ಒಂದು ವಾರದೊಳಗೆ 100 ಕೋಟಿ ಕ್ಲಬ್ ಸೇರಿದ 'ದಸರಾ': ಗೆಲುವಿನ ನಗೆ ಬೀರಿದ ಟಾಲಿವುಡ್​

ನಾನಿ ಅಭಿನಯದ 'ದಸರಾ' ಸಿನಿಮಾ 6 ದಿನಗಳಲ್ಲಿ 100 ಕೋಟಿ ರೂ. ಕಲೆಕ್ಷನ್ ಮಾಡಿದೆ.

ತೆಲುಗು ಚಿತ್ರರಂಗದ ನ್ಯಾಚುರಲ್​ ಸ್ಟಾರ್ ನಾನಿ ಅಭಿನಯದ ಮೊದಲ ಪ್ಯಾನ್ ಇಂಡಿಯಾ ಪ್ರಾಜೆಕ್ಟ್ 'ದಸರಾ' ಬಾಕ್ಸ್ ಆಫೀಸ್​ನಲ್ಲಿ ಧೂಳೆಬ್ಬಿಸುತ್ತಿದೆ. ತೆರೆಕಂಡ ಆರು ದಿನಗಳಲ್ಲಿ ದಸರಾ 100 ಕೋಟಿ ಕ್ಲಬ್ ಸೇರಿದೆ. ಹೌದು, ಟಾಲಿವುಡ್​ನ ಬಹು ನಿರೀಕ್ಷಿತ ಚಿತ್ರವಾಗಿದ್ದ ‘ದಸರಾ’, ಅಭಿಮಾನಿಗಳನ್ನು ತಲುಪಿದ್ದು, ವಿಶ್ವಾದ್ಯಂತ 100 ಕೋಟಿ ರೂಪಾಯಿಗಳನ್ನು ಗಳಿಸಿದೆ.

ವಿದೇಶದಲ್ಲೂ ಒಳ್ಳೆ ಗಳಿಕೆ: 100 ಕೋಟಿ ಕ್ಲಬ್ ಸೇರುವ ಈ ಮೈಲಿಗಲ್ಲು ಸಾಧಿಸಿದ ನಾನಿ ಅವರ ಮೊದಲ ಚಿತ್ರ ಕೂಡ ಹೌದು. ಈ ಚಲನಚಿತ್ರವು ದೇಶೀಯ ಮಾರುಕಟ್ಟೆಯಲ್ಲಿ ಮಾತ್ರವಲ್ಲದೇ ಸಾಗರೋತ್ತರ ಸಿನಿಮಾ ಮಾರುಕಟ್ಟೆಗಳಲ್ಲಿಯೂ ತನ್ನ ಛಾಪು ಮೂಡಿಸಿದೆ. ವಿಶೇಷವಾಗಿ ಅಮೆರಿಕದಲ್ಲಿ ಎರಡು ಮಿಲಿಯನ್ ಡಾಲರ್‌ಗಳನ್ನು ತಲುಪುವ ಸಾಧ್ಯತೆಗಳಿವೆ.

• Our effort. Your gift 🙏🏼
  Cinema wins ♥️#Dasara pic.twitter.com/Rn0VR6nFkL

  — Nani (@NameisNani) April 5, 2023 " class="align-text-top noRightClick twitterSection" data="

  Our effort. Your gift 🙏🏼
  Cinema wins ♥️#Dasara pic.twitter.com/Rn0VR6nFkL

  — Nani (@NameisNani) April 5, 2023

  ">

  Our effort. Your gift 🙏🏼
  Cinema wins ♥️#Dasara pic.twitter.com/Rn0VR6nFkL

  — Nani (@NameisNani) April 5, 2023

ನ್ಯಾಚುರಲ್​ ಸ್ಟಾರ್ ನಾನಿ ಟ್ವೀಟ್​: ಇತ್ತೀಚಿಗೆ ಬಿಡುಗಡೆಯಾಗಿರುವ ಹಲವು ಬಾಲಿವುಡ್ ಚಿತ್ರಗಳಿಗೆ 'ದಸರಾ' ಚಿತ್ರ ಕಠಿಣ ಸ್ಪರ್ಧೆ ನೀಡಿದೆ ಎಂದು ಕಲೆಕ್ಷನ್​ ಸಾಬೀತು ಪಡಿಸಿದೆ. ಪ್ರೇಕ್ಷಕರಿಗೆ ಟ್ವಿಟರ್​​ ಖಾತೆಯಲ್ಲಿ ನಾನಿ ಕೃತಜ್ಞತೆ ಸಲ್ಲಿಸಿದ್ದಾರೆ. "ನಮ್ಮ ಪ್ರಯತ್ನ, ನಿಮ್ಮ ಕೊಡುಗೆ, ಸಿನಿಮಾ ಗೆಲ್ಲುತ್ತದೆ" ಎಂದು ಬರೆದುಕೊಂಡಿದ್ದಾರೆ.

ಅಭಿಮಾನಿಗಳ ಪ್ರತಿಕ್ರಿಯೆ... ನಟ ನಾನಿ ಅವರ ಈ ಪೋಸ್ಟ್‌ಗೆ ಪ್ರತಿಕ್ರಿಯಿಸಿರುವ ಅಭಿಮಾನಿಗಳು, ಅಭಿನಂದನೆ ಸಲ್ಲಿಸಿದ್ದಾರೆ. ಅಭಿಮಾನಿಯೊಬ್ಬರು "ಈ ಚಿತ್ರದಲ್ಲಿ ನಿಮ್ಮ ಡೆಡಿಕೇಷನ್ ಸ್ಪಷ್ಟವಾಗಿ ಕಾಣುತ್ತಿದೆ, 100 ಕೋಟಿ ಕ್ಲಬ್‌ಗೆ ಸೇರಿದ್ದಕ್ಕೆ ಅಭಿನಂದನೆಗಳು" ಎಂದಿದ್ದಾರೆ. "ಅಭಿನಂದನೆಗಳು, ಆದರೆ ಇದು ಸಾಕಾಗುವುದಿಲ್ಲ, ಈ ಚಲನಚಿತ್ರವು ಹೆಚ್ಚಿನದ್ದಕ್ಕೆ ಅರ್ಹವಾಗಿದೆ" ಎಂದು ಮತ್ತೊಬ್ಬ ಸಾಮಾಜಿಕ ಜಾಲತಾಣ ಬಳಕೆದಾರರು ಬರೆದಿದ್ದಾರೆ. "ನಾನಿ ನಿಮ್ಮ ನಟನೆ, ಆ್ಯಕ್ಷನ್, ನೃತ್ಯ, ಎಲ್ಲಕ್ಕಿಂತ ಹೆಚ್ಚಾಗಿ ನೀವು ಅಜೇಯರಾಗಿದ್ದೀರಿ" ಎಂದು ಅಭಿಮಾನಿಯೊಬ್ಬರು ಮೆಚ್ಚುಗೆಯ ಮಳೆಯನ್ನೇ ಸುರಿಸಿದ್ದಾರೆ.

ಇದನ್ನೂ ಓದಿ: ರಾಕಿಂಗ್​ ಸ್ಟಾರ್ ಯಶ್​​ ಸಿನಿಮಾ ನಿರ್ಮಿಸಲಿದ್ದಾರೆ ತೆಲುಗಿನ ದಿಲ್​ ರಾಜು

'ದಸರಾ' ಸಿನಿಮಾ ಯಶಸ್ಸಿನ ಕಾರ್ಯಕ್ರಮವು ತೆಲಂಗಾಣದ ಕರೀಂನಗರದಲ್ಲಿ ಅದ್ಧೂರಿಯಾಗಿ ನಡೆಯಿತು. ಪರ ಭಾಷೆಗಳಲ್ಲಿ ಈ ಚಿತ್ರ ನಿಧಾನವಾಗಿ ಯಶಸ್ಸು ಕಾಣುತ್ತಿದ್ದರೂ ಕೂಡ ಸದ್ಯ ಸಿನಿಮಾದ ಬಗ್ಗೆ ಪಾಸಿಟಿವ್ ಟಾಕ್ ಆಗುತ್ತಿದೆ. ತೆಲಂಗಾಣದ ಕೊಲ್ಲಿಯರಿ ಹಳ್ಳಿಯಲ್ಲಿ ಈ ಚಿತ್ರ ಸೆಟ್ಟೇರಿತ್ತು. ಸದ್ಯ ದಸರಾ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದೆ. ಉತ್ತಮ ಕಥೆ ಹೇಳಿದ ರೀತಿ, ಅತ್ಯುತ್ತಮ ನಿರ್ದೇಶನ ಮತ್ತು ಪ್ರತಿಭಾವಂತ ನಟರ ಶಕ್ತಿ ಪ್ರದರ್ಶಿಸಿದೆ.

ಇದನ್ನೂ ಓದಿ: ರಾಕಿಂಗ್​ ಸ್ಟಾರ್ ಯಶ್​​ ಸಿನಿಮಾ ನಿರ್ಮಿಸಲಿದ್ದಾರೆ ತೆಲುಗಿನ ದಿಲ್​ ರಾಜು

ಎಸ್‌ಎಲ್‌ವಿ ಸಿನಿಮಾಸ್ ಬ್ಯಾನರ್‌ ಅಡಿ ಬಿಗ್​ ಬಜೆಟ್​ನಲ್ಲಿ ಸುಧಾಕರ್ ಚೆರುಕುರಿ ನಿರ್ಮಿಸಿರುವ ಈ ಚಿತ್ರವನ್ನು ಶ್ರೀಕಾಂತ್ ಒಡೆಲಾ ನಿರ್ದೇಶಿಸಿದ್ದಾರೆ. ಶ್ರೀಕಾಂತ್ ಒಡೆಲಾ ನಿರ್ದೇಶನದ ಚೊಚ್ಚಲ ಚಿತ್ರವಿದು. ನಾನಿ ಜೋಡಿಯಾಗಿ ನಟಿ ಕೀರ್ತಿ ಸುರೇಶ್ ಮಿಂಚಿದ್ದಾರೆ. ದೀಕ್ಷಿತ್ ಶೆಟ್ಟಿ, ಸಮುದ್ರಕನಿ, ಸಾಯಿಕುಮಾರ್, ಜರೀನಾ ವಹಾಬ್ ಸೇರಿದಂತೆ ಹಲವರು ಈ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ. ತೆಲಂಗಾಣ ರಾಜ್ಯದ ವೀರ್ಲಪಲ್ಲಿ, ಸಿಂಗರೇಣಿ ಕಲ್ಲಿದ್ದಲಿನ ಪ್ರಪಂಚವನ್ನು ಈ ಸಿನಿಮಾದಲ್ಲಿ ಅನಾವರಣಗೊಳಿಸಲಾಗಿದೆ.