ಬಾಲಿವುಡ್ ಮತ್ತೊಂದು ಅದ್ಧೂರಿ ವಿವಾಹ ಸಮಾರಂಭಕ್ಕೆ ಸಾಕ್ಷಿಯಾಗಲಿದೆ. ನಟಿ ಪರಿಣಿತಿ ಚೋಪ್ರಾ ಮತ್ತು ಆಮ್ ಆದ್ಮಿ ಪಕ್ಷದ ಯುವ ನಾಯಕ ರಾಘವ್ ಚಡ್ಡಾ ಮದುವೆಗೆ ದಿನ ನಿಗದಿ ಆಗಿರೋದು ನಿಮಗೆ ತಿಳಿದಿರುವ ವಿಚಾರ. ಇದೇ ಸೆಪ್ಟೆಂಬರ್ 23 ಮತ್ತು 24 ರಂದು ರಾಜಸ್ಥಾನದ ಉದಯಪುರದಲ್ಲಿ ಮದುವೆ ಕಾರ್ಯಕ್ರಮ ನಡೆಯಲಿದೆ. ಹೋಟೆಲ್ ಲೀಲಾ ಪ್ಯಾಲೆಸ್ ಮತ್ತು ಉದಯವಿಲಾಸ್ನಲ್ಲಿ ವಿವಾಹ ಶಾಸ್ತ್ರಗಳು ನಡೆಯಲಿದೆ. ಮದುವೆ ಸಿದ್ಧತೆಗಳು ಭರದಿಂದ ಸಾಗಿವೆ. ಈ ಬಗ್ಗೆ ಸಂಸದ ರಾಘವ್ ಚಡ್ಡಾ ಅವರಿಗೆ ಪ್ರಶ್ನೆ ಎದುರಾಗಿದ್ದು, 'ಬಹಳ ಸಂತೋಷವಾಗಿದ್ದೇನೆ' ಎಂದು ತಿಳಿಸಿದ್ದಾರೆ.
ಇತ್ತೀಚಿನ ಸಂದರ್ಶನವೊಂದರಲ್ಲಿ ಆಮ್ ಆದ್ಮಿ ಪಕ್ಷದ ಸಂಸದ ರಾಘವ್ ಚಡ್ಡಾ ತಮ್ಮ ಪ್ರೀತಿ, ಮದುವೆ ಬಗ್ಗೆ ಮಾತನಾಡಿದರು. ತಮ್ಮಿಬ್ಬರ ನಡುವೆ ಒಂದು ವಿಶೇಷವಾದ, ಅದ್ಭುತ ಸಂಬಂಧ ಬೆಳೆದಿದೆ ಎಂದು ತಿಳಿಸಿದರು. ಜೀವನದಲ್ಲಿ ಪರಿಣಿತಿ ಚೋಪ್ರಾ ಸಿಕ್ಕಿರುವುದನ್ನು ಒಂದು ದೈವಿಕ ಕೊಡುಗೆ ಎಂದು ವರ್ಣಿಸಿದರು.
''ನಾವು ಭೇಟಿಯಾದೆವು. ಅದೊಂದು ಮ್ಯಾಜಿಕಲ್ ಕ್ಷಣ. ಆ ಮೀಟಿಂಗ್ ಬಹಳ ನ್ಯಾಚುರಲ್ ಆಗೇ ಇತ್ತು. ನನ್ನ ಜೀವನಕ್ಕೆ ಪರಿಣಿತಿ ಅವರನ್ನು ಕೊಟ್ಟಿದ್ದಕ್ಕಾಗಿ ಆ ಭಗವಂತನಿಗೆ ಸದಾ ಧನ್ಯವಾದ ತಿಳಿಸುತ್ತೇನೆ. ನನಗೆ ಇದೊಂದು ದೊಡ್ಡ ಆಶೀರ್ವಾದ. ನಾನು ಪರಿಣಿತಿ ಅವರನ್ನು ಜೀವನ ಸಂಗಾತಿಯಾಗಿ ಹೊಂದಿರುವುದಕ್ಕೆ ಬಹಳ ಖುಷಿಯಾಗಿದ್ದೇನೆ. ಈ ಮೊದಲೇ ತಿಳಿಸಿದಂತೆ ಅವರನ್ನು ನನಗಾಗಿ ಕೊಟ್ಟಿದ್ದಕ್ಕೆ ಆ ದೇವರಲ್ಲಿ ಧನ್ಯವಾದ ತಿಳಿಸುತ್ತೇನೆ'' - ಸಂಸದ ರಾಘವ್ ಚಡ್ಡಾ.
ಸಂದರ್ಶನದಲ್ಲಿ ಸಂಸದರಿಗೆ ಮದುವೆ ಸಿದ್ಧತೆ ಬಗ್ಗೆ ಕೇಳಲಾಯಿತು. ಈ ಬಗ್ಗೆ ರಾಘವ್ ಸಂತಸ ವ್ಯಕ್ತಪಡಿಸಿದರು. ಇಡೀ ದೇಶಕ್ಕಿಂತ ಹೆಚ್ಚು ಖುಷಿಯಾಗಿದ್ದೇನೆ ಎಂದು ತಿಳಿಸಿದರು. ಮದುವೆ ಇದೇ ಸೆಪ್ಟೆಂಬರ್ 23 ಮತ್ತು 24 ರಂದು ರಾಜಸ್ಥಾನದಲ್ಲಿ ನೆರವೇರಲಿದೆ. ಅದ್ಧೂರಿ ವಿವಾಹದಲ್ಲಿ ಭಾಗಿಯಾಗಲು ರಾಜಕೀಯ ಮತ್ತು ಬಾಲಿವುಡ್ ವಲಯದ ಗಣ್ಯರು ಉದಯಪುರಕ್ಕೆ ಆಗಮಿಸಲಿದ್ದಾರೆ. ಸಿದ್ಧತೆಗಳು ಜೋರಾಗೇ ನಡೆಯುತ್ತಿದೆ. ಗಣ್ಯಾತಿಗಣ್ಯರು ಆಗಮಿಸುವ ಹಿನ್ನೆಲೆ, ಹೋಟೆಲ್ ಲೀಲಾ ಪ್ಯಾಲೆಸ್ ಮತ್ತು ಉದಯವಿಲಾಸ್ ಸುತ್ತಮುತ್ತ ಬಿಗಿ ಭದ್ರತೆ ವಹಿಸಲು ಕ್ರಮ ಕೈಗೊಳ್ಳಲಾಗುತ್ತದೆ.
ಇದನ್ನೂ ಓದಿ: Parineeti Raghav: ಈ ತಿಂಗಳಲ್ಲೇ ಹಸೆಮಣೆ ಏರಲಿದ್ದಾರೆ ರಾಘವ್ ಚಡ್ಡಾ - ಪರಿಣಿತಿ ಚೋಪ್ರಾ; ಮದುವೆ ಡೀಟೆಲ್ಸ್ ಇಲ್ಲಿದೆ!
ರಾಘವ್ ಚಡ್ಡಾ ಮತ್ತು ಪರಿಣಿತಿ ಚೋಪ್ರಾ ಬಹುಸಮಯದ ಗೆಳೆಯರು. ಸದ್ಯ ಪ್ರೀತಿಯಲ್ಲಿರುವ ಈ ಜೋಡಿ ಶೀಘ್ರದಲ್ಲೇ ತಮ್ಮ ಪ್ರೀತಿಗೆ ಮದುವೆ ಮುದ್ರೆ ಒತ್ತಲಿದ್ದಾರೆ. ಮಾರ್ಚ್ ತಿಂಗಳಲ್ಲಿ ಈ ಜೋಡಿಯ ಡೇಟಿಂಗ್ ವಿಚಾರ ಬೆಳಕಿಗೆ ಬಂತು. ಮೇ. 13 ರಂದು ದೆಹಲಿಯಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು. ಇದೇ 23 ಮತ್ತು 24 ರಂದು ಮದುವೆ ಕಾರ್ಯಕ್ರಮ ಹಮ್ಮಿಕೊಂಡಿದ್ದಾರೆ.
ಇದನ್ನೂ ಓದಿ: ಕಂಗನಾ ರಣಾವತ್ಗೆ ಕಪಾಳಮೋಕ್ಷ ಮಾಡಬೇಕೆಂದ ಪಾಕಿಸ್ತಾನಿ ನಟಿ ನೌಶೀನ್ ಶಾ!
