ಮುಂಬೈ: ಈ ವರ್ಷ ಬಾಲಿವುಡ್ನ ಅನೇಕ ನಟ - ನಟಿಯರ ಚಿತ್ರಗಳು ಬಿಡುಗಡೆಗೆ ಸಜ್ಜಾಗಿದ್ದು, ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿಸಿದೆ. ಕಿಂಗ್ ಖಾನ್ ಶಾರುಖ್ ಖಾನ್ನಿಂದ ಫರ್ದೀನ್ ಖಾನ್ ವರೆಗೆ ಅನೇಕ ನಟರು ದೀರ್ಘ ಕಾಲದ ವಿರಾಮದ ಬಳಿಕ ಬೆಳ್ಳಿತೆರೆಗೆ ಬರಲು ಸಜ್ಜಾಗಿದ್ದಾರೆ.
2023 ಯಾವ ನಟರ ಕಂಬ್ಯಾಕ್ - ಶಾರುಖ್ ಖಾನ್: 2018ರಲ್ಲಿ ಜೀರೋ ಚಿತ್ರ ಶಾರುಖ್ ಖಾನ್ ಅಭಿನಯದ ಕಡೆಯ ಚಿತ್ರವಾಗಿದೆ. ಈ ನಾಲ್ಕು ವರ್ಷಗಳ ಬಳಿಕ ಕಿಂಗ್ ಖಾನ್ ಪಠಾಣ್ ಮೂಲಕ ಮತ್ತೆ ಬೆಳ್ಳಿತೆರೆಗೆ ಬರಲು ಸಜ್ಜಾಗಿದ್ದಾರೆ. ಸಾಹಸ ಆಧಾರಿತ ಚಿತ್ರದಲ್ಲಿ ನಟಿ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ನಟನೆ ಕೂಡ ಇದೆ. ಈ ಚಿತ್ರ ಇದೆ ಜನವರಿ 25ರಂದು ಬಿಡುಗಡೆಯಾಗಲಿದೆ. ಇದಾದ ಬೆನ್ನಲ್ಲೇ ಜವಾನ್ ಮತ್ತು ಡುಂಕಿ ಬಿಡುಗಡೆಯಾಗಲಿದೆ.
ಫರ್ದಿನ್ ಖಾನ್: 11 ವರ್ಷಗಳ ಭಾರೀ ಅಂತರದ ಬಳಿಕ ನಟ ಫರ್ದೀನ್ ಖಾನ್ ವಿಸ್ಫೋಟ್ ಚಿತ್ರದ ಮೂಲಕ ಬೆಳ್ಳಿತೆರೆ ಪ್ರವೇಶಿಸಲಿದ್ದಾರೆ. ವೆನಿಜೂಲೆನ್ ಫಿಲ್ಮ್ ರಾಕ್ ಪೇಪರ್ ಸೀಸರ್ ಚಿತ್ರದ ಹಿಂದಿ ರಿಮೇಕ್ ಆಗಿದೆ. 85ನೇ ಅಕಾಡೆಮಿ ಅವಾರ್ಡ್ನಲ್ಲಿ ಈ ಚಿತ್ರ ಉತ್ತಮ ವಿದೇಶಿ ಬಾಷಾ ಸಿನಿಮಾ ಅಡಿ ಪ್ರವೇಶ ಪಡೆದಿತ್ತು. ಈ ಚಿತ್ರವನ್ನು ಕೋಕಿ ಗುಲಟಿ ನಿರ್ದೇಶಿಸಿದ್ದು, ರಿತೇಶ್ ದೇಶ್ಮುಖ ಕೂಡ ಚಿತ್ರದಲ್ಲಿದ್ದಾರೆ. ಫರ್ದೀನ್ ಖಾನ್ 2010ರಲ್ಲಿ ದುಲ್ಹಾ ಮಿಲ್ಗಾಯ ಚಿತ್ರದಲ್ಲಿ ಕಡೆಯದಾಗಿ ಕಾಣಿಸಿಕೊಂಡಿದ್ದರು.
ಅನುಷ್ಕಾ ಶರ್ಮಾ: ನಾಲ್ಕು ವರ್ಷಗಳ ಬಳಿಕ ಬಾಲಿವುಡ್ ನಟಿ ಅನುಷ್ಕಾ ಶರ್ಮ ಮತ್ತೆ ಬಣ್ಣ ಹಚ್ಚುತ್ತಿದ್ದಾರೆ. ಜೀರೋ ಚಿತ್ರದಲ್ಲಿ ಕಡೆಯದಾಗಿ ನಟಿಸಿದ್ದ ಅನುಷ್ಕಾ ಶರ್ಮಾ ಚಕ್ಡಾ ಎಕ್ಸ್ಪ್ರೆಸ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಮಾಜಿ ಭಾರತೀಯ ಕ್ರಿಕೆಟರ್ ಜುಲನ್ ಗೋಸ್ವಾಮಿ ಜೀವನಾಧರಿತ ಸಿನಿಮಾ ಇದಾಗಿದೆ. ವಿಶೇಷ ಎಂದರೆ ಮಗಳು ವಮಿಕಾ ಹುಟ್ಟಿದ ಬಳಿಕ ಬರುತ್ತಿರುವ ಚಿತ್ರ ಇದಾಗಿದೆ.
ಹೆಲೆನ್: ಮಧುರ್ ಬಂಡಾರ್ಕರ್ ಹಿರೋಹಿನ್ ಎಂದೇ ಖ್ಯಾತಿ ಗೊಂಡಿರುವ ಹಿರಿಯ ನಟಿ ಹೆಲೆನ್ ಚಿತ್ರ ಕೂಡ ಇದೇ ವರ್ಷ ತೆರೆಗೆ ಬರುತ್ತಿದೆ.
ಇದನ್ನೂ ಓದಿ: 'ಪೆಪೆ' ಸಿನಿಮಾದ ಹೊಸ ಪೋಸ್ಟರ್ ಹಂಚಿಕೊಂಡ ಚಿತ್ರತಂಡ: ವಿನಯ್ ರಾಜ್ಕುಮಾರ್ ಲುಕ್ಗೆ ಫ್ಯಾನ್ಸ್ ಫಿದಾ
