'ಯುವ'ರಾಜನ ಅರಸಿಯಾಗಿ ಸಪ್ತಮಿ ಗೌಡ.. ಸ್ವಾಗತ ಕೋರಿದ ಹೊಂಬಾಳೆ ಫಿಲ್ಮ್ಸ್

ದೊಡ್ಮನೆ ಕುಡಿ ಯುವ ರಾಜ್​ಕುಮಾರ್ ಅವರ​ 'ಯುವ' ಸಿನಿಮಾಗೆ ಕಾಂತಾರ ಬ್ಯೂಟಿ ಸಪ್ತಮಿ ಗೌಡ ನಾಯಕಿಯಾಗಿ ಫೈನಲ್​ ಆಗಿದ್ದಾರೆ.

ಜೂನಿಯರ್​ ಪವರ್​ಸ್ಟಾರ್​ ಯುವ ರಾಜ್​ಕುಮಾರ್​ ಚಂದನವನಕ್ಕೆ ಎಂಟ್ರಿ ಆಗಿದ್ದಾರೆ. ಚಿಕ್ಕಪ್ಪ ಪವರ್​ ಸ್ಟಾರ್​ ಪುನೀತ್​ ರಾಜ್​ಕುಮಾರ್​ ಅವರಂತೆ ಪವರ್​ಫುಲ್​ ಲುಕ್​ನಲ್ಲಿ ಸ್ಯಾಂಡಲ್​ವುಡ್​ಗೆ ಪದಾರ್ಪಣೆ ಮಾಡಿದ್ದಾರೆ. 'ಯುವ' ಎಂಬ ಶೀರ್ಷಿಕೆ ಇಟ್ಟುಕೊಂಡಿರುವ ಸಿನಿಮಾದಲ್ಲಿ ರಾಘವೇಂದ್ರ​ ರಾಜ್​ಕುಮಾರ್​ ಕಿರಿಯ ಪುತ್ರ 'ಯುವ' ರಾಜ್​ಕುಮಾರ್​ ಅಭಿನಯಿಸುತ್ತಿದ್ದಾರೆ. ಅಪ್ಪು ಮಾಡಬೇಕಾಗಿದ್ದ ಚಿತ್ರದಲ್ಲಿ ಯುವ ನಟಿಸ್ತಿದ್ದಾರೆ ಅಂತಾ ಗೊತ್ತಾದ ಘಳಿಗೆಯಿಂದ ದೊಡ್ಮನೆ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿದೆ.

• “ಯುವ”ರಾಜನ ಅರಸಿಗೆ ಆದರದ ಸ್ವಾಗತ❤️
  Get ready to witness the magic of the graceful @gowda_sapthami once again! With her raw talent and dedication to the craft, we knew she was the perfect fit for #Yuva.@SanthoshAnand15 @yuva_rajkumar #VijayKiragandur @hombalefilms #YuvaOnDec22 pic.twitter.com/jfMTOKsXlG

  — Hombale Films (@hombalefilms) March 6, 2023 " class="align-text-top noRightClick twitterSection" data="

  “ಯುವ”ರಾಜನ ಅರಸಿಗೆ ಆದರದ ಸ್ವಾಗತ❤️
  Get ready to witness the magic of the graceful @gowda_sapthami once again! With her raw talent and dedication to the craft, we knew she was the perfect fit for #Yuva.@SanthoshAnand15 @yuva_rajkumar #VijayKiragandur @hombalefilms #YuvaOnDec22 pic.twitter.com/jfMTOKsXlG

  — Hombale Films (@hombalefilms) March 6, 2023

  ">

  “ಯುವ”ರಾಜನ ಅರಸಿಗೆ ಆದರದ ಸ್ವಾಗತ❤️
  Get ready to witness the magic of the graceful @gowda_sapthami once again! With her raw talent and dedication to the craft, we knew she was the perfect fit for #Yuva.@SanthoshAnand15 @yuva_rajkumar #VijayKiragandur @hombalefilms #YuvaOnDec22 pic.twitter.com/jfMTOKsXlG

  — Hombale Films (@hombalefilms) March 6, 2023

ಈ ಯುವರಾಜನಿಗೆ ಯಾರು ರಾಣಿ ಯಾರು ಆಗ್ತಾರೆ ಅಂತಾ ಸ್ಯಾಂಡಲ್ ವುಡ್ ನಲ್ಲಿ ಚರ್ಚೆ ಆಗಿತ್ತು. ಬಾನದಾರಿಯಲ್ಲಿ ಚಿತ್ರದ ನಾಯಕಿ ರುಕ್ಮಿಣಿ ವಸಂತ್ ಯುವ ಸಿನಿಮಾಗೆ ಹೀರೋಯಿನ್ ಅಂತಾ ಮಾತುಗಳು ಕೇಳಿ ಬಂದಿದ್ವು. ಆದರೆ, ರುಕ್ಮಿಣಿ "ನಾನು ಯುವ ರಾಜ್‌ ಕುಮಾರ್ ಜೊತೆ ನಟಿಸುತ್ತಿಲ್ಲ" ಎಂಬುದಾಗಿ ಸ್ಪಷ್ಟನೆ ನೀಡಿದ್ದರು. ಹಾಗಾದರೆ ಯುವರಾಜ್ ಕುಮಾರ್ ಜೋಡಿ ಯಾರಾಗ್ತಾರೆ? ಅಂತಾ ಗಾಂಧಿನಗರದ ಹೊಂಬಾಳೆ ಫಿಲ್ಮ್ ಸಂಸ್ಥೆಯಿಂದ ಹಿಡಿದು ದೊಡ್ಮನೆ ತನಕ ಚರ್ಚೆ ಆಗುತ್ತಿತ್ತು. ಈ ಪ್ರಶ್ನೆಗೆ ಹೊಂಬಾಳೆ ಫಿಲ್ಮ್ಸ್​ ಸಂಸ್ಥೆ ಅಧಿಕೃತವಾಗಿ ಉತ್ತರ ಕೊಟ್ಟಿದೆ.

ಹೌದು. ಹೊಂಬಾಳೆ ಫಿಲ್ಮ್ಸ್ ಅಧಿಕೃತ ಟ್ವಿಟರ್​ ಪೇಜ್​ನಲ್ಲಿ 'ಯುವ' ನಾಯಕಿ ಗೊಂದಲಕ್ಕೆ ತೆರೆ ಎಳೆದಿದೆ. ಮೂಗುತಿ ಸುಂದರಿ ಸಪ್ತಮಿ ಗೌಡ ಅವರ ಫೋಟೋವನ್ನು ಹಂಚಿಕೊಂಡಿರುವ ಹೊಂಬಾಳೆ ಫಿಲ್ಮ್ಸ್​, "ಯುವರಾಜನ ಅರಸಿಗೆ ಆದರದ ಸ್ವಾಗತ" ಎಂದು ಬರೆದು ಕೊಂಡಿದೆ. ಜೊತೆಗೆ 'ಯುವ' ಸಿನಿಮಾಗೆ ಸಪ್ತಮಿ ಗೌಡ ಪರ್ಫೆಕ್ಟ್​ ನಾಯಕಿ ಎಂದು ಹೇಳಿದೆ. ಈ ಮೂಲಕ ಕಾಂತಾರ ಬ್ಯೂಟಿ ಸಪ್ತಮಿ ಗೌಡ ಯುವ ಸಿನಿಮಾಗೆ ನಾಯಕಿಯಾಗಿ ಫೈನಲ್​ ಆಗಿದ್ದಾರೆ.

'ಯುವ'ರಾಜನ ಅರಸಿಯಾಗಿ ಸಪ್ತಮಿ ಗೌಡ

ಇದನ್ನೂ ಓದಿ: ಪವರ್ ಸ್ಟಾರ್ ಯಶಸ್ವಿ ಹಾದಿಯಲ್ಲಿ ಯುವ ರಾಜ್​ಕುಮಾರ್​: ಅಪ್ಪು ಕಾರ್​ ನಂಬರ್​ ಯುವ ಸಿನಿಮಾದಲ್ಲಿ ಬಳಕೆ

ಚಿತ್ರತಂಡ ಹೀಗಿದೆ.. ಕನ್ನಡ ಚಿತ್ರರಂಗದ ತಮ್ಮದೇ ವಿಭಿನ್ನ ಚಿತ್ರಗಳು ಹಾಗು ಮನೋರಂಜನೆ ತುಂಬಿದ ಚಿತ್ರಕತೆಗಳಿಂದ ಒಂದರ ಹಿಂದೆ ಮತ್ತೊಂದು ದಾಖಲೆ ನಿರ್ಮಿಸಿರುವ ನಿರ್ದೇಶಕ ಸಂತೋಷ್ ಆನಂದ್‌ರಾಮ್ ಯುವ ಸಿನಿಮಾಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಹೊಂಬಾಳೆ ಫಿಲ್ಮ್ಸ್ ಹಾಗೂ ಸಂತೋಷ್ ಆನಂದ್‌ ರಾಮ್​ ಅವರ ಕಾಂಬಿನೇಶನ್​ನಲ್ಲಿ ಗೆಲುವಿನ ಓಟಕ್ಕೆ ಈ ಚಿತ್ರ ನಾಲ್ಕನೇ ಸೇರ್ಪಡೆಯಾಗಿದೆ.

ಇನ್ನು ಕನ್ನಡ ನಾಡಿಗೆ ಹಾಗೂ ರಾಷ್ಟ್ರಕ್ಕೆ ಸತತ ಸದಭಿರುಚಿಯ ಹಾಗೂ ದಾಖಲೆ ನಿರ್ಮಿಸಿದಂತಹ ಚಲನಚಿತ್ರಗಳನ್ನು ನಿರ್ಮಿಸುತ್ತಾ ಬಂದಿರುವ ಹೊಂಬಾಳೆ ಫಿಲ್ಮ್​​ನ ನಿರ್ಮಾಪಕರಾದ ವಿಜಯ್ ಕಿರಗಂದೂರ್ ಅದ್ದೂರಿ ವೆಚ್ಚದಲ್ಲಿ ಚಿತ್ರ ನಿರ್ಮಾಣ ಮಾಡುತ್ತಿದ್ದು, ಸಂಗೀತ ನಿರ್ದೇಶಕ ಅಜನೀಶ್ ಬಿ ಲೋಕನಾಥ್, ಛಾಯಾಗ್ರಾಹಕ ಶ್ರೀಶ ಕೂದುವಳ್ಳಿ ಕ್ಯಾಮರಾ ವರ್ಕ್ ಇದೆ. ಪುನೀತ್ ರಾಜ್​ಕುಮಾರ್ ಹುಟ್ಟು ಹಬ್ಬದಂದು ಯುವ ಚಿತ್ರದ ಶೂಟಿಂಗ್​​ ಆರಂಭ ಆಗಲಿದ್ದು, 2023ರ ಡಿಸೆಂಬರ್ 22ರಂದು ಸಿನಿಮಾ ತೆರೆಗೆ ಅಪ್ಪಳಿಸಲಿದೆ.

ಇದನ್ನೂ ಓದಿ: ಸ್ಯಾಂಡಲ್​ವುಡ್​ಗೆ ದೊಡ್ಮನೆಯ ಮತ್ತೋರ್ವ ಪ್ರತಿಭೆ ಎಂಟ್ರಿ: ಯುವ ರಾಜ್​ಕುಮಾರ್​ ಚೊಚ್ಚಲ ಚಿತ್ರದ ಟೈಟಲ್​ ಅನಾವರಣ