ಟೊಟೊಟೊ ದರ ಏರಿಕೆ ಗ್ರಾಹಕರಿಗೆ ಬಿಸಿ ಮುಟ್ಟಿಸುತ್ತಿದ್ದು, ಅನ್ನದಾತರ ಕೈ ಹಿಡಿದಿದೆ. ಮಳೆ ಅವಾಂತರ ಹಿನ್ನೆಲೆ ಮಾರುಕಟ್ಟೆಗೆ ಟೊಮೆಟೊ ಪೂರೈಕೆ ಪ್ರಮಾಣ ಕಡಿಮೆ ಆಗಿದೆ. ಈ ಹಿನ್ನೆಲೆ, ತರಕಾರಿಗೆ ಬಂಗಾರದ ಬೆಲೆ ಬಂದಿದ್ದು, ಟೊಮೆಟೊ ಸದ್ಯ 'ಕಿಚನ್ ಕ್ವೀನ್' ಆಗಿ ಬಿಟ್ಟಿದೆ.
ಟೊಮೆಟೊ ದರ ಏರಿಕೆ: ಗಗನಕ್ಕೇರಿರುವ ಟೊಮೆಟೊ ದರದ ಹೊಡೆತ ಕೇವಲ ಸಾಮಾನ್ಯ ಜನರಿಗೆ ಮಾತ್ರವಲ್ಲ, ಶ್ರೀಮಂತರಿಗೂ ಬಿದ್ದಿದೆ. ಇತ್ತೀಚೆಗಷ್ಟೇ ಮಂಗಳೂರು ಮೂಲದವರಾದ ಬಾಲಿವುಡ್ ನಟ ಸುನೀಲ್ ಶೆಟ್ಟಿ ಟೊಮೆಟೊ ದರ ಏರಿಕೆ ಬಗ್ಗೆ ಮಾತನಾಡಿದ್ದರು. ಇದೀಗ ಕುಡ್ಲದ ಬ್ಯೂಟಿ ಶಿಲ್ಪಾ ಶೆಟ್ಟಿ ಕೂಡ ಟೊಮೆಟೊ ದರ ಏರಿಕೆ ಸಂಬಂಧ ಫನ್ನಿ ವಿಡಿಯೋ ಮಾಡಿ ಹಂಚಿಕೊಂಡಿದ್ದಾರೆ. ಜೊತೆಗೆ 30 ಮಿಲಿಯನ್ ಫಾಲೋವರ್ಸ್ ಸಂಪಾದಿಸಿರುವ ಕುರಿತು ಅಭಿಮಾನಿಗಳಿಗೆ ವಿಡಿಯೋ ಪೋಸ್ಟ್ ಮೂಲಕ ಶಿಲ್ಪಾ ಅವರು ಧನ್ಯವಾದ ಅರ್ಪಿಸಿದ್ದಾರೆ.
ಟೊಮೆಟೊ ಕುರಿತು ಫನ್ನಿ ವಿಡಿಯೋ: ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ತಾರೆಯರ ಪೈಕಿ ಶಿಲ್ಪಾ ಶೆಟ್ಟಿ ಕೂಡ ಒಬ್ಬರು. ಫಿಟ್ನೆಸ್ ಐಕಾನ್ ಶಿಲ್ಪಾ ಶೆಟ್ಟಿ ಅಭಿಮಾನಿಗಳಿಗೆ ಪ್ರೇರಣೆಯಾಗುವಂತಹ ಯೋಗ, ಫಿಟ್ನೆಸ್ ಕುರಿತ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಜೊತೆಗೆ, ತಮ್ಮ ಪ್ರವಾಸದ ಮತ್ತು ಫನ್ನಿ ವಿಡಿಯೋಗಳನ್ನು ಶೇರ್ ಮಾಡುತ್ತಿರುತ್ತಾರೆ. ಈ ಮೂಲಕ ತಮ್ಮ ಅಭಿಮಾನಿಗಳ ಖುಷಿಗೆ ಕಾರಣರಾಗುತ್ತಾರೆ. ಇನ್ಸ್ಟಾಗ್ರಾಮ್ನಲ್ಲಿ 30 ಮಿಲಿಯನ್ ಫಾಲೋವರ್ಸ್ ಸಂಪಾದಿಸಿರುವ ನಟಿ ಈವರೆಗೆ 3,462 ಪೋಸ್ಟ್ಗಳನ್ನು ಶೇರ್ ಮಾಡಿದ್ದಾರೆ. ಇತ್ತೀಚೆಗೆ ಟೊಮೆಟೊ ಕುರಿತು ಫನ್ನಿ ವಿಡಿಯೋ ಶೇರ್ ಮಾಡಿದ್ದು, ಸಖತ್ ಸದ್ದು ಮಾಡುತ್ತಿದೆ.
ಟೊಮೆಟೊ ಕುರಿತು ಫನ್ನಿ ವಿಡಿಯೋ ಹಂಚಿಕೊಂಡಿರುವ ಫಿಟ್ನೆಸ್ ಐಕಾನ್ ಶಿಲ್ಪಾ ಶೆಟ್ಟಿ, ಟೊಮೆಟೊ ಬೆಲೆ ನನ್ನ ಹೃದಯ ಬಡಿತ ಹೆಚ್ಚಿಸಿದೆ (tomato prices are raising my Dhadkan) ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ. ಫನ್ನಿ ವಿಡಿಯೋದಲ್ಲಿ, ಸ್ವತಃ ತಾವೇ ನಟಿಸಿರುವ ಧಡ್ಕನ್ ಸಿನಿಮಾದ ಸಾಂಗ್ ಅಂಡ್ ಡೈಲಾಗ್ ಬಳಸಿದ್ದಾರೆ. ಶಾಪ್ನಲ್ಲಿ ಟೊಮೆಟೊ ನೋಡುತ್ತಿದ್ದಂತೆ ಧಡ್ಕನ್ ಡೈಲಾಗ್ ಬಂದಿದ್ದು, ವಿಡಿಯೋ ಸಖತ್ ಫನ್ನಿ ಆಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದಾರೆ.
ಇದನ್ನೂ ಓದಿ: Rashmika Mandanna: ವಾಶ್ರೂಮ್ನಲ್ಲಿ ನ್ಯಾಶನಲ್ ಕ್ರಶ್ ಕ್ರಿಯೇಟಿವಿಟಿ!
ಇತ್ತೀಚೆಗೆ ಮಂಗಳೂರು ಮೂಲದವರೇ ಆದ ಸುನೀಲ್ ಶೆಟ್ಟಿ ಸಹ ಟೊಮೆಟೊ ದರ ಹೆಚ್ಚಳದ ಬಗ್ಗೆ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದರು. ''ನಾನು ನಟ ಎಂಬ ಕಾರಣಕ್ಕೆ ನಮ್ಮ ಮೇಲೆ ಈ ಬೆಲೆ ಏರಿಕೆ ಪರಿಣಾಮ ಬೀರಲ್ಲ ಅಂತೇನಿಲ್ಲ. ಈ ಬೆಲೆ ಏರಿಕೆ ನಮ್ಮ ಮೇಲೆ ಪರಿಣಾಮ ಬೀರಲ್ಲ ಎಂದು ಜನ ಭಾವಿಸಬಹುದು. ಆದರೆ ನಮ್ಮ ಮೇಲೂ ದರ ಹೆಚ್ಚಳ ಪರಿಣಾಮ ಬೀರುತ್ತದೆ. ಟೊಮೆಟೊ ಬೆಲೆ ದಿನೇ ದಿನೆ ದುಬಾರಿ ಆಗುತ್ತಿದೆ. ಹಾಗಾಗಿ ನಮ್ಮ ಆಹಾರದಲ್ಲಿ ಟೊಮೆಟೊ ಪ್ರಮಾಣ ಕಡಿಮೆ ಮಾಡಿದ್ದೇವೆ ಎಂದು ತಿಳಿಸಿದ್ದರು.
ಇದನ್ನೂ ಓದಿ: 'ಆಹಾರದಲ್ಲಿ ಟೊಮೆಟೊ ಬಳಕೆ ಕಡಿಮೆ ಮಾಡಿದ್ದೇವೆ': ಸಿರಿವಂತ ನಟ ಸುನೀಲ್ ಶೆಟ್ಟಿ ಹೇಳಿಕೆ!
