ಮುಂಬೈ: ಖ್ಯಾತ ಸಿನಿಮಾ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರ ಮೊದಲ ಮ್ಯೂಸಿಕ್ ಆಲ್ಬಂ 'ಸುಕೂನ್' ಇದೇ ಡಿಸೆಂಬರ್ 7ರಂದು ಎಲ್ಲಾ ಪ್ರಮುಖ ಪ್ರಸಾರ ಆ್ಯಪ್ಗಳಲ್ಲಿ ಬಿಡುಗಡೆಯಾಗಲಿದೆ. ಕೋವಿಡ್ ಸಾಂಕ್ರಾಮಿಕದ ಸಮಯದಲ್ಲಿ ಅವರು ಈ ಆಲ್ಬಂ ಸಿದ್ಧಪಡಿಸಿದ್ದಾರೆ.
ಕೋವಿಡ್ ಸಂಕಷ್ಟದ ಪರಿಸ್ಥಿತಿಯಲ್ಲಿ ನಾನು ಶಾಂತಿ, ಪ್ರಶಾಂತತೆ ಮತ್ತು ಪ್ರೀತಿಯನ್ನು 'ಸುಕೂನ್' ಮೂಲಕ ಸೃಷ್ಟಿಸಿದೆ. ಇದನ್ನು ಕೇಳುವಾಗ ನಿಮಗೂ ಕೂಡ ಹಾಗೇ ಅನಿಸಲಿದೆ. ತಬಲ, ಕೊಳಲು, ಗಿಟಾರ್, ಸಾರಂಗಿ, ಸಿತಾರ್ ಮತ್ತು ಹಾರ್ಮೋನಿಯಂ ನಾದವನ್ನು ಆಲ್ಬಂನಲ್ಲಿ ಕೇಳಬಹುದು. 9 ಹಾಡುಗಳ ಆಲ್ಬಂಗೆ ರಶೀದ್ ಖಾನ್, ಶ್ರೇಯಾ ಘೋಷಲ್, ಅರ್ಮನ್ ಮಲ್ಲಿಕ್ ಸೇರಿದಂತೆ ಹಲವರು ದನಿಯಾಗಿದ್ದಾರೆ.
'ನಮ್ಮ ಸಂಸ್ಥೆ ಕಾತುರವಾಗಿದೆ. ಬನ್ಸಾಲಿ ಅವರ ಒಡನಾಟ ಹೆಮ್ಮೆ ಮೂಡಿಸುತ್ತದೆ. ಪರಿಪೂರ್ಣತೆ ಎಂದರೆ ಅದು ಸಂಜಯ್ ಲೀಲಾ ಬನ್ಸಾಲಿ. ಅವರ ಪ್ರೀತಿ 'ಸುಕೂನ್' ಮೂಲಕ ಸ್ಪಷ್ಟವಾಗುತ್ತದೆ. ಇದು ಚಿತ್ರೋದ್ಯಮದ ಅತ್ಯುತ್ತಮ ಗಾಯಕರ ಸಹಯೋಗದೊಂದಿಗೆ 9 ಹಾಡುಗಳನ್ನು ಹೊಂದಿದೆ' ಎಂದು ಸರಿಗಮ ಇಂಡಿಯಾ ಲಿಮಿಟೆಡ್ನ ನಿರ್ವಹಣಾ ನಿರ್ದೇಶಕ ವಿಕ್ರಂ ಮೆಹ್ತಾ ಹೇಳಿದರು.
ಇದನ್ನೂ ಓದಿ: ಮಹೇಶ್ ಬಾಬು ಅಭಿಮಾನಿಗಳಿಗೆ ರಾಜಮೌಳಿ ತಂದೆಯಿಂದ ಸಿಹಿ ಸುದ್ದಿ.. ಕಥೆ ಹೇಗಿರಲಿದೇ ಗೊತ್ತಾ!?
