ಸೂಪರ್​ ಸ್ಟಾರ್​ಗಳೊಂದಿಗೆ ನಟನೆ: ಬಾಲಿವುಡ್​ಗೆ ಆರ್​ಆರ್​ಆರ್​ ನಟ ಜೂ. ಎನ್​ಟಿಆರ್​ ಎಂಟ್ರಿ!

ಬಹುಬೇಡಿಕೆ ನಟರ ಬಹುನಿರೀಕ್ಷಿತ ಚಿತ್ರಗಳಲ್ಲಿ ನಟಿಸುವ ಮೂಲಕ ಯಂಗ್ ಟೈಗರ್ ಜೂನಿಯರ್ ಎನ್​ಟಿಆರ್ ಬಾಲಿವುಡ್​ಗೆ ಎಂಟ್ರಿ ಕೊಡಲು ಸಜ್ಜಾಗಿದ್ದಾರೆ.

ಯಂಗ್ ಟೈಗರ್ ಜೂನಿಯರ್ ಎನ್​ಟಿಆರ್ ಅವರು ಸೂಪರ್ ಹಿಟ್ ಸಿನಿಮಾ 'ವಾರ್' ಸೀಕ್ವೆಲ್ ಮೂಲಕ ಬಾಲಿವುಡ್​ಗೆ ಎಂಟ್ರಿ ಕೊಡಲಿದ್ದಾರೆ. ಹ್ಯಾಂಡ್ಸಮ್ ಸ್ಟಾರ್ ಹೃತಿಕ್ ರೋಷನ್ ಜೊತೆ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ. ಈ ವಿಚಾರವನ್ನು ಚಿತ್ರ ವಿಶ್ಲೇಷಕ ತರಣ್ ಆದರ್ಶ್ ಖಚಿತಪಡಿಸಿದ್ದಾರೆ.

ದೇಶಾದ್ಯಂತ ಆರ್​ಆರ್​ಆರ್​ ತಾರೆಯ ಅಭಿಮಾನಿಗಳು ಹಾಗೂ ಸಿನಿಪ್ರೇಮಿಗಳಲ್ಲಿ ಈ ಕ್ರೇಜಿ ಕಾಂಬೋ ಬಗ್ಗೆ ಭಾರೀ ಕುತೂಹಲ ಮೂಡಿದೆ. 'ವಾರ್ 2' ನಲ್ಲಿ ಜೂನಿಯರ್ ಎನ್​ಟಿಆರ್ ಪಾತ್ರ ಹೇಗಿರಲಿದೆ? ಎಂಬ ಬಗ್ಗೆ ಅಭಿಮಾನಿಗಳು ಊಹಿಸುತ್ತಿದ್ದಾರೆ. ಯಶ್ ರಾಜ್ ಫಿಲ್ಮ್ಸ್​ನ ಆದಿತ್ಯ ಚೋಪ್ರಾ ಈ ಚಿತ್ರದಲ್ಲಿ ಜೂನಿಯರ್​ ಎನ್​ಟಿಆರ್​ ಅವರಿಂದ ನಟಿಸಲು ಸಾಕಷ್ಟು ಹಣ ಖರ್ಚು ಮಾಡುತ್ತಿದ್ದಾರೆ ಎಂಬ ವರದಿಗಳಿವೆ.

ಆದ್ರೀಗ ಜೂ. ಎನ್​ಟಿಆರ್ ಸಿನಿಮಾ ಬಗ್ಗೆ ಮತ್ತೊಂದು ಕುತೂಹಲಕಾರಿ ಸಂಗತಿ ಹೊರಬಿದ್ದಿದೆ. 'ವಾರ್ 2'ಕ್ಕೂ ಮುನ್ನ ಜೂ. ಎನ್​ಟಿಆರ್​ ಮತ್ತೊಂದು ಚಿತ್ರದ ಮೂಲಕ ಬಾಲಿವುಡ್‌ಗೆ ಮೊದಲ ಎಂಟ್ರಿ ಕೊಡಲಿದ್ದಾರೆ ಎಂಬ ಮಾತುಗಳೂ ಕೂಡ ಕೇಳಿಬರುತ್ತಿವೆ. ಆದಿತ್ಯ ಚೋಪ್ರಾ ನಿರ್ಮಿಸುತ್ತಿರುವ ಸಲ್ಮಾನ್ ಖಾನ್ ಅವರ 'ಟೈಗರ್ 3'ನಲ್ಲಿ ಆರ್​​ಆರ್​ಆರ್ ಸ್ಟಾರ್​ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ. ಈ ಸಿನಿಮಾದ ಜೂ. ಎನ್​ಟಿಆರ್​ ಪಾತ್ರವನ್ನು ಪರಿಚಯಿಸಿದ ನಂತರ ವಾರ್ 2 ಮುಂದುವರಿಸಲು ಮುಂದಾಗಿದ್ದಾರೆ. ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಆದರೆ ಆ ಬಗ್ಗೆ ಭಾರಿ ನಿರೀಕ್ಷೆಗಳಿವೆ. ಬಾಲಿವುಡ್​ ಸಿನಿಮಾ ಮೂಲಕವೂ ಇವರಿಗೆ ದೊಡ್ಡ ಯಶಸ್ಸು ಸಿಗಲಿದೆ ಎನ್ನುತ್ತಾರೆ ಅಭಿಮಾನಿಗಳು.

ಜೂ. ಎನ್​ಟಿಆರ್ ದಕ್ಷಿಣದ ಜೊತೆಗೆ ಉತ್ತರದಲ್ಲೂ ಫುಲ್ ಕ್ರೇಜ್ ಹೊಂದಿರುವ ಕಾರಣ ಆದಿತ್ಯ ಚೋಪ್ರಾ 'ಟೈಗರ್ 3' ಸಿನಿಮಾದಲ್ಲಿ ಅವರನ್ನು ಪರಿಚಯಿಸಲು ಮುಂದಾಗಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ. ಒಂದು ವೇಳೆ ಇದು ಸಾಧ್ಯವಾದರೆ, ಟೈಗರ್ 3 ಸಿನಿಮಾ ಸೌತ್​ನಲ್ಲಿಯೂ ಒಳ್ಳೆ ಬ್ಯುಸಿನೆಸ್ ಮಾಡಲಿದೆ ಎಂಬ ವಿಶ್ವಾಸ ಇದೆ. ವಾರ್ 2 ಈ ವರ್ಷದ ಕೊನೆಯಲ್ಲಿ ಸೆಟ್ಟೇರಲಿದೆ.

ಇದನ್ನೂ ಓದಿ: ಶ್ರೇಯಸ್ ಮಂಜು ಅಭಿನಯದ 'ವಿಷ್ಣು ಪ್ರಿಯ' ಸಿನಿಮಾ ಟೀಸರ್ ಬಿಡುಗಡೆ

ಈ ಚಿತ್ರಕ್ಕೂ ಮುನ್ನ ಕೊರಟಾಲ ನಿರ್ದೇಶನದ 'ಎನ್​ಟಿಆರ್ 30' ಸಿನಿಮಾ ಪೂರ್ಣಗೊಳಿಸಲಿದ್ದಾರೆ. ಇದೊಂದು ಸಖತ್ ಆ್ಯಕ್ಷನ್ ಎಂಟರ್‌ಟೈನರ್ ಸಿನಿಮಾ ಆಗಲಿದೆ. ಆರ್​ಆರ್​ರ್​ ನಂತಹ ನಂತಹ ದೊಡ್ಡ ಹಿಟ್‌ ಸಿನಿಮಾ ನಂತರ ಜೂ. ಎನ್‌ಟಿಆರ್‌ ನಟಿಸುತ್ತಿರುವ ಚಿತ್ರವಿದು. ಹೀಗಾಗಿ ಅಭಿಮಾನಿಗಳ ಕುತೂಹಲ ಬೆಟ್ಟದಷ್ಟಿದೆ. ಬಾಲಿವುಡ್​ ನಟಿ ಜಾನ್ವಿ ಕಪೂರ್ ಈ ಚಿತ್ರದ ನಾಯಕ ನಟಿ. ಸಿನಿಮಾದ ಶೂಟಿಂಗ್ ಇತ್ತೀಚೆಗಷ್ಟೇ ಶುರುವಾಗಿದೆ.

ಇದನ್ನೂ ಓದಿ: SCAM 1770 ಪೋಸ್ಟರ್ ರಿಲೀಸ್: ನೀವು ನೋಡಲೇಬೇಕಾದ ಸಿನಿಮಾ ಎಂದ ನಿರ್ದೇಶಕ

ಆರ್​ಆರ್​ಆರ್ ಚಿತ್ರದ ಸೂಪರ್​ ಹಿಟ್ ನಾಟು ನಾಟು ಹಾಡು ಅತ್ಯುತ್ತಮ ಮೂಲಗೀತೆ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿ ಪಡೆದುಕೊಂಡಿದೆ. ಆಸ್ಕರ್ 2023 ಬಳಿಕ ಜೂನಿಯರ್​ ಎನ್​ಟಿಅರ್​, ರಾಮ್​ಚರಣ್​, ನಿರ್ದೇಶಕ ರಾಜಮೌಳಿ ಅವರ ಜನಪ್ರಿಯತೆ ಹೆಚ್ಚಾಗಿದೆ. ಈ ಹಿನ್ನೆಲೆ ಇವರ ಮುಂದಿನ ಚಿತ್ರಗಳ ಮೇಲೆ ಕುತೂಹಲ ಹೆಚ್ಚಾಗಿದೆ.