2023ರಲ್ಲಿ ಸಾಲು ಸಾಲಾಗಿ ಸಿನಿಮಾಗಳು ಬಿಡುಗಡೆ ಆಗುತ್ತಿವೆ. ಸಿನಿಪ್ರಿಯರಿಗೆ ಮನರಂಜನೆಯ ರಸದೌತಣ ಉಣಬಡಿಸಿದೆ. ಈಗಾಗಲೇ ಹಲವು ಸಿನಿಮಾಗಳು ಬಿಡುಗಡೆ ಆಗಿದ್ದು, ಕೆಲ ಚಿತ್ರಗಳು ರಿಲೀಸ್ಗೆ ರೆಡಿಯಾಗಿವೆ. ಕಳೆದ ವಾರ ತೆರೆಕಂಡ ಕೆಲ ಚಿತ್ರಗಳು ಪ್ರದರ್ಶನ ಮುಂದುವರಿಸಿದ್ದು, ಬಾಕ್ಸ್ ಆಫೀಸ್ನಲ್ಲಿ ತೀವ್ರ ಪೈಪೋಟಿ ಏರ್ಪಟ್ಟಿದೆ.
ಕಂಗನಾ ರಣಾವತ್ ಅಭಿನಯದ ಚಂದ್ರಮುಖಿ 2, ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ ದಿ ವ್ಯಾಕ್ಸಿನ್ ವಾರ್ ಜೊತೆಗೆ ಕಾಮಿಡಿ ಮೂವಿ ಫುಕ್ರೆ 3 ಕಳೆದ ಗುರುವಾರ ಥಿಯೇಟರ್‌ಗಳಲ್ಲಿ ಪ್ರದರ್ಶನ ಪ್ರಾರಂಭಿಸಿತು. ಚಿತ್ರಮಂದಿರಗಳಲ್ಲಿ ಈ ಸಿನಿಮಾಗಳು ಒಂದು ವಾರ ಪೂರ್ಣಗೊಳಿಸಿದ್ದು, ಪ್ರದರ್ಶನ ಮುಂದುವರಿಸಿದೆ. ಆ ಪೈಕಿ ಹಾಸ್ಯಚಿತ್ರ ಫುಕ್ರೆ 3 ಕಲೆಕ್ಷನ್ ವಿಚಾರದಲ್ಲಿ ಮುಂಚೂಣಿಯಲ್ಲಿದೆ.
ಫುಕ್ರೆ 3 ಕಲೆಕ್ಷನ್: ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ ಪ್ರಕಾರ, ಫುಕ್ರೆ 3 ತನ್ನ ಮೊದಲ ದಿನ 8.82 ಕೋಟಿ ರೂ. ಸಂಗ್ರಹಿಸುವ ಮೂಲಕ ಉತ್ತಮ ಕಲೆಕ್ಷನ್ ಅಂಕಿ ಅಂಶ ಆರಂಭಗೊಂಡಿತು. ಸಿನಿಮಾ 6ನೇ ದಿನದವರೆಗೆ ಕಲೆಕ್ಷನ್ ವಿಚಾರದಲ್ಲಿ ಉತ್ತಮ ಅಂಕಿ ಅಂಶ ಹೊಂದಿತ್ತು. ನಂತರ ಚಿತ್ರದ ಗಳಿಕೆ ಇಳಿಮುಖವಾಯಿತು. ಮೃಗ್ದೀಪ್ ಸಿಂಗ್ ಲಂಬಾ ನಿರ್ದೇಶನದ ಈ ಸಿನಿಮಾ 8ನೇ ದಿನ (ಇಂದು) 3.74 ಕೋಟಿ ರೂ. ಕಲೆಕ್ಷನ್ ಮಾಡುವ ಸಾಧ್ಯತೆ ಇದೆ. ಹಾಗಾದಲ್ಲಿ, ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ ಸಿನಿಮಾದ ಒಟ್ಟು ಕಲೆಕ್ಷನ್ 66.74 ಕೋಟಿ ರೂ. ಆಗಲಿದೆ. ಉಳಿದ ಎರಡು ಚಿತ್ರಗಳನ್ನು ಹಿಂದಿಕ್ಕಿ ಪ್ರಥಮ ಸ್ಥಾನ ಕಾಯ್ದುಕೊಳ್ಳುವಲ್ಲಿ ಫುಕ್ರೆ 3 ಯಶಸ್ವಿಯಾಗಿದೆ.
ಚಂದ್ರಮುಖಿ 2 ಕಲೆಕ್ಷನ್: ಬಾಲಿವುಡ್ ನಟಿ ಕಂಗನಾ ರಣಾವತ್ ಹಾಗೂ ದಕ್ಷಿಣ ಚಿತ್ರರಂಗದ ರಾಘವ ಲಾರೆನ್ಸ್ ನಟನೆಯ ಚಂದ್ರಮುಖಿ 2 ಸಿನಿಮಾ ಈವರೆಗೆ ಒಟ್ಟು 30 ಕೋಟಿ ರೂ. ದಾಟುವಲ್ಲಿ ಯಶಸ್ವಿ ಆಗಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ ಪ್ರಕಾರ, ಹಾರರ್-ಕಾಮಿಡಿ ಮೂವಿ 8ನೇ ದಿನ (ಇಂದು) 1.84 ಕೋಟಿ ರೂ. ಗಳಿಸುವ ಸಾಧ್ಯತೆಯಿದೆ. ಈ ಸಂಖ್ಯೆ ಈವರೆಗಿನ ಅಂತ್ಯತ ಕಡಿಮೆ ಅಂಕಿ ಅಂಶ ಆಗಲಿದೆ. ಈ ಮೂಲಕ ಚಿತ್ರ ಒಟ್ಟು 34.86 ಕೋಟಿ ರೂ. ಕಲೆಕ್ಷನ್ ಮಾಡಿದಂತಾಗುತ್ತದೆ. ಇಂದಿನ ಕಲೆಕ್ಷನ್ ನಾಳೆ ಬೆಳಗ್ಗೆ ಹೊರಬೀಳಲಿದೆ.
ಇದನ್ನೂ ಓದಿ: ವಿಡಿಯೋ: ಸಲ್ಮಾನ್ ಖಾನ್ - ಅರಿಜಿತ್ ಸಿಂಗ್ ಮನಸ್ತಾಪ ಅಂತ್ಯ?; ನಟನ ಮನೆ ಬಳಿ ಕಾಣಿಸಿಕೊಂಡ ಗಾಯಕ!
ದಿ ವ್ಯಾಕ್ಸಿನ್ ವಾರ್ ಕಲೆಕ್ಷನ್: ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ ದಿ ವ್ಯಾಕ್ಸಿನ್ ವಾರ್ ಬಾಕ್ಸ್ ಆಫೀಸ್ ವಿಚಾರದಲ್ಲಿ ಹಿಂದುಳಿದಿದೆ. ಸಿನಿಮಾ ಅಂತ್ಯಂತ ಕಡಿಮೆ ಅಂಕಿ ಅಂಶದೊಂದಿಗೆ ಆರಂಭಿಸಿದ್ದು, ಚಿತ್ರಮಂದಿರದಲ್ಲಿ ಪ್ರದರ್ಶನ ಮುಂದುವರಿಸಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಮಾಹಿತಿ ಪ್ರಕಾರ, ಎಂಟನೇ ದಿನ (ಇಂದು) 47 ಲಕ್ಷ ರೂ. ಸಂಗ್ರಹಿಸಬಹುದು. ಈ ಸಂಖ್ಯೆಯಿಂದ ಸಿನಿಮಾದ ಒಟ್ಟು ಕಲೆಕ್ಷನ್ 8.59 ಕೋಟಿ ರೂ. ತಲುಪಲಿದೆ. ಆದ್ರೆ ಸಿನಿಮಾ ಕೇವಲ 10 ಕೋಟಿ ರೂ. ಬಜೆಟ್ನಲ್ಲಿ ನಿರ್ಮಾಣ ಮಾಡಿರುವ ಹಿನ್ನೆಲೆ 10 ಕೋಟಿ ರೂ. ದಾಟಿದರೂ ಹಾಕಿದ ಬಂಡವಾಳ ವಾಪಸ್ ಬರಲಿದೆ.
ಇದನ್ನೂ ಓದಿ: ಅಭಿಮಾನಿಗಳೊಂದಿಗೆ ಅಮೀರ್ ಖಾನ್.. ನೆಟ್ಟಿಗರ ಮನಗೆದ್ದ ಸೂಪರ್ ಸ್ಟಾರ್ ವಿಡಿಯೋ ನೋಡಿ
