ಸ್ಯಾಂಡಲ್‌ವುಡ್‌ನ ಹಿರಿಯ ನಿರ್ಮಾಪಕ ಕೆ. ಮಂಜು ಪುತ್ರ ಶ್ರೇಯಸ್ ನಾಯಕನಾಗಿ ನಟಿಸುತ್ತಿರುವ ಬಹು ನಿರೀಕ್ಷಿತ ಸಿನಿಮಾ ರಾಣ. ಹಾಡು, ಆ್ಯಕ್ಷನ್ ಟ್ರೈಲರ್ನಿಂದಲೇ ಗಾಂಧಿ ನಗರದಲ್ಲಿ ಟಾಕ್ ಆಗುತ್ತಿರುವ ರಾಣ ಸಿನಿಮಾ ಪ್ರೇಕ್ಷಕರ ಮನ ಗೆಲ್ಲಲು ಸಜ್ಜಾಗಿದೆ. ಪಡ್ಡೆಹುಲಿ ಶ್ರೇಯಸ್ ಸಾಕಷ್ಟು ತಯಾರಿ ಮಾಡಿಕೊಂಡು ಅಭಿನಯಿಸಿರೋ ಚಿತ್ರವಿದು.
ಈ ಕಾರಣಕ್ಕೆ ರಾಣ ಚಿತ್ರ ಶ್ರೇಯಸ್ ಸಿನಿಮಾ ಕೆರಿಯರ್ಗೆ ಹೊಸ ತಿರುವು ಕೊಡುವ ಚಿತ್ರ ಆಗಲಿದೆ ಅನ್ನೋದು ಟ್ರೈಲರ್ ನೋಡಿದವರ ಮಾತು. ಇದೀಗ ರಾಣ ಚಿತ್ರತಂಡ ಆ್ಯಕ್ಷನ್ ಮೇಕಿಂಗ್ ವಿಡಿಯೋವೊಂದನ್ನು ರಿವೀಲ್ ಮಾಡಿ ಪ್ರೇಕ್ಷಕರ ಕುತೂಹಲವನ್ನು ದುಪ್ಪಟ್ಟು ಮಾಡಿದೆ.
ಸದ್ಯ ಅನಾವರಣ ಆಗಿರೋ ಆ್ಯಕ್ಷನ್ ಮೇಕಿಂಗ್ ವಿಡಿಯೋ ನೋಡಿದರೆ ಸಾಕಷ್ಟು ಬಾರಿ ಆ್ಯಕ್ಷನ್ ಸನ್ನಿವೇಶಗಳಿಗೆ ಶ್ರೇಯಸ್ ಪ್ರಾಕ್ಟೀಸ್ ಮಾಡಿ ಫೈಟ್ ಮಾಡಿರೋದು ಗೊತ್ತಾಗುತ್ತದೆ. ನಿರ್ದೇಶಕ ನಂದ ಕಿಶೋರ್ ಹಾಗೂ ನಿರ್ಮಾಪಕ ಗುಜ್ಜಲ್ ಪುರುಷೋತ್ತಮ್ ಕೂಡ ಈ ಭರ್ಜರಿ ಆ್ಯಕ್ಷನ್ ಸೀನ್ಗಳಿಗಾಗಿ ಅದ್ಧೂರಿ ಸೆಟ್ ಹಾಕಿ ಚಿತ್ರೀಕರಣ ಮಾಡಲಾಗಿದೆ.
ಸಾಹಸ ನಿರ್ದೇಶಕರಾದ ರವಿವರ್ಮ ಹಾಗೂ ಚೇತನ್ ಈ ಆ್ಯಕ್ಷನ್ ಸನ್ನಿವೇಶಗಳನ್ನು ಕಂಪೋಸ್ ಮಾಡಿದ್ದಾರೆ. ಸ್ಟಂಟ್ ಮಾಸ್ಟರ್ಸ್ ಹೇಳಿದಂತೆ ಶ್ರೇಯನ್ ಮಂಜು ಕೂಡ ಬಹಳ ಎಫರ್ಟ್ ಹಾಕಿ ಫೈಟ್ ಸೀನ್ಗಳನ್ನು ಉತ್ತಮವಾಗಿ ಮಾಡಿದ್ದಾರೆ.
ಮಾಸ್ ಟೈಟಲ್ನಿಂದಲೇ ಕ್ರೇಜ್ ಹುಟ್ಟಿಸಿರೋ ರಾಣ ಸಿನಿಮಾ ಕಂಪ್ಲೀಟ್ ಲವ್ ಸ್ಟೋರಿ ಜೊತೆಗೆ ಆ್ಯಕ್ಷನ್ ಸಿನಿಮಾ. ಈ ಚಿತ್ರದಲ್ಲಿ ಶ್ರೇಯಸ್ ಮಂಜು ರಗಡ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ರೀಷ್ಮಾ ನಾಣಯ್ಯ ಹಾಗು ರಜನಿ ಭಾರದ್ವಾಜ್ ಅವರು ಶ್ರೇಯಸ್ ಅವರೊಂದಿಗೆ ರೊಮ್ಯಾಂಟಿಕ್ ಸೀನ್ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಶ್ರೇಯಸ್, ರೀಷ್ಮಾ ನಾಣಯ್ಯ ಅಲ್ಲದೇ ಈ ಚಿತ್ರದಲ್ಲಿ ಕೋಟೆ ಪ್ರಭಾಕರ್, ಅಶೋಕ್, ರಘು ಸೇರಿದಂತೆ ಸಾಕಷ್ಟು ಕಲಾವಿದರು ಅಭಿನಯಿಸಿದ್ದಾರೆ.
ಇದನ್ನೂ ಓದಿ: 'ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ' ಚಿತ್ರಕ್ಕೆ ನಟಿ ರಮ್ಯಾ ಸಾಥ್
ಪೊಗರು ಸಿನಿಮಾ ಬಳಿಕ ನಂದ ಕಿಶೋರ್ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದು, ಚಂದನ್ ಶೆಟ್ಟಿ ಈ ಸಿನಿಮಾಗೆ ಸಂಗೀತ ನೀಡಿದ್ದಾರೆ. ಕ್ಯಾಮಾರಮ್ಯಾನ್ ಶೇಖರ್ ಚಂದ್ರ ಈ ಚಿತ್ರಕ್ಕೆ ಬಹಳ ಅದ್ಭುತ ಕ್ಯಾಮರಾ ವರ್ಕ್ ಮಾಡಿದ್ದಾರೆ. ಕೆ.ಮಂಜು ಅವರ ಸಹಕಾರದಿಂದ ನಿರ್ಮಾಪಕ ಗುಜ್ಜಲ್ ಪುರುಷೋತ್ತಮ್ ಅದ್ದೂರಿ ವೆಚ್ಚದಲ್ಲಿ ನಿರ್ಮಾಣ ಮಾಡಿದ್ದಾರೆ.
ಸದ್ಯ ಹಾಡುಗಳು ಹಾಗೂ ಟ್ರೈಲರ್ನಿಂದಲೇ ಸ್ಯಾಂಡಲ್ವುಡ್ನಲ್ಲಿ ಗೆಲ್ಲುವ ಸೂಚನೆ ನೀಡುತ್ತಿರೋ ಈ ಚಿತ್ರದ ಪ್ರೀ ರಿಲೀಸ್ ಇವೆಂಟ್ ನಾಳೆ ನಡೆಯಲಿದೆ. ಇದೇ ನವೆಂಬರ್ 11ಕ್ಕೆ ರಾಣ ಸಿನಿಮಾ ರಾಜ್ಯಾದ್ಯಂತ ತೆರೆ ಕಾಣಲಿದ್ದು, ಶ್ರೇಯಸ್ ಮಂಜುಗೆ ಈ ಚಿತ್ರ ಒಳ್ಳೆ ಹೆಸರು ತಂದುಕೊಡುವ ಎಲ್ಲ ಲಕ್ಷಣಗಳು ಕಾಣ್ತಾ ಇದೆ.
