ಪಂಜಾಬಿ ನಟ ಅಮೃತ್ಪಾಲ್ ಚೋಟು ಅವರಿಂದು ನಿಧನರಾಗಿದ್ದಾರೆ. ಪಿಎಫ್ಟಿಎಎ ಪಂಜಾಬ್ ಮತ್ತು ಟಿವಿ ಆಕ್ಟರ್ಸ್ ಅಸೋಸಿಯೇಷನ್ ಈ ಮಾಹಿತಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ. ಸಾವಿಗೆ ಕಾರಣ ತಿಳಿದು ಬಂದಿಲ್ಲ.
ಹಾಸ್ಯ ಕಲಾವಿದರಾಗಿದ್ದ ಚೋಟು ಅನೇಕ ಹಿಂದಿ ಮತ್ತು ಪಂಜಾಬಿ ಸಿನಿಮಾಗಳಲ್ಲಿ ಅಭಿನಯಿಸಿದ್ದರು. ಸ್ಟಾಂಡಪ್ ಕಾಮಿಡಿಯನ್ ಆಗಿ ವೃತ್ತಿ ಆರಂಭಿಸಿದ್ದರು. ಬಳಿಕ ಸಿನಿಮಾ ಕ್ಷೇತ್ರದಲ್ಲಿ ಬಹು ಬೇಡಿಕೆಯ ನಟರಾದರು.
ಅಮೃತ್ಪಾಲ್ ಸಿನಿಮಾ ಜೀವನ: 2008ರಲ್ಲಿ ಸಿಂಗ್ ಈಸ್ ಕಿಂಗ್, 2014ರಲ್ಲಿ ದಿ ಸ್ಲಮ್ ಸ್ಟಾರ್, 2015ರಲ್ಲಿ ವಿಯಹ್ ದ ಗೆರಿಸ್ ಜಿಲ್ಲಯದಲ್ಲಿ ಮಿಂಚಿದ್ದರು. 2016ರಲ್ಲಿ ಸರ್ದಜೂ 2 ಸಿನಿಮಾದಲ್ಲಿ ನಟಿಸಿದ್ದ ಇವರಿಗೆ ಸರ್ದರ್ಜಿ ಸಿನಿಮಾ ಇವರಿಗೆ ಹೆಸರು ತಂದುಕೊಟ್ಟಿತ್ತು. ಒನ್ಸ್ ಅಪನ್ ಎ ಟೈಮ್ ಇನ್ ಅಮೃತ್ಸರ್, ಸಗಿಫುಲ್ ಮತ್ತು ದೊಲ್ರತಿ ಸಿನಿಮಾದಲ್ಲಿ ನಟಿಸಿದ್ದರು. ಪಂಜಾಬಿ ನಟರಾದ ದಲ್ಜಿತ್ ಕೌರ್, ಗುರಿಂದರ್ ಡಿಪೆ ಸೇರಿದಂತೆ ಅನೇಕರು ಸಾವಿಗೆ ಸಂತಾಪ ಸೂಚಿಸಿದ್ದಾರೆ.
ಇದನ್ನೂ ಓದಿ: ಶೆಹಜಾದಾ ಸಿನಿಮಾ ಬಿಡುಗಡೆ: ಬಾಲಿವುಡ್ ಸಕ್ಸಸ್ ಮುಂದುವರಿಯುತ್ತಾ?!
