ಕನ್ನಡ ಚಿತ್ರರಂಗದಲ್ಲಿ ವಿಶೇಷ ಛಾಪು ಮೂಡಿಸಿರುವವರು ಜನಪ್ರಿಯ ನಟ ರಮೇಶ್ ಅರವಿಂದ್. ಇವರು ನಡೆಸಿಕೊಡುವ ಜೀ ವಾಹಿನಿಯ 'ವೀಕೆಂಡ್ ವಿತ್ ರಮೇಶ್' ಶೋನಲ್ಲಿ ಭಾರತದ ಮೈಕೆಲ್ ಜಾಕ್ಸನ್ ಖ್ಯಾತಿಯ ನಟ, ನೃತ್ಯ ನಿರ್ದೇಶಕ ಪ್ರಭು ದೇವ ಭಾಗಿಯಾಗಲಿದ್ದಾರೆ. ವಾಹಿನಿಯು ಮುಂದಿನ ಶೋದ ಪ್ರೋಮೋ ಬಿಡುಗಡೆ ಮಾಡಿದ್ದು ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ.
ಕನ್ನಡಿಗರ ಅಚ್ಚುಮೆಚ್ಚಿನ ಮತ್ತು ಕಿರುತೆರೆಯ ಅತಿ ದೊಡ್ಡ ಶೋ ಎಂದೇ ಜನಪ್ರಿಯವಾಗಿದೆ 'ವೀಕೆಂಡ್ ವಿತ್ ರಮೇಶ್'. ಕಾರ್ಯಕ್ರಮದಲ್ಲಿ ಸಾಧಕರ ಬದುಕಿನ ಚಿತ್ರಣ ಅನಾವರಣಗೊಳ್ಳುತ್ತದೆ. ಈ ಹಿನ್ನೆಲೆಯಲ್ಲಿ ಹೆಚ್ಚಿನ ಸಂಖ್ಯೆ ವೀಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿ ಆಗಿದೆ 'ವೀಕೆಂಡ್ ವಿತ್ ರಮೇಶ್'.
- " class="align-text-top noRightClick twitterSection" data="
">
ಈ ಶೋನ 5ನೇ ಸೀಸನ್ನ ಮೊದಲ ಎಪಿಸೋಡ್ ಕಳೆದ ವಾರಾಂತ್ಯ ಅದ್ಧೂರಿಯಾಗಿ ಆರಂಭವಾಗಿದೆ. ಮೊದಲ ಅತಿಥಿಯಾಗಿ ಸ್ಯಾಂಡಲ್ವುಡ್ ಮೋಹಕತಾರೆ ರಮ್ಯಾ ಭಾಗಿಯಾಗಿದ್ದು, ರಮೇಶ್ ಅರವಿಂದ್ ನಟಿಯ ಸಾಧನೆ ಬಗ್ಗೆ ಮಾತನಾಡಿದ್ದರು. ಎಪಿಸೋಡ್ ಸಾಕಷ್ಟು ಜನರ ಮನ ಮುಟ್ಟಿದ್ದು, ಕನ್ನಡ ಭಾಷೆ ವಿಚಾರವಾಗಿ ಕೆಲವರ ಕೆಂಗಣ್ಣಿಗೂ ಗುರಿಯಾಗಿತ್ತು. ಸಾಮಾಜಿಕ ಜಾಲತಾಣದಲ್ಲಿ ಕನ್ನಡದ ನಟಿಗೆ ಕನ್ನಡವೇ ಗೊತ್ತಿಲ್ಲ ಎಂದು ಕೆಲವರು ಕಿಡಿಕಾರಿದ್ದರು. ನಟಿಯನ್ನು ಹಿಗ್ಗಾಮುಗ್ಗ ಟ್ರೋಲ್‌ಗೀಡು ಮಾಡಿದ್ದರು.
ಇದೀಗ 'ವೀಕೆಂಡ್ ವಿತ್ ರಮೇಶ್' ಶೋದಲ್ಲಿ ಎರಡನೇ ಅತಿಥಿಯಾಗಿ ಪ್ರಭುದೇವ ಭಾಗಿಯಾಗಲಿದ್ದಾರೆ. ಪ್ರಭುದೇವ ಸಾಧನೆಯ ಕಥೆ ಹೇಳಲು ನಿರೂಪಕ ರಮೇಶ್ ಅರವಿಂದ್ ಕೂಡ ಸಿದ್ಧರಾಗಿದ್ದಾರೆ. ಸಾಧಕರ ಕುರ್ಚಿಯಲ್ಲಿ ಮೋಡಿ ಮಾಡೋಕೆ ಈ ವೀಕೆಂಡ್ ಬರ್ತಿದ್ದಾರೆ ಭಾರತದ ಮೈಕೆಲ್ ಜಾಕ್ಸನ್! ಎಂಬ ಕ್ಯಾಪ್ಷನ್ ಕೊಟ್ಟು ವಾಹಿನಿ ಸಾಮಾಜಿಕ ಜಾಲತಾಣದಲ್ಲಿ ಪ್ರೋಮೋ ಶೇರ್ ಮಾಡಿದೆ.
ಇದನ್ನೂ ಓದಿ: ಹೊಸ ಫೋಟೋಗಳನ್ನು ಶೇರ್ ಮಾಡಿಕೊಂಡ ರಶ್ಮಿಕಾ; ವಾಹ್! ಎಂದ ಫ್ಯಾನ್ಸ್‌- ನೀವೂ ನೋಡಿ
ವೀಕೆಂಡ್ ವಿತ್ ರಮೇಶ್ ಸೀಸನ್ - 5 ಮಾರ್ಚ್ 25 ರಂದು ಆರಂಭಗೊಂಡಿದೆ. ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9ಕ್ಕೆ ಈ ಕಾರ್ಯಕ್ರಮ ಪ್ರಸಾರವಾಗುತ್ತಿದೆ. ಈ ಬಾರಿಯ ಸಾಧಕರ ಪಟ್ಟಿಯಲ್ಲಿ ರಮ್ಯಾ, ಪ್ರಭುದೇವ ಅಲ್ಲದೇ ನಟರಾದ ಧ್ರುವ ಸರ್ಜಾ, ನಟಿ ರಚಿತಾ ರಾಮ್, ಮಾಲಾಶ್ರೀ ಮತ್ತು ಹೃದ್ರೋಗ ತಜ್ಞ ಡಾ. ಮಂಜುನಾಥ್ ಕೂಡ ಸೇರಿದ್ದಾರೆ. "ರಾಜಕಾರಣಿಗಳೂ ಸೇರಿದಂತೆ ಅನೇಕ ತಾರೆಯರೊಂದಿಗೆ ಮಾತುಕತೆ ನಡೆಸುತ್ತಿದ್ದೇವೆ. ಕೆಲ ರಾಜಕಾರಣಿಗಳು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ನಮ್ಮನ್ನು ಸಂಪರ್ಕಿಸಿದ್ದಾರೆ. ಆದರೆ, ಈ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ" ಎಂದು ಜೀ ಚಾನೆಲ್ ಮುಖ್ಯಸ್ಥ ರಾಘವೇಂದ್ರ ಹುಣಸೂರು ತಿಳಿಸಿದ್ದರು.
ಇದನ್ನೂ ಓದಿ: 'ಆಮ್ ಆದ್ಮಿ' ರಾಘವ್ ಜೊತೆ ಮದುವೆ ಪ್ರಶ್ನೆಗೆ ನಾಚಿ ನೀರಾದ ಪರಿಣಿತಿ ಚೋಪ್ರಾ
