ಕನ್ನಡ ಚಿತ್ರರಂಗದಲ್ಲಿ ಅತ್ಯಂತ ಟೈಟ್ ಶೆಡ್ಯೂಲ್ ಇರುವ ಸ್ಟಾರ್ ಹೀರೋ ಅಂದ್ರೆ ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್. ಅವರ ಬಳಿ ಹೆಚ್ಚು ಕಡಿಮೆ ಎಂದರೂ ಐದಕ್ಕಿಂತ ಹೆಚ್ಚಿನ ಸಿನಿಮಾ ಸ್ಕ್ರಿಪ್ಟ್‌ಗಳು ಇರುತ್ತವೆ. ಸತತ ಸಿನಿಮಾಗಳನ್ನು ಮಾಡುತ್ತಿರುವ ಅವರು 2022ರಲ್ಲಿ ಕೊನೆಯದಾಗಿ ಪ್ಯಾನ್ ಇಂಡಿಯಾ ಸಿನಿಮಾ 'ವೇದ'ದಲ್ಲಿ ಕಾಣಿಸಿಕೊಂಡಿದ್ದರು. ಬಳಿಕ 'ಘೋಸ್ಟ್' ಸಿನಿಮಾವಾಗಿ ಬ್ಯುಸಿಯಾದರು. ಸದ್ಯ ಈ ಚಿತ್ರದ ಶೂಟಿಂಗ್ ಮುಕ್ತಾಯಗೊಂಡಿದ್ದು, 'ಪೋಸ್ಟ್' ಪ್ರೊಡಕ್ಷನ್ ಕೆಲಸ ನಡೆಯುತ್ತಿದೆ.
ಶಿವಣ್ಣ ಯೋಗರಾಜ್ ಭಟ್ ನಿದೇಶನದ 'ಕರಟಕ ದಮನಕ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಭಾರತದ ಮೈಕಲ್ ಜಾಕ್ಸನ್ ಪ್ರಭುದೇವ ಕೂಡ ಇದ್ದಾರೆ. ಈಗಾಗಲೇ ಚಿತ್ರೀಕರಣ ಆರಂಭವಾಗಿದ್ದು, ನಿರ್ದೇಶಕ ಭಟ್ರೂ ಕೂಡ ಈ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂಬುದನ್ನು ಚಿತ್ರತಂಡ ಈ ಮೊದಲೇ ತಿಳಿಸಿದೆ. ಇದರ ಬೆನ್ನಲ್ಲೇ 'ಮಫ್ತಿ' ಸಿನಿಮಾದ ಸೀಕ್ವೆಲ್ ಆದ 'ಬೈರತಿ ರಣಗಲ್'ನಲ್ಲೂ ಶಿವರಾಜ್ಕುಮಾರ್ ಬಣ್ಣ ಹಚ್ಚುತ್ತಿದ್ದಾರೆ. ಇದರ ಚಿತ್ರೀಕರಣವೂ ಇದೇ ಜೂನ್ 10ರಿಂದ ಪ್ರಾರಂಭವಾಗಿದೆ.
-
Trying to make it happen in the best way possible..don’t want to give half update again..once everything is set I will let u know all..thank u all for the concern 🤗 https://t.co/vy3eiOq6G6
— Sachin (@SachinBRavi) June 18, 2023 " class="align-text-top noRightClick twitterSection" data="
">Trying to make it happen in the best way possible..don’t want to give half update again..once everything is set I will let u know all..thank u all for the concern 🤗 https://t.co/vy3eiOq6G6
— Sachin (@SachinBRavi) June 18, 2023Trying to make it happen in the best way possible..don’t want to give half update again..once everything is set I will let u know all..thank u all for the concern 🤗 https://t.co/vy3eiOq6G6
— Sachin (@SachinBRavi) June 18, 2023
'ವೇದ' ನಂತರ ಗೀತಾ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಮೂಡಿಬರುತ್ತಿರುವ ಎರಡನೇ ಚಿತ್ರ 'ಬೈರತಿ ರಣಗಲ್' ಆಗಿರಲಿದೆ. ಇದನ್ನೂ ಮಫ್ತಿಗೆ ಆಕ್ಷನ್ ಕಟ್ ಹೇಳಿದ ನರ್ತನ್ ಅವರೇ ನಿರ್ದೇಶಿಸುತ್ತಿದ್ದಾರೆ. ಆದರೆ ಇದೆಲ್ಲದಕ್ಕಿಂತಲೂ ಮುಂಚಿತವಾಗಿ ಶಿವಣ್ಣನ ಹೆಸರಿನಲ್ಲಿ ಸಿನಿಮಾವೊಂದು ಘೋಷಣೆಯಾಗಿತ್ತು. ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅಭಿನಯದ 'ಅವನೇ ಶ್ರೀಮನ್ನಾರಾಯಣ' ಚಿತ್ರವನ್ನು ನಿರ್ದೇಶಿಸಿದ್ದ ಸಚಿನ್ ಬಿ.ರವಿ ಎರಡು ವರ್ಷಗಳ ಹಿಂದೆ 'ಸಾಗಾ ಆಫ್ ಅಶ್ವತ್ಥಾಮ' ಎಂಬ ಸಿನಿಮಾವನ್ನು ಶಿವಣ್ಣನ ಜೊತೆ ಮಾಡುವುದಾಗಿ ಪ್ರಕಟಿಸಿದ್ದರು.
ಶಿವರಾಜ್ಕುಮಾರ್ ಅಭಿನಯದ 127ನೇ ಚಿತ್ರ ಅಶ್ವತ್ಥಾಮ ಆಗಿರಲಿದೆ ಎಂದು ಕಳೆದ ವರ್ಷ ಶಿವಣ್ಣನ ಬರ್ತ್ಡೇ ದಿನ ಪೋಸ್ಟರ್ವೊಂದನ್ನು ಲಾಂಚ್ ಮಾಡುವ ಮೂಲಕ ಸಚಿನ್ ಘೋಷಿಸಿದ್ದರು. ಆದರೆ 'ವೇದ' ಶಿವರಾಜ್ಕುಮಾರ್ ಅಭಿನಯದ 125ನೇ ಚಿತ್ರವಾಗಿದೆ. ಇದರ ಬೆನ್ನಲ್ಲೇ ಶಿವಣ್ಣ ಕರಟಕ ದಮನಕ ಮತ್ತು ಬೈರತಿ ರಣಗಲ್ ಮಾಡುತ್ತಿರುವುದರಿಂದ 127ನೇ ಚಿತ್ರವಾದ 'ಸಾಗಾ ಆಫ್ ಅಶ್ವತ್ಥಾಮ ಕೈ ಬಿಡಲಾಯಿತೇ?' ಎಂಬ ಅನುಮಾನ ಎಲ್ಲರಲ್ಲಿ ಕಾಡಿತ್ತು.
ಆದರೆ ಈ ಬಗ್ಗೆ ಇತ್ತೀಚೆಗೆ ನಿರ್ದೇಶಕ ಸಚಿನ್ ಪ್ರತಿಕ್ರಿಯಿಸಿದ್ದಾರೆ. ಅಶ್ವತ್ಥಾಮ ಸ್ಕ್ರಿಪ್ಟ್ ಕೆಲಸ ನಡೆಯುತ್ತಿರುವ ಬಗ್ಗೆ ಮಾಹಿತಿ ನೀಡಿದ್ದಾರೆ. ಹಾಗಾಗಿ ಕಥೆಯನ್ನು ಮುಂದೂಡಲಾಗಿದೆ ಅಷ್ಟೇ ಎಂದಿದ್ದಾರೆ. ಈ ಮೂಲಕ ಕರುನಾಡ ಚಕ್ರವರ್ತಿ ಜೊತೆ ಸಚಿನ್ ಸಿನಿಮಾ ಮಾಡುವುದು ಪಕ್ಕಾ ಅಂತ ಗೊತ್ತಾಗಿದೆ. ಟ್ವಿಟರ್ನಲ್ಲಿ ಈ ಬಗ್ಗೆ ಸಚಿನ್ ಅವರೇ ಸ್ಪಷ್ಟನೆ ನೀಡಿದ್ದು, ಅಭಿಮಾನಿಗಳ ಮುಖದಲ್ಲಿ ಸಂತಸದ ಹೊನಲೇ ಹರಿದಿದೆ.
ಸಚಿನ್ ಟ್ವೀಟ್..: 'ಸಾಗಾ ಆಫ್ ಅಶ್ವತ್ಥಾಮ' ಚಿತ್ರದ ಬಗ್ಗೆ ಯಾವುದೇ ಅಪ್ಡೇಟ್ ಇಲ್ಲದ ಕಾರಣ ನೆಟ್ಟಿಗರೊಬ್ಬರು ನಿರ್ದೇಶಕ ಸಚಿನ್ ಅವರ ಟ್ವಿಟರ್ ಖಾತೆಯನ್ನು ಟ್ವೀಟ್ನಲ್ಲಿ ಉಲ್ಲೇಖಿಸಿ ಚಿತ್ರ ಆರಂಭದ ಕುರಿತು ಅನುಮಾನದಿಂದ ಬರೆದುಕೊಂಡಿದ್ದಾರೆ. "ದ ಸಾಗಾ ಆಫ್ ಅಶ್ವತ್ಥಾಮ ಒಂದು ಸೂಪರ್ ಹೀರೋ ಫ್ರಾಂಚೈಸ್ ಆಗಿದೆ. ಚಿತ್ರವು ಪ್ರಸ್ತುತ ಕಾಲಘಟ್ಟದಲ್ಲಿ ವಾಸಿಸುವ ಹಿಂದೂ ಪುರಾಣದ ಪಾತ್ರವನ್ನು ಹೊಂದಿರುತ್ತದೆ. ಈ ಸಿನಿಮಾ ಅನೇಕ ದಿನಗಳ ಹಿಂದೆಯೇ ಶುರುವಾಗಬೇಕಿತ್ತು. ಆದರೆ ಇನ್ನೂ ಸಹ ಗ್ಯಾರೇಜ್ನಲ್ಲಿದೆ. ನಿರ್ದೇಶಕ ಸಚಿನ್ ಅವರು ಏನಾದ್ರೂ ಅಪ್ಡೇಟ್ ಕೊಟ್ರೆ ಚೆನ್ನಾಗಿರುತ್ತೆ" ಎಂದು ಕೇಳಿದ್ದಾರೆ.
ಇದಕ್ಕೆ ನಿರ್ದೇಶಕ ಸಚಿನ್ ಅವರು ಪ್ರತಿಕ್ರಿಯಿಸಿದ್ದಾರೆ. "ಅದನ್ನು ಸಾಧ್ಯವಾದಷ್ಟು ಉತ್ತಮ ರೀತಿಯಲ್ಲಿ ಮಾಡಲು ಪ್ರಯತ್ನಿಸುತ್ತಿದ್ದೇನೆ. ಮತ್ತೆ ಅರ್ಧ ಅಪ್ಡೇಟ್ ನೀಡಲು ಬಯಸುವುದಿಲ್ಲ. ಒಮ್ಮೆ ಎಲ್ಲವನ್ನೂ ಮುಗಿಸಿ ಆಮೇಲೆ ನಾನು ನಿಮಗೆ ತಿಳಿಸುತ್ತೇನೆ. ಕಾಳಜಿಗಾಗಿ ಎಲ್ಲರಿಗೂ ಧನ್ಯವಾದಗಳು" ಎಂದಿದ್ದಾರೆ. ಅಂತೂ ಸಚಿನ್ ಮತ್ತು ಶಿವಣ್ಣ ಕಾಂಬಿನೇಷನ್ನಲ್ಲಿ 'ಸಾಗಾ ಆಫ್ ಅಶ್ವತ್ಥಾಮ' ಬರಲಿದೆ ಅನ್ನೋದು ಪಕ್ಕಾ ಆಗಿದೆ.
ಇದನ್ನೂ ಓದಿ: Matte maduve: ನರೇಶ್- ಪವಿತ್ರಾ ನಟನೆಯ 'ಮತ್ತೆ ಮದುವೆ' ಓಟಿಟಿಗೂ ಎಂಟ್ರಿ: ಅಮೆಜಾನ್ ಪ್ರೈಮ್ನಲ್ಲಿ ಸ್ಟ್ರೀಮಿಂಗ್‌
