ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸುತ್ತಿರುವ 'ಗದರ್-2' ಸಿನಿಮಾದ ಸಕ್ಸಸ್ ಸಲೆಬ್ರೇಶನ್ ಈವೆಂಟ್ ಶನಿವಾರ ಸಂಜೆ ಮುಂಬೈನಲ್ಲಿ ನಡೆಯಿತು. ಭರ್ಜರಿ ಈವೆಂಟ್ಗೆ ಸಿನಿ ಸೆಲೆಬ್ರಿಟಿಗಳು ಸಾಕ್ಷಿಯಾಗಿದ್ದರು. ಸೂಪರ್ ಸ್ಟಾರ್ಗಳಾದ ಶಾರುಖ್ ಖಾನ್, ಅಮೀರ್ ಖಾನ್, ಸಲ್ಮಾನ್ ಖಾನ್, ಅನುಪಮ್ ಖೇರ್ ಅವರಿಂದ ಹಿಡಿದು ಯುವ ಕಲಾವಿದರು ಭಾಗಿಯಾಗಿದ್ದರು. ಸೆಲೆಬ್ರೇಶನ್ನ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಮಾಜಿ ರೂಮರ್ ಲವ್ಬರ್ಡ್ಸ್ ಸಾರಾ ಅಲಿ ಖಾನ್ ಮತ್ತು ಕಾರ್ತಿಕ್ ಆರ್ಯನ್ ಉತ್ತಮ ಕ್ಷಣ ಕಳೆದಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್ ಆಗಿದೆ.
ಸಾರಾ ಅಲಿ ಖಾನ್ ಮತ್ತು ಕಾರ್ತಿಕ್ ಆರ್ಯನ್ ಜೋಡಿ ಇಮ್ತಿಯಾಜ್ ಅಲಿ ನಿರ್ದೇಶನದ 'ಲವ್ ಆಜ್ ಕಲ್' ಸಿನಿಮಾದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. ಆ ಸಂದರ್ಭದಲ್ಲಿ ಇವರಿಬ್ಬರು ಡೇಟಿಂಗ್ನಲ್ಲಿದ್ದಾರೆಂಬ ಊಹಾಪೋಹ ಎದ್ದಿತ್ತು. ಆದ್ರೆ ಸಿನಿಮಾ ತೆರೆಕಾಣುವ ಮೊದಲೇ ಬೇರ್ಪಟ್ಟರು ಎಂದು ಕೂಡ ಹೇಳಲಾಗಿದೆ. ಆದ್ರೆ ಈ ಜೋಡಿ ತಾವು ಪ್ರೀತಿಯಲ್ಲಿರುವುದಾಗಿ ಎಲ್ಲಿಯೂ ಅಧಿಕೃತ ಹೇಳಿಕೆ ಕೊಟ್ಟಿಲ್ಲ, ಕೇವಲ ವದಂತಿಗಳಷ್ಟೇ.
ಆದ್ರೆ ಇಬ್ಬರೂ ಸಾರ್ವಜನಿಕವಾಗಿ ಭೇಟಿ ಆದಾಗಲೆಲ್ಲಾ ಸೌಹಾರ್ದಯುತ ಕ್ಷಣಗಳನ್ನು ಹಂಚಿಕೊಳ್ಳುತ್ತಾರೆ. ಶನಿವಾರ ಸಂಜೆ ನಡೆದ ಗದರ್ 2 ಈವೆಂಟ್ನಲ್ಲಿ ಈ ಇಬ್ಬರೂ ಹಾಜರಾಗಿದ್ದರು. ಕಾರ್ಯಕ್ರಮದಲ್ಲಿ, ಈ ಹಿಂದಿನ ಯಾವುದೇ ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳದೇ ಒಂದು ಉತ್ತಮ ಅಪ್ಪುಗೆ ಹಂಚಿಕೊಳ್ಳುವ ಮೂಲಕ ಪ್ರಬುದ್ಧತೆ ಪ್ರದರ್ಶಿಸಿದರು.
ಗದರ್ 2 ಪಾರ್ಟಿ ಮುಗಿಸಿ ನಿರ್ಗಮಿಸುವ ವೇಳೆ ಸಾರಾ, ಕಾರ್ತಿಕ್ ಜೊತೆ ಕೃತಿ ಸನೋನ್ ಕೂಡ ಕಾಣಿಸಿಕೊಂಡರು. ಈ ಮೂವರು ಕಾರ್ಯಕ್ರಮದಿಂದ ಒಟ್ಟಿಗೆ ನಿರ್ಗಮಿಸಿದ್ದಾರೆ. ಕಾರ್ತಿಕ್ - ಕೃತಿ ಕೂಡ ಉತ್ತಮ ಬಾಂಧವ್ಯ ಹೊಂದಿದ್ದಾರೆಂದು ಹೇಳಲಾಗುತ್ತದೆ. ನಟಿ ಸಾರಾ ಅಲಿ ಖಾನ್ ಪಿಂಕ್ ಜಂಪ್ಸೂಟ್ ಧರಿಸಿ ಬಾರ್ಬಿ ವೈಬ್ ಬೀರಿದ್ರೆ, ನಟಿ ಕೃತಿ ಸನೋನ್ ಬ್ಲ್ಯಾಕ್ ಬಾಡಿಕಾನ್ ಡ್ರೆಸ್ನಲ್ಲಿ ಕಂಗೊಳಿಸಿದ್ರು. ನಟ ಕಾರ್ತಿಕ್ ಆರ್ಯನ್ ಬ್ರೌನ್ ಆ್ಯಂಡ್ ಬ್ಲ್ಯಾಕ್ ಶರ್ಟ್ ಪ್ಯಾಂಟ್ ಧರಿಸಿ ಬಂದಿದ್ದರು.
ಇದನ್ನೂ ಓದಿ: ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣದ 'ಸಲಾರ್' ರಿಲೀಸ್ ಮುಂದೂಡಿಕೆ...ತರಣ್ ಆದರ್ಶ್ ಟ್ವೀಟ್ನಲ್ಲೇನಿದೆ?
ಗದರ್ 2 ಸೆಲೆಬ್ರೇಶನ್ ಪಾರ್ಟಿಯಿಂದ ಸಾರಾ ಅಲಿ ಖಾನ್ ಮತ್ತು ಕಾರ್ತಿಕ್ ಆರ್ಯನ್ ಅವರ ವಿಡಿಯೋವನ್ನು ಪಾಪರಾಜಿಗಳು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋಗೆ ಅಭಿಮಾನಿಗಳು ಪ್ರತಿಕ್ರಿಯೆ ಕೊಡುತ್ತಿದ್ದಾರೆ. ಶೀಘ್ರದಲ್ಲೇ ಈ ಜೋಡಿಯ ಒಂದು ಮತ್ತೊಂದು ಸಿನಿಮಾ ಬರಲಿ ಎಂದು ಕೂಡ ತಮ್ಮ ಬೇಡಿಕೆ ಇಡುತ್ತಿದ್ದಾರೆ.
ಇದನ್ನೂ ಓದಿ: HBD Pawan Kalyan: ಬಹುನಿರೀಕ್ಷಿತ 'ಓಜಿ ಟೀಸರ್' ಅನಾವರಣ - ಪ್ರೇಕ್ಷಕರಿಗೆ ದರ್ಶನ ಕೊಟ್ಟ 'ಹಸಿದ ಚಿರತೆ'
