ಜೂಮೆ ಜೋ ಪಠಾಣ್​​ ಹಾಡಿಗೆ ಮೈ ಕುಣಿಸಿದ ಇರ್ಫಾನ್ ಪಠಾಣ್ ಪುತ್ರ.. ವಿಡಿಯೋ ಮೆಚ್ಚಿದ ಎಸ್​ಆರ್​ಕೆ

ಇರ್ಫಾನ್ ಪಠಾಣ್ ಅವರ ಮಗ ಜೂಮೆ ಜೋ ಪಠಾಣ್​​ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾನೆ.

ಬಾಲಿವುಡ್ ಕಿಂಗ್​ ಖಾನ್​​ ಶಾರುಖ್ ಖಾನ್ ಅವರ ಮುದ್ದಾದ ಅಭಿಮಾನಿ, ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಅವರ ಪುತ್ರ ಜೂಮೆ ಜೋ ಪಠಾಣ್​​ ಹಾಡಿಗೆ ಹೆಜ್ಜೆ ಹಾಕಿದ್ದು, ಇದಕ್ಕೆ ಸ್ವತಃ ಎಸ್​ಆರ್​ಕೆ ಪ್ರತಿಕ್ರಿಯಿಸಿದ್ದಾರೆ.

ಇರ್ಫಾನ್ ಪಠಾಣ್ ತಮ್ಮ ಟ್ವಿಟ್ಟರ್ ಪೇಜ್​ನಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ದೀಪಿಕಾ ಪಡುಕೋಣೆ ಮತ್ತು ಶಾರುಖ್​ ಖಾನ್​ ಅಭಿನಯದ ಸೂಪರ್​ ಹಿಟ್ ಜೂಮೆ ಜೋ ಪಠಾಣ್​​ ಹಾಡಿಗೆ ಇರ್ಫಾನ್ ಪಠಾಣ್ ಅವರ ಮಗು ಮೈ ಕುಣಿಸಿರುವ ವಿಡಿಯೋವಿದು. ಮಗು ಫೋನ್‌ನಲ್ಲಿ ಹಾಡು ಕೇಳುವುದರೊಂದಿಗೆ ಮತ್ತು ಅದಕ್ಕೆ ನೃತ್ಯ ಮಾಡುವ ಮೂಲಕ ಎಸ್​ಆರ್​ಕೆ ಅವರ ಹಾಡಿಗೆ ಸ್ಪಂದಿಸಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿ ನೆಟ್ಟಿಗರ ಮೆಚ್ಚುಗೆ ಸಂಪಾದಿಸಿದೆ.

• Khansaab @iamsrk please add one more cutest fan in your list… pic.twitter.com/peCMLOorbJ

  — Irfan Pathan (@IrfanPathan) March 22, 2023 " class="align-text-top noRightClick twitterSection" data="

  Khansaab @iamsrk please add one more cutest fan in your list… pic.twitter.com/peCMLOorbJ

  — Irfan Pathan (@IrfanPathan) March 22, 2023

  ">

  Khansaab @iamsrk please add one more cutest fan in your list… pic.twitter.com/peCMLOorbJ

  — Irfan Pathan (@IrfanPathan) March 22, 2023

ವಿಡಿಯೋ ಹಂಚಿಕೊಂಡಿರುವ ಇರ್ಫಾನ್ ಪಠಾಣ್, ''ಖಾನ್​ ಸರ್, ನಿಮ್ಮ ಅಭಿಮಾನಿಗಳ ಪಟ್ಟಿಗೆ ಈ ಹೊಸ ಅಭಿಮಾನಿಯನ್ನೂ ಸೇರಿಸಿ'' ಎಂದು ಬರೆದುಕೊಂಡಿದ್ದಾರೆ. ಇರ್ಫಾನ್ ಪಠಾಣ್ ಈ ಪೋಸ್ಟ್ ಹಂಚಿಕೊಳ್ಳುತ್ತಿದ್ದಂತೆ ನೆಟ್ಟಿಗರು ಕಾಮೆಂಟ್​ ಸೆಕ್ಷನ್​ ಅಲ್ಲಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಲು ಶುರು ಮಾಡಿದ್ದಾರೆ. ಅವರ ಕಾಮೆಂಟ್​ ಸೆಕ್ಷನ್​ ಹಾರ್ಟ್ ಎಮೋಜಿಗಳಿಂದ ತುಂಬಿದೆ. ಅಸಲಿ ಪಠಾನ್​ ಇಲ್ಲಿದ್ದಾನೆ, ಮಗು ಬಹಳ ಮುದ್ದಾಗಿದೆ, ದೇವರು ಅವನನ್ನು ಯಾವಾಗಲೂ ಆಶೀರ್ವದಿಸಲಿ, ಛೋಟಾ ಪಠಾಣ್​ ಎಂದೆಲ್ಲಾ ಕಾಮೆಂಟ್​ ಮಾಡಿದ್ದಾರೆ.

ಶಾರುಖ್​ ಖಾನ್​​ ತಮ್ಮ ಟ್ವಿಟರ್​ ಪೇಜ್​ನಲ್ಲಿ ಈ ವಿಡಿಯೋ ಹಂಚಿಕೊಂಡು ಪ್ರತಿಕ್ರಿಯಿಸಿದ್ದಾರೆ. ''ನಿಮಗಿಂತ ಪ್ರತಿಭಾವಂತ, ಛೋಟಾ ಪಠಾಣ್'' ಎಂದು ತಿಳಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಇರ್ಫಾನ್ ಪಠಾಣ್, ''ಪ್ರತಿ ತಂದೆಯಂದಿರೂ ಈ ಮಾತನ್ನು ಕೇಳಲಿಚ್ಛಿಸುತ್ತಾರೆ'' ಎಂದು ತಿಳಿಸಿದ್ದಾರೆ. ಸಾಮಾಜಿಕ ಮಾಧ್ಯಮ ಬಳಕೆದಾರರೋರ್ವರು ಪ್ರತಿಕ್ರಿಯಿಸಿ, "ಪ್ರಪಂಚದಾದ್ಯಂತ ಅನೇಕರು (ಪಠಾಣ್ ಅಥವಾ ಅಭಿಮಾನಿಗಳು) ಇದ್ದಾರೆ ಎಂದು ನಾನು ಭಾವಿಸುತ್ತೇನೆ, ನೀವು (ಶಾರುಖ್​ ಖಾನ್) ಬೆಳಕು, ನಿಮ್ಮ ಪ್ರೀತಿಗೆ ಧನ್ಯವಾದಗಳು" ಎಂದು ಬರೆದಿದ್ದಾರೆ

• Yeh tumse zyaada talented nikla….chota Pathaan https://t.co/gK0rumQC5a

  — Shah Rukh Khan (@iamsrk) March 22, 2023 " class="align-text-top noRightClick twitterSection" data="

  Yeh tumse zyaada talented nikla….chota Pathaan https://t.co/gK0rumQC5a

  — Shah Rukh Khan (@iamsrk) March 22, 2023

  ">

  Yeh tumse zyaada talented nikla….chota Pathaan https://t.co/gK0rumQC5a

  — Shah Rukh Khan (@iamsrk) March 22, 2023

ಇದನ್ನೂ ಓದಿ: ಬಾಲಿವುಡ್​ ಕ್ವೀನ್‌ಗಿಂದು ಹುಟ್ಟುಹಬ್ಬದ ಸಂಭ್ರಮ​​: 'ನನ್ನಿಂದ ದುಃಖವಾಗಿದ್ದರೆ ಕ್ಷಮಿಸಿ'- ಕಂಗನಾ ರಣಾವತ್

ಫೆಬ್ರವರಿಯಲ್ಲಿ ಬಾರ್ಡರ್ ​ಗವಾಸ್ಕರ್​ ಟ್ರೋಫಿ ಟೆಸ್ಟ್​ ಪಂದ್ಯ ನಡೆಯಿತು. ಮೊದಲ ಟೆಸ್ಟ್​ ಪಂದ್ಯ ಮಹಾರಾಷ್ಟ್ರದ ನಾಗ್ಪುರದ ವಿದರ್ಭ ಕ್ರೀಡಾಂಗಣದಲ್ಲಿ ಫೆಬ್ರವರಿ 9ಕ್ಕೆ ಆರಂಭವಾಗಿ 11ಕ್ಕೆ ಮುಕ್ತಾಯವಾಗಿತ್ತು. ಈ ಪಂದ್ಯದ​ ಬ್ರೇಕ್​ ಸಮಯದಲ್ಲಿ ವಿರಾಟ್​ ಕೊಹ್ಲಿ ಮಾಡಿದ ಒಂದು ಡ್ಯಾನ್ಸ್​ ವೈರಲ್​ ಆಗಿ ಸದ್ದು ಮಾಡಿತ್ತು. ಅವರು ಜೂಮೆ ಜೋ ಪಠಾನ್ ಸ್ಟೆಪ್​​ ಹಾಕಿದ್ದರು. ಆ ವಿಡಿಯೋಗೂ ಶಾರುಖ್​ ಖಾನ್​ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. "ನನಗಿಂತ ಉತ್ತಮವಾಗಿ ಡ್ಯಾನ್ಸ್ ಮಾಡುತ್ತಿದ್ದಾರೆ, ಅದನ್ನು ವಿರಾಟ್ ಮತ್ತು ಜಡೇಜಾ ಅವರಿಂದ ಕಲಿಯಬೇಕು" ಎಂದು ತಿಳಿಸಿದ್ದರು.

ಇದನ್ನೂ ಓದಿ: ಸಿಹಿ ಸುದ್ದಿ ನೀಡಿದ ರಿಷಬ್ ಶೆಟ್ಟಿ: 'ಕಾಂತಾರ 2' ಸಿನಿಮಾದ ಬರವಣಿಗೆ ಪ್ರಾರಂಭ

ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಪಠಾಣ್ ಚಿತ್ರ ಬಿಡುಗಡೆಗೂ ಮುನ್ನ ಭಾರೀ ವಿವಾದ ಎದುರಿಸಿತ್ತು. ಆದ್ರೆ ಚಿತ್ರ ಕಂಡ ಯಶಸ್ಸು ಮಾತ್ರ ಅಭೂತಪೂರ್ವ. ತೆರೆಕಂಡ ಒಂದು ತಿಂಗಳೊಳಗೆ ಸಿನಿಮಾ ಸಾವಿರ ಕೋಟಿ ಕ್ಲಬ್ ಸೇರಿದೆ.