'ಕಾಫಿ ವಿತ್​ ಕರಣ್​' ಸೀಸನ್​ 8ರ ಮೊದಲ ಅತಿಥಿಗಳಾಗಿ 'ದೀಪ್​ವೀರ್'​ ದಂಪತಿ

ಅಕ್ಟೋಬರ್​ 26ರಿಂದ ಪ್ರಾರಂಭವಾಗಲಿರುವ 'ಕಾಫಿ ವಿತ್​ ಕರಣ್​' ಸೀಸನ್​ 8ರ ಮೊದಲ ಅತಿಥಿಯಾಗಿ ಜನಪ್ರಿಯ ತಾರಾ ಜೋಡಿ ದೀಪಿಕಾ ಪಡುಕೋಣೆ ಹಾಗೂ ರಣ್​​ವೀರ್ ಸಿಂಗ್ ಆಗಮಿಸಲಿದ್ದಾರೆ.

ಬಾಲಿವುಡ್​ನ ಖ್ಯಾತ ಚಲನಚಿತ್ರ ನಿರ್ಮಾಪಕ ಕರಣ್​ ಜೋಹರ್​ ನಡೆಸಿಕೊಡುವ ಚಾಟ್​ ಶೋ 'ಕಾಫಿ ವಿತ್​ ಕರಣ್​' ಸೀಸನ್​ 8 ಇದೇ ತಿಂಗಳಲ್ಲಿ ಪ್ರಸಾರ ಪ್ರಾರಂಭಿಸಲಿದೆ. ಸುಮಾರು 20 ವರ್ಷಗಳಿಂದ ಮೂಡಿಬರುತ್ತಿರುವ ಈ ಶೋಗೆ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಬಾಲಿವುಡ್​ ಬ್ಯೂಟಿಫುಲ್​ ಕಪಲ್​ ರಣ್​ವೀರ್​ ಸಿಂಗ್​ ಮತ್ತು ದೀಪಿಕಾ ಪಡುಕೋಣೆ ಕಾರ್ಯಕ್ರಮದ ಮೊದಲ ಅತಿಥಿಯಾಗಿದ್ದಾರೆ. 'ಕಾಫಿ ವಿತ್​ ಕರಣ್​' ತಂಡ​ ಮೊದಲ ಸಂಚಿಕೆಯ ಪ್ರೋಮೋವನ್ನು ಹಂಚಿಕೊಂಡಿದೆ.

• Deepika Padukone and Ranveer Singh on Koffee With Karan pic.twitter.com/mwHUwTLBdN

  — elitestanning (@elitestanning) October 22, 2023 " class="align-text-top noRightClick twitterSection" data="

  Deepika Padukone and Ranveer Singh on Koffee With Karan pic.twitter.com/mwHUwTLBdN

  — elitestanning (@elitestanning) October 22, 2023

  ">

  Deepika Padukone and Ranveer Singh on Koffee With Karan pic.twitter.com/mwHUwTLBdN

  — elitestanning (@elitestanning) October 22, 2023

'ಕಾಫಿ ವಿತ್​ ಕರಣ್​' ಟಾಕ್​ ಶೋನಲ್ಲಿ ಹೆಸರಾಂತ ಸೆಲೆಬ್ರಿಟಿಗಳ ಇಡೀ ಜೀವನದ ಕಥೆಯನ್ನೇ ತೆರೆದಿಡಲಾಗುತ್ತದೆ. ಶೋ ಸಖತ್​ ಮನರಂಜನೆಯನ್ನು ನೀಡುತ್ತದೆ. ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ರಣ್​ವೀರ್​ ಮತ್ತು ದೀಪಿಕಾ ತಮ್ಮ ಸಂಬಂಧದ ಬಗ್ಗೆ ತಮಾಷೆಯಾಗಿ ಮಾತನಾಡುತ್ತಿರುವುದನ್ನು ಕಾಣಬಹುದು. ದೀಪಿಕಾ ಅವರು 'ರಾಕಿ ಔರ್​ ರಾಣಿ ಕಿ ಪ್ರೇಮ್​ ಕಹಾನಿ' ಚಿತ್ರದಲ್ಲಿ ರಣವೀರ್​ ಸಿಂಗ್​ ಅವರ 'ರಾಕಿ ರಾಂಧವಾ' ಪಾತ್ರವನ್ನು ಮದುವೆಯಾಗಿರುವುದಾಗಿ ಒಪ್ಪಿಕೊಂಡಿದ್ದಾರೆ. 2015ರಲ್ಲಿ ದೀಪಿಕಾಗೆ ರಣ್​ವೀರ್​ ಪ್ರಪೋಸ್​ ಮಾಡಿದ ಕಥೆಯೂ ಇದರಲ್ಲಿ ಸೇರಿಕೊಂಡಿದೆ.

'ಕಾಫಿ ವಿತ್​ ಕರಣ್​' ಸೀಸನ್​ 8ರ ಮೊದಲ ಅತಿಥಿಗಳಾಗಿ ಆಗಮಿಸಿದ ಡೈನಾಮಿಕ್​ ಜೋಡಿ ದೀಪ್​ವೀರ್​ ಬ್ಲ್ಯಾಕ್​ ಡ್ರೆಸ್​​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರಿಬ್ಬರ ಮ್ಯಾಚಿಂಗ್​ ಸೆನ್ಸ್​ಗೆ ಕರಣ್​ ಜೋಹರ್​ ಮೆಚ್ಚುಗೆ ಸೂಚಿಸಿದ್ದಾರೆ. ರಣ್​ವೀರ್​ ಹೊರತಾಗಿ ನಿಮ್ಮ ಅತ್ಯುತ್ತಮ ಆನ್​ಸ್ಕ್ರೀನ್​ ಕೆಮಿಸ್ಟ್ರಿ ಬಗ್ಗೆ ಕೇಳಿದಾಗ ಹೃತಿಕ್​ ರೋಷನ್​ ಅವರ ಹೆಸರನ್ನು ದೀಪಿಕಾ ಪ್ರಸ್ತಾಪಿಸಿದ್ದಾರೆ. ಪ್ರೋಮೋದಲ್ಲಿ ದೀಪ್​ವೀರ್​ ಪ್ರೀತಿಯ ಕ್ಷಣಗಳು, ತಮಾಷೆಯ ನೋಟ, ಸಂತೋಷ ಎಲ್ಲವನ್ನೂ ಕಾಣಬಹುದು.

• View this post on Instagram

  A post shared by Karan Johar (@karanjohar)

ಇದನ್ನೂ ಓದಿ:RARKPK ಸಿನಿಮಾದ 'ವಾಟ್ ಜುಮ್ಕಾ' ಹಾಡಿಗೆ ದೀಪ್​ವೀರ್​ ದಂಪತಿ ಡ್ಯಾನ್ಸ್​; ನೀವೂ ನೋಡಿ..​

ಮುಂದಿನ ಅತಿಥಿಗಳಾಗಿ ಬಾಲಿವುಡ್​ ನಟ ಕಾರ್ತಿಕ್ ಆರ್ಯನ್​​​, ಅಜಯ್ ದೇವಗನ್, ರೋಹಿತ್ ಶೆಟ್ಟಿ, ಕರೀನಾ ಕಪೂರ್ ಖಾನ್ ಮತ್ತು ಆಲಿಯಾ ಭಟ್ ಅವರಂತಹ ಖ್ಯಾತನಾಮರೂ ಕೂಡ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ವರದಿಗಳಂತೆ, ಸುಹಾನಾ ಖಾನ್, ಖುಷಿ ಕಪೂರ್ ಮತ್ತು ಅಗಸ್ತ್ಯ ನಂದಾ ತಮ್ಮ ಚೊಚ್ಚಲ ಚಿತ್ರ 'ದಿ ಆರ್ಚೀಸ್' ಮೂಲಕ ಇದೇ ಮೊದಲ ಬಾರಿಗೆ ಕಾಫಿ ವಿತ್ ಕರಣ್ ಶೋಗೆ ಬರಲಿದ್ದಾರೆ.

'ಕಾಫಿ ವಿತ್​ ಕರಣ್​' ಸೀಸನ್​ 8 ಈ ಮೋಸ್ಟ್ ಎಕ್ಸ್‌​ಪೆಕ್ಟೆಡ್​ ಶೋ ಅಕ್ಟೋಬರ್ 26 ರಂದು ಡಿಸ್ನಿ + ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮಿಂಗ್ ಪ್ರಾರಂಭಿಸಲಿದೆ. ಈ ಕಾರ್ಯಕ್ರಮದಲ್ಲಿ ಜನಪ್ರಿಯ ಸೆಲೆಬ್ರಿಟಿಗಳು ಹಲವು ಆಸಕ್ತಿಕರ ವಿಷಯಗಳ ಕುರಿತು ಮಾತನಾಡುತ್ತಾರೆ. ನಿರೂಪಕ ಕರಣ್​ ಜೋಹರ್ ಕೇಳುವ ಪ್ರಶ್ನೆಗಳಿಗೂ ಉತ್ತರಿಸುತ್ತಾರೆ. ತಮ್ಮ ಸಿನಿಮಾ ಪ್ರಚಾರದ ಲಾಭವನ್ನೂ ಸೆಲೆಬ್ರಿಟಿಗಳು ಪಡೆಯುತ್ತಾರೆ. ಮೆಚ್ಚಿನ ನಟ, ನಟಿ ಬಗ್ಗೆ ತಿಳಿದುಕೊಳ್ಳುವ ಅಭಿಮಾನಿಗಳ ಆಸೆ ಈ ಕಾರ್ಯಕ್ರಮದ ಮೂಲಕ ಈಡೇರುತ್ತದೆ.

ಇದನ್ನೂ ಓದಿ: ಸಿಂಘಂ ಎಗೈನ್: ಪೊಲೀಸ್​ ಅಧಿಕಾರಿ ಶಕ್ತಿ ಶೆಟ್ಟಿ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ - ಫಸ್ಟ್ ಲುಕ್ ಔಟ್