ಕನ್ನಡ ಚಿತ್ರರಂಗದ ಪ್ರತಿಷ್ಠಿತ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್ 'ಧೂಮಂ’ ಚಿತ್ರವನ್ನು ನಿರ್ಮಿಸುವ ಮೂಲಕ ಮಲಯಾಳಂ ಚಿತ್ರರಂಗಕ್ಕೆ ಕಾಲಿಟ್ಟಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಈಗಾಗಲೇ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಲ್ಲಿ ಕುತೂಹಲ ಹೆಚ್ಚಿಸಿದೆ. ಮಾಲಿವುಡ್ ಬಹುಬೇಡಿಕೆಯ ನಟ ಫಹಾದ್ ಫಾಸಿಲ್ ನಟನೆಯ ಈ ಚಿತ್ರ ಮಲಯಾಳಂನಲ್ಲಿ ಮಾತ್ರ ತೆರೆಗೆ ಬರುತ್ತೆ ಎಂಬ ಮಾತು ಕೇಳಿಬಂದಿತ್ತು. ಈ ಎಲ್ಲ ಗೊಂದಲಗಳಿಗೆ ಹೊಂಬಾಳೆ ಫಿಲ್ಮ್ಸ್ ತೆರೆ ಎಳೆದಿದೆ. ಟ್ವೀಟ್ ಮಾಡುವ ಮೂಲಕ ಸ್ಪಷ್ಟನೆ ನೀಡಿದೆ.
-
ನಿಲ್ಲಲೇ ಬೇಕು ಎಲ್ಲ ದಿಮಾಕು
— Hombale Films (@hombalefilms) June 19, 2023 " class="align-text-top noRightClick twitterSection" data="
ಕಾಲಪುರುಷನ ಕಾಲಿನ ಕೆಳಗೆ...
ಧೂಮಂ ಕನ್ನಡದಲ್ಲಿ ಜೂನ್ 23 ರಂದು ರಾಜ್ಯದಾದ್ಯಂತ ಬಿಡುಗಡೆ.#Dhoomam (Kannada) 𝐈𝐧 𝐂𝐢𝐧𝐞𝐦𝐚𝐬 𝐅𝐫𝐨𝐦 𝐉𝐮𝐧𝐞 𝟐𝟑𝐫𝐝.#FahadhFaasil @pawanfilms #VijayKiragandur @Aparnabala2 @hombalefilms @PrithvirajProd @HombaleGroup… pic.twitter.com/4DCIlSLqdR
">ನಿಲ್ಲಲೇ ಬೇಕು ಎಲ್ಲ ದಿಮಾಕು
— Hombale Films (@hombalefilms) June 19, 2023
ಕಾಲಪುರುಷನ ಕಾಲಿನ ಕೆಳಗೆ...
ಧೂಮಂ ಕನ್ನಡದಲ್ಲಿ ಜೂನ್ 23 ರಂದು ರಾಜ್ಯದಾದ್ಯಂತ ಬಿಡುಗಡೆ.#Dhoomam (Kannada) 𝐈𝐧 𝐂𝐢𝐧𝐞𝐦𝐚𝐬 𝐅𝐫𝐨𝐦 𝐉𝐮𝐧𝐞 𝟐𝟑𝐫𝐝.#FahadhFaasil @pawanfilms #VijayKiragandur @Aparnabala2 @hombalefilms @PrithvirajProd @HombaleGroup… pic.twitter.com/4DCIlSLqdRನಿಲ್ಲಲೇ ಬೇಕು ಎಲ್ಲ ದಿಮಾಕು
— Hombale Films (@hombalefilms) June 19, 2023
ಕಾಲಪುರುಷನ ಕಾಲಿನ ಕೆಳಗೆ...
ಧೂಮಂ ಕನ್ನಡದಲ್ಲಿ ಜೂನ್ 23 ರಂದು ರಾಜ್ಯದಾದ್ಯಂತ ಬಿಡುಗಡೆ.#Dhoomam (Kannada) 𝐈𝐧 𝐂𝐢𝐧𝐞𝐦𝐚𝐬 𝐅𝐫𝐨𝐦 𝐉𝐮𝐧𝐞 𝟐𝟑𝐫𝐝.#FahadhFaasil @pawanfilms #VijayKiragandur @Aparnabala2 @hombalefilms @PrithvirajProd @HombaleGroup… pic.twitter.com/4DCIlSLqdR
ಹೊಂಬಾಳೆ ಟ್ವೀಟ್: ನಿರ್ಮಾಪಕ ವಿಜಯ್ ಕಿರಗಂದೂರು ಮೊದಲ ಬಾರಿಗೆ ಮಲಯಾಳಂ ಸಿನಿಮಾ ನಿರ್ಮಾಣದ ಜವಾಬ್ದಾರಿಯನ್ನು ಕೈಗೆತ್ತಿಕೊಂಡಿದ್ದಾರೆ. 'ಧೂಮಂ' ಮೂಲಕ ಮಾಲಿವುಡ್ ರಂಗದಲ್ಲೂ ಮಿಂಚಲು ತಯಾರಾಗಿದ್ದಾರೆ. ಈ ಸಿನಿಮಾ ಮಲಯಾಳಂ ಭಾಷೆಯಲ್ಲಿ ಮಾತ್ರ ರಿಲೀಸ್ ಆಗಲಿದೆ ಎನ್ನಲಾಗಿತ್ತು. ಇದು ಕನ್ನಡ ಪ್ರೇಕ್ಷಕರ ಅಸಮಾಧಾನಕ್ಕೆ ಕಾರಣವಾಗಿತ್ತು. ಜೊತೆಗೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಯನ್ನು ಕೂಡ ಚಿತ್ರತಂಡ ನೀಡಿರಲಿಲ್ಲ.
ಇದೀಗ ಹೊಂಬಾಳೆ ಫಿಲ್ಮ್ಸ್ ಎಲ್ಲ ಗೊಂದಲಗಳಿಗೂ ಅಂತ್ಯ ಹಾಡಿದೆ. ಮಲಯಾಳಂ ಜೊತೆಗೆ ಕನ್ನಡ ಭಾಷೆಯಲ್ಲೂ 'ಧೂಮಂ' ಚಿತ್ರ ತೆರೆ ಕಾಣಲಿದೆ. ಜೂನ್ 23 ರಂದು ಮಲಯಾಳಂ ಜೊತೆಗೆ ಕನ್ನಡದಲ್ಲೂ ಚಿತ್ರ ಬಿಡುಗಡೆಯಾಗಲಿದೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಹೊಂಬಾಳೆ ಫಿಲ್ಮ್ಸ್, "ನಿಲ್ಲಲೇ ಬೇಕು ಎಲ್ಲ ಧಿಮಾಕು ಕಾಲಪುರುಷನ ಕಾಲಿನ ಕೆಳಗೆ... ಧೂಮಂ ಕನ್ನಡದಲ್ಲಿ ಜೂನ್ 23 ರಂದು ರಾಜ್ಯಾದ್ಯಂತ ಬಿಡುಗಡೆ" ಎಂದು ತಿಳಿಸಿದೆ. ಇದು ಕನ್ನಡ ಸಿನಿ ಪ್ರೇಕ್ಷಕರ ಸಂತಸಕ್ಕೆ ಕಾರಣವಾಗಿದೆ.
ಇದನ್ನೂ ಓದಿ: ಆದಿಪುರುಷ್ ಗಳಿಕೆ ಇಳಿಕೆ: ಮೂರು ದಿನದಲ್ಲಿ 300 ಕೋಟಿ ಗಳಿಸಿದ ಚಿತ್ರದ ನಾಲ್ಕನೇ ದಿನದ ಕಲೆಕ್ಷನ್ 20 ಕೋಟಿ!
ಧೂಮಂ ಸಿನಿಮಾವನ್ನು ಲೂಸಿಯಾ ಮತ್ತು ಯೂಟರ್ನ್ ಖ್ಯಾತಿಯ ಪವನ್ ಕುಮಾರ್ ನಿರ್ದೇಶಿಸಿದ್ದಾರೆ. ಪ್ರಖ್ಯಾತ ಬಹುಭಾಷಾ ನಟ ಫಹಾದ್ ಫಾಸಿಲ್ ನಾಯಕನಾಗಿ ನಟಿಸಿದ್ದಾರೆ. ರಾಷ್ಟ್ರ ಪ್ರಶಸ್ತಿ ವಿಜೇತ ನಟಿ ಅಪರ್ಣಾ ಬಾಲಮುರಳಿ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಅಚ್ಯುತ್ ಕುಮಾರ್, ಜಾಯ್ ಮ್ಯಾಥ್ಯೂ, ದೇವ್ ಮೋಹನ್, ಅನು ಮೋಹನ್, ರೋಶನ್ ಮ್ಯಾಥ್ಯೂ, ವಿನೀತ್ ರಾಧಾಕೃಷ್ಣನ್ ಸೇರಿದಂತೆ ಹಲವರು ಚಿತ್ರದ ತಾರಾ ಬಳಗದಲ್ಲಿದ್ದಾರೆ.
ಪೂರ್ಣಚಂದ್ರ ತೇಜಸ್ವಿ ಅವರ ಸಂಗೀತ, ಸುರೇಶ್ ಅವರ ಸಂಕಲನ ಮತ್ತು ಪ್ರೀತಾ ಜಯರಾಮನ್ ಅವರ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ರಾಷ್ಟ್ರೀಯ ಪ್ರಶಸ್ತಿ ಪುರಸ್ಕೃತರಾದ ಅನೀಸ್ ನಾಡೋಡಿ (ಪ್ರೊಡಕ್ಷನ್ ಡಿಸೈನ್) ಮತ್ತು ಪೂರ್ಣಿಮಾ ರಾಮಸ್ವಾಮಿ (ವಸ್ತ್ರ ವಿನ್ಯಾಸ)ವಿರಲಿದೆ. ಸಮಯದ ವಿರುದ್ಧದ ಓಟದಲ್ಲಿ ಸಿಕ್ಕಿರುವ ಅವಿ (ಫಹಾದ್ ಫಾಸಿಲ್) ಮತ್ತು ದಿಯಾ (ಅಪರ್ಣ) ಸುತ್ತ ಈ ಚಿತ್ರದ ಕಥೆ ಸುತ್ತುತ್ತದೆ. ಸುತ್ತ ಅಪಾಯ ಮತ್ತು ಮನಸ್ಸೊಳಗಿನ ಭಯವನ್ನು ಮೆಟ್ಟಿ ನಿಲ್ಲುವುದಕ್ಕೆ ಅವರಿಬ್ಬರೂ ಏನೆಲ್ಲಾ ತ್ಯಾಗಗಳನ್ನು ಮಾಡುತ್ತಾರೆ ಎಂಬುದೇ ಈ ಚಿತ್ರದ ಕಥೆ. ನಿರ್ದೇಶನದ ಜೊತೆಗೆ ಕಥೆ ಮತ್ತು ಚಿತ್ರಕಥೆಯನ್ನು ಪವನ್ ಅವರೇ ರಚಿಸಿದ್ದಾರೆ.
ಇದನ್ನೂ ಓದಿ: 'Adipurush' row: 'ಆದಿಪುರುಷ್' ವಿವಾದಗಳ ಮಧ್ಯೆ ಕೇವಲ ಮೆಚ್ಚುಗೆಗೆ ಗಮನ ನೀಡಿದ ನಟಿ ಕೃತಿ ಸನೋನ್
