ಹೌದು ಸ್ವಾಮಿ! ಶೀಘ್ರದಲ್ಲೇ ಬರಲಿದೆ 'ಬಿಗ್​ ಬಾಸ್​ ಸೀಸನ್​ 10'; ಈ ಬಾರಿ ಸಂಥಿಂಗ್​ ಸ್ಪೆಷಲ್​

Bigg Boss season 10: ಬಿಗ್​ ಬಾಸ್​ ಸೀಸನ್​ 10 ಶೀಘ್ರವೇ ಪ್ರಾರಂಭವಾಗಲಿದೆ.

ಕನ್ನಡದ ಜನಪ್ರಿಯ ರಿಯಾಲಿಟಿ ಶೋಗಳಲ್ಲಿ 'ಬಿಗ್​ ಬಾಸ್'​ ಕೂಡ ಒಂದು. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್​ ನಡೆಸಿಕೊಡುವ ಈ ಕಾರ್ಯಕ್ರಮಕ್ಕೆ ಅಪಾರ ಸಂಖ್ಯೆಯಲ್ಲಿ ಅಭಿಮಾನಿಗಳಿದ್ದಾರೆ. ಈವರೆಗೆ ಒಂಬತ್ತು ಸೀಸನ್​ಗಳನ್ನು ಯಶಸ್ವಿಯಾಗಿ ಮುಗಿಸಿರುವ ಬಿಗ್​ ಬಾಸ್​ ಇದೀಗ ಮತ್ತೆ ಬಂದಿದೆ. ಬಿಗ್​ ಬಾಸ್​ 10ನೇ ಸೀಸನ್​ ಶೀಘ್ರವೇ ಪ್ರಾರಂಭವಾಗಲಿದೆ. ನಿನ್ನೆ ಕಿಚ್ಚನ ಹುಟ್ಟುಹಬ್ಬದಂದು ಹೊಸ ಸೀಸನ್​ನ ಪ್ರೋಮೋ ಬಿಡುಗಡೆ ಮಾಡಲಾಗಿದೆ. ಈ ಹಿಂದಿನ ಎಲ್ಲಾ ಸೀಸನ್​ಗಿಂತ ಈ ಬಾರಿಯ ಬಿಗ್​ ಬಾಸ್​ ಸಂಥಿಂಗ್​ ಸ್ಪೆಷಲ್​ ಆಗಿರಲಿದೆ ಎಂದು ಪ್ರೋಮೋದಲ್ಲಿ ಹೇಳಲಾಗಿದೆ.

ಈ ಬಾರಿ ಸಂಥಿಂಗ್​ ಸ್ಪೆಷಲ್​.. ಹೌದು, ಬಿಗ್​ ಬಾಸ್​ ಸೀಸನ್​ 10ರ ಪ್ರೋಮೋ ಕುತೂಹಲ ಮೂಡಿಸಿದೆ. ಏಕೆಂದರೆ ಬಿಗ್​ ಬಾಸ್​ ಮನೆಯಲ್ಲಿ ಕ್ಯಾಮರಾಗಳನ್ನಿಟ್ಟು ಸ್ಪರ್ಧಿಗಳ ಚಲನ ವಲನ, ಅವರ ಮಾತುಗಳನ್ನು ಈವರೆಗೆ ಪ್ರೇಕ್ಷಕರಿಗೆ ತೋರಿಸಲಾಗುತ್ತಿತ್ತು. ಎಲ್ಲಾ ಸೀಸನ್​ಗಳ ಪ್ರೋಮೋಗಳು ಕೂಡ ಹೀಗೆಯೇ ಇರುತ್ತಿತ್ತು. ಆದರೆ ಇದೀಗ ಬಿಡುಗಡೆಯಾಗಿರುವ ಪ್ರೋಮೋ ತುಸು ಭಿನ್ನವಾಗಿದೆ. ಈ ಬಾರಿ ರಿಯಾಲಿಟಿ ಶೋ ಸಂಥಿಂಗ್​ ಸ್ಪೆಷಲ್​ ಆಗಿರಲಿದೆ. ಪ್ರೋಮೋದಲ್ಲಿ ಮನೆಯೊಳಗಿನ ಕ್ಯಾಮರಾದ ಬದಲಿಗೆ ರಸ್ತೆಯಲ್ಲಿನ ಕ್ಯಾಮರಾಗಳನ್ನು ತೋರಿಸಲಾಗಿದೆ.

• ಈ ಬಾರಿಯ ಬಿಗ್‌ಬಾಸ್ something special!!!
  ನಿಮಗಿಷ್ಟ ಆಗುವ ಸ್ಪೆಷಲ್ ಏನು? ಕಮೆಂಟ್ ಮಾಡಿ!#BiggBossKannada #BBK10 #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/WfORUvnKFE

  — Colors Kannada (@ColorsKannada) September 2, 2023 " class="align-text-top noRightClick twitterSection" data="

  ಈ ಬಾರಿಯ ಬಿಗ್‌ಬಾಸ್ something special!!!
  ನಿಮಗಿಷ್ಟ ಆಗುವ ಸ್ಪೆಷಲ್ ಏನು? ಕಮೆಂಟ್ ಮಾಡಿ!#BiggBossKannada #BBK10 #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/WfORUvnKFE

  — Colors Kannada (@ColorsKannada) September 2, 2023

  ">

  ಈ ಬಾರಿಯ ಬಿಗ್‌ಬಾಸ್ something special!!!
  ನಿಮಗಿಷ್ಟ ಆಗುವ ಸ್ಪೆಷಲ್ ಏನು? ಕಮೆಂಟ್ ಮಾಡಿ!#BiggBossKannada #BBK10 #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/WfORUvnKFE

  — Colors Kannada (@ColorsKannada) September 2, 2023

ರಸ್ತೆಯಲ್ಲಿ ಕಟ್ಟಡಗಳಿಗೆ ಅಳವಡಿಸಿರುವ ಸಿಸಿಟಿವಿ ಕ್ಯಾಮರಾಗಳನ್ನು ತೋರಿಸಿ, ರಸ್ತೆಯಲ್ಲಿ ಓಡಾಡುವ ವ್ಯಕ್ತಿಗಳ ದೃಶ್ಯಗಳನ್ನು ಸೆರೆ ಹಿಡಿದು ಪ್ರೋಮೋವನ್ನು ಕೊಂಚ ಡಿಫರೆಂಟ್​ ಆಗಿಯೇ ತೋರಿಸಲಾಗಿದೆ. ಅಲ್ಲದೇ ಪ್ರೋಮೋದ ಹಿನ್ನಲೆ ಧ್ವನಿಯಲ್ಲಿ, "ನಮಸ್ತೆ ಕರ್ನಾಟಕ. ಹೇಗಿದ್ದೀರಾ? ನನ್ನ ಮಿಸ್​ ಮಾಡ್ಕೊಂಡ್ರಾ? ಇಟ್ಟ ನೋಟ ಗಟ್ಟಿಯಾಗಿದೆ. ಆಟ ಮತ್ತೆ ಶುರುವಾಗ್ತಿದೆ. ಆದ್ರೆ ಈ ಬಾರಿ ಸಂಥಿಂಗ್​​ ಸ್ಪೆಷಲ್​" ಎಂದು ಹೇಳಿರುವುದು ಮತ್ತಷ್ಟು ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ: BBOTT2: ಎಲ್ವಿಶ್​ ಯಾದವ್​ಗೆ 'ಬಿಗ್​ ಬಾಸ್​' ಪಟ್ಟ.. ಶೋ ಗೆದ್ದ ಮೊದಲ 'ವೈಲ್ಡ್​ ಕಾರ್ಡ್'​ ಸ್ಪರ್ಧಿ

ಪ್ರೋಮೋದಲ್ಲಿ ಕಿಚ್ಚ ಇಲ್ಲ..! ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಕಿಚ್ಚ ಸುದೀಪ್​ ಇಲ್ಲ. ಅವರನ್ನು ತೋರಿಸಲಾಗಿಲ್ಲ. ಆದರೆ ಮೊದಲನೇ ಸೀಸನ್​ನಿಂದಲೂ ಸುದೀಪ್​ ಒಬ್ಬರೇ ಬಿಗ್ ​ಬಾಸ್​ ನಿರೂಪಣೆ ಮಾಡುತ್ತಾ ಬಂದಿದ್ದಾರೆ. ಕಿಚ್ಚ ಅಲ್ಲದೇ ಮತ್ಯಾರು ಬಿಗ್​ ಬಾಸ್​ ನಿರೂಪಣೆ ಮಾಡಲಾರರು ಎನ್ನುವಂತೆ ಆಗಿದೆ. ಅಷ್ಟರ ಮಟ್ಟಿಗೆ ಜನರು ಸುದೀಪ್​ ಅವರ ನಿರೂಪಣೆಯನ್ನೇ ಬಯಸುತ್ತಾರೆ. ಹಾಗಾಗಿ ಈ ಬಾರಿ ಸುದೀಪ್​ ಅವರೇ ನಿರೂಪಣೆ ಮಾಡಬಹುದು ಎಂದು ಊಹಿಸಲಾಗಿದೆ. ಈ ಬಗ್ಗೆ ಯಾವುದೇ ಸುಳಿವನ್ನು ಆಯೋಜಕರು ಬಿಟ್ಟುಕೊಟ್ಟಿಲ್ಲ.

ಕೇವಲ ಬಿಗ್​ ಬಾಸ್​ ಸೀಸನ್​ 10 ಪ್ರಾರಂಭವಾಗಲಿದೆ ಎಂಬ ಮಾಹಿತಿಯನ್ನು ಮಾತ್ರ ಪ್ರೋಮೋದಲ್ಲಿ ನೀಡಲಾಗಿದೆ. ಜೊತೆಗೆ ಕಳೆದ ಎಲ್ಲಾ ಸೀಸನ್​ಗಿಂತ ಈ ಬಾರಿ ಸಂಥಿಂಗ್​ ಸ್ಪೆಷಲ್​ ಆಗಿರಲಿದೆ ಎಂದು ತಿಳಿಸಿದೆ. ಇದರ ಹೊರತಾಗಿ ಯಾವುದೇ ಮಾಹಿತಿಯನ್ನು ತಯಾರಕರು ನೀಡಿಲ್ಲ. ಜೊತೆಗೆ ಈ ಬಾರಿ ಬಿಗ್​ ಬಾಸ್ ಓಟಿಟಿಯನ್ನು ಕೈ ಬಿಡಲಾಗಿದೆಯೇ? ಎಂಬ ಅನುಮಾನ ದಟ್ಟವಾಗಿದೆ. ಕಳೆದ ಬಾರಿ ಬಿಗ್​ ಬಾಸ್​ ಓಟಿಟಿಯಲ್ಲಿ ಜನರಿಂದ ಉತ್ತಮ ಪ್ರತಿಕ್ರಿಯೆ ಗಳಿಸಿತ್ತು. ಆದರೆ ಈ ಬಾರಿ ಬಿಗ್​ ಬಾಸ್​ ಓಟಿಟಿಯಲ್ಲಿ ಪ್ರಸಾರವಾಗಲಿದೆಯಾ? ಅಥವಾ ಕೇವಲ ದೂರದರ್ಶನದಲ್ಲಿ ಮಾತ್ರವೇ? ಎಂಬ ಪ್ರಶ್ನೆ ಬಿಗ್​ ಬಾಸ್​ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ: ಶಾರುಖ್ 'ಜವಾನ್' ಭರ್ಜರಿ ಓಪನಿಂಗ್​​ ನಿರೀಕ್ಷೆ; ಫಸ್ಟ್‌ ಡೇ ಶೋಗೆ ಮಾರಾಟವಾದ ಟಿಕೆಟ್​​ಗಳೆಷ್ಟು?!