ಬಾಲಿವುಡ್ ನಟ ಶಾರುಖ್ ಖಾನ್ ಇತ್ತೀಚೆಗೆ ಸೌದಿ ಅರೇಬಿಯಾದಲ್ಲಿ 'ಡಂಕಿ' ಸಿನಿಮಾ ಶೂಟಿಂಗ್ನಲ್ಲಿ ಭಾಗಿಯಾಗಿದ್ದರು. ಬಳಿಕ ಅವರು ಮೆಕ್ಕಾ ತಲುಪಿ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಅವರ ಮೆಕ್ಕಾ ಪ್ರವಾಸದ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ವೈರಲ್ ಚಿತ್ರದಲ್ಲಿ, ಶಾರುಖ್ ಬಿಳಿ ಉಡುಗೆ, ಫೇಸ್ ಮಾಸ್ಕ್ ಧರಿಸಿರುವುದನ್ನು ಕಾಣಬಹುದು. ಉಮ್ರಾ ನಂತರ ಶಾರುಖ್ ರೆಡ್ ಸೀ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಭಾಗವಹಿಸಿದ್ದರು.
ಶಾರುಖ್ ಖಾನ್ ಅವರ ಅಭಿಮಾನಿಗಳು ಮೆಕ್ಕಾದಿಂದ ವೈರಲ್ ಆದ ಚಿತ್ರಗಳನ್ನು ನೋಡಿ ಆಶ್ಚರ್ಯಚಕಿತರಾಗಿದ್ದಾರೆ. ಶಾರುಖ್ ಅವರನ್ನು ಈ ಸ್ಟೈಲ್‌ನಲ್ಲಿ ನೋಡಿಲ್ಲ ಎಂದು ಹಲವು ಅಭಿಮಾನಿಗಳು ಹೇಳುತ್ತಿದ್ದಾರೆ. ಸೌದಿ ಅರೇಬಿಯಾದ ಪತ್ರಕರ್ತರೊಬ್ಬರು ಟ್ವೀಟ್ ಮೂಲಕ ಸುದ್ದಿಯನ್ನು ಖಚಿತಪಡಿಸಿದ್ದಾರೆ. ಅಲ್ಲಿ ಅವರ ಚಿತ್ರಗಳು ಮತ್ತು ವಿಡಿಯೋಗಳು ವೈರಲ್ ಆಗುತ್ತಿವೆ. ಶಾರುಖ್ಗೆ ಅಲ್ಲಾ ಒಳ್ಳೆಯದು ಮಾಡಲಿ ಎಂದು ಅಭಿಮಾನಿಗಳು ಹರಸಿದ್ದಾರೆ.
ಮೆಕ್ಕಾಗೆ ಭೇಟಿ ನೀಡಿದ ಇತರೆ ಸೆಲೆಬ್ರಿಟಿಗಳು: ಬಾಲಿವುಡ್‌ನಲ್ಲಿ ಬೋಲ್ಡ್ ಪಾತ್ರಗಳಿಗೆ ಹೆಸರುವಾಸಿಯಾಗಿರುವ ನಟಿ ಸನಾ ಖಾನ್ ಮತ್ತು ಪತಿ ಮೌಲಾನಾ ಮುಫ್ತಿ ಸಯ್ಯದ್ ಅವರೊಂದಿಗೆ ಈ ವರ್ಷದ ಏಪ್ರಿಲ್‌ನಲ್ಲಿ ಮೆಕ್ಕಾಗೆ ಹೋಗಿ ಹಜ್ ಯಾತ್ರೆ ಭಾಗಿಯಾಗಿದ್ದರು. ಕಿರುತೆರೆಯ ಖ್ಯಾತ ನಟಿ ಹಾಗೂ ಮಾಜಿ ಬಿಗ್ ಬಾಸ್ ವಿನ್ನರ್ ಗೌಹರ್ ಖಾನ್ ಕೂಡ ಮೆಕ್ಕಾ-ಮದೀನಾಕ್ಕೆ ಈ ಹಿಂದೆ ಬಂದು ಪ್ರಾರ್ಥನೆ ಸಲ್ಲಿಸಿದ್ದರು. ಮಾಡಲ್ ಗೌಹರ್ ಖಾನ್ ಈ ವರ್ಷದ ಏಪ್ರಿಲ್‌ನಲ್ಲಿ ಇಡೀ ಕುಟುಂಬದೊಂದಿಗೆ ಇಲ್ಲಿಗೆ ಭೇಟಿ ನೀಡಿದ್ದರು.
ಬಾಲಿವುಡ್ ನಟ ಅಲಿ ಫಜಲ್ ಅವರು ಬಾಲಿವುಡ್ ನಟಿ ಮತ್ತು ರಿಚಾ ಚಡ್ಡಾ ಅವರನ್ನು ಅಕ್ಟೋಬರ್ 4 ರಂದು ವಿವಾಹವಾದರು. ಮದುವೆಗೂ ಮುನ್ನ ಈ ವರ್ಷದ ಜನವರಿಯಲ್ಲಿ, ಅಲಿ ಫಜಲ್ ಅವರು ಹಜ್ ಯಾತ್ರೆಯ ಚಿತ್ರಗಳನ್ನು ಹಂಚಿಕೊಂಡಿದ್ದರು.
2012ರಲ್ಲಿ, ಬಾಲಿವುಡ್ ನಟ ಅಮೀರ್ ಖಾನ್ ತನ್ನ ತಾಯಿ ಝೀನತ್ ಹುಸೈನ್ ಅವರೊಂದಿಗೆ ಮೆಕ್ಕಾಗೆ ಬಂದಿದ್ದರು. ಮಾಹಿತಿ ಪ್ರಕಾರ, ಅಮೀರ್ ತನ್ನ ತಾಯಿಗೆ ಈ ಪವಿತ್ರ ಸ್ಥಳಕ್ಕೆ ಕರೆದುಕೊಂಡು ಹೋಗುವುದಾಗಿ ಭರವಸೆ ನೀಡಿದ್ದರು, ಅದನ್ನು ಅವರು ಈಡೇರಿಸಿದ್ದಾರೆ.
ಇದನ್ನೂ ಓದಿ: ಸೌದಿ ಅರೇಬಿಯಾ ಶೂಟಿಂಗ್ ಮುಗಿಸಿದ ಶಾರುಖ್ ಖಾನ್ ಅಭಿನಯದ 'ಡುಂಕಿ'
ಇವರುಗಳಲ್ಲದೇ, ಹಿಂದಿ ಚಿತ್ರರಂಗದ ದಿವಂಗತ ಹಿರಿಯ ನಟರಾದ ದಿಲೀಪ್ ಕುಮಾರ್ ಮತ್ತು ಖಾದರ್ ಖಾನ್ ಕೂಡ ತಮ್ಮ ಜೀವಿತಾವಧಿಯಲ್ಲಿ ಹಜ್ ಯಾತ್ರೆ ಮಾಡಿದ್ದಾರೆ.
