ಮುಂಬೈ: ಬಾಲಿವುಡ್ನ ಬ್ಲಾಕ್‌ಬಸ್ಟರ್ ಜೋಡಿಯಾದ ನಿರ್ದೇಶಕ ರೋಹಿತ್ ಶೆಟ್ಟಿ ಮತ್ತು ನಟ ರಣವೀರ್ ಸಿಂಗ್ ಅವರು ಸೂರ್ಯವಂಶಿ ಮತ್ತು ಮುಂಬರುವ ಬಹು ನಿರೀಕ್ಷಿತ ಚಿತ್ರ 'ಸರ್ಕಸ್' ಜೊತೆಗೆ ಇನ್ನೊಂದು ಸಿನಿಮಾದಲ್ಲೂ ಒಂದಾಗಲಿದ್ದಾರೆ.
ತಮ್ಮ ಮುಂದಿನ ಸಿನಿಮಾದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಖಡಕ್ ಲುಕ್ನಲ್ಲಿರುವ ಸ್ಟಿಲ್ ಒಂದನ್ನು ಈ ಜೋಡಿ ಹಂಚಿಕೊಂಡಿದೆ. ಇದು ಅಭಿಮಾನಿಗಳಲ್ಲಿ ಉತ್ಸಾಹವನ್ನು ಹುಟ್ಟುಹಾಕಿದೆ. ಇಬ್ಬರೂ ದೊಡ್ಡ ಪ್ರಮಾಣದ ಸಿನಿಮಾಗೆ ಕೈ ಹಾಕಿದ್ದು, ನಿರೀಕ್ಷೆ ದ್ವಿಗುಣಗೊಳಿಸಿದೆ. ಡೈರೆಕ್ಟರ್ ರೋಹಿತ್ ಶೆಟ್ಟಿ ನಿರ್ದೇಶಿಸುವ ಸಿನಿಮಾಗಳಲ್ಲಿ ಕಾಣುವಂತೆ ಕಾರುಗಳು ಹಾರುವುದು, ಬೆಂಕಿಯ ಜ್ವಾಲೆಯೂ ಈ ಸಿನಿಮಾದಲ್ಲಿ ಕಾಣಸಿಗಲಿದೆ. ರಣವೀರ್ ಕೈಯಲ್ಲಿರುವ ಪಿಸ್ತೂಲ್ನಿಂದ ಗುಂಡು ಹಾರಿಸುವುದು ಈ ವಿಡಿಯೋದಲ್ಲಿದೆ.
- " class="align-text-top noRightClick twitterSection" data="
">
ನಾವು ಕಮರ್ಷಿಯಲ್ ಸಿನಿಮಾವನ್ನು ಹೇಗೆ ಶೂಟ್ ಮಾಡುತ್ತೇವೆ ಎಂಬುದರ ಒಂದು ನೋಟವಿದು. ನನಗೆ ಗೊತ್ತು ಈ ಸಿನಿಮಾದಲ್ಲೂ ಆ್ಯಕ್ಷನ್ಗಳು ಇರುತ್ತವೆ ಅಂತ. ಆದರೆ, ನಾವೇನು ಮಾಡೋದು ಇದು ಬಿಟ್ಟು ನಮಗೆ ಬೇರೆ ಏನೂ ಮಾಡಲು ಬರುವುದಿಲ್ಲ ಎಂದು ನಿರ್ದೇಶಕ ರೋಹಿತ್ ಶೆಟ್ಟಿ ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಂಡಿದ್ದಾರೆ.
ಅದೇ ವಿಡಿಯೋವನ್ನು ರಣವೀರ್ ತಮ್ಮ ಇನ್ಸ್ಟಾದಲ್ಲಿ ಹಂಚಿಕೊಂಡಿದ್ದು, 'ಬಾಸ್ ಮತ್ತು ಬಾಬಾ ಮತ್ತೆ ಒಟ್ಟಿಗೆ' @itsrohitshetty #RanveerSinghXRohitShetty ಎಂದು ಕ್ಯಾಪ್ಷನ್ ನೀಡಿದ್ದಾರೆ. ಈ ಮಧ್ಯೆ ರೋಹಿತ್ ಶೆಟ್ಟಿ ನಿರ್ದೇಶನದ ಮತ್ತು ರಣವೀರ್ ಸಿಂಗ್, ಪೂಜಾ ಹೆಗ್ಡೆ, ಜಾಕ್ವೆಲಿನ್ ಫರ್ನಾಂಡೀಸ್ ಮತ್ತು ವರುಣ್ ಶರ್ಮಾ ನಟಿಸಿರುವ ಸರ್ಕಸ್ ಸಿನಿಮಾ ಈ ವರ್ಷಾಂತ್ಯದಲ್ಲಿ ಬಿಡುಗಡೆಯಾಗಲಿದೆ.
ಓದಿ: ಉಪೇಂದ್ರ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕೊಟ್ಟ ನಿರ್ದೇಶಕ ಆರ್.ಚಂದ್ರು
