ಬಾಲಿವುಡ್ನ ಅಧಿಕೃತ ಜೋಡಿ ನಟ ಹೃತಿಕ್ ರೋಷನ್ ಹಾಗೂ ಗೆಳತಿ ಸಬಾ ಆಜಾದ್ ಸದ್ಯ ಅರ್ಜೆಂಟೀನಾ ಪ್ರವಾಸ ಎಂಜಾಯ್ ಮಾಡುತ್ತಿದ್ದಾರೆ. ಸಬಾ ಆಜಾದ್ ಅವರು ಬ್ಯೂನಸ್ ಐರಿಸ್‌ನಲ್ಲಿರುವ ರೆಸ್ಟೋರೆಂಟ್‌ನಲ್ಲಿ ತೆಗೆದ ಎರಡು ಸೆಲ್ಫಿಗಳನ್ನು ತಮ್ಮ ಇನ್ಸ್ಟಾಗ್ರಾಂ ಪುಟಗಳಲ್ಲಿ ಪೋಸ್ಟ್ ಮಾಡಿದ್ದು, ತಮ್ಮ ಹ್ಯಾಪಿ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಸಬಾ ಆಜಾದ್ ಅವರ ಇನ್‌ಸ್ಟಾಗ್ರಾಮ್ ಸ್ಟೋರಿಗಳು ಗಮನಿಸಿದರೆ, ಇಬ್ಬರೂ ಅರ್ಜೆಂಟೀನಾದಲ್ಲಿ ಸುಂದರ ಕ್ಷಣಗಳನ್ನು ಆನಂದಿಸುತ್ತಿರುವುದು ತಿಳಿಯುತ್ತದೆ.
ಒಂದು ಫೋಟೋದಲ್ಲಿ, ಹೃತಿಕ್ ರೋಷನ್ ಕಪ್ಪು ಸ್ಲೀವ್ ಲೆಸ್ ಟಿ - ಶರ್ಟ್ ಮತ್ತು ಕ್ಯಾಪ್ ಧರಿಸಿ, ಅವರ ಮುಂದೆ ಕೇಕ್ ಮತ್ತು ಪಾನೀಯ ಇರಿಸಿಕೊಂಡು ಕಾಣಿಸಿಕೊಂಡಿದ್ದಾನೆ. ಈ ಫೋಟೋ ಹಂಚಿಕೊಂಡಿರುವ ಸಬಾ ಆಜಾದ್ ಹೃತಿಕ್ ರೋಷನ್ ಅವರನ್ನು ಪ್ರೀತಿಯಿಂದ ತನ್ನ "ಹಿಪ್ಪೋ ಹೃದಯ" ಎಂದು ಶೀರ್ಷಿಕೆಯಲ್ಲಿ ಉಲ್ಲೇಖಿಸಿದ್ದಾರೆ. ಮತ್ತೊಂದು ಸೆಲ್ಫಿ ಹಂಚಿಕೊಂಡಿದ್ದು, ಅವರಿಬ್ಬರೂ ಚಳಿಗಾಲದ ಬಟ್ಟೆ ಮತ್ತು ಉಣ್ಣೆಯ ಟೋಪಿ ಧರಿಸಿರುವುದನ್ನು ಕಾಣಬಹುದು. ಈ ಫೋಟೋಗೆ "ಬ್ಯುನೋಸ್ ಡಯಾಸ್" ಎಂಬ ಶೀರ್ಷಿಕೆ ನೀಡಿದ್ದಾರೆ ನಟಿ ಸಬಾ ಆಜಾದ್.
ಹೃತಿಕ್ ರೋಷನ್ ಹಾಗೂ ಸಬಾ ಆಜಾದ್ ಕಳೆದ ಒಂದು ವರ್ಷದಿಂದ ಡೇಟಿಂಗ್ ಮಾಡುತ್ತಿದ್ದಾರೆ. ಹೃತಿಕ್ ರೋಷನ್ ಅವರು ಅವರ ಮೊದಲ ಪತ್ನಿ ಸುಸ್ಸಾನ್ನೆ ಖಾನ್ ಅವರಿಗೆ ವಿಚ್ಛೇದನ ನೀಡಿದ ಕೆಲವು ವರ್ಷಗಳ ನಂತರ ಹೃತಿಕ್ ರೋಷನ್ ಹಾಗೂ ಸಬಾ ಅವರ ಮಧ್ಯೆ ಪ್ರೀತಿ ಚಿಗುರೊಡೆದಿತ್ತು. ಮೊದಲ ಪತ್ನಿಗೆ ಹೃತಿಕ್ ವಿಚ್ಛೇದನ ನೀಡಿದ್ದರೂ ಇಂದಿಗೂ ಇಬ್ಬರೂ ಸ್ನೇಹಿತರಾಗಿಯೇ ಇದ್ದಾರೆ. ತಮ್ಮ ಇಬ್ಬರು ಪುತ್ರರಾದ ಹ್ರೇಹ್ರಾನ್ ಹಾಗೂ ಹೃದಾನ್ ಅವರಿಗೆ ಪೋಷಕರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸುಸ್ಸಾನ್ನೆ ಖಾನ್ ಅವರು ಸದ್ಯ ಅಲಿ ಖಾನ್ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ. ಸುಸ್ಸಾನ್ನೆ ಸಬಾ ಆಜಾದ್ ಜೊತೆಗೂ ಉತ್ತಮ ಗೆಳೆತನ ಹೊಂದಿದ್ದಾರೆ ಎನ್ನುವುದನ್ನು ಇಲ್ಲಿ ಉಲ್ಲೇಖಿಸಲೇಬೇಕು.
ಸಬಾ ಆಜಾದ್ ಪ್ರತಿಭಾನ್ವಿತ ಕಲಾವಿದೆ. ನಟಿ ಸಬಾ ಆಗಾಗ್ಗೆ ತಮ್ಮ Instagram ನಲ್ಲಿ ತನ್ನ ಗಿಗ್‌ಗಳ ಗ್ಲಿಂಪ್‌ಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ನಟಿರಾಗಿಯೂ ಸಕ್ರಿಯರಾಗಿದ್ದಾರೆ. ಸಬಾ ಪ್ರಾಜೆಕ್ಟ್ಗಳನ್ನು ನೋಡುವುದಾದರೆ ಜಿಮ್ ಸರ್ಭ್, ಇಶ್ವಾಕ್ ಸಿಂಗ್ ಮತ್ತು ರೆಜಿನಾ ಕಸ್ಸಂಡ್ರಾ ಅವರೊಂದಿಗೆ ನಟಿಸಿರುವ ರಾಕೆಟ್ ಬಾಯ್ಸ್ ಎಂಬ ವೆಬ್ ಸರಣಿಯ ಎರಡನೇ ಸೀಸನ್ ಇತ್ತೀಚೆಗೆ ಪ್ರವಾಸವಾಗಿತ್ತು.
ನಟ ಹೃತಿಕ್ ರೋಷನ್ ಅವರ ಸಿನಿಮಾಗಳನ್ನು ನೋಡುವುದಾದರೆ, ಕೆಲವು ಟೆಂಟ್ಪೋಲ್ ಪ್ರಾಜೆಕ್ಟ್ಗಳನ್ನು ಒಪ್ಪಿಕೊಂಡಿದ್ದಾರೆ. ಮುಂದಿನ ವರ್ಷ ಜನವರಿಯಲ್ಲಿ ಬಿಡುಗಡೆಯಾಗಲಿರುವ ಸಿದ್ಧಾರ್ಥ್ ಆನಂದ್ ಅವರ ಫೈಟರ್ ಚಿತ್ರದಲ್ಲಿ ಹೃತಿಕ್ ರೋಷನ್ ಅವರು ದೀಪಿಕಾ ಪಡುಕೋಣೆ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್‌ನ ಸ್ಪೈ ಯೂನಿವರ್ಸ್‌ನಿಂದ ತಯಾರಾಗುತ್ತಿರುವ ವಾರ್ 2 ಸಿನಿಮಾದಲ್ಲೂ ಅಭಿನಯಿಸುತ್ತಿದ್ಧಾರೆ. ಅಯನ್ ಮುಖರ್ಜಿ ನಿರ್ದೇಶನದ ಈ ಚಿತ್ರದಲ್ಲಿ RRR ಸ್ಟಾರ್ ಜೂನಿಯರ್ NTR ಮತ್ತು ಕಿಯಾರಾ ಅಡ್ವಾಣಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅದಲ್ಲದೇ, ಹೃತಿಕ್ ತನ್ನ ವಾರ್ ಸಿನಿಮಾದ ಸಹ-ನಟಿ ವಾಣಿ ಕಪೂರ್ ಅವರೊಂದಿಗೆ ಸ್ಟಾರ್ಸ್ ಆನ್ ಫೈರ್ ಎಂಬ UK ಪ್ರವಾಸದ ತಂಡವನ್ನು ಸೇರಿಕೊಂಡಿದ್ದಾರೆ. ಇದು ಸೆಪ್ಟೆಂಬರ್ 1 ರಂದು OVO ಅರೆನಾ, ವೆಂಬ್ಲಿ, ಲಂಡನ್ ಮತ್ತು ಸೆಪ್ಟೆಂಬರ್ 2 ರಂದು ಲೀಡ್ಸ್‌ನ ಫಸ್ಟ್ ಡೈರೆಕ್ಟ್ ಅರೆನಾದಲ್ಲಿ ನಿಗದಿಯಾಗಿದೆ.
ಇದನ್ನೂ ಓದಿ: Kiara Advani: ಜನ್ಮದಿನ ಸಂಭ್ರಮಿಸಲು ಪತಿಯೊಂದಿಗೆ ವಿದೇಶಕ್ಕೆ ಹಾರಿದ ಕಿಯಾರಾ ಅಡ್ವಾಣಿ
