ಹಿಂದಿ ಚಿತ್ರರಂಗದ ಅಭಿನೇತ್ರಿ ಪರಿಣಿತಿ ಚೋಪ್ರಾ ಹಾಗು ಆಮ್ ಆದ್ಮಿ ಪಕ್ಷದ ಮುಖಂಡ ರಾಘವ್ ಚಡ್ಡಾ ಮದುವೆಗೆ ಕ್ಷಣಗಣನೆ ಆರಂಭವಾಗಿದೆ. ಅದ್ಧೂರಿ ಮದುವೆಗೆ ಬಾಲಿವುಡ್ ಮತ್ತು ರಾಜಕೀಯ ಕ್ಷೇತ್ರದ ಗಣ್ಯರು ಸಾಕ್ಷಿಯಾಗಲಿದ್ದಾರೆ. ಈಗಾಗಲೇ ಭರ್ಜರಿ ಸಿದ್ಧತೆಗಳು ನಡೆದಿವೆ. ನಾಳೆ ಮತ್ತು ನಾಡಿದ್ದು ಮದುವೆ ಕಾರ್ಯಕ್ರಮಗಳು ಜರುಗಲಿವೆ. ಈ ಹಿನ್ನೆಲೆಯಲ್ಲಿ ವಧು, ವರ ಮದುವೆ ಸ್ಥಳ ತಲುಪಿದ್ದಾರೆ.
ಇಂದು ಮುಂಜಾನೆ ರಾಗ್ನೀತಿ ಜೋಡಿ ದೆಹಲಿ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಪತಿ-ಪತ್ನಿಯರಾಗಲಿರುವ ಪ್ರೇಮಪಕ್ಷಿಗಳು ರಾಜಸ್ಥಾನಕ್ಕೆ ಪಯಣ ಬೆಳೆಸಿದರು. ಸೆಪ್ಟೆಂಬರ್ 24 ರಂದು ಮಾಂಗಲ್ಯ ಧಾರಣೆ ಶಾಸ್ತ್ರ ನಡೆಯಲಿದೆ.
ಪರಿಣಿತಿ ಚೋಪ್ರಾ ಮತ್ತು ರಾಘವ್ ಚಡ್ಡಾ ಮದುವೆ ಸಾಕಷ್ಟು ಸುದ್ದಿ ಮಾಡುತ್ತಿದೆ. ಇಬ್ಬರೂ ಕೂಡ ವಿಭಿನ್ನ ಕ್ಷೇತ್ರದ ಗಣ್ಯ ವ್ಯಕ್ತಿಗಳಾದ ಹಿನ್ನೆಲೆಯಲ್ಲಿ ಕುತೂಹಲ ಸಹಜ. ಪರಿಣಿತಿ ಹಿಂದಿ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದರೆ, ರಾಜಕೀಯ ಕ್ಷೇತ್ರದಲ್ಲಿ ರಾಘವ್ ಚಡ್ಡಾ ಯಂಗ್ ಆ್ಯಂಡ್ ಎನರ್ಜಿಟಿಕ್ ಲೀಡರ್ ಆಗಿ ಗುರುತಿಸಿಕೊಂಡವರು. ಸೆಪ್ಟೆಂಬರ್ 23, ಅಂದರೆ ನಾಳೆ ಮದುವೆಗೆ ಸಂಬಂಧಿಸಿದ ಪೂರ್ವ ಆಚರಣೆಗಳು ಪ್ರಾರಂಭವಾಲಿವೆ. ಸೆಪ್ಟೆಂಬರ್ 24ಕ್ಕೆ ಬಹುದಿನಗಳ ಪ್ರೀತಿಗೆ ಮದುವೆ ಎಂಬ ಅಧಿಕೃತ ಮುದ್ರೆ ಒತ್ತಲಿದ್ದಾರೆ ರಾಗ್ನೀತಿ.
ಪಾಪರಾಜಿಗಳು ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ಇಂದಿನ ವಿಡಿಯೋ ಶೇರ್ ಮಾಡಿದ್ದು, ಆನ್ಲೈನ್ನಲ್ಲಿ ವೈರಲ್ ಆಗಿದೆ. ಪರಿಣಿತಿ ಚೋಪ್ರಾ ಮೊಗದಲ್ಲಿ ನವವಧುವಿನ ಕಳೆ ಎದ್ದು ಕಾಣುತ್ತಿತ್ತು. ಮತ್ತೊಂದೆಡೆ, ಸಂಸದ ರಾಘವ್ ಚಡ್ಡಾ ಬ್ಲ್ಯೂ ಜೀನ್ಸ್, ಬ್ಲ್ಯಾಕ್ ಟೀ ಶರ್ಟ್ನಲ್ಲಿ ಹೀರೋನಂತೆ ಕಾಣಿಸಿಕೊಂಡರು.
ಇದನ್ನೂ ಓದಿ: ಪರಿಣಿತಿ-ರಾಘವ್ ವಿವಾಹ: ಸೂಫಿ ನೈಟ್ ಈವೆಂಟ್ ವಿಡಿಯೋ ವೈರಲ್
ಉದಯಪುರದ ಐಷಾರಾಮಿ ಹೋಟೆಲ್ನಲ್ಲಿ ಮದುವೆ ಕಾರ್ಯಕ್ರಮಗಳು ನಡೆಯಲಿವೆ. ಅದಕ್ಕೂ ಮುನ್ನ ನವದೆಹಲಿಯ ವರನ ನಿವಾಸದಲ್ಲಿ ಈಗಾಗಲೇ ಕೆಲವು ಶಾಸ್ತ್ರಗಳು ನಡೆದಿವೆ. ನವದೆಹಲಿಯ ಗುರುದ್ವಾರದಲ್ಲಿ ಅರ್ದಾಸ್ ಶಾಸ್ತ್ರದೊಂದಿಗೆ ಆಚರಣೆಗಳನ್ನು ಆರಂಭಿಸಲಾಗಿತ್ತು. ಬಳಿಕ ಸೂಫಿ ನೈಟ್ ಈವೆಂಟ್ ನಡೆದಿದೆ. ಉಳಿದ ಕಾರ್ಯಕ್ರಮಗಳು ಉದಯಪುರದಲ್ಲಿ ನಡೆಯಲಿವೆ. ಹೋಟೆಲ್ ಲೀಲಾ ಪ್ಯಾಲೆಸ್ನಲ್ಲಿ ಮದುವೆಯ ಹೆಚ್ಚಿನ ಕಾರ್ಯಕ್ರಮಗಳು ನಡೆದರೆ, ಹೋಟೆಲ್ ತಾಜ್ ಲೇಕ್ ಪ್ಯಾಲೆಸ್ನಲ್ಲಿ ಮದುವೆ ಶಾಸ್ತ್ರ ನೆರವೇರಲಿದೆ. ಅತಿಥಿಗಳಿಗಾಗಿ ಅದ್ಧೂರಿ ವ್ಯವಸ್ಥೆ ಮಾಡಲಾಗಿದೆ.
-
#WATCH | AAP MP Raghav Chadha and actor Parineeti Chopra arrive in Udaipur. They will tie the knot in the city reportedly over this weekend. pic.twitter.com/MqJT3zV84x
— ANI (@ANI) September 22, 2023 " class="align-text-top noRightClick twitterSection" data="
">#WATCH | AAP MP Raghav Chadha and actor Parineeti Chopra arrive in Udaipur. They will tie the knot in the city reportedly over this weekend. pic.twitter.com/MqJT3zV84x
— ANI (@ANI) September 22, 2023#WATCH | AAP MP Raghav Chadha and actor Parineeti Chopra arrive in Udaipur. They will tie the knot in the city reportedly over this weekend. pic.twitter.com/MqJT3zV84x
— ANI (@ANI) September 22, 2023
ಇದನ್ನೂ ಓದಿ: 'ರಾಗ್ನೀತಿ' ಮದುವೆ ಸಂಭ್ರಮ ಹೇಗಿದೆ ಗೊತ್ತಾ?: ವೆಡ್ಡಿಂಗ್ ಥೀಮ್, ಸಂಗೀತ, ಆರತಕ್ಷತೆಯ ಸಂಪೂರ್ಣ ಮಾಹಿತಿ
ರಾಗ್ನೀತಿ ಜೋಡಿಯ ವಿಡಿಯೋ ಜೊತೆಗೆ ಮದುವೆ ಸಿದ್ಧತೆಯ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಉದಯಪುರಕ್ಕೆ ಸ್ವಾಗತ, ರಾಘವ್ ಚಡ್ಡಾ - ಪರಿಣಿತಿ ಚೋಪ್ರಾ ಎಂದು ಬರೆದಿರುವ ಬ್ಯಾನರ್ ಅಳವಡಿಸಲಾಗಿದ್ದು, ಸುತ್ತಲೂ ನೃತ್ಯಗಾರರು, ಡೋಲು ಬಾರಿಸುವವರು ಇದ್ದರು. ಇದು ಅತಿಥಿಗಳ ಸ್ವಾಗತಕ್ಕೆ ನಡೆದಿರುವ ಸಿದ್ಧತೆ ಎಂದು ನಂಬಲಾಗಿದೆ.
