ಬೆಂಗಳೂರು: ಸೆಪ್ಟೆಂಬರ್ 23 ಅನ್ನು ವಿಶ್ವ ಬಾಲಿವುಡ್ ದಿನವಾಗಿ ಆಚರಿಸಲಾಗುವುದು. ಈ ಮೂಲಕ ಜಾಗತಿಕ ಮಟ್ಟದಲ್ಲಿ ಭಾರತೀಯ ಸಿನಿಮಾದ ಛಾಪು ಮೂಡಿಸುವ ಸಿನಿ ಉದ್ಯಮಕ್ಕೆ ಗೌರವ ಸಲ್ಲಿಸಲಾಗುವುದು. ಬಾಲಿವುಡ್ ಭಾರತೀಯ ಸಿನಿ ಉದ್ಯಮದಲ್ಲಿ ಒಂದಾಗಿದ್ದು, ಜಾಗತಿಕವಾಗಿ ಅಭಿಮಾನಿಗಳನ್ನು ಹೊಂದಿದೆ. ತಮ್ಮದೇ ಆದ ವಿಶಿಷ್ಟ ಶೈಲಿಯ ಕಥೆ, ಅದ್ಬುತ ಸಂಗೀತ, ನೃತ್ಯದಿಂದ ಜಗತ್ತಿನ ಸಿನಿ ಅಭಿಮಾನಿಗಳನ್ನು ಸೆಳೆದಿದೆ.
ಬಾಲಿವುಡ್ ಇತಿಹಾಸ: ಬಾಲಿವುಡ್ ಬಾಂಬೆಯ ಪೋರ್ಟ್‌ಮ್ಯಾಂಟಿಯೊ ಮತ್ತು ಹಾಲಿವುಡ್ 20ರ ದಶಕದಲ್ಲಿ ಉದಯವಾಯಿತು. 1913ರಲ್ಲಿ ಭಾರತದ ಮೊದಲ ಕಥಾ ಚಿತ್ರ ರಾಜಾ ಹರಿಶ್ಚಂದ್ರ ಬಿಡುಗಡೆಯಾಯಿತು. ಇದು ಭಾರತದ ಸಿನಿಮಾದ ಹುಟ್ಟಿಗೆ ದೊಡ್ಡ ಮೈಲಿಗಲ್ಲು, ಹಿಂದಿ ಭಾಷೆಯ ಮೊದಲ ಕಲರ್ ಸಿನಿಮಾ ಎಂದರೆ ಕಿಸನ್ ಕನ್ಯಾ ಆಗಿದ್ದು, ಇದು 1937ರಲ್ಲಿ ಬಿಡುಗಡೆಯಾಯಿತು. ಈ ಮೂಲಕ ಬಾಲಿವುಡ್ ಸಾಂಪ್ರದಾಯಿಕ ಭಾರತೀಯ ಕಲಾ ಪ್ರಕಾರಗಳ ಅಂಶಗಳನ್ನು ಸೇರಿಸಿಕೊಂಡು, ಆಧುನಿಕ ಕಥೆ ಹೇಳುವ ತಂತ್ರಗಳನ್ನು ಅಳವಡಿಸಿಕೊಂಡು ಬಾಲಿವುಡ್ ವಿಕಸನಗೊಂಡಿತು
ಜಾಗತಿಕವಾಗಿ ಶ್ರೀಮಂತಿಕೆ: ಬಾಲಿವುಡ್ ಗಡಿ ದಾಟಿ ಜಗತ್ತಿನಾದ್ಯಂತ ಪ್ರೇಕ್ಷಕರನ್ನು ತಲುಪುತ್ತಿದೆ. ಬಾಲಿವುಡ್ ಸಿನಿಮಾಗಳು ಕೇವಲ ಭಾರತೀಯ ಸಮುದಾಯದಲ್ಲಿ ಮಾತ್ರವಲ್ಲದೇ, ಭಾರತೀಯೇತರ ಪ್ರೇಕ್ಷಕರಿಂದಲೂ ಮೆಚ್ಚುಗೆ ಪಡೆದಿದೆ.
ಕಳೆದ ದಶಕದಲ್ಲಿ ಬಾಲಿವಡ್ ಅಂತಾರಾಷ್ಟ್ರೀಯ ಮಾರುಕಟ್ಟೆಯನ್ನು ತಲುಪಿದ್ದು, ಅನೇಕ ಸಿನಿಮಾಗಳು ಸಾಗರಾದಾಚೆಗೆ ಕೂಡ ಬಾಕ್ಸ್ ಆಫೀಸ್ನಲ್ಲಿ ಯಶಸ್ಸು ಕಂಡಿವೆ. 'ಪಠಾಣ್', 'ಗದಾರ್ 2', 'ಜವಾನ್' ಮತ್ತು 'ದಂಗಲ್'ನಿಂದ ಸಿನಿಮಾಗಳು ಅಮೆರಿಕ, ಕೆನಡಾ, ಬ್ರಿಟನ್, ಆಸ್ಟ್ರೇಲಿಯಾದಂತಹ ದೇಶದಲ್ಲಿ ಬಾಲಿವುಡ್ ಸಿನಿಮಾ ಪ್ರೇಕ್ಷಕರನ್ನು ಸೆಳೆಯುವಂತೆ ಮಾಡಿವೆ.
ವಿದೇಶಗಳಲ್ಲಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾಗಳು
ಜರ್ಮನಿ: ಇರ್ಫಾನ್ ಖಾನ್ ಅವರ 'ಲಂಚ್ ಬಾಕ್ಸ್' ಭಾರತದ ಬಾಕ್ಸ್ ಆಫೀಸ್ನಲ್ಲಿ ಸಾಧಾರಣ ಯಶಸ್ಸು ಕಂಡಿದ್ದರೂ ಜರ್ಮನಿಯಲ್ಲಿ ಅತಿ ಹೆಚ್ಚು ಗಳಿಕೆಯನ್ನು ಮಾಡಿತ್ತು. ಈ ಚಿತ್ರ ಜರ್ಮನ್ನಲ್ಲಿ 1,709.663 ಡಾಲರ್ ಸಂಪಾದಿಸಿತ್ತು.
ಚೀನಾ: 'ದಂಗಲ್' ಸಿನಿಮಾ ಚೀನಾದಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಚಿತ್ರ. ಚೀನಾದಲ್ಲಿ ಈ ಸಿನಿಮಾ 216,200,000 ಡಾಲರ್ ಸಂಪಾದಿಸಿತ್ತು. ಇದಕ್ಕೆ ಮುನ್ನ ತೆರೆಕಂಡ ಅಮೀರ್ ಖಾನ್ ಅವರ '3 ಈಡಿಯಟ್ಸ್', 'ಗಜನಿ', 'ತಾರೇ ಜಮೀನ್ ಪರ್' ಮತ್ತು 'ಪಿಕೆ' ಚಿತ್ರಗಳು ಚೀನಾದಲ್ಲಿ ಹೊಸ ಅಲೆ ಎಬ್ಬಿಸಿದ್ದು ಸುಳ್ಳಲ್ಲ.
ರಷ್ಯಾ: ರಷ್ಯಾ ದೇಶದಲ್ಲಿ ನಟ ಶಾರುಖ್ ಖಾನ್ಗೆ ದೊಡ್ಡ ಅಭಿಮಾನಿ ಬಳಗವಿದೆ. ಇಲ್ಲಿ ಬಿಡುಗಡೆಯಾದ ಮೈ ನೇಮ್ ಇಸ್ ಖಾನ್ ಚಿತ್ರ 161,064 ಡಾಲರ್ ಗಳಿಸಿತ್ತು.
ಪಾಕಿಸ್ತಾನ್: ಇಲ್ಲಿ ಭಾರತೀಯ ಆ್ಯಕ್ಷನ್ ಕ್ರೈಂ ಚಿತ್ರ 'ರೇಸ್ 3' ಸಿನಿಮಾ 2,732,969 ಡಾಲರ್ ಅನ್ನು ಬಾಚಿಕೊಂಡಿತ್ತು.
ಆರ್ಥಿಕತೆ ಪರಿಣಾಮ: ಬಾಲಿವುಡ್ ಸಿನಿಮಾ ಭಾರತೀಯ ಆರ್ಥಿಕತೆ ಮತ್ತು ಜಾಗತಿಕ ಸಿನಿಮಾ ಉದ್ಯಮಕ್ಕೆ ಮಹತ್ವದ ಕೊಡುಗೆ ನೀಡುತ್ತಿದೆ. ಬಾಲಿವುಡ್ ಸಿನಿಮಾ ಉದ್ಯಮ ವರ್ಷಕ್ಕೆ 1 ಸಾವಿರ ಚಿತ್ರಗಳನ್ನು ತಯಾರಿಸುತ್ತದೆ. 2020 ಡಿಲೊಯಟ್ ಅಧ್ಯಯನ ಪ್ರಕಾರ, ಭಾರತೀಯ ಸಿನಿಮಾ ಉದ್ಯಮ 16.5 ಡಾಲರ್ ಬಿಲಿಯನ್ ಆರ್ಥಿಕತೆ ಹೊಂದಿದೆ. ಇದು 8,40,000 ಜನರಿಗೆ ಉದ್ಯೋಗ ನೀಡುತ್ತಿದೆ.
ಸಾಮಾಜಿಕ ಮತ್ತು ಸಾಂಸ್ಕೃತಿಕ ಪ್ರಭಾವ: ಬಾಲಿವುಡ್ ಸಿನಿಮಾ ಭಾರತ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಮಾಜಿಕ ಮತ್ತು ಸಾಂಸ್ಕೃತಿಕತೆ ಮೇಲೆ ಪರಿಣಾಮ ಬೀರುತ್ತದೆ. ಬಾಲಿವುಡ್ ಕೆಲವು ಚಿತ್ರಗಳು ಸಾಮಾಜಿಕ ಕಳಕಳಿ, ಲಿಂಗ, ಜಾತಿ ತಾರತಮ್ಯ ಮತ್ತು ಬಡತನದ ಮೇಲೆ ಬೆಳಕು ಚೆಲ್ಲಿದೆ. 'ದಂಗಲ್', 'ಪಿಂಕ್', 'ಟಾಯ್ಲೆಟ್ ಏಕ್ ಪ್ರೇಮ್ ಕಥಾ' ನಂತಹ ಕೆಲವು ಸಿನಿಮಾಗಳು ಸಮಾಜದಲ್ಲಿನ ಸವಾಲುಗಳ ಗಮನವನ್ನು ಸೆಳೆದಿದೆ.
ಬಾಲಿವುಡ್ ಭವಿಷ್ಯ: ಇತ್ತೀಚಿನ ಚಿನದಲ್ಲಿ ತಂತ್ರಜ್ಞಾನದ ಸುಧಾರಣೆಗೆ ನಾವು ಸಾಕ್ಷಿಯಾಗಿದ್ದೇವೆ. ಕಥೆ ಹೇಳುವ ತಂತ್ರವೂ ಹೊಸ ಆಯಾಮ ಪಡೆದಿದೆ. ಬಾಲಿವುಡ್ ಇಂತಹ ಅಭಿವೃದ್ಧಿಯನ್ನು ಸದಾ ಅನುಕರಿಸಿದೆ. ವಿಷ್ಯುವಲ್ ಎಫೆಕ್ಟ್ಗಳು ಕಥೆ ಹೇಳುವ ತಂತ್ರಕ್ಕೆ ಹೊಸ ಆಯಾಮ ನೀಡುತ್ತದೆ. ಕೆಲವು ಅಂತಾರಾಷ್ಟ್ರೀಯ ಸಹಯೋಗಗಳು ಕೂಡ ಬಾಲಿವುಡ್ ನಿರ್ಮಾಣದಲ್ಲಿ ಭವಿಷ್ಯದಲ್ಲಿ ಸ್ಪಷ್ಟ ಆಕಾರ ನೀಡಲಿದೆ.
ವಿಶ್ವ ಬಾಲಿವುಡ್ ದಿನವನ್ನು ಬಾಲಿವುಡ್ ಸೃಷ್ಟಿಸಿರುವ ಮ್ಯಾಜಿಕ್ ಅಲೆಯ ಆಚರಿಸುವ ದಿನವಾಗಿದೆ. ಈ ದಿನದಂದು ಚಿತ್ರ ಪ್ರದರ್ಶನ, ನೃತ್ಯ ಪ್ರದರ್ಶನ, ಸಾಂಸ್ಕೃತಿಕ ಕಾರ್ಯಕ್ರಮ ಬಾಲಿವುಡ್ ಉದಯದ ಕುರಿತು ಕೆಲವು ಚರ್ಚೆಗಳನ್ನು ನಡೆಸಲಾಗುವುದು. ಜೊತೆಗೆ ತಮ್ಮ ನೆಚ್ಚಿನ ಬಾಲಿವುಡ್ ನೆನಪುಗಳನ್ನು ಹಂಚಿಕೊಳ್ಳಲು ಅಭಿಮಾನಿಗಳು ಸೇರಿ ತಮ್ಮ ನೆಚ್ಚಿನ ನಟರು, ನಿರ್ದೇಶಕರು, ಸಂಗೀತಗಾರರು ಮತ್ತು ನೃತ್ಯ ಸಂಯೋಜಕರಿಗೆ ಗೌರವ ಸಲ್ಲಿಸುತ್ತಾರೆ.
ಇದನ್ನೂ ಓದಿ: '₹100 ಕೋಟಿ ಸಾಮಾನ್ಯವಾಗ್ಬಿಟ್ಟಿದೆ, ನಮ್ಮ ಗಮನ ₹1,000 ಕೋಟಿ ಮೇಲಿರಲಿ': ಸಲ್ಮಾನ್ ಖಾನ್
