ಹೈದರಾಬಾದ್: ಬಾಲಿವುಡ್ನ ಅತ್ಯಂತ ಪ್ರೀತಿಯ ತಾರಾ ಜೋಡಿಯಾದ ಬಿಪಾಶಾ ಬಸು ಮತ್ತು ಕರಣ್ ಸಿಂಗ್ ಗ್ರೋವರ್ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಆದರೆ, ಈ ಬಗ್ಗೆ ಯಾವುದೇ ಮಾಹಿತಿಯನ್ನು ಅವರು ಬಹಿರಂಗವಾಗಿ ಹೇಳಿಕೊಂಡಿಲ್ಲ. ಪೋಷಕರಾಗುವ ಖುಷಿಯಲ್ಲಿರುವ ಈ ತಾರಾ ಜೋಡಿ ಸದ್ಯದಲ್ಲೇ ಈ ಬಗ್ಗೆ ಅಧಿಕೃತ ಘೋಷಣೆ ಮಾಡಲಿದ್ದಾರಂತೆ.
ಬಿಪಾಶಾ ಬಸು ಮತ್ತು ರಣ್ ಸಿಂಗ್ ಗ್ರೋವರ್ ಮದುವೆಯಾಗಿ ಕೇವಲ ಆರು ತಿಂಗಳಾಗಿದ್ದು ಪೋಷಕರಾಗುತ್ತಿರುವ ಈ ಸುದ್ದಿ ಕೇಳಿ ಅವರ ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಇವರ ಬಗ್ಗೆ ಇದೀಗ ಬಿಸಿ ಬಿಸಿ ಚರ್ಚೆ ನಡೆಯುತ್ತಿದೆ. ಆದರೆ, ಕೆಲವರು ವದಂತಿ ಇರಬಹುದುದೆಂದು ಹೇಳುತ್ತಿದ್ದರೆ ಇನ್ನು ಕೆಲವರು ನಿಜ ಇರಬಹುದು ಎಂದು ವಾದಿಸುತ್ತಿದ್ದಾರೆ.
ಬಾಲಿವುಡ್ನಲ್ಲಿ ಸಾಕಷ್ಟು ಸಿನಿಮಾಗಳಲ್ಲಿ ಸಂಚಲನ ಮೂಡಿಸಿರುವ ಬಿಪಾಶಾ ಬಸು ಮತ್ತು ಕರಣ್ ಸಿಂಗ್ ಮೊದಲು ಭೇಟಿಯಾಗಿದ್ದು 'ಅಲೋನ್' ಎಂದ ಸಿನಿಮಾದ ಚಿತ್ರೀಕರಣದಲ್ಲಿ. 2015 ರಲ್ಲಿ ಡೇಟಿಂಗ್ ಮಾಡಲು ಪ್ರಾರಂಭಿಸಿದ ಈ ತಾರಾ ಜೋಡಿ ಒಂದು ವರ್ಷದ ನಂತರ (ಏಪ್ರಿಲ್ 30, 2016) ವಿವಾಹವಾದರು. ಇನ್ಸ್ಟಾಗ್ರಾಮ್ನಲ್ಲಿ ತಮ್ಮ ಹೊಸ ಜೀವನದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದರು.
ಇದೀಗ ಹೊಸ ಅತಿಥಿ ಆಗಮನದ ಖುಷಿಯಲ್ಲಿರುವ ಈ ಜೋಡಿ ಸದ್ಯ ಖುಷಿಯಲ್ಲಿದ್ದಾರಂತೆ. ಅಲ್ಲದೇ ಜೊತೆಯಾಗಿ ಪ್ರವಾಸದಲ್ಲಿದ್ದಾರೆ ಎಂದು ಸಹ ಹೇಳಲಾಗುತ್ತಿದೆ. ಕರಣ್ ಅವರು ಕೊನೆಯದಾಗಿ ವೆಬ್ ಸೀರೀಸ್ ಕುಬೂಲ್ ಹೈ 2.0 ನಲ್ಲಿ ಸುರಭಿ ಜ್ಯೋತಿಯೊಂದಿಗೆ ಕಾಣಿಸಿಕೊಂಡಿದ್ದರೆ, ನಟಿ ಬಿಪಾಶಾ ಅವರು ಕ್ರೈಂ ಆ್ಯಂಡ್ ಥ್ರಿಲ್ಲರ್ ಕಿರು ಸರಣಿ ಡೇಂಜರಸ್‌ನಲ್ಲಿ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: ಬರಿಗೈಯಿಂದ ಎದೆಯ ಅರ್ಧ ಭಾಗ ಮುಚ್ಚಿ ಉರ್ಫಿ ಜಾವೇದ್ ಹೊಸ ಅವತಾರ!
