ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಹಾಗು ನಟ ವಿಜಯ್ ವರ್ಮಾ ಮುಖ್ಯಭೂಮಿಕೆಯ ಮುಂದಿನ ಬಹುನಿರೀಕ್ಷಿತ ಸಿನಿಮಾದ ಹೆಸರೇ 'ಜಾನೆ ಜಾನ್' (Jaane Jaan). ಈ ಸಿನಿಮಾ ಒಟಿಟಿ ವೇದಿಕೆಯಲ್ಲಿ ತೆರಕಾಣಲು ಸಜ್ಜಾಗಿದೆ. ಸೆಪ್ಟೆಂಬರ್ 21 ರಂದು ರಿಲೀಸ್ ಆಗಲಿರುವ 'ಜಾನೆ ಜಾನ್'ನ ವಿಶೇಷ ಪ್ರದರ್ಶನವನ್ನು ನಿನ್ನೆ (ಸೋಮವಾರ) ಹಮ್ಮಿಕೊಳ್ಳಲಾಗಿತ್ತು. ನೋರಾ ಫತೇಹಿ, ಕಾರ್ತಿಕ್ ಆರ್ಯನ್, ಅರ್ಜುನ್ ಕಪೂರ್ ಸೇರಿದಂತೆ ಹಲವರು ಈವೆಂಟ್ನಲ್ಲಿ ಕಾಣಿಸಿಕೊಂಡರು. ವಿಜಯ್ ವರ್ಮಾ ಅವರನ್ನು ಹುರಿದುಂಬಿಸಲು ಗೆಳತಿ, ನಟಿ ತಮನ್ನಾ ಭಾಟಿಯಾ ಕೂಡ ಆಗಮಿಸಿದ್ದರು.
ಜಾನೆ ಜಾನ್ ಸ್ಪೆಷಲ್ ಸ್ಕ್ರೀನಿಂಗ್ ಈವೆಂಟ್ನ ವಿಡಿಯೋಗಳನ್ನು ಪಾಪರಾಜಿಗಳು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಆನ್ಲೈನ್ನಲ್ಲಿ ಸದ್ದು ಮಾಡುತ್ತಿರುವ ವಿಡಿಯೋಗಳಲ್ಲಿ ತಮನ್ನಾ ಭಾಟಿಯಾ ಹಾಗು ವಿಜಯ್ ವರ್ಮಾ ಕೈ ಕೈ ಹಿಡಿದು ನಡೆಯುತ್ತಿರುವುದನ್ನು ಕಾಣಬಹುದು. ಪಾಪರಾಜಿಗಳ ಕ್ಯಾಮರಾಗಳಿಗೂ ಒಟ್ಟಿಗೆ ಪೋಸ್ ನೀಡಿದ್ದಾರೆ. ಲವ್ ಬರ್ಡ್ಸ್ ತಮ್ಮ ಅದ್ಭುತ ಕೆಮಿಸ್ಟ್ರಿ ಇಂದ ಅಭಿಮಾನಿಗಳ ಮನ ಗೆದ್ದಿದ್ದಾರೆ. ಈವೆಂಟ್ಗಾಗಿ ನಟ ವಿಜಯ್ ವರ್ಮಾ ಅವರು ಬ್ಲ್ಯಾಕ್ ಟೀ ಶರ್ಟ್, ಬ್ರೌನ್ ಪ್ರಿಂಟೆಡ್ ಸೂಟ್ ಆಯ್ದುಕೊಂಡಿದ್ದರು. ಮತ್ತೊಂದೆಡೆ, ನೇವಿ ಬ್ಲ್ಯೂ ಒನ್ ಪೀಸ್ ಡೆನಿಮ್ ಡ್ರೆಸ್ನಲ್ಲಿ ತಮನ್ನಾ ಭಾಟಿಯಾ ಮುದ್ದಾಗಿ ಕಾಣಿಸಿಕೊಂಡರು.
ಇದನ್ನೂ ಓದಿ: ತೆರೆಕಂಡು 12 ದಿನ, ಉತ್ತಮ ಪ್ರದರ್ಶನ ಮುಂದುವರಿಸಿದ 'ಜವಾನ್': ಕಲೆಕ್ಷನ್ ಎಷ್ಟು ಗೊತ್ತೇ?
ಸುಜೋಯ್ ಘೋಷ್ ಆ್ಯಕ್ಷನ್ ಕಟ್ ಹೇಳಿರುವ ಜಾನೆ ಜಾನ್, ಜಪಾನೀಸ್ ಕಾದಂಬರಿ 'ಡಿವೋಶನ್ ಆಫ್ ಸಸ್ಪೆಕ್ಟ್ ಎಕ್ಸ್' ಆಧರಿಸಿದೆ. ಮಿಸ್ಟರಿ ಥ್ರಿಲ್ಲರ್ ಸಿನಿಮಾವನ್ನು ಕಲಿಂಪಾಂಗ್ನಲ್ಲಿ ಚಿತ್ರೀಕರಿಸಲಾಗಿದೆ. ಮಾಯಾ ಡಿಸೋಜಾ ಪಾತ್ರವನ್ನು ಕರೀನಾ ಕಪೂರ್ ಖಾನ್ ನಿರ್ವಹಿಸಿದ್ದಾರೆ. ಮಗಳ ರಕ್ಷಣೆಗೆ ತಾಯಿ ಹೋರಾಟ ನಡೆಸುವ ಕಥೆಯನ್ನು ಚಿತ್ರ ಹೊಂದಿದೆ. ಜೈದೀಪ್ ಅಹ್ಲಾವತ್ ಕೂಡ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಜಾನೆ ಜಾನ್ ಸೆಪ್ಟೆಂಬರ್ 21 ರಂದು ನೆಟ್ಫ್ಲಿಕ್ಸ್ನಲ್ಲಿ ತೆರೆಕಾಣಲಿದೆ.
ಇದನ್ನೂ ಓದಿ: ಪರಿಣಿತಿ-ರಾಘವ್ ಮದುವೆ: ವರನ ಮನೆಗೆ ವಿಶೇಷ ಶೃಂಗಾರ- ವಿಡಿಯೋ ನೋಡಿ!
ಜಾನ್ ಜಾನ್ ಹೊರತುಪಡಿಸಿ, ವಿಜಯ್ ವರ್ಮಾ ಅವರು ಅಫ್ಘಾನಿ ಸ್ನೋ ಹಾಗೂ ಮರ್ಡರ್ ಮುಬಾರಕ್ ಸಿನಿಮಾದಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ. ಗೆಳತಿ ತಮನ್ನಾ ಭಾಟಿಯಾ ಜೊತೆ ಕೊನೆಯ ಚಿತ್ರ ಲಸ್ಟ್ ಸ್ಟೋರಿಸ್ 2 ನಲ್ಲಿ ಕಾಣಿಸಿಕೊಂಡಿದ್ದರು. ಇದೇ ಚಿತ್ರದ ಶೂಟಿಂಗ್ ಸೆಟ್‌ನಲ್ಲಿ ಪರಸ್ಪರ ಭೇಟಿಯಾಗಿ ಇದೀಗ ಪ್ರೀತಿಯಲ್ಲಿದ್ದಾರೆ. 2023ರ ನ್ಯೂ ಇಯರ್ ಪಾರ್ಟಿ ವೇಳೆ ಈ ಜೋಡಿಯ ಚುಂಬನದ ವಿಡಿಯೋ ವೈರಲ್ ಆಗಿ ಸಖತ್ ಸದ್ದು ಮಾಡಿತು. ಬಳಿಕ ಡೇಟಿಂಗ್ ವದಂತಿ ಪ್ರಾರಂಭವಾಯಿತು. ಇದೀಗ ಲವ್ ಬರ್ಡ್ಸ್ಗಳಾಗಿ ಗುರುತಿಸಿಕೊಂಡಿದ್ದಾರೆ.
