ಮುಂಬೈ: ಜನಪ್ರಿಯ ಟಿವಿ ರಿಯಾಲಿಟಿ ಶೋ ಬಿಗ್ ಬಾಸ್ ಸೀಸನ್ 16ರ ವಿಜೇತರಾಗಿ ಎಂಸಿ ಸ್ಟಾನ್ ಹೊರಹೊಮ್ಮಿದ್ದಾರೆ. ತಮ್ಮ ಉತ್ತಮ ಆಟ ಹಾಗೂ ವ್ಯಕ್ತಿತ್ವದಿಂದ ಲಕ್ಷಾಂತರ ಅಭಿಮಾನಿಗಳ ಮನಗೆದ್ದಿದ್ದ ಸ್ಟಾನ್ಗೆ ಕಾರ್ಯಕ್ರಮದ ನಿರೂಪಕ ಮತ್ತು ಬಾಲಿವುಡ್ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಟ್ರೋಫಿ ಜೊತೆ 31 ಲಕ್ಷಕ್ಕೂ ಹೆಚ್ಚು ನಗದು ಮತ್ತು ಕಾರನ್ನು ನೀಡಿದರು.
ಅಕ್ಟೋಬರ್ 1, 2022 ರಂದು ಪ್ರಾರಂಭವಾದ ಬಿಗ್ ಬಾಸ್ ಸೀಸನ್ 16ರ ಕಾರ್ಯಕ್ರಮದಲ್ಲಿ ಫೈನಲ್ಗೆ ಪ್ರಿಯಾಂಕಾ ಚಾಹರ್ ಚೌಧರಿ, ಎಂಸಿ ಸ್ಟಾನ್, ಶಿವ ಠಾಕ್ರೆ, ಅರ್ಚನಾ ಗೌತಮ್ ಮತ್ತು ಶಾಲಿನ್ ಭಾನೋಟ್ ಉಳಿದುಕೊಂಡಿದ್ದರು. ಇವರಲ್ಲಿ ಎಂಸಿ ಸ್ಟಾನ್ ಮೊದಲ ರನ್ನರ್ ಅಪ್ ಆಗಿದ್ದು, ಶಿವ ಠಾಕ್ರೆ ಎರಡನೇ ಸ್ಥಾನ ಪಡೆದುಕೊಂಡರು. ವಿಜೇತೆ ಎಂದು ಬಿಂಬಿಸಲಾಗಿದ್ದ ಜನಪ್ರಿಯ ಟಿವಿ ತಾರೆ ಪ್ರಿಯಾಂಕಾ ಚಾಹರ್ ಚೌಧರಿ ಮೂರನೇ ಸ್ಥಾನದಲ್ಲಿದ್ದಾರೆ. ರಾಜಕಾರಣಿ, ಮಾಡೆಲ್ ಅರ್ಚನಾ ಗೌತಮ್ ನಾಲ್ಕನೇ ಸ್ಥಾನ ಪಡೆದರು. "ಸಾತ್ ಫೇರೆ: ಸಲೋನಿ ಕಾ ಸಫರ್" ಮತ್ತು "ಡಿಲ್ ಮಿಲ್ ಗಯ್ಯೆ" ನಂತಹ ಕಾರ್ಯಕ್ರಮಗಳಿಗೆ ಹೆಸರುವಾಸಿಯಾಗಿರುವ ನಟ ಶಾಲಿನ್ ಭಾನೋಟ್ ಐದನೇ ಸ್ಥಾನ ಗಳಿಸಿದರು.
ಇದನ್ನೂ ಓದಿ: ಕಿರುಕುಳದ ಬಗ್ಗೆ ಕಿರುತೆರೆ ನಟಿ ಸಾನ್ಯಾ ಅಯ್ಯರ್ ಹೇಳಿದ್ದೇನು?
ವೇದಿಕೆ ಮೇಲೆ ಮಾತನಾಡಿದ ಸ್ಟಾನ್ " ಸಲ್ಮಾನ್ ಖಾನ್ ಸರ್, ನೀವು ನನಗೆ ಅನೇಕ ವಿಚಾರಗಳ ಕುರಿತು ಕಲಿಸಿ ಕೊಟ್ಟಿದ್ದೀರಿ, ಇದೆಲ್ಲದಕ್ಕೂ ನಾನು ನಿಮಗೆ ಕೃತಜ್ಞನಾಗಿದ್ದೇನೆ. ನಿಮ್ಮದು ನಿಜವಾದ ವ್ಯಕ್ತಿತ್ವ, ಯಾವುದೇ ಮೋಸವಿಲ್ಲ. ನನ್ನ ಈ ಗೆಲುವಿನಿಂದ ತಂದೆ, ತಾಯಿ ಬಹಳ ಹೆಮ್ಮೆಪಡುತ್ತಾರೆ. ನನಗೆ ಬಹಳಷ್ಟು ಪ್ರೀತಿ ನೀಡಿ, ಬೆಂಬಲಿಸಿದ ಎಲ್ಲರಿಗೂ ಧನ್ಯವಾದಗಳು ಎಂದರು.
ಇದನ್ನೂ ಓದಿ: ಸಲ್ಮಾನ್ ನನ್ನ ಭಾಯಿಜಾನ್ ಆಗಿ; ಸಾಜಿದ್ ಖಾನ್ರನ್ನು ಮನೆಯಿಂದ ಹೊರಹಾಕಿ: ಶೆರ್ಲಿನ್ ಚೋಪ್ರಾ
ಬಳಿಕ ಮಾತನಾಡಿದ ಠಾಕ್ರೆ, ಚಲನಚಿತ್ರ ನಿರ್ಮಾಪಕ ಸಾಜಿದ್ ಖಾನ್, ಅಬ್ದುಲ್ ರೋಝಿಕ್, ನಿಮೃತ್ ಕೌರ್ ಅಹ್ಲುವಾಲಿಯಾ ಮತ್ತು ಸುಂಬುಲ್ ತೌಕೀರ್ ಖಾನ್ ಅವರನ್ನು ಒಳಗೊಂಡಿರುವ ನಮ್ಮ ಸ್ನೇಹದ ಬಂಧವು ಬಿಗ್ ಬಾಸ್ನ ಮುಖ್ಯ ಅಂಶಗಳಲ್ಲಿ ಒಂದಾಗಿದೆ ಎಂದು ಒಟ್ಟಿಗೆ ಕಳೆದ ದಿನಗಳನ್ನು ಮೆಲುಕು ಹಾಕಿದರು.
ಇದನ್ನೂ ಓದಿ: ಬಿಗ್ಬಾಸ್16: ರೋಮ್ಯಾಂಟಿಕ್ ಸೀನ್ ವೇಳೆ ಕಾರ್ತಿಕ್ನನ್ನು ಅಣ್ಣಾ ಎಂದ ಅರ್ಚನಾ; ಗೊಳ್ಳೆಂದು ನಕ್ಕ ಮನೆ ಮಂದಿ
ಎಂಸಿ ಸ್ಟಾನ್ ಯಾರು?: ಎಂಸಿ ಸ್ಟಾನ್ ಭಾರತೀಯ ರಾಪರ್, ಗೀತರಚನೆಕಾರ, ಸಂಗೀತ ನಿರ್ಮಾಪಕ ಮತ್ತು ಸಂಯೋಜಕ. 2019 ರಲ್ಲಿ ಬಿಡುಗಡೆಯಾದ ಅವರ 'ಖುಜಾ ಮತ್' ಹಾಡಿನ ನಂತರ ಹೆಚ್ಚು ಖ್ಯಾತಿ ಗಳಿಸಿದರು. ರಾಪಿಂಗ್‌ಗೆ ಪ್ರವೇಶಿಸುವ ಮೊದಲು ಸ್ಟಾನ್, ಬಿ-ಬಾಯಿಂಗ್ ಮತ್ತು ಬೀಟ್‌ಬಾಕ್ಸಿಂಗ್‌ನಲ್ಲಿದ್ದರು.
ಇದನ್ನೂ ಓದಿ: ಖತ್ರೋನ್ ಕೆ ಖಿಲಾಡಿ ಶೋ ಆಫರ್ ತಿರಸ್ಕರಿಸಿದ ಬಿಗ್ ಬಾಸ್ ಸ್ಪರ್ಧಿ ಶಾಲಿನ್ ಭಾನೋಟ್!
