ತಮಿಳು ಚಿತ್ರರಂಗದ ಖ್ಯಾತ ನಿರ್ದೇಶಕ ಲೋಕೇಶ್ ಕನಕರಾಜ್ ಅವರ 'ಲಿಯೋ' 2023ರ ಬಹುನಿರೀಕ್ಷೆಯ ಸಿನಿಮಾ. ದಳಪತಿ ವಿಜಯ್ ಮುಖ್ಯಭೂಮಿಕೆಯ ಈ ಚಿತ್ರ ಅಕ್ಟೋಬರ್ 19ರಂದು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಯಾಗಲಿದೆ. ಇದೀಗ ಚಿತ್ರ ಬಿಡುಗಡೆಗೂ ಮುನ್ನ ಲೋಕೇಶ್ ಅವರು ಸಂಗೀತ ಸಂಯೋಜಕ ಅನಿರುದ್ಧ್ ರವಿಚಂದರ್ ಜೊತೆಗಿನ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ.
-
Locked & Loaded 🔥🧊#Leo from October 19 pic.twitter.com/Y1PnvvYcaS
— Lokesh Kanagaraj (@Dir_Lokesh) October 15, 2023 " class="align-text-top noRightClick twitterSection" data="
">Locked & Loaded 🔥🧊#Leo from October 19 pic.twitter.com/Y1PnvvYcaS
— Lokesh Kanagaraj (@Dir_Lokesh) October 15, 2023Locked & Loaded 🔥🧊#Leo from October 19 pic.twitter.com/Y1PnvvYcaS
— Lokesh Kanagaraj (@Dir_Lokesh) October 15, 2023
ಸೋಷಿಯಲ್ ಮೀಡಿಯಾದಲ್ಲಿ ಫೋಟೋ ಶೇರ್ ಮಾಡಿರುವ ನಿರ್ದೇಶಕ, "ಲಾಕ್ಡ್ ಆಂಡ್ ಲೋಡೆಡ್ (Locked & Loaded ) ಅಕ್ಟೋಬರ್ 19ರಿಂದ 'ಲಿಯೋ" ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಅನಿರುದ್ಧ್ ಮತ್ತು ಲೋಕೇಶ್ ಕನಕರಾಜ್ ಮುಖಾಮುಖಿಯಾಗಿ ನಿಂತು ಕೈಹಿಡಿದಿರುವ ಫೋಟೋ ಇದಾಗಿದೆ. ಪೋಸ್ಟ್ ಹಂಚಿಕೊಂಡ ತಕ್ಷಣ ಕಮೆಂಟ್ ವಿಭಾಗವನ್ನು ತುಂಬಿದ ನೆಟ್ಟಿಗರು, 'ಲಿಯೋ'ಗಾಗಿ ಕಾತುರದಿಂದ ಕಾಯುತ್ತಿದ್ದೇವೆ ಎಂದಿದ್ದಾರೆ.
ಈ ಆಕ್ಷನ್ ಥ್ರಿಲ್ಲರ್ ಸಿನಿಮಾ ಭಾರೀ ವೇಗದಲ್ಲಿ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದು ಹಲವಾರು ದಾಖಲೆಗಳನ್ನು ಪುಡಿಗಟ್ಟಲಿವೆ ಎಂದು ಊಹಿಸಲಾಗಿದೆ. ನಿರ್ದೇಶಕ ಲೋಕೇಶ್ ಕನಕರಾಜ್, ನಟ ದಳಪತಿ ವಿಜಯ್ ಮತ್ತು ಸಂಗೀತ ಸಂಯೋಜಕ ಅನಿರುದ್ಧ್ ರವಿಚಂದರ್ ಇದೀಗ 'ಲಿಯೋ' ಚಿತ್ರಕ್ಕಾಗಿ ಎರಡನೇ ಬಾರಿಗೆ ಜೊತೆಯಾಗಿದ್ದಾರೆ. ಖೈದಿ, ಮಾಸ್ಟರ್ ಮತ್ತು ವಿಕ್ರಮ್ನಂತಹ ಮಾಸ್ಟರ್ಪೀಸ್ ಚಿತ್ರಗಳನ್ನು ನಿರ್ದೇಶಿಸಿರುವ ಲೋಕೇಶ್ ಅವರ 5ನೇ ಸಿನಿಮಾವಿದು.
ಇದನ್ನೂ ಓದಿ: ದಳಪತಿ ವಿಜಯ್ ನಟನೆಯ ಬಹುನಿರೀಕ್ಷಿತ 'ಲಿಯೋ' ಚಿತ್ರದ ಟ್ರೇಲರ್ ಬಿಡುಗಡೆ
'ಲಿಯೋ' ಪ್ರೀಮಿಯರ್ಗೆ ಸರ್ಕಾರ ಒಪ್ಪಿಗೆ: ಇತ್ತೀಚೆಗೆ 'ಲಿಯೋ' ಚಿತ್ರದ ಪ್ರೀಮಿಯರ್ ಶೋಗೆ ತಮಿಳುನಾಡು ಸರ್ಕಾರ ಒಪ್ಪಿಗೆ ಕೊಟ್ಟಿದೆ. ಅದಕ್ಕೂ ಮುನ್ನ ಚಿತ್ರದ ಪ್ರಥಮ ಪ್ರದರ್ಶನಕ್ಕೆ ಅವಕಾಶ ನೀಡುವುದಿಲ್ಲವೆಂದೇ ಸ್ಟಾಲಿನ್ ಸರ್ಕಾರ ಹೇಳಿತ್ತು. ಈ ನಿರ್ಧಾರದ ವಿರುದ್ಧ ದಳಪತಿ ವಿಜಯ್ ಅಭಿಮಾನಿಗಳು ಬೇಸರ ಹೊರಹಾಕಿದ್ದರು. ಆದರೆ ಕೆಲವು ದಿನಗಳ ಹಿಂದೆ ಏಕಾಏಕಿ ಸರ್ಕಾರ ತನ್ನ ನಿರ್ಧಾರವನ್ನು ಬದಲಾಯಿಸಿ, 'ಲಿಯೋ' ಪ್ರೀಮಿಯರ್ಗೆ ಅನುಮತಿ ನೀಡಿದೆ. ಇದರಿಂದ ವಿಜಯ್ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ.
ಚಿತ್ರದ ಟ್ರೇಲರ್ ಬಿಡುಗಡೆಯಾಗುವುದಕ್ಕೂ ಮುನ್ನವೇ ಮುಂಗಡ ಬುಕ್ಕಿಂಗ್ನಲ್ಲಿ 'ಲಿಯೋ' ದಾಖಲೆ ಸೃಷ್ಟಿಸಿತ್ತು. ಕಳೆದ ವಾರ ಈ ಸಿನಿಮಾದ ಸಾಗರೋತ್ತರ ಬುಕ್ಕಿಂಗ್ ನೋಡಿದಾಗ 40 ಸಾವಿರಕ್ಕೂ ಹೆಚ್ಚು ಟಿಕೆಟ್ಗಳು ಮಾರಾಟವಾಗಿದೆ. ಟ್ರೇಲರ್ ನೋಡುವ ಮುನ್ನವೇ ಈ ರೇಂಜ್ನಲ್ಲಿ ಟಿಕೆಟ್ ಮಾರಾಟವಾದ ಚಿತ್ರ ಇದೇ ಮೊದಲು ಎಂದು ಯುಕೆ ಮೂಲದ ನಿರ್ಮಾಣ ಸಂಸ್ಥೆಯೊಂದು ತಿಳಿಸಿದೆ.
ಅಕ್ಟೋಬರ್ 19 ರಂದು ರಿಲೀಸ್: ಈ ಸಿನಿಮಾವು ಕಾಶ್ಮೀರದಲ್ಲಿ ಚಿತ್ರೀಕರಣಗೊಂಡಿದೆ. ಟ್ರೇಲರ್ ಇತ್ತೀಚೆಗಷ್ಟೇ ರಿಲೀಸ್ ಆಗಿದೆ. ಚಿತ್ರದಲ್ಲಿ ತ್ರಿಶಾ, ಸಂಜಯ್ ದತ್, ಅರ್ಜುನ್ ಸರ್ಜಾ, ಪ್ರಿಯಾ ಆನಂದ್, ಗೌತಮ್ ವಾಸುದೇವ್ ಮೆನನ್, ಮನ್ಸೂರ್ ಅಲಿ ಖಾನ್, ಸ್ಯಾಂಡಿ ಮತ್ತು ಮಿಸ್ಕಿನ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಸವೆನ್ ಸ್ಕ್ರೀನ್ ಸ್ಟುಡಿಯೋದ ಲಲಿತ್ ಕುಮಾರ್ ನಿರ್ಮಿಸಿರುವ 'ಲಿಯೋ' ಚಿತ್ರ ಅಕ್ಟೋಬರ್ 19 ರಂದು ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: 10 ಸಿನಿಮಾ ಮಾತ್ರ ಮಾಡೋದಂತೆ ಲೋಕೇಶ್ ಕನಕರಾಜ್: ಪ್ರಭಾಸ್ ಜೊತೆಗಿನ ಚಿತ್ರವೇ ಕೊನೆಯದ್ದಾ?
