'ಬಾಲಿವುಡ್ ಕ್ವೀನ್' ಕಂಗನಾ ರಣಾವತ್ ಅಭಿನಯದ ಮುಂದಿನ ಬಹುನಿರೀಕ್ಷಿತ ಸಿನಿಮಾದ ಹೆಸರೇ ಚಂದ್ರಮುಖಿ 2. ಇದರ ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಚಿತ್ರತಂಡ ಈ ನಿಟ್ಟಿನಲ್ಲಿ ಪ್ರಚಾರ ಕಾರ್ಯಾರಂಭಿಸಿದೆ. ಚಿತ್ರದ ಹೊಸ ಟ್ರೇಲರ್ ರಿಲೀಸ್ ಆಗಿದೆ. ಇದು ಮೊದಲನೇ ಟ್ರೇಲರ್ಗಿಂತ ಹೆಚ್ಚು ಕುತೂಹಲಕಾರಿಯಾಗಿದೆ ಅಂತಿದಾರೆ ಅಭಿಮಾನಿಗಳು.
- " class="align-text-top noRightClick twitterSection" data="">
ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಾದ ಚಂದ್ರಮುಖಿ ಮತ್ತು ಪ್ರಮುಖ ನಾಯಕ ವೆಟ್ಟಿಯಾನ್ ಅವರನ್ನೊಳಗೊಂಡ ಸೀನ್ಗಳಿವೆ. ಆ್ಯಕ್ಷನ್, ಭಯ, ಹಾಸ್ಯ ಸೇರಿ ನಾನಾ ರಸಭಾವಗಳನ್ನು ಟ್ರೇಲರ್ ಒಳಗೊಂಡಿದೆ. ಪಿ.ವಾಸು ನಿರ್ದೇಶನದ ಸಿನಿಮಾ ಪ್ರೇಕ್ಷಕರ ತುಡಿತ ಹೆಚ್ಚಿಸಿದೆ. ಕಂಗನಾ ರಣಾವತ್ ಅವರು ನೃತ್ಯಗಾರ್ತಿ ಚಂದ್ರಮುಖಿ ಪಾತ್ರ ಮಾಡಿದ್ದಾರೆ. ರಾಘವ್ ಲಾರೆನ್ಸ್ ರಾಜ ವೆಟ್ಟಿಯಾನ್ ಪಾತ್ರ ನಿರ್ವಹಿಸಿದ್ದಾರೆ.
ಚಂದ್ರಮುಖಿ 2 ಕಥೆಯೇನು?: ಚಂದ್ರಮುಖಿ 2 ವರ್ತಮಾನ ಮತ್ತು ಭೂತಕಾಲದ ಸನ್ನಿವೇಶಗಳ ಕಥಾ ಹಂದರ ಹೊಂದಿದೆ. ಕುಟುಂಬವೊಂದು ಅರಮನೆಯೊಳಗೆ ಪ್ರವೇಶಿಸುತ್ತದೆ. ಅಲ್ಲಿ ಚಂದ್ರಮುಖಿಯ ಆತ್ಮ ನೆಲೆಸಿದೆ ಎಂದು ಟ್ರೇಲರ್ನಲ್ಲಿ ತೋರಿಸಲಾಗಿದೆ. ಚಂದ್ರಮುಖಿ ರಾಜ ವೆಟ್ಟಿಯಾನ್‌ನ ಮೆಚ್ಚಿನ ನರ್ತಕಿ. ಟ್ರೇಲರ್‌ನಾದ್ಯಂತ ಇಂಥ ಕುತೂಹಲಕಾರಿ ಅಂಶಗಳನ್ನು ನೀವು ಕಾಣಬಹುದು. ಸೇಡು ತೀರಿಸಿಕೊಳ್ಳುವ ಚಂದ್ರಮುಖಿಯ ಆತ್ಮದಿಂದ ಮುಂದೇನಾಗುತ್ತದೆ ಎಂಬುದೇ ಚಿತ್ರದ ತಿರುಳು. ನಿರ್ದೇಶಕ ಪಿ.ವಾಸು ಆ್ಯಕ್ಷನ್ ಕಟ್ ಹೇಳಿರುವ ಈ ಸಿನಿಮಾ ಭೂಲ್ ಭುಲೈಯ್ಯಾ ಚಿತ್ರವನ್ನು ನೆನಪಿಸುವಂತಿದೆ. ಆದಾಗ್ಯೂ, ಹಳೇ ಸಿನಿಮಾಗಳಿಗಿಂತ ಹೆಚ್ಚು ವಿಶೇಷತೆಗಳನ್ನು ಚಂದ್ರಮುಖಿ 2 ಒಳಗೊಂಡಿದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ಮುಂಬೈನಲ್ಲಿ ಅಟ್ಲೀ - ಅಲ್ಲು ಅರ್ಜುನ್ ಭೇಟಿ: ಇವರಿಬ್ಬರ ಕಾಂಬೋದಲ್ಲಿ ಬರಲಿದೆಯಾ ಸಿನಿಮಾ?!
ಚಂದ್ರಮುಖಿ 2 ಬಿಡುಗಡೆಗೆ ದಿನ ನಿಗದಿ: 2005 ರಲ್ಲಿ ಚಂದ್ರಮುಖಿ ಸಿನಿಮಾ ಬಿಡುಗಡೆಯಾಗಿತ್ತು. ಈ ಸಿನಿಮಾ ಪ್ರೇಕ್ಷರನ್ನು ಸೆಳೆಯುವಲ್ಲಿಯೂ ಸಫಲವಾಗಿತ್ತು. ಬಾಕ್ಸ್ ಆಫೀಸ್ ಸಂಖ್ಯೆ ಕೂಡ ಉತ್ತಮವಾಗಿತ್ತು. ದಕ್ಷಿಣ ಭಾರತ ಸಿನಿಮಾ ವಲಯದ ಸೂಪರ್‌ಸ್ಟಾರ್ ರಜನಿಕಾಂತ್ ಮತ್ತು ಜ್ಯೋತಿಕಾ ಮುಖ್ಯಭೂಮಿಕೆ ನಟಿಸಿದ್ದ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಮೊದಲ ಭಾಗ ತೆರೆಕಂಡು 18 ವರ್ಷಗಳ ಬಿಡುವಿನ ಬಳಿಕ ಇದೀಗ ಚಂದ್ರಮುಖಿ 2 ಬರುತ್ತಿದೆ. ಸಹಜವಾಗಿ ಅಭಿಮಾನಿಗಳಲ್ಲಿ ಕುತೂಹಲವನ್ನೂ ಮೂಡಿಸಿದೆ. ಚಂದ್ರಮುಖಿ 2 ಸೆಪ್ಟೆಂಬರ್ 28ಕ್ಕೆ ಚಿತ್ರಮಂದಿರಗಳಲ್ಲಿ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಕನ್ನಡ, ತೆಲುಗು, ತಮಿಳು, ಹಿಂದಿ, ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.
ಇದನ್ನೂ ಓದಿ: 'ಯಾರೂ ಮಿತಿ ಮೀರಬಾರದು': ಬಿಜೆಪಿ ಸಂಸದರಿಗೆ ಕಂಗನಾ ಕ್ಲಾಸ್
ಕಂಗನಾ ರಣಾವತ್ ಕೈಯಲ್ಲಿ ಇನ್ನೂ ಎರಡು ಸಿನಿಮಾಗಳಿವೆ. ಸರ್ವೇಶ್ ಮೇವಾರ ಅವರ ತೇಜಸ್‌ ಸಿನಿಮಾ ಅಕ್ಟೋಬರ್ 20 ರಂದು ತೆರೆಕಾಣಲು ಸಜ್ಜಾಗಿದೆ. ಇನ್ನುಳಿದಂತೆ ಎಮರ್ಜೆನ್ಸಿ ನವೆಂಬರ್ 24 ರಂದು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಲಿದೆ.
