'ಘೋಸ್ಟ್​' ಭೇಟಿಯಾದ 'ಟೈಗರ್'; ಜೊತೆಯಾಗಿ ಇಂಡಿಯಾ-ಪಾಕ್​ ಮ್ಯಾಚ್​ ವೀಕ್ಷಿಸಿದ ಸಲ್ಲು-ಶಿವಣ್ಣ

ಇಂಡಿಯಾ ಮತ್ತು ಪಾಕಿಸ್ತಾನ ಪಂದ್ಯದ ನಡುವೆ ಹ್ಯಾಟ್ರಿಕ್​ ಹೀರೋ ಶಿವ ರಾಜ್​ಕುಮಾರ್​ ಹಾಗೂ ಬಾಲಿವುಡ್​ ಸೂಪರ್​ಸ್ಟಾರ್​ ಸಲ್ಮಾನ್​ ಖಾನ್​ ಭೇಟಿಯಾಗಿದ್ದಾರೆ.

ಶೀರ್ಷಿಕೆಯಿಂದಲೇ ಸೌತ್​ ಇಂಡಸ್ಟ್ರಿಯಲ್ಲಿ ಸಖತ್​ ಟಾಕ್​ ಆಗುತ್ತಿರುವ ಚಿತ್ರ 'ಘೋಸ್ಟ್​'. ಹ್ಯಾಟ್ರಿಕ್​ ಹೀರೋ ಶಿವರಾಜ್​ಕುಮಾರ್​ ಗ್ಯಾಂಗ್​ಸ್ಟರ್​ ಆಗಿ ಕಾಣಿಸಿಕೊಂಡಿರುವ ಪ್ಯಾನ್​ ಇಂಡಿಯಾ ಸಿನಿಮಾವಿದು. ಪಾಸಿಟಿವ್ ವೈಬ್ಸ್ ಕ್ರಿಯೇಟ್ ಮಾಡಿರೋ ಈ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಸಾಕಷ್ಟು ನಿರೀಕ್ಷೆಗಳಿವೆ.​ ಈ ಸಿನಿಮಾದ ಪ್ರಚಾರಕ್ಕಾಗಿ ಶಿವಣ್ಣ ಹಾಗೂ ಚಿತ್ರತಂಡ ಇಂದು ಮುಂಬೈಗೆ ಬಂದಿದ್ದಾರೆ. ಇದರ ಜೊತೆಗೆ ಅಹಮದಾಬಾದ್‍ನಲ್ಲಿ ನಡೆಯುತ್ತಿರುವ ವಿಶ್ವಕಪ್‌ ಟೂರ್ನಿಯ ರೋಚಕ ಇಂಡಿಯಾ ಮತ್ತು ಪಾಕಿಸ್ತಾನ ಕ್ರಿಕೆಟ್‍ ಮ್ಯಾಚ್​​ ಅನ್ನು ವೀಕ್ಷಿಸಿದ್ದಾರೆ.

• When Tiger meets the #Ghost
  
  Happy to meet you @BeingSalmanKhan wishing you the best for #Tiger3 #GhostOct19 @SandeshPro @PenMovies @lordmgsrinivas pic.twitter.com/vW7p6mOIam

  — DrShivaRajkumar (@NimmaShivanna) October 14, 2023 " class="align-text-top noRightClick twitterSection" data="

  When Tiger meets the #Ghost
  
  Happy to meet you @BeingSalmanKhan wishing you the best for #Tiger3 #GhostOct19 @SandeshPro @PenMovies @lordmgsrinivas pic.twitter.com/vW7p6mOIam

  — DrShivaRajkumar (@NimmaShivanna) October 14, 2023

  ">

  When Tiger meets the #Ghost
  
  Happy to meet you @BeingSalmanKhan wishing you the best for #Tiger3 #GhostOct19 @SandeshPro @PenMovies @lordmgsrinivas pic.twitter.com/vW7p6mOIam

  — DrShivaRajkumar (@NimmaShivanna) October 14, 2023

ಈ ವೇಳೆ ಹ್ಯಾಟ್ರಿಕ್​ ಹೀರೋ ಶಿವಣ್ಣ ಬಾಲಿವುಡ್​ ಸೂಪರ್​ಸ್ಟಾರ್​ ಸಲ್ಮಾನ್​ ಖಾನ್​ ಅವರನ್ನು ಭೇಟಿಯಾಗಿದ್ದಾರೆ. ಅವರು ತಮ್ಮ ಮುಂಬರುವ ಟೈಗರ್​ 3 ಚಿತ್ರದ ಪ್ರಚಾರಕ್ಕಾಗಿ ಬಂದಿದ್ದರು. ಇಂದು ಕ್ರಿಕೆಟ್​ ಮ್ಯಾಚ್​ ನೋಡಲು ಹೋಗುತ್ತಿರುವುದಾಗಿ ಶಿವಣ್ಣ ಸೋಷಿಯಲ್​ ಮೀಡಿಯಾದ ಮೂಲಕ ತಿಳಿಸಿದ್ದರು. "ಇಂಡಿಯಾ-ಪಾಕಿಸ್ತಾನ ಮ್ಯಾಚ್ ಜೊತೆಯಲಿ ನಾನು. ಇದ್ಕಿಂತ ಹಬ್ಬಾ ಬೇಕಾ?" ಎಂದು ಎಕ್ಸ್​ನಲ್ಲಿ ಬರೆದುಕೊಂಡಿದ್ದರು. ಅದರಂತೆ ಇದೀಗ ಅಹಮದಾಬಾದ್​ನಲ್ಲಿ ನಡೆಯುತ್ತಿರುವ ಪಂದ್ಯವನ್ನು ವೀಕ್ಷಿಸುತ್ತಿದ್ದಾರೆ.

ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಈ ಪಂದ್ಯ ನೋಡಲು ಪ್ರೇಕ್ಷಕರು ಕಿಕ್ಕಿರಿದು ತುಂಬಿದ್ದಾರೆ. ಹಲವು ಸೆಲೆಬ್ರಿಟಿಗಳು ಕೂಡ ಈ ಪಂದ್ಯವನ್ನು ಕಣ್ತುಂಬಿಕೊಳ್ಳುತ್ತಿದ್ದಾರೆ. ಬಾಲಿವುಡ್​ ನಟ ಸಲ್ಮಾನ್‍ ಖಾನ್​ ಸಹ ಬಂದಿದ್ದು, ಈ ಸಂದರ್ಭದಲ್ಲಿ ಶಿವಣ್ಣನ ಜೊತೆ ಅವರ ಭೇಟಿಯಾಗಿದೆ. ಈ ವೇಳೆ ಘೋಸ್ಟ್’ ಚಿತ್ರದ ನಿರ್ದೇಶಕ ಆರ್.ಜೆ. ಶ್ರೀನಿ ಕೂಡ ಜೊತೆಗಿದ್ದರು. ಇನ್ನು, ರಿಯಲ್‌ ಸ್ಟಾರ್ ಉಪೇಂದ್ರ ಹಾಗೂ ನಿರ್ಮಾಪಕ ಕೆ.ಪಿ ಶ್ರೀಕಾಂತ್ ಕೂಡ ಇಂಡಿಯಾ ಮತ್ತು ಪಾಕಿಸ್ತಾನ ಕ್ರಿಕೆಟ್ ಮ್ಯಾಚ್ ವೀಕ್ಷಿಸುತ್ತಿದ್ದಾರೆ.

ಇದನ್ನೂ ಓದಿ: Cricket World Cup 2023: ಶತಕದಂಚಿನಲ್ಲಿ ಎಡವಿದ ರೋಹಿತ್​.. ಪಾಕ್​ ವಿರುದ್ಧ ಗೆಲುವಿನತ್ತ ಭಾರತ

ಕಮಲ್​ ಹಾಸನ್​ ಭೇಟಿಯಾಗಿದ್ದ ಶಿವಣ್ಣ: ಸಲ್ಮಾನ್​ ಖಾನ್​ ಭೇಟಿಗೂ ಮುನ್ನ ಶಿವಣ್ಣ ಅವರು ನಟ ಕಮಲ್​ ಹಾಸನ್​ ಅವರನ್ನು ಭೇಟಿಯಾಗಿದ್ದರು. ಘೋಸ್ಟ್​ ಚಿತ್ರದ ಪ್ರಚಾರದ ವೇಳೆ ಮುಂಬೈನಲ್ಲಿ ಶಿವ ರಾಜ್​ಕುಮಾರ್​, ಕಮಲ್​ ಹಾಸನ್​ ಅವರನ್ನು ಮೀಟ್​ ಮಾಡಿದ್ದರು. ಈ ಫೋಟೋಗಳನ್ನು ಸ್ವತಃ ಶಿವಣ್ಣ ತಮ್ಮ ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿದ್ದರು.

'ಘೋಸ್ಟ್​' ಬಗ್ಗೆ.. ಶಿವ ರಾಜ್​ಕುಮಾರ್​ ಮುಖ್ಯಭೂಮಿಕೆಯಲ್ಲಿರುವ 'ಘೋಸ್ಟ್'​ ಸಿನಿಮಾಗೆ ಶ್ರೀನಿ ಆಕ್ಷನ್​ ಕಟ್​ ಹೇಳಿದ್ದಾರೆ. ಈಗಾಗಲೇ ಟ್ರೇಲರ್​ ಕೂಡ ಬಿಡುಗಡೆಯಾಗಿದ್ದು, ಎಲ್ಲೆಡೆ ಹವಾ ಸೃಷ್ಟಿಸುತ್ತಿದೆ. ಈ ಸಿನಿಮಾ ಬಿಡುಗಡೆಗೂ ಮುನ್ನವೇ ಕೋಟಿ ಲೆಕ್ಕಾಚಾರದಲ್ಲಿ ವ್ಯವಹಾರ ನಡೆಸಿದೆ. ಹಿಂದಿ ಸ್ಯಾಟ್​ಲೈಟ್​ ಹಾಗೂ ಡಿಜಿಟಲ್​ ಮತ್ತು ಡಬ್ಬಿಂಗ್​ ರೈಟ್ಸ್​ 15 ಕೋಟಿ ರೂಪಾಯಿಗೆ ಮಾರಾಟವಾಗಿದೆಯಂತೆ. 'ಘೋಸ್ಟ್​' ಪ್ರಚಾರದ ಸಲುವಾಗಿ ಶಿವಣ್ಣ ಮುಂಬೈ, ದೆಹಲಿ ಮುಂತಾದೆಡೆ ತೆರಳುತ್ತಿದ್ದಾರೆ. ​

ಚಿತ್ರತಂಡ: ನಿರ್ದೇಶಕ ಶ್ರೀನಿ ಕಥೆ, ಚಿತ್ರಕಥೆ ಹೆಣೆದಿದ್ದಾರೆ. ಸಂಭಾಷಣೆ ಮಾಸ್ತಿ ಹಾಗೂ ಪ್ರಸನ್ನ ಅವರದ್ದು. ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ ಹಾಗೂ ಮಹೇಂದ್ರ ಸಿಂಹ ಛಾಯಾಗ್ರಹಣವಿದೆ. ಐದು ಸಾಹಸ ಸನ್ನಿವೇಶಗಳಿವೆ. ಸತ್ಯಪ್ರಕಾಶ್, ಪ್ರಶಾಂತ್ ನಾರಾಯಣನ್, ದತ್ತಣ್ಣ, ಅಭಿಜಿತ್, ಅರ್ಚನಾ ಜೋಯಿಸ್​ ಮುಂತಾದವರು ನಟಿಸಿದ್ದಾರೆ. ಸಂದೇಶ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ನಿರ್ಮಾಣವಾಗುತ್ತಿರುವ, ಸಂದೇಶ್ ನಾಗರಾಜ್ ಅರ್ಪಿಸುತ್ತಿರುವ ಸಿನಿಮಾಗೆ ಸಂದೇಶ್ ಎನ್ ದೊಡ್ಡ ಮಟ್ಟದಲ್ಲಿ ಬಂಡವಾಳ ಹೂಡಿದ್ದಾರೆ.

ಇದನ್ನೂ ಓದಿ: 'ಘೋಸ್ಟ್​' ಟ್ರೇಲರ್​ ರಿಲೀಸ್​: ಮಾಸ್​ ಡೈಲಾಗ್​, ಭರ್ಜರಿ​ ಆ್ಯಕ್ಷನ್​ ಮೂಲಕ ಶಿವ ರಾಜ್‌ಕುಮಾರ್ ಎಂಟ್ರಿ