ಮುಂಬೈ: ಬಾಲಿವುಡ್ನ ಬಹುನಿರೀಕ್ಷಿತ ಥ್ರಿಲ್ಲರ್ ಸಿನಿಮಾ 'ಮಿಷನ್ ಮಜ್ನು' ಚಿತ್ರದ ಟೀಸರ್ ಶುಕ್ರವಾರ ಬಿಡುಗಡೆಯಾಗಿದೆ. ದೆಹಲಿಯ ಇಂಡಿಯಾ ಗೇಟ್ ಬಳಿ ಭಾರತೀಯ ಗೂಢಚಾರಿಯ ಕಥೆ ಹೊಂದಿರುವ ಚಿತ್ರದ ಟೀಸರ್ ಅನ್ನು ಬಿಡುಗಡೆ ಮಾಡಲಾಯಿತು. ಬಿಡುಗಡೆಯಾದ 13 ಗಂಟೆಯೊಳಗೆ ಈ ಟೀಸರ್ 1.4 ಮಿಲಿಯನ್ಗೂ ಹೆಚ್ಚು ವೀಕ್ಷಣೆ ಪಡೆದಿದೆ.
1970ರ ದಶಕದ ದೇಶಾಭಿಮಾನದ ಜೊತೆ ಪ್ರೀತಿಯ ಕಥೆಯನ್ನು ಈ ಚಿತ್ರ ಹೊಂದಿದೆ. ಭಾರತದ ಮೇಲೆ ಪಾಕಿಸ್ತಾನದ ಪರಮಾಣು ದಾಳಿಯನ್ನು ವಿಫಲಗೊಳಿಸುವ ಯತ್ನದ ಕಥೆ ಇದಾಗಿದೆ.
ಚಿತ್ರದ ನಾಯಕ ಸಿದ್ದಾರ್ಥ್ ಸಿನಿಮಾದ ಟೀಸರ್ ಹಂಚಿಕೊಂಡಿದ್ದು, ಈ ಮಜ್ನು ಕೆಲಸ ಮಾಡುವ ವಿಧಾನ ಬೇರೆ ಎಂದು ಬರೆದುಕೊಂಡಿದ್ದಾರೆ. ಇನ್ನು, ಈ ಚಿತ್ರ 2023ರ ಜನವರಿಯಂದು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ಸಿದ್ದಾರ್ಥ್ ಭಾರತಕ್ಕಾಗಿ ಹೋರಾಡುವ ರಾ ಏಜೆಂಟ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
- " class="align-text-top noRightClick twitterSection" data="">
ಈ ಚಿತ್ರವನ್ನು ಶಾಂತನು ಬಗ್ಚಿ ನಿರ್ದೇಶಿಸಿದ್ದರೆ, ಆರ್ಎಸ್ವಿಪಿ ಮತ್ತು ಜಿಬಿಎ ನಿರ್ಮಾಣ ಮಾಡಿದೆ. ಇನ್ನು, ರಶ್ಮಿಕಾ ಮಂದಣ್ಣ ಈ ಚಿತ್ರದ ನಾಯಕ ನಟಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಇಂಡಿಯಾ ಗೇಟ್ ಬಳಿ ನನ್ನ ಚಿತ್ರದ ಟೀಸರ್ ಬಿಡುಗಡೆಯಾಗುತ್ತಿರುವುದು ನಮ್ಮ ದೇಶಕ್ಕಾಗಿ ಹೋರಾಡಿ ಪ್ರಾಣತ್ಯಾಗ ಮಾಡಿದ ವೀರ ಯೋಧರಿಗೆ ಗೌರವ ಆಗಿದೆ. ಭಾರತೀಯ ಏಜೆಂಟ್ ಮಾತ್ರದಲ್ಲಿ ಪಾತ್ರ ಅಭಿನಯಿಸಿದ್ದು, ನಿಜಕ್ಕೂ ಹೃದಯ ತುಂಬಿದ ಅನುಭವ. ಇಂತಹ ಉತ್ತಮ ಪಾತ್ರ ನೀಡಿದ್ದಕ್ಕೆ ನಿರ್ದೇಶಕರಿಗೆ ಧನ್ಯವಾದಗಳು. ಜ, 20ರಂದು ನೆಟ್ಫ್ಲಿಕ್ಸ್ನಲ್ಲಿ ಚಿತ್ರ ಬಿಡುಗಡೆಯಾಗುತ್ತಿದ್ದು, ನೋಡಲು ಕಾತುರರಾಗಿರುವುದಾಗಿ ನಟ ಸಿದ್ದಾರ್ಥ್ ತಿಳಿಸಿದ್ದಾರೆ.
ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು ಖುಷಿಯಾಗಿದ್ದು, ಪ್ರೀತಿ, ತ್ಯಾಗ ಮತ್ತು ಆ್ಯಕ್ಷನ್ನಿಂದ ಕೂಡಿದ ಸಿನಿಮಾ ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. ನಮ್ಮ ದೇಶದ ನಿಜವಾದ ಮಜ್ನುಗಳಾದ ವೀರ ಯೋಧರ ಕಥೆಯಲ್ಲಿ ಭಾಗಿಯಾಗಿರುವುದು ಸಂತಸ ತಂದಿದೆ ಎಂದಿದ್ದಾರೆ ನಟಿ ರಶ್ಮಿಕಾ ಮಂದಣ್ಣ.
ಇದನ್ನೂ ಓದಿ: ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ರಶ್ಮಿಕಾ ಬೆಂಬಲ.. ಟ್ರೋಲ್ ಆಗುತ್ತಿದ್ದ ಬೆಡಗಿಗೆ ಈಗ ಮೆಚ್ಚುಗೆಗಳ ಸುರಿಮಳೆ
