ಬಾಲಿವುಡ್ ನಟರಾದ ಸಲ್ಮಾನ್ ಖಾನ್ ಹಾಗೂ ಕತ್ರಿನಾ ಕೈಫ್ ಮುಖ್ಯಭೂಮಿಕೆಯ ಮುಂದಿನ ಸಿನಿಮಾ 'ಟೈಗರ್ 3'. ಮುಂದಿನ ತಿಂಗಳು ತೆರೆಕಾಣಲಿರುವ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ ಇದು. ಟೈಗರ್ ಕಾ ಮೆಸೇಜ್ ಶೀರ್ಷಿಕೆಯ ವಿಡಿಯೋ ಒಂದನ್ನು ಬಿಡುಗಡೆಗೊಳಿಸಿದ ಬಳಿಕ ಚಿತ್ರ ತಯಾರಕರೀಗ ಟ್ರೇಲರ್ ಬಿಡುಗಡೆಗೆ ಸಜ್ಜಾಗಿದ್ದಾರೆ. ಚಿತ್ರತಂಡ ಟ್ರೇಲರ್ ಬಿಡುಗಡೆಗೆ ಕೌಂಟ್‌ಡೌನ್ ಶುರು ಮಾಡಿದೆ.
ಯಶ್ ರಾಜ್ ಫಿಲ್ಮ್ಸ್ ಟ್ವೀಟ್: 'ಟೈಗರ್ 3'ಗೆ ಬಂಡವಾಳ ಹೂಡಿರುವ ಯಶ್ ರಾಜ್ ಫಿಲ್ಮ್ಸ್ (YRF) ಸಾಮಾಜಿಕ ಜಾಲತಾಣದಲ್ಲಿ ಚಿತ್ರದ ಅಪ್ಡೇಟ್ಸ್ ಹಂಚಿಕೊಂಡಿದೆ. ಅಭಿಮಾನಿಗಳಿಗೆ ಟ್ರೇಲರ್ ರಿಲೀಸ್ ಡೇಟ್ ನೆನಪಿಸಿರುವ ಖ್ಯಾತ ಚಲನಚಿತ್ರ ನಿರ್ಮಾಣ ಸಂಸ್ಥೆ, "ಕೌಂಟ್‌ಡೌನ್ ಬಿಗಿನ್ಸ್, ಟೈಗರ್ 3 ಟ್ರೇಲರ್ ರಿಲೀಸ್ಗೆ 10 ದಿನಗಳು ಬಾಕಿ, ಅಕ್ಟೋಬರ್ 16ರಂದು ಅನಾವರಣ, ಈ ದೀಪಾವಳಿ ಸಂದರ್ಭ ಚಿತ್ರಮಂದಿರಗಳಿಗೆ ಎಂಟ್ರಿ. ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆಯಾಗುತ್ತಿದೆ. ಟ್ರೇಲರ್ಗೆ 10 ದಿನಗಳು'' ಎಂದು ಬರೆದುಕೊಂಡಿದೆ.
ಸಿನಿಮಾದಲ್ಲಿದೆ ಸಾಕಷ್ಟು ಟ್ವಿಸ್ಟ್: ಟೈಗರ್ 3 ಬಗ್ಗೆ ಇತ್ತೀಚೆಗೆ ಮಾತನಾಡಿದ್ದ ಸಲ್ಮಾನ್ ಖಾನ್, "ಟೈಗರ್ಸ್ ಅತ್ಯಂತ ಅಪಾಯಕಾರಿ ಮಿಷನ್". ಇದಕ್ಕಾಗಿ ಟೈಗರ್ ತನ್ನ ಪ್ರಾಣವನ್ನು ಪಣಕ್ಕಿಡಬೇಕಾಗುತ್ತದೆ ಎಂದು ತಿಳಿಸಿದ್ದರು. ಕಥಾಹಂದರದ ಬಗ್ಗೆ ಹೆಚ್ಚಿನ ವಿಷಯ ಬಹಿರಂಗಪಡಿಸಿದ ಸೂಪರ್‌ ಸ್ಟಾರ್, ಚಿತ್ರವು ಸಾಕಷ್ಟು ಟ್ವಿಸ್ಟ್ಗಳಿಂದ ತುಂಬಿದೆ ಎಂದಷ್ಟೇ ತಿಳಿಸಿದ್ದರು.
"ಟ್ರೇಲರ್ ಮತ್ತು ಸಿನಿಮಾದಲ್ಲಿ ಅನಿರೀಕ್ಷಿತವಾದದ್ದನ್ನೇ ನಿರೀಕ್ಷಿಸಿ. ವಿಭಿನ್ನ, ಗಟ್ಟಿ ಕಥಾಹಂದರವನ್ನು ಹೊಂದಿರುವ ಆ್ಯಕ್ಷನ್ ಎಂಟರ್‌ಟೈನ್ಮೆಂಟ್ಗೆ ರೆಡಿಯಾಗಿ. ಟೈಗರ್ 3 ಕಥೆ ನನ್ನನ್ನು ತಕ್ಷಣವೇ ಸೆಳೆಯಿತು. ನಿರ್ಮಾಪಕ ಆದಿ ಮತ್ತು ತಂಡ ತಂದಿರುವ ಔಟ್ಪುಟ್ ಅನ್ನು ನಂಬಲು ಸಾಧ್ಯವಾಗುತ್ತಿಲ್ಲ. ಎಲ್ಲದಕ್ಕೂ ಸಿನಿಮಾ ವೀಕ್ಷಿಸಿ'' - ನಟ ಸಲ್ಮಾನ್ ಖಾನ್.
ಇದನ್ನೂ ಓದಿ: 'ಸುಶಾಂತ್ ಮಾನಸಿಕ ಪರಿಸ್ಥಿತಿ ನನಗೆ ತಿಳಿದಿತ್ತು': ಗೆಳತಿ ರಿಯಾ ಚಕ್ರವರ್ತಿ
ಹಿಂದಿ ಚಿತ್ರರಂಗದ ಖ್ಯಾತ ನಿರ್ದೇಶಕ ಮನೀಶ್ ಶರ್ಮಾ ಆ್ಯಕ್ಷನ್ ಕಟ್ ಹೇಳಿರುವ ಟೈಗರ್ 3 ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ. ಇಮ್ರಾನ್ ಹಶ್ಮಿ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಮೊದಲೆರಡು ಭಾಗಗಳಲ್ಲಿಯೂ ಸಲ್ಮಾನ್ ಖಾನ್ ಹಾಗೂ ಕತ್ರಿನಾ ಕೈಫ್ ಸ್ಕ್ರೀನ್ ಶೇರ್ ಮಾಡಿದ್ದಾರೆ.
ಇದನ್ನೂ ಓದಿ: ಪ್ರಭಾಸ್ - ಕೃತಿ ಸನೋನ್ ಡೇಟಿಂಗ್ ವದಂತಿ: ನಟಿಯ ಬಾಳಸಂಗಾತಿಯಾಗುವವರಲ್ಲಿ ಈ ಗುಣಗಳಿರಬೇಕಂತೆ
