ಶಾರುಖ್​ ಜೊತೆಗಿನ ಮುನಿಸು ಶಮನದ ಬಗ್ಗೆ ಮಾತನಾಡಿದ ನಟ ಸನ್ನಿ ಡಿಯೋಲ್​

ಸಂದರ್ಶನದಲ್ಲಿ ಮಾತನಾಡಿರುವ 'ಗದಾರ್​ 2' ಚಿತ್ರದ ನಟ ಸನ್ನಿ ಡಿಯೋಲ್,​ ಆಲಿಯಾ ಜೊತೆ ನಟಿಸುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ.

ಹೈದರಾಬಾದ್: ಬಾಲಿವುಡ್​ ನಟ ಸನ್ನಿ ಡಿಯೋಲ್​ ಮತ್ತು ಶಾರುಖ್​ ಖಾನ್​ ತಮ್ಮ ನಡುವಿದ್ದ ಸಣ್ಣ ಮುನಿಸನ್ನು ಪಕ್ಕಕ್ಕೆ ಇರಿಸಿದ್ದು, ಹಲವು ವರ್ಷಗಳ ಬಳಿಕ ಮತ್ತೆ ಪರಸ್ಪರ ಪ್ರಶಂಸೆಗೆ ಮುಂದಾಗಿದ್ದಾರೆ. ಇದರ ಆರಂಭವನ್ನು ನಟ ಶಾರುಖ್​ ಖಾನ್​ ಇತ್ತೀಚಿಗೆ 'ಗದಾರ್​ 2' ಚಿತ್ರ ವೀಕ್ಷಣೆ ಮಾಡುವ ಮೂಲಕ ಆರಂಭಿಸಿದ್ದಾರೆ. ಸನ್ನಿ ಡಿಯೋಲ್​ ಅಭಿನಯದ ಗದಾರ್​ 2 ಚಿತ್ರ ವೀಕ್ಷಣೆ ಮಾಡಿದ ಅವರು, ಚಿತ್ರವನ್ನು ಮೆಚ್ಚಿಕೊಂಡು ಶುಭ ಹಾರೈಸಿದ್ದಾರೆ.

ಸುದೀರ್ಘ ವಿರಾಮದ ಬಳಿಕ ಗದಾರ್​ 2 ಚಿತ್ರದ ಮೂಲಕ ನಟ ಸನ್ನಿ ಡಿಯೋಲ್​ ಮತ್ತೆ ಯಶಸ್ಸು ಕಂಡಿದ್ದಾರೆ. ಈ ಚಿತ್ರ ಬಿಡುಗಡೆಯಾದ 20 ದಿನಕ್ಕೆ 472.75 ಕೋಟಿ ಗಳಿಕೆಯನ್ನು ಮಾಡಿದೆ. ಚಿತ್ರವನ್ನು ಅನೇಕ ಬಾಲಿವುಡ್​ ತಾರೆಯರು ಕೂಡ ವೀಕ್ಷಣೆ ಮಾಡಿದ್ದು, ನಟನಿಗೆ ಮೆಚ್ಚುಗೆ ತಿಳಿಸಿದ್ದಾರೆ. ಇತ್ತೀಚೆಗೆ ಬಾಲಿವುಡ್​ ಕಿಂಗ್​ ಖಾನ್​ ಕೂಡ ಚಿತ್ರ ವೀಕ್ಷಣೆ ಬಳಿಕ ತನಗೆ ಸಂದೇಶ ರವಾನಿಸಿದ್ದರು ಎಂಬುದಾಗಿ ನಟ ಸನ್ನಿ ಡಿಯೋಲ್​ ಸಂದರ್ಶನದಲ್ಲಿ ಬಹಿರಂಗ ಪಡಿಸಿದ್ದಾರೆ.

ಈ ಕುರಿತು ಮಾತನಾಡಿದ ಸನ್ನಿ ಡಿಯೋಲ್​, ಶಾರುಖ್​ ಖಾನ್​ ಕೇವಲ ಶುಭಾಶಯವನ್ನು ತಿಳಿಸಿದೆ, ಚಿತ್ರದ ಯಶಸ್ಸಿಗೂ ಸಂತಸ ವ್ಯಕ್ತಪಡಿಸಿದರು ಎಂದರು. ಶಾರುಖ್​ ಅವರ ಈ ಮುಕ್ತ ಮೆಚ್ಚುಗೆ ಪಡೆದಿದ್ದಕ್ಕೆ ನಟ ಕೂಡ ಹರ್ಷ ವ್ಯಕ್ತಪಡಿಸಿದ್ದು, ಕೃತಜ್ಞತೆಯನ್ನು ತಿಳಿಸಿದ್ದಾರೆ. ಇದೇ ವೇಳೆ ಚಿತ್ರವನ್ನು ಪತ್ನಿ ಗೌರಿ ಖಾನ್​ ಮತ್ತು ಮಗ ಆರ್ಯನ್​ ಖಾನ್​ ಕೂಡ ಮೆಚ್ಚಿಕೊಂಡಿದ್ದರ ಕುರಿತು ಅವರು ತಿಳಿಸಿದ್ದರಂತೆ.

• Yeah loved it!! https://t.co/Hd6hc6hi8Q

  — Shah Rukh Khan (@iamsrk) August 26, 2023 " class="align-text-top noRightClick twitterSection" data="

  Yeah loved it!! https://t.co/Hd6hc6hi8Q

  — Shah Rukh Khan (@iamsrk) August 26, 2023

  ">

  Yeah loved it!! https://t.co/Hd6hc6hi8Q

  — Shah Rukh Khan (@iamsrk) August 26, 2023

1993ರಲ್ಲಿ ಬಂದ ಅತ್ಯಂತ ಜನಪ್ರಿಯ ಸಿನಿಮಾ 'ಡರ್'​ನಲ್ಲಿ ನಟ ಸನ್ನಿ ಡಿಯೋಲ್​ ಮತ್ತು ಶಾರುಖ್​ ಖಾನ್​ ಒಟ್ಟಿಗೆ ನಟಿಸಿದ್ದರು. ಈ ಚಿತ್ರಕ್ಕೆ ನಟ ಶಾರುಖ್​ ಖಾನ್​ ಸಿಕ್ಕಾಪಟ್ಟೆ ಉತ್ತಮ ಪ್ರತಿಕ್ರಿಯೆಯನ್ನು ಪಡೆದಿದ್ದರು. ಈ ವೇಳೆ ನಟ ಸನ್ನಿ ಡಿಯೋಲ್​ ತಮ್ಮ ಪಾತ್ರವನ್ನು ಸರಿಯಾಗಿ ಬಿಂಬಿಸಿಲ್ಲ ಎಂಬ ಕುರಿತು ಅಸಮಾಧಾನವನ್ನು ವ್ಯಕ್ತಪಡಿಸಿದ್ದರು. ಈ ಘಟನೆ ಬಳಿಕ ಈ ಇಬ್ಬರು ನಟರು ತಮ್ಮ ನಡುವಿನ ಸಂಭಾಷಣೆಯನ್ನು ಮಿತಗೊಳಿಸಿದ್ದರು. ಈ ಕುರಿತು ಮಾತನಾಡಿರುವ ಸನ್ನಿ ಡಿಯೋಲ್​, ಅನೇಕ ಸಂದರ್ಭದಲ್ಲಿ ನಾನು ಶಾರುಖ್​ ಖಾನ್​ಗೆ ಕರೆ ಮಾಡಿ ಮಾತನಾಡಿದ್ದು, ಅನೇಕ ನಮ್ಮ ಚಿಂತನೆ ಹಂಚಿಕೊಂಡಿದ್ದೇವೆ. ಹಿಂದಿನ ಘಟನೆಗಳು ಸಮಯದೊಂದಿಗೆ ಕಳೆದು ಹೋಗುತ್ತವೆ. ಅದರಿಂದ ಮುಂದೆ ನಾವು ಸಾಗಬೇಕಿದೆ ಎಂದು ಹೇಳಿದ್ದಾರೆ.

• View this post on Instagram

  A post shared by Sunny Deol (@iamsunnydeol)

ಇದೇ ವೇಳೆ ಹಲವು ವಿಚಾರಗಳ ಕುರಿತು ಸಂದರ್ಶನದಲ್ಲಿ ಮಾತನಾಡಿದ ಅವರು, ಭವಿಷ್ಯದಲ್ಲಿ ನಟಿ ಆಲಿಯಾ ಭಟ್​ ಜೊತೆ ಸಿನಿಮಾ ಮಾಡುವ ಆಸೆಯನ್ನು ವ್ಯಕ್ತಪಡಿಸಿದರು. ಆಲಿಯಾ ಭಟ್​ ಎಂದರೆ ತನಗೆ ತುಂಬಾ ಇಷ್ಟ. ಅವರೊಟ್ಟಿಗೆ ಕೆಲಸ ಮಾಡುವುದು ಆಸಕ್ತಿದಾಯಕವಾಗಿರುತ್ತದೆ. ನನ್ನೊಂದಿಗೆ ಆಕೆ ಹೀರೋಯಿನ್​ ಆಗಿ ನಟಿಸಬೇಕು ಎನ್ನುತ್ತಿಲ್ಲ. ಆದರೆ, ಅಪ್ಪ ಮಗಳಾಗಿ ನಟಿಸಬಹುದು ಎಂದು ಸನ್ನಿ ಡಿಯೋಲ್​ ತಿಳಿಸಿದ್ದಾರೆ.

ಇದನ್ನೂ ಓದಿ: Salaar vs Jawan: 'ಜವಾನ್'​ಗಿಂತ ಅಡ್ವಾನ್ಸ್​ ಬುಕ್ಕಿಂಗ್​ನಲ್ಲಿ ಗಲ್ಲಾಪೆಟ್ಟಿಗೆಯಲ್ಲಿ ಧೂಳೆಬ್ಬಿಸಿದ 'ಸಲಾರ್'​​