ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಮತ್ತು ದಕ್ಷಿಣ ಚಿತ್ರರಂಗದ ಸ್ಟಾರ್ ಡೈರೆಕ್ಟರ್ ಅಟ್ಲೀ ಕಾಂಬಿನೇಶನ್ನಲ್ಲಿ ಮೂಡಿಬಂದ ಜವಾನ್ ಸಿನಿಮಾ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಈಗಾಗಲೇ ಹಲವು ದಾಖಲೆಗಳನ್ನು ಮುರಿದಿರುವ ಜವಾನ್ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಮುಂದುವರಿಸಿದೆ. ಮೊದಲ ದಿನಗಳಿಗೆ ಹೋಲಿಸಿದರೆ ಅಂಕಿಅಂಶ ಕಡಿಮೆ ಎನಿಸಿದರೂ, ಒಟ್ಟು ಕಲೆಕ್ಷನ್ ಎಲ್ಲರ ಹುಬ್ಬೇರಿಸಿದೆ.
ಬಹುನಿರೀಕ್ಷೆಗಳೊಂದಿಗೆ ಸಿನಿಮಾ ಸೆಪ್ಟೆಂಬರ್ 7 ರಂದು ತೆರೆಕಂಡಿತು. ದೇಶೀಯ ಗಲ್ಲಾಪೆಟ್ಟಿಗೆಯಲ್ಲಿ, 13 ದಿನಗಳಲ್ಲಿ 500 ಕೋಟಿ ರೂ.ನ ಕ್ಲಬ್ ಸೇರುವಲ್ಲಿ ಯಶ ಕಂಡಿತು. 14ನೇ ದಿನ ಅಂದರೆ ಇಂದಿನ ಕಲೆಕ್ಷನ್ ಸಂಖ್ಯೆ ಕೊಂಚ ಇಳಿಕೆ ಆಗಲಿದೆ ಎಂದು ಆರಂಭಿಕ ಅಂದಾಜು ಸೂಚಿಸಿದೆ. ವಾರದ ದಿನಗಳಾದರೂ ಸಿನಿಮಾ ಪ್ರದರ್ಶನ ಉತ್ತಮವಾಗಿ ಮುಂದುವರಿದಿದೆ.
ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಪ್ರಕಾರ, ಜನಾನ್ ಸಿನಿಮಾ ತೆರೆಕಂಡು 14ನೇ ದಿನದ (ಇಂದು, ಬುಧವಾರ) ಕಲೆಕ್ಷನ್ ಅಂಕಿಅಂಶ ಕೊಂಚ ಇಳಿಮುಖ ಆಗಲಿದೆ. ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ ಸಿನಿಮಾ ಇಂದು 12 ಕೋಟಿ ರೂ. ಕಲೆಕ್ಷನ್ ಮಾಡುವ ಸಾಧ್ಯತೆ ಇದೆ. ಹಾಗಾದಲ್ಲಿ 14 ದಿನಕ್ಕೆ ಸಿನಿಮಾದ ಒಟ್ಟು ಸಂಪಾದನೆ 520.06 ಕೋಟಿ ರೂ. (ಇದು ಕೇವಲ ದೇಶೀಯ ಮಾರುಕಟ್ಟೆಯ ವ್ಯವಹಾರ) ಆಗಲಿದೆ. ಇನ್ನೂ ಸಿನಿಮಾ ಮಂಗಳವಾರದಂದು ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ 13 ಕೋಟಿ ರೂ. ಸಂಗ್ರಹಿಸಿದೆ. ಚಿತ್ರ ಒಟ್ಟು 12 ದಿನಗಳಲ್ಲಿ ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ ಒಟ್ಟು 883.68 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎಂದು ಚಿತ್ರತಯಾರಕರು ಘೋಷಿಸಿದ್ದಾರೆ. ಬಾಹುಬಲಿ, ಗದರ್ 2, ಪಠಾಣ್ ಬಳಿಕ ದೇಶೀಯ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾವಾಗಿ ಹೊರಹೊಮ್ಮಿದೆ.
ಇದನ್ನೂ ಓದಿ: ಮೆಗಾಸ್ಟಾರ್ ಚಿರಂಜೀವಿ ಹೊಸ ಸಿನಿಮಾದಲ್ಲಿ ಐಶ್ವರ್ಯಾ ರೈ ಬಚ್ಚನ್? ಸಚಿತ್ರ ಮಾಹಿತಿ
ಇದೇ ಮೊದಲ ಬಾರಿಗೆ ಸೌತ್ ಸಿನಿಮಾ ಇಂಡಸ್ಟ್ರಿಯ ಸ್ಟಾರ್ ನಿರ್ದೇಶಕ ಅಟ್ಲೀ ಕುಮಾರ್ ಬಾಲಿವುಡ್ ಕಿಂಗ್ ಖಾನ್ಗೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಎಸ್ಆರ್ಕೆ ಹೊರತುಪಡಿಸಿ, ಸೌತ್ ಸೂಪರ್ ಸ್ಟಾರ್ಗಳಾದ ವಿಜಯ್ ಸೇತುಪತಿ, ನಯನತಾರಾ ಸೇರಿದಂತೆ ಹಲವರು ನಟಿಸಿದ್ದಾರೆ. ಇನ್ನೂ ಬಾಲಿವುಡ್ ಬಹುಬೇಡಿಕೆ ನಟಿ ದೀಪಿಕಾ ಪಡುಕೋಣೆ ನಟಿಸಿದ್ದು ಅತಿಥಿ ಪಾತ್ರದಲ್ಲಾದರೂ, ಸಖತ್ ಸದ್ದು ಮಾಡಿದ್ದಾರೆ. ಚಿತ್ರಕ್ಕೆ ಶಾರುಖ್ ಅವರ ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ಬ್ಯಾನರ್ ಬಂಡವಾಳ ಹೂಡಿದೆ. ಯುವ ಸಂಗೀತ ನಿರ್ದೇಶಕ ಅನಿರುಧ್ ರವಿಚಂದರ್ ಅವರ ಸಂಗೀತ ಪ್ರೇಕ್ಷಕರಿಗೆ ಮೋಡಿ ಮಾಡಿದೆ.
ಇದನ್ನೂ ಓದಿ: 'ಕೆಜಿಎಫ್ 2' ಹಿಂದಿಕ್ಕಿ ದೇಶದ 4ನೇ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿ ಹೊರಹೊಮ್ಮಿದ 'ಜವಾನ್'
ಜವಾನ್ ಯಶಸ್ಸಿನೊಂದಿಗೆ ಶಾರುಖ್ ಮತ್ತೊಮ್ಮೆ ತಮ್ಮ ಸ್ಟಾರ್ಡಮ್ ಅನ್ನು ಸಾಬೀತುಪಡಿಸಿದರು. ನಾಲ್ಕು ವರ್ರಷಗಳ ಬ್ರೇಕ್ ಬಳಿಕ ಬಂದ ಪಠಾಣ್ ಸೂಪರ್ ಡೂಪರ್ ಹಿಟ್ ಆಯಿತು. ಸದ್ಯ ಜವಾನ್ ಸದ್ದು ಮಾಡುತ್ತಿದೆ. ಈ ವರ್ಷದ ಕೊನೆಯಲ್ಲಿ ಡಂಕಿ ಸಿನಿಮಾ ತೆರೆ ಕಾಣಲಿದೆ. ರಾಜ್ಕುಮಾರ್ ಹಿರಾನಿ ಅವರ ಡಂಕಿ ಸಿನಿಮಾ ಈ ವರ್ಷದ ಕೊನೆಯಲ್ಲಿ ರಿಲೀಸ್ ಆಗಲಿದೆ.
