ಪಠಾಣ್ ಎಂಬ ಆ್ಯಕ್ಷನ್ ಸಿನಿಮಾ ಸೂಪರ್‌ಹಿಟ್ ಆದ ನಂತರ ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಖಾನ್ ನಟಿಸುತ್ತಿರುವ ಮತ್ತೊಂದು ಚಿತ್ರವೇ 'ಜವಾನ್'. ದಕ್ಷಿಣ ಚಿತ್ರರಂಗದ ಯುವ ನಿರ್ದೇಶಕ ಅಟ್ಲೀ ನಿರ್ದೇಶನದಲ್ಲಿ ಸಿದ್ಧಗೊಳ್ಳುತ್ತಿರುವ ಜವಾನ್ ಬಿಡುಗಡೆಗೆ ಸಜ್ಜಾಗಿದ್ದು, ಎಸ್ಆರ್ಕೆ ಬಿಗ್ ಸ್ಕ್ರೀನ್ಗೆ ಮರಳಲು ಸಿದ್ಧರಾಗಿದ್ದಾರೆ. ಜುಲೈ 10ರಂದು ಜವಾನ್ ಪ್ರಿವ್ಯೂ ಅನಾವರಣಗೊಂಡ ನಂತರ ಇಂಡಿಯನ್ ಸೂಪರ್‌ ಸ್ಟಾರ್ ಎಸ್ಆರ್ಕೆ ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿದ್ದಾರೆ.
ಜವಾನ್ ವಿಡಿಯೋಗೆ ಅಭಿಮಾನಿಗಳು, ನೆಟಿಜನ್‌ಗಳು ಸೇರಿದಂತೆ ಚಿತ್ರರಂಗದವರೂ ಪ್ರತಿಕ್ರಿಯಿಸಿದ್ದಾರೆ. ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಸಹ ಈ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಸಲ್ಮಾನ್ ಖಾನ್ ಮಂಗಳವಾರ ಸಾಮಾಜಿಕ ಜಾಲತಾಣದಲ್ಲಿ ಜವಾನ್ ವಿಡಿಯೋ ಹಂಚಿಕೊಂಡು ಕಿಂಗ್ ಖಾನ್ ಸೇರಿದಂತೆ ಚಿತ್ರತಂಡವನ್ನು ಹೊಗಳಿದ್ದಾರೆ. ಇತ್ತ, ಶಾರುಖ್ ಸಹ ಸಲ್ಮಾನ್ ಅವರ ಪೋಸ್ಟ್ಗೆ ಪ್ರತಿಕ್ರಿಯಿಸಿ, ಸಲ್ಮಾನ್ ಅವರಿಗೇನೇ ಮೊದಲು ಪ್ರಿವ್ಯೂ ತೋರಿಸಿರುವುದಾಗಿ ಹೇಳಿದ್ದಾರೆ.
ಸಲ್ಮಾನ್ ಖಾನ್ ಟ್ವೀಟ್: ಸಲ್ಮಾನ್ ಖಾನ್ ವಿಡಿಯೋ ಪೋಸ್ಟ್ ಮಾಡುವ ಮೂಲಕ ಕಿಂಗ್ ಖಾನ್ ಜವಾನ್ ಆಗಿ ಕಾಣಿಸಿಕೊಂಡಿರವುದಕ್ಕೆ ಸಂತಸ ವ್ಯಕ್ತಪಡಿಸಿದ್ದರು. ಇದೇ ವೇಳೆ, ಜವಾನ್ ಸಿನಿಮಾವನ್ನು ಮೊದಲ ದಿನದಂದು ವೀಕ್ಷಿಸುವುದಾಗಿಯೂ ತಿಳಿಸಿದ್ದರು. "ಪಠಾಣ್ ಜವಾನ್ ಆಗಿಬಿಟ್ರು, ಇದೊಂದು ಅತ್ಯುತ್ತಮ ಟ್ರೇಲರ್, ನನಗೆ ಬಹಳ ಇಷ್ಟವಾಯಿತು. ನಾವು ಚಿತ್ರಮಂದಿರಗಳಲ್ಲೇ ನೋಡಬೇಕಾದ ಚಲನಚಿತ್ರವಿದು. ನಾನು ಸಿನಿಮಾವನ್ನು ತೆರೆಕಂಡ ಮೊದಲ ದಿನವೇ ನೋಡುತ್ತೇನೆ" ಎಂದು ಸಲ್ಮಾನ್ ಖಾನ್ ಟ್ವೀಟ್ ಮಾಡಿದ್ದರು.
-
Pathan jawan ban gaya, outstanding trailer, absolutely loved it. Now this is the kind of a movie we should see in theatres only. I toh for sure seeing it 1st day ko hi. Mazaa ahh gaya wahhhhh.. @iamsrk pic.twitter.com/UMra4Iamfg
— Salman Khan (@BeingSalmanKhan) July 11, 2023 " class="align-text-top noRightClick twitterSection" data="
">Pathan jawan ban gaya, outstanding trailer, absolutely loved it. Now this is the kind of a movie we should see in theatres only. I toh for sure seeing it 1st day ko hi. Mazaa ahh gaya wahhhhh.. @iamsrk pic.twitter.com/UMra4Iamfg
— Salman Khan (@BeingSalmanKhan) July 11, 2023Pathan jawan ban gaya, outstanding trailer, absolutely loved it. Now this is the kind of a movie we should see in theatres only. I toh for sure seeing it 1st day ko hi. Mazaa ahh gaya wahhhhh.. @iamsrk pic.twitter.com/UMra4Iamfg
— Salman Khan (@BeingSalmanKhan) July 11, 2023
ಸಲ್ಲು ಟ್ವೀಟ್ಗೆ ಎಸ್ಆರ್ಕೆ ರಿಟ್ವೀಟ್: ಸಲ್ಮಾನ್ ಖಾನ್ ಟ್ವೀಟ್ಗೆ ಪ್ರತಿಕ್ರಿಯಿಸಿದ ಶಾರುಖ್ ಖಾನ್, ಜವಾನ್ ಪ್ರಿವ್ಯೂ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಕ್ಕಾಗಿ, ಪ್ರೀತಿಯ ಮಳೆಗರೆದಿದ್ದಕ್ಕಾಗಿ ಧನ್ಯವಾದ ಅರ್ಪಿಸಿದ್ದಾರೆ. ಮೊದಲು ಸಲ್ಮಾನ್ ಅವರಿಗೆ ಪ್ರಿವ್ಯೂ ತೋರಿಸಿದ್ದೇನೆ ಎಂದು ಸಹ ಶಾರುಖ್ ತಿಳಿಸಿದ್ದಾರೆ. ಸಲ್ಲು ಟ್ವೀಟ್ಗೆ ರಿಟ್ವೀಟ್ ಮಾಡಿರುವ ಎಸ್ಆರ್ಕೆ, "ಹಾಗಾಗಿಯೇ, ವಿಡಿಯೋವನ್ನು ಮೊದಲು ನಿಮಗೆ ತೋರಿಸಿದ್ದು. ನಿಮ್ಮ ಮೆಚ್ಚುಗೆ, ಶುಭಾಶಯಗಳಿಗೆ ಮತ್ತು ಮೊದಲ ದಿನದ ಟಿಕೆಟ್ ಅನ್ನು ಈಗಾಗಲೇ ಬುಕ್ ಮಾಡಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮನ್ನು ಪ್ರೀತಿಸುತ್ತೇನೆ" ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಸುದೀಪ್, ರಜನಿಕಾಂತ್ To ಶಾರುಖ್: ತೆರೆ ಮೇಲೆ ಬಾಂಡ್ಲಿಯಾಗಿ ಕಾಣಿಸಿಕೊಂಡ ನಟರಿವರು!
ಸಲ್ಮಾನ್ ಅವರು ಶಾರುಖ್ ಅವರ ಬ್ಲಾಕ್ಬಸ್ಟರ್ ಪಠಾಣ್ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಪಠಾಣ್ ಸಾಹಸ ದೃಶ್ಯಗಳು ಪ್ರೇಕ್ಷಕರ ಮನಸೂರೆಗೊಂಡಿದ್ದವು. ಇದೀಗ ಶಾರುಖ್ ಅವರು ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಅವರ ಟೈಗರ್ 3 ಸಿನಿಮಾದಲ್ಲಿ ಕಾಣಿಸಿಕೊಳ್ಳಲು ರೆಡಿಯಾಗಿದ್ದಾರೆ. ಟೈಗರ್ 3 ಈ ಸಾಲಿನ ದೀಪಾವಳಿ ಸಂದರ್ಭ ಥಿಯೇಟರ್‌ಗಳಲ್ಲಿ ತೆರೆಕಾಣಲಿದೆ. ಜವಾನ್ ಸಿನಿಮಾ ಸೆಪ್ಟೆಂಬರ್ 7ರಂದು ಚಿತ್ರಮಂದಿರಗಳಲ್ಲಿ ಅದ್ಧೂರಿಯಾಗಿ ಬಿಡುಗಡೆ ಆಗಲಿದೆ. ಜವಾನ್ ಚಿತ್ರದಲ್ಲಿ ಶಾರುಖ್ ಜೊತೆಗೆ ನಯನತಾರಾ, ದೀಪಿಕಾ ಪಡುಕೋಣೆ, ವಿಜಯ್ ಸೇತುಪತಿ ಸೇರಿದಂತೆ ಹಲವರಿದ್ದಾರೆ.
ಇದನ್ನೂ ಓದಿ: ಮೊದಲ ದಿನವೇ 'ಜವಾನ್' ವೀಕ್ಷಿಸುತ್ತೇನೆ: ಶಾರುಖ್ ಗುಣಗಾನ ಮಾಡಿದ ಸಲ್ಮಾನ್ ಖಾನ್
