ಮೆಟ್ ಗಾಲಾ ಎಂಬುದು ಪ್ರತಿ ವರ್ಷ ನ್ಯೂಯಾರ್ಕ್ನಲ್ಲಿ ನಡೆಯುವ ಒಂದು ಫ್ಯಾಷನ್ ಹಬ್ಬ. ಕೆಲ ದಿನಗಳ ಹಿಂದೆ ಅಮೆರಿಕದ ಮೆಟ್ರೋಪಾಲಿಟನ್ ಮ್ಯೂಸಿಯಂ ಆಫ್ ಆರ್ಟ್ನಲ್ಲಿ 'ಮೆಟ್ ಗಾಲಾ 2023' ಅದ್ಧೂರಿಯಾಗಿ ನೆರವೇರಿತು. ನಟಿಯರಾದ ಪ್ರಿಯಾಂಕಾ ಚೋಪ್ರಾ, ಆಲಿಯಾ ಭಟ್, ಇಶಾ ಅಂಬಾನಿ ಮತ್ತು ಉದ್ಯಮಿ ನತಾಶಾ ಪೂನಾವಾಲಾ ಕಾರ್ಯಕ್ರಮದಲ್ಲಿ ವಿಶೇಷ ದಿರಿಸಿನಲ್ಲಿ ಮಿಂಚಿದ್ದರು.
ಅದರಲ್ಲೂ ಪ್ರಿಯಾಂಕಾ ಮತ್ತು ಆಲಿಯಾ ವಿಶೇಷವಾಗಿ ತಮ್ಮ ಸೌಂದರ್ಯವನ್ನು ಪ್ರದರ್ಶಿಸಿದರು. ಪ್ರಿಯಾಂಕಾ ಮೆಟ್ ಗಾಲಾದಲ್ಲಿ ಕಾಣಿಸಿಕೊಂಡಿದ್ದು ಇದು ನಾಲ್ಕನೇ ಬಾರಿ. ಆದರೆ ಆಲಿಯಾಗೆ ಈ ವೇದಿಕೆ ಹೊಸತು. ಹೀಗಾಗಿಯೇ ನಟಿ ಕೊಂಚ ನರ್ವಸ್ ಆಗಿದ್ದರು. ಚೊಚ್ಚಲ ಪ್ರವೇಶದ ಬಗ್ಗೆ ಅವರು ಆತಂಕಗೊಂಡಿದ್ದರು.
- " class="align-text-top noRightClick twitterSection" data="
">
ಈ ವಿಚಾರವಾಗಿ ಅವರು ವಿಡಿಯೋ ಮೂಲಕ ಮಾತನಾಡಿದ್ದಾರೆ. ಪ್ರಿಯಾಂಕಾ ಚೋಪ್ರಾ ಬಗ್ಗೆಯೂ ವಿಶೇಷವಾಗಿ ಹೇಳಿದ್ದಾರೆ. ಮೆಟ್ ಗಾಲಾ 2023 ರಲ್ಲಿ ತನ್ನ ಚೊಚ್ಚಲ ಪ್ರವೇಶ ಮತ್ತು ಆತಂಕದ ಬಗ್ಗೆ ಆಲಿಯಾ ಬಹಿರಂಗಪಡಿಸಿರುವುದು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಚರ್ಚೆಯಾಗುತ್ತಿದೆ. ವಿಡಿಯೋ ಸಖತ್ ವೈರಲ್ ಆಗುತ್ತಿದ್ದು, ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ವಿಡಿಯೋದಲ್ಲೇನಿದೆ?: ಮೆಟ್ ಗಾಲಾ 2023 ರ ರೆಡ್ ಕಾರ್ಪೆಟ್ ಮೇಲೆ ಹೆಜ್ಜೆ ಹಾಕುವ ಮೊದಲು ಪ್ರಿಯಾಂಕಾ ಚೋಪ್ರಾ ಅವರೊಂದಿಗೆ ಆಲಿಯಾ ಮಾತನಾಡಿದ್ದರು ಎಂದು ಅವರೇ ಹೇಳಿಕೊಂಡಿದ್ದಾರೆ. ಅಲ್ಲಿನ ವಾತಾವರಣವನ್ನು ತಿಳಿಗೊಳಿಸಲು ಪ್ರಿಯಾಂಕಾ ಪ್ರಯತ್ನಿಸಿದ್ದರಂತೆ. ಆಲಿಯಾ ತಮ್ಮ ವೈರಲ್ ವಿಡಿಯೋದಲ್ಲಿ, 'ನಾನು ಚಿತ್ರರಂಗದಲ್ಲಿದ್ದರೂ ತುಂಬಾ ನಾಚಿಕೆ ಸ್ವಭಾವದವಳು. ನನಗೂ ತಿಳಿದಿಲ್ಲ, ನಾನು ಹೇಗೆ ಈ ವೃತ್ತಿಯಲ್ಲಿ ಇದ್ದೇನೆ ಎಂದು. ನಾನು ಮಾಡುವ ಚೇಷ್ಟೆಗಳಿಂದಲೇ ಬೆಳಕಿಗೆ ಬಂದಿದ್ದೇನೆ, ಬರುತ್ತಿದ್ದೇನೆ ಎಂದಿದ್ದಾರೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಇಳಿಕೆಯಾದ ಸಲ್ಮಾನ್ ಸಿನಿಮಾ ಗಳಿಕೆ: ಅದ್ಧೂರಿ ವೆಚ್ಚದಲ್ಲಿ ತಯಾರಾಗ್ತಿದೆ ಮುಂದಿನ ಚಿತ್ರ!
ಗಂಗೂಬಾಯಿ'ಗೆ 'ದೇಸಿ ಗರ್ಲ್' ಸಲಹೆ: ಮುಂದುವರೆದು ಹೇಳಿದ ಆಲಿಯಾ, ನನ್ನ ಸಂಕಷ್ಟವನ್ನು ಕಂಡು ಪ್ರಿಯಾಂಕಾ ಚೋಪ್ರಾ ಸಲಹೆ ನೀಡಿದ್ದಾರೆ ಎಂದಿದ್ದಾರೆ. ‘ನೀವು ವೇದಿಕೆಗೆ ಹೋಗಿ, ವಾತಾವರಣ ಅರ್ಥ ಮಾಡಿಕೊಳ್ಳಿ, ತಲ್ಲೀನರಾಗಿ, ಭಯಪಡಬೇಡಿ’ ಎಂದು ಪ್ರಿಯಾಂಕಾ ಧೈರ್ಯ ತುಂಬಿರುವುದಾಗಿ ಆಲಿಯಾ ಹೇಳಿದ್ದಾರೆ. ಇದಕ್ಕೆ ಆಲಿಯಾ, ನೀವು ನನ್ನೊಂದಿಗೆ ಬಾತ್ರೂಮ್ ಅಲ್ಲೂ ಜೊತೆಯಾಗಿರಿ ಎಂದು ತಮ್ಮ ಆತಂಕವನ್ನು ಈ ರೀತಿಯಾಗಿ ಪ್ರಿಯಾಂಕಾ ಜೊತೆ ಹಂಚಿಕೊಂಡಿದ್ದಾರೆ. ಇಂತಹ ಆಪ್ತ ಮಾತುಕತೆ ವಿಡಿಯೋದಲ್ಲಿದೆ. ಆಲಿಯಾ ಇಂತಹ ಸಣ್ಣ ವಿಷಯಕ್ಕಾಗಿ ಸದ್ಯ ಸುದ್ದಿಯಾಗಿದ್ದಾರೆ.
ಆಲಿಯಾ ವಿಡಿಯೋಗೆ ದೀಪಿಕಾ ಕಮೆಂಟ್: ಆಲಿಯಾ ಭಟ್ ಈ ವಿಡಿಯೋದಲ್ಲಿ ತಾವು ಮೊದಲ ಬಾರಿಗೆ ಮೆಟ್ ಗಾಲಾದಲ್ಲಿ ಭಾಗವಹಿಸಲು ಆತಂಕಗೊಂಡಿರುವುದಾಗಿ ಹೇಳಿದ್ದಾರೆ. ಈ ವಿಡಿಯೋಗೆ ನಟಿ ದೀಪಿಕಾ ಪಡುಕೋಣೆ ಕಮೆಂಟ್ ಮಾಡಿದ್ದಾರೆ. "ನೀವು ಇದನ್ನು ಸಾಧಿಸಿದ್ದೀರಿ" ಎಂದು ಬರೆದು, ಹೃದಯದ ಎಮೋಜಿನೊಂದಿಗೆ ಪ್ರತಿಕ್ರಿಯಿಸಿದ್ದಾರೆ. ಆನ್ಲೈನ್ನಲ್ಲಿ ಟೀಕೆಗಳನ್ನು ಎದುರಿಸುತ್ತಿದ್ದ ಆಲಿಯಾಗೆ ಈ ಕಮೆಂಟ್ ವಿಶೇಷ ಪ್ರಾಮುಖ್ಯತೆಯನ್ನು ನೀಡಿದೆ.
ಇದನ್ನೂ ಓದಿ: ರಾಘವ್ ಶರ್ಟ್ ಧರಿಸಿ ಬಂದ ಪರಿಣಿತಿ: ಮದುವೆ ಯಾವಾಗ? ಎಂದು ಪ್ರಶ್ನಿಸಿದ ಫ್ಯಾನ್ಸ್!
