ಟ್ರೆಂಡ್ ಕಾಣುತ್ತಿದ್ದು, ಅನೇಕ ಚಿತ್ರ ಮಂದಿರದಲ್ಲಿ ಸೋಲ್ಡ್ ಔಟ್ ಬೋರ್ಡ್ ಕಾಣಿಸಿದೆ. ಬುಕ್ ಮೈ ಶೋ ಪ್ರಕಾರ, ಟಿಕೆಟ್ ದರವನ್ನ ಕೂಡ ಹೆಚ್ಚಿಸಲಾಗಿದ್ದು, ಕೆಲವು ಕಡೆ 1800 ರೂಗೆ ಟಿಕೆಟ್ ಮಾರಾಟ ಮಾಡಲಾಗಿದೆ. ಹೋಳಿ ಸಂಭ್ರಮದಲ್ಲಿರುವ ಜನರಿಗೆ ಈ ಚಿತ್ರ ಉತ್ತಮ ರಿಫ್ರೆಶಮೆಂಟ್ ನೀಡುತ್ತಿದೆ ಎಂದು ಪ್ರೇಕ್ಷಕರು ತಿಳಿಸಿದ್ದಾರೆ. ಭಾರತದಲ್ಲಿ ಈ ಚಿತ್ರ 10- 13 ಕೋಟಿ ಗಳಿಕೆ ಮಾಡುವ ನಿರೀಕ್ಷೆ ಇದೆ. ಇದರ ಲೆಕ್ಕಾಚಾರ ನೋಡಿದರೆ, ಇದು ಲವ್ ರಂಜನ್ ಅವರ ಈ ಹಿಂದಿನ ಚಿತ್ರ ಸೋನು ಕೆ ಟಿಟು ಕಿ ಸ್ವಿಟಿ ಚಿತ್ರದ ಗಳಿಕೆಯನ್ನು ಮೀರಿಸಲಿದೆ.
ಲವ್ ರಂಜನ್ ಅವರ ಸೋನು ಕೆ ಟಿಟು ಕಿ ಸ್ವೀಟಿ ಚಿತ್ರದಲ್ಲಿ ನಟ ಕಾರ್ತಿಕ್ ಆರ್ಯನ್, ಸನ್ನಿ ಸಿಂಗ್ ಮತ್ತು ನುಶ್ರಾತ್ ಭರುಚ್ಛ ನಟಿಸಿದ್ದರು. ಈ ಚಿತ್ರ 6.42 ಕೋಟಿಯಿಂದ ಆರಂಭ ಕಂಡು ಚಿತ್ರ ಒಟ್ಟಾರೆ 109 ಕೋಟಿ ಗಳಿಕೆ ಮಾಡಿತು. ಈಗಾಗಲೇ ತು ಜೂಟಿ ಮೇ ಮಕ್ಕರ್ ಚಿತ್ರದ ಕುರಿತು ಉತ್ತಮ ಪ್ರತಿಕ್ರಿಯೆಯನ್ನು ಪ್ರೇಕ್ಷಕರು ತಿಳಿಸಿದ್ದಾರೆ. ರಣಬೀರ್ ಕಾಮಿಡಿ ಅದ್ಭತವಾಗಿದ್ದು, ಇಬ್ಬರ ನಟನೆ ಬಗ್ಗೆ ಯಾವುದೇ ಮಾತಿಲ್ಲ ಎಂದಿದ್ದಾರೆ. ಈಗಾಗಲೇ ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಆರಂಭ ಕಂಡಿದ್ದು, ಲವ್ ರಂಜನ್ ಅವರ ಚಿತ್ರಗಳಲ್ಲೇ ಉತ್ತಮ ಗಳಿಕೆ ಕಾಣಲಿದೆ. ಚಿತ್ರದಲ್ಲಿ ಬೋನಿ ಕಪೂರ್ ಮತ್ತು ಡಿಂಪಲ್ ಕಪಾಡಿಯಾ ಕೂಡ ನಟಿಸಿದ್ದಾರೆ.
ಇದನ್ನೂ ಓದಿ: 'ತು ಜುಟಿ ಮೇ ಮಕ್ಕರ್' ಚಿತ್ರದ ಟ್ವಿಟರ್ ವಿಮರ್ಶೆ: ರಣಬೀರ್ - ಶ್ರದ್ಧಾ ಕಾಮಿಡಿ - ರೋಮ್ಯಾಂಟಿಕ್ ಅದ್ಭುತ ಎಂದ ನೆಟ್ಟಿಗರು
