ಹಿಂದಿ ಬಿಗ್ ಬಾಸ್ ಓಟಿಟಿ 2ರ ಆರನೇ ವಾರ ಆರಂಭವಾಗಿದೆ. ಕಳೆದ ವಾರ ವೈಲ್ಡ್ಕಾರ್ಡ್ ಎಂಟ್ರಿಕೊಟ್ಟ ಸ್ಪರ್ಧಿಗಳ ಸೇರ್ಪಡೆಯೊಂದಿಗೆ ಸ್ಪರ್ಧೆಯು ಮತ್ತಷ್ಟು ಬೆಳೆದಿದೆ. ಫಾಲಾಕ್ ನಾಜ್ ಅವರನ್ನು ಮನೆಯಿಂದ ಹೊರಹಾಕಿದ ನಂತರ, ಇದೀಗ ಈ ವಾರದ ನಾಮ ನಿರ್ದೇಶನಗಳ ಸಮಯ. ಮುಂಬರುವ ಸಂಚಿಕೆಯ ತುಣುಕನ್ನು ಜಿಯೋ ಸಿನಿಮಾದಲ್ಲಿ ಹಂಚಿಕೊಳ್ಳಲಾಗಿದೆ. ಅದರಲ್ಲಿ ಮನೆಯ ಸದಸ್ಯರೇ ಈ ಬಾರಿ ಮನೆಯ ಸದಸ್ಯರನ್ನು ನಾಮಿನೇಟ್ ಮಾಡುವುದನ್ನು ತೋರಿಸುತ್ತದೆ.
ನಾಟಕ, ವಿವಾದಗಳು, ಜಗಳ, ತಿರುವುಗಳು ಬಿಗ್ ಬಾಸ್ನ ಒಂದು ಭಾಗವಾಗಿದ್ದು, ಪ್ರೇಕ್ಷಕರು ಇದನ್ನು ಸಾಕಷ್ಟು ನೋಡಿದ್ದಾರೆ. ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅವರ ವಾರಾಂತ್ಯದ ಕಾರ್ಯಕ್ರಮ ಸೇರಿದಂತೆ, ಮನೆಯಲ್ಲಿ ವಿವಿಧ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವ ಸ್ಪರ್ಧಿಗಳು, ಬಿಸಿ ಜಗಳಗಳು, ಲವ್ ಸ್ಟೋರಿಸ್, ರೊಮ್ಯಾನ್ಸ್, ಕಾಂಪಿಟೇಶನ್, ಉತ್ತಮ ಪ್ರದರ್ಶನಗಳು ಎಲ್ಲವೂ ಬಿಗ್ ಬಾಸ್ ಪ್ರೇಮಿಗಳಿಗೆ ತಿಳಿದಿದೆ. ಇನ್ನೇನು ಸ್ಪರ್ಧೆಯ ಅಂತಿಮ ದಿನಗಳು ಹತ್ತಿರವಾಗುತ್ತಿದ್ದಂತೆ ಸವಾಲುಗಳು, ಕಾಂಪಿಟೇಶನ್ಗಳು ನಿತ್ಯ ಹೆಚ್ಚು ಹೆಚ್ಚು ತೀವ್ರಗೊಳ್ಳುತ್ತಿವೆ.
ಮಂಗಳವಾರ ರಾತ್ರಿ 9 ಗಂಟೆಗೆ ಪ್ರಸಾರವಾಗುವ ಬಿಗ್ ಬಾಸ್ ಓಟಿಟಿ 2 ಮನೆಯಲ್ಲಿ ನಾಮಿನೇಷನ್ ಟಾಸ್ಕ್ ನಡೆಯಲಿದೆ. ಇಂದಿನ ಸಂಚಿಕೆಯಲ್ಲಿ ಪ್ರಸ್ತುತ ಹೌಸ್ ಕ್ಯಾಪ್ಟನ್ ಆಗಿರುವ ಪೂಜಾ ಭಟ್ ಅವರು ಅಭಿಷೇಕ್ ಮಲ್ಹಾನ್ ಅವರನ್ನು ನಾಮ ನಿರ್ದೇಶನದಿಂದ ರಕ್ಷಿಸಲು ತಮ್ಮ ಅಧಿಕಾರವನ್ನು ಚಲಾಯಿಸುತ್ತಿರುವುದನ್ನು ನಾವು ಕಾಣಬಹುದು. ಇತರ ಸ್ಪರ್ಧಿಗಳು ಒಂದು ದೊಡ್ಡ ಮರದ ಕೆಳಗೆ ನಿಂತಿರುವುದನ್ನು ನೋಡಬಹುದು.
ನಾಮನಿರ್ದೇಶನದ ವೇಳೆ ಒಬ್ಬ ಸ್ಪರ್ಧಿಯು ಮತ್ತೊಬ್ಬ ಸ್ಪರ್ಧೆಯ ಬಗ್ಗೆ ನೆಗೆಟಿವ್ ಮಾತನಾಡುವ ಮೂಲಕ ಆತನನ್ನು ನಾಮಿನೇಟ್ ಮಾಡಬೇಕಾಗುತ್ತದೆ. ಸ್ಪರ್ಧೆಯ ಒಂದು ನೋಟ ಹಂಚಿಕೊಳ್ಳುತ್ತಾ ತಯಾರಕರು, "ಮನೆಯವರು ಪ್ರತಿ ನಾಮನಿರ್ದೇಶನದೊಂದಿಗೆ ಕೆಲವು ಕಹಿ ಸತ್ಯಗಳನ್ನು ಹೇಳುತ್ತಾರೆ. ಇಂದು ರಾತ್ರಿ 9 ಗಂಟೆಗೆ ಬಿಗ್ ಬಾಸ್ ಓಟಿಟಿ 2 ಸಂಚಿಕೆಯಲ್ಲಿ ತಿಳಿಯಿರಿ. ಜಿಯೋ ಸಿನಿಮಾದಲ್ಲಿ ಉಚಿತ ಸ್ಟ್ರೀಮಿಂಗ್" ಎಂದು ಬರೆದಿದ್ದಾರೆ.
ಯಾರು ಎಷ್ಟು ಸ್ಪರ್ಧಿಗಳನ್ನು ನಾಮನಿರ್ದೇಶನ ಮಾಡುತ್ತಾರೆ ಎಂಬುದನ್ನು ಆಯ್ಕೆ ಮಾಡುವ ಅಧಿಕಾರವನ್ನು ಹೌಸ್ ಕ್ಯಾಪ್ಟನ್ಗೆ ನೀಡಲಾಗಿದೆ. ಮನಿಶಾ ರಾಣಿ ಮತ್ತು ಆಶಿಕಾ ಭಾಟಿಯಾ ಅವರನ್ನು ನಾಲ್ವರು ಸ್ಪರ್ಧಿಗಳು ಸೂಚಿಸಿದ್ದಾರೆ. ಜಿಯಾ ಶಂಕರ್ ಮತ್ತು ಜಡ್ ಹದಿದ್ ಅವರನ್ನು ಒಬ್ಬೊಬ್ಬರು ನಾಮನಿರ್ದೇಶನ ಮಾಡಿದರು. ಬೇಬಿಕಾ ಧುರ್ವೆ, ಅವಿನಾಶ್ ಸಚ್‌ದೇವ್ ಮತ್ತು ಎಲ್ವಿಶ್ ಯಾದವ್ ಅವರನ್ನು ಇಬ್ಬರು ಸ್ಪರ್ಧಿಗಳು ನಾಮನಿರ್ದೇಶನ ಮಾಡಿದ್ದಾರೆ.
ಇದರ ಪರಿಣಾಮವಾಗಿ ಮನಿಶಾ ರಾಣಿ ಮತ್ತು ಆಶಿಕಾ ಭಾಟಿಯಾ ಇಬ್ಬರೇ ನಾಮಿನೇಟ್ ಆಗಿದ್ದಾರೆ. ಕಳೆದ ವಾರಾಂತ್ಯದಲ್ಲಿ ಫಲಾಕ್ ನಾಜ್ ಅವರನ್ನು ಮನೆಯಿಂದ ಹೊರಹಾಕಲಾಗಿತ್ತು. ಇನ್ನೂ ವಾರ ನಾಮಿನೇಟ್ ಆಗಿರುವ ಇಬ್ಬರಿಗೂ ಅಭಿಮಾನಿಗಳ ಸಮೂಹವೇ ಇದೆ. ಹೀಗಾಗಿ ಈ ಬಾರಿ ಯಾರು ಮನೆಯಿಂದ ಹೊರಹೋಗಲಿದ್ದಾರೆ ಎಂಬುದೇ ಕುತೂಹಲವಾಗಿದೆ. ಈ ಬಗ್ಗೆ ನಿಮ್ಮಲ್ಲಿಯೂ ಆಸಕ್ತಿ ಇದ್ದಲ್ಲಿ ಪ್ರತಿ ರಾತ್ರಿ 9 ಗಂಟೆಗೆ ಜಿಯೋ ಸಿನಿಮಾದಲ್ಲಿ ಬಿಗ್ ಬಾಸ್ ಓಟಿಟಿ 2 ಕಾರ್ಯಕ್ರಮವನ್ನು ವೀಕ್ಷಿಸಬಹುದು.
ಇದನ್ನೂ ಓದಿ: 'ಡ್ರೀಮ್ ಗರ್ಲ್ 2' ಪೂಜಾ ಲುಕ್ ಔಟ್: ಮೆಚ್ಚುಗೆ ವ್ಯಕ್ತಪಡಿಸಿದ ಆಯುಷ್ಮಾನ್ ಖುರಾನಾ ಪತ್ನಿ
