ನಯನತಾರಾ....ವಿಶೇಷ ಪರಿಚಯ ಬೇಕಿಲ್ಲ. ಸೌತ್ ಲೇಡಿ ಸೂಪರ್ ಸ್ಟಾರ್. ದಕ್ಷಿಣ ಚಿತ್ರರಂಗದಲ್ಲಿ ಸ್ಟಾರ್ ನಟರಿಗೆ ಸಮನಾಗಿ ಸ್ಟಾರ್ಡಮ್ ಗಿಟ್ಟಿಸಿಕೊಂಡಿರುವ ಬಹುಬೇಡಿಕೆ ನಟಿ. 'ಜವಾನ್' ಮೂಲಕ ಬಾಲಿವುಡ್ಗೂ ಎಂಟ್ರಿ ಕೊಟ್ಟು ಜನಪ್ರಿಯತೆ ಹೆಚ್ಚಿಸಿಕೊಂಡ ಚೆಲುವೆ. ಇತ್ತೀಚೆಗಷ್ಟೇ (ನವೆಂಬರ್ 19) ತಮ್ಮ 39ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ನಟಿಗೆ ಪತಿ ವಿಘ್ನೇಶ್ ಶಿವನ್ ದುಬಾರಿ ಉಡುಗೊರೆ ನೀಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಇತ್ತೀಚೆಗಷ್ಟೇ 39ನೇ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಂಡಿದ್ದಾರೆ. 40ರ ಗಡಿ ಸಮೀಪಿಸಿದರೂ ಯುವತಿಯರೂ ನಾಚುವಂತಹ ಸೌಂದರ್ಯ ಇವರದ್ದು. ಸ್ಟಾರ್ ಪತ್ನಿಗೆ ನಿರ್ದೇಶಕ ವಿಘ್ನೇಶ್ ಶಿವನ್ ದುಬಾರಿ ಉಡುಗೊರೆ ನೀಡಿ ಗಮನ ಸೆಳೆದಿದ್ದಾರೆ. ಹೌದು, ನಯನತಾರಾ ತಮ್ಮ ಹುಟ್ಟುಹಬ್ಬಕ್ಕೆ ಪತಿಯಿಂದ ಐಷಾರಾಮಿ ಕಾರನ್ನು ಉಡುಗೊರೆಯಾಗಿ ಪಡೆದಿದ್ದಾರೆ. ನಯನತಾರಾ ತಮ್ಮ ಐಷಾರಾಮಿ ಉಡುಗೊರೆಯನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು, ಪತಿ ವಿಘ್ನೇಶ್ ಶಿವನ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ. ಈ ಕಾರಿನ ಬೆಲೆ ಮೂರು ಕೋಟಿ ರೂ. ಆಸುಪಾಸು ಎಂದು ಅಂದಾಜಿಸಲಾಗಿದೆ. ಮರ್ಸಿಡಿಸ್ ಮೇಬ್ಯಾಕ್ ಐಷಾರಾಮಿ ಕಾರಿನ ಮೂಲ ಬೆಲೆ 2.69 ಕೋಟಿ ರೂ.ಗಳಿಂದ ಪ್ರಾರಂಭವಾಗುತ್ತದೆ ಮತ್ತು ಅದರ ಟಾಪ್ ಎಂಡ್ ಬೆಲೆ 3.40 ಕೋಟಿ ರೂ. ಇದೆ.
ಫೋಟೋಗಳನ್ನು ಹಂಚಿಕೊಂಡ ನಟಿ ನಯನತಾರಾ, ''ವೆಲ್ಕಮ್ ಹೋಮ್ ಯೂ ಬ್ಯೂಟಿ. ವಿಘ್ನೇಶ್ ಶಿವನ್, ಈ ಉಡುಗೊರೆಗೆ ಧನ್ಯವಾದಗಳು. ಮೋಸ್ಟ್ ಸ್ವೀಟೆಸ್ಟ್ ಬರ್ತ್ಡೇ ಗಿಫ್ಟ್. ಲವ್ ಯೂ'' ಎಂದು ಬರೆದುಕೊಂಡಿದ್ದಾರೆ. ನಟಿಯ ಈ ಪೋಸ್ಟ್ಗೆ ನೆಟ್ಟಿಗರು, ಅಭಿಮಾನಿಗಳು ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ. ಮಾದರಿ ದಂಪತಿಗೆ ಪ್ರೀತಿಯ ಧಾರೆಯೆರೆಯುತ್ತಿದ್ದಾರೆ.
ಇದನ್ನೂ ಓದಿ: ಚೆಂದಕ್ಕಿಂತ ಚೆಂದ ತಮನ್ನಾ ಅಂದ; ಅಭಿಮಾನಿಗಳನ್ನು ಆಕರ್ಷಿಸಿದ ಹೊಸ ಫೋಟೋಗಳಿವು
'IMDB'' (Internet Movie Database) ಆಗಾಗ್ಗೆ ಜನಪ್ರಿಯ ತಾರೆಯರ ಪಟ್ಟಿಯನ್ನು ಅನಾವರಣಗೊಳಿಸುತ್ತದೆ. ಇತ್ತೀಚೆಗಷ್ಟೇ ಟಾಪ್ 10 ಜನಪ್ರಿಯ ಕಲಾವಿದರ ಪಟ್ಟಿ ಬಿಡುಗಡೆ ಮಾಡಿತ್ತು. 10 ಸೂಪರ್ ಸ್ಟಾರ್ಸ್ ಪೈಕಿ ಸೌತ್ ಲೇಡಿ ಸೂಪರ್ ಸ್ಟಾರ್ ನಯನತಾರಾ ಐದನೇ ಸ್ಥಾನದಲ್ಲಿದ್ದರು.
ಇದನ್ನೂ ಓದಿ: ನಟಿ ಪೂಜಾ ಗಾಂಧಿ ಕೈ ಹಿಡಿದ ವಿಜಯ್ ಘೋರ್ಪಡೆ: ಮಂತ್ರ ಮಾಂಗಲ್ಯ ಪದ್ಧತಿಯಲ್ಲಿ ಮದುವೆ
ಇನ್ನೂ ಅಟ್ಲೀ ಕುಮಾರ್ ನಿರ್ದೇಶನದ ಜವಾನ್ ಸಿನಿಮಾದಲ್ಲಿ ನಯನತಾರಾ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಸೆ. 7ರಂದು ತೆರೆಕಂಡ ಈ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಯಿತು. ಕಿಂಗ್ ಖಾನ್ ಶಾರುಖ್ ಜೊತೆ ನಯನತಾರಾ ಸ್ಕ್ರೀನ್ ಶೇರ್ ಮಾಡಿದ್ದು, ಸಿನಿಮಾ ಸಾವಿರ ಕೋಟಿ ರೂ. ಕಲೆಕ್ಷನ್ ಮಾಡುವಲ್ಲಿ ಯಶಸ್ವಿ ಆಯಿತು. ಇದೇ ಮೊದಲ ಬಾರಿ ನಯನತಾರಾ ಎಸ್ಆರ್ಕೆ ಜೊತೆ ತೆರೆ ಹಂಚಿಕೊಂಡಿದ್ದು, ಪ್ರೇಕ್ಷಕರು ಮೆಚ್ಚುಗೆ ಸೂಚಿಸಿದ್ದರು.
