ಲಸ್ಟ್ ಸ್ಟೋರಿಸ್ (Lust Stories) ತನ್ನ ಎರಡನೇ ಭಾಗದೊಂದಿಗೆ ಮರಳಲು ಸಿದ್ಧವಾಗಿದೆ. ಲಸ್ಟ್ ಸ್ಟೋರಿಸ್ 2 ಎಂಬ ಶೀರ್ಷಿಕೆಯ ಚಿತ್ರದಲ್ಲಿ ತಮನ್ನಾ ಭಾಟಿಯಾ, ವಿಜಯ್ ವರ್ಮಾ, ಅಮೃತಾ ಸುಭಾಷ್, ಅಂಗದ್ ಬೇಡಿ, ಕಾಜೋಲ್, ಕುಮುದ್ ಮಿಶ್ರಾ, ಮೃಣಾಲ್ ಠಾಕೂರ್, ನೀನಾ ಗುಪ್ತಾ ಸೇರಿದಂತೆ ಮೊದಲಾದ ನಟರು ಅಭಿನಯಿಸಿದ್ದಾರೆ. ಅಮಿತ್ ರವೀಂದ್ರನಾಥ್ ಶರ್ಮಾ, ಆರ್. ಬಾಲ್ಕಿ, ಕೊಂಕಣ ಸೇನ್ ಶರ್ಮಾ ಮತ್ತು ಸುಜೋಯ್ ಘೋಷ್ ಸೇರಿ ನಾಲ್ಕು ನಿರ್ದೇಶಕರು ಕಥೆ ರಚಿಸಿದ್ದಾರೆ. ಈ ಬಹುನಿರೀಕ್ಷಿತ ಚಿತ್ರದ ಟೀಸರ್ ಇಂದು ಅನಾವರಣಗೊಂಡಿದೆ.
ಲಸ್ಟ್ ಸ್ಟೋರಿಸ್ 2ರ ಟೀಸರ್ ಅನ್ನು ಮಂಗಳವಾರ (ಇಂದು, ಜೂನ್ 6) ಅನಾವರಣಗೊಳಿಸಲಾಯಿತು. ಇದು ವಿಭಿನ್ನ ಭಾವನೆಗಳ ಪರಿಪೂರ್ಣ ಸಂಯೋಜನೆಯಾಗಿದೆ. ಒಂದು ನಿಮಿಷಕ್ಕಿಂತ ಕಡಿಮೆ ಅವಧಿಯ ಟೀಸರ್, ಡೈಲಾಗ್‌ಗಳು ಮತ್ತು ಚುಂಬನದ ಸೀನ್ಗಳನ್ನು ಒಳಗೊಂಡಿದೆ. ಟೀಸರ್ ಎಲ್ಲಾ ಪ್ರಮುಖ ನಟರನ್ನು ತೋರಿಸಿದೆ. ಲಸ್ಟ್ ಸ್ಟೋರಿಸ್ 2 ಅನ್ನು ಆರ್‌ಎಸ್‌ವಿಪಿ ಮತ್ತು ಫ್ಲೈಯಿಂಗ್ ಯುನಿಕಾರ್ನ್ ಎಂಟರ್ಟೈನ್ಮೆಂಟ್ ನಿರ್ಮಿಸಿದೆ. ಈ ಚಿತ್ರ ಸಂಬಂಧಗಳ ಮೇಲೆ ಬೆಳಕು ಚೆಲ್ಲಲಿದೆ.
ಐದು ವರ್ಷಗಳ ಹಿಂದಿನ 'ಲಸ್ಟ್ ಸ್ಟೋರಿನ' ಎರಡನೇ ಭಾಗದ ಮೇಲೆ ಅಭಿಮಾನಿಗಳ ನಿರೀಕ್ಷೆ ಸಾಕಷ್ಟಿದೆ. ಹಾಸ್ಯ ನಾಟಕದ ಮತ್ತೊಂದು ಭಾಗಕ್ಕೆ ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದರು. ಲಸ್ಟ್ ಸ್ಟೋರಿ 2 ಟೀಸರ್ ಬಿಡುಗಡೆಯಾದ ತಕ್ಷಣ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಏಕೆಂದರೆ, ಚಿತ್ರರಂಗದಲ್ಲಿ ಸದ್ಯ ಸದ್ದು ಮಾಡುತ್ತಿರುವ ವದಂತಿಯ ಜೋಡಿಗಳಾದ ವಿಜಯ್ ವರ್ಮಾ ಮತ್ತು ತಮನ್ನಾ ಭಾಟಿಯಾ ಕಾಣಿಸಿಕೊಂಡಿದ್ದಾರೆ.
ರೂಮರ್ ಲವ್ ಬರ್ಡ್ಸ್ನ ಈ ರೊಮ್ಯಾಂಟಿಕ್ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಇದರೊಂದಿಗೆ ಸೋಷಿಯಲ್ ಮೀಡಿಯಾದಲ್ಲಿ ವಿಜಯ್ ತಮನ್ನಾ ಸಂಬಂಧದ ಬಗ್ಗೆ ಭಾರೀ ಚರ್ಚೆ ನಡೆಯುತ್ತಿದೆ. ಈ ವದಂತಿಯ ಜೋಡಿಯ ಸಂಬಂಧ ಶುರುವಾಗಲು ಇದೇ ಚಿತ್ರ ಕಾರಣ ಎಂದು ನೆಟ್ಟಿಗರು ಅಂದಾಜಿಸುತ್ತಿದ್ದಾರೆ.
- " class="align-text-top noRightClick twitterSection" data="">
2018ರಲ್ಲಿ ಬಂದ ಇದರ ಮೊದಲ ಭಾಗವನ್ನು ಕರಣ್ ಜೋಹರ್, ಜೋಯಾ ಅಖ್ತರ್, ಅನುರಾಗ್ ಕಶ್ಯಪ್ ಮತ್ತು ದಿಬಾಕರ್ ಬ್ಯಾನರ್ಜಿ ಜಂಟಿಯಾಗಿ ನಿರ್ಮಿಸಿದ್ದಾರೆ. ಲಸ್ಟ್ ಸ್ಟೋರೀಸ್ 2 ನೆಟ್‌ಫ್ಲಿಕ್ಸ್‌ನಲ್ಲಿ ಯಾವಾಗ ಸ್ಟ್ರೀಮ್ ಆಗುತ್ತದೆ ಎಂಬುದನ್ನು ಹೇಳಲಾಗಿಲ್ಲ.
ಇದನ್ನೂ ಓದಿ: ಹೊಂಬಾಳೆ ಫಿಲ್ಮ್ಸ್ನ ಬಹುನಿರೀಕ್ಷಿತ ಚಿತ್ರ 'ಧೂಮಂ'.. ಟ್ರೇಲರ್ ಬಿಡುಗಡೆಗೆ ಮುಹೂರ್ತ ನಿಗದಿ
ಬಹುಭಾಷೆಗಳಲ್ಲಿ ಬೇಡಿಕೆ ಹೊಂದಿರುವ ದಕ್ಷಿಣದ ಸುಂದರ ನಟಿ, ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಅವರು ಸಹನಟ ವಿಜಯ್ ವರ್ಮಾ ಜೊತೆಗೆ ಗೋವಾದಲ್ಲಿ 2023 ನ್ಯೂ ಇಯರ್ ಪಾರ್ಟಿ ಮಾಡಿದ್ದರು. ಅಂದು ವಿಜಯ್ ವರ್ಮಾ ಅವರಿಗೆ ಕಿಸ್ ಮಾಡಿದ್ದರು. ಈ ಜೋಡಿಯ ಚುಂಬನದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿ ಸದ್ದು ಮಾಡಿತ್ತು. ಅದಾದ ಬಳಿಕ ಹಲವು ಬಾರಿ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ರೆಸ್ಟೋರೆಂಟ್ಗಳ ಹೊರಗೆ ಪಾರ್ಟಿ ಪಾಪರಾಜಿಗಳ ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದ್ದಾರೆ. ಈ ಹಿನ್ನೆಲೆ ಡೇಟಿಂಗ್ ವದಂತಿ ಜೋರಾಗೇ ಹರಡುತ್ತಿದೆ.
ಇದನ್ನೂ ಓದಿ: ಪ್ರಕೃತಿ ಮಡಿಲಲ್ಲಿ 'ಚಂದನ'ದ ಗೊಂಬೆ ನಿವಿ.. ಗೌನ್ ಧರಿಸಿದ್ರೆ ಥೇಟ್ ಬಾರ್ಬಿ ಡಾಲ್
