ಭಾರತೀಯ ಚಿತ್ರರಂಗದ ಹಿರಿಯ ನಟ ಅಮಿತಾಭ್ ಬಚ್ಚನ್ ಅಕ್ಟೋಬರ್ 11 ರಂದು 81ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ಅಕ್ಟೋಬರ್ 10ರ ಮಧ್ಯರಾತ್ರಿಯಿಂದ ಹಿಡಿದು ಅಕ್ಟೋಬರ್ 11ರ ರಾತ್ರಿವರೆಗೂ ಚಿತ್ರರಂಗ ಮತ್ತು ಅಭಿಮಾನಿಗಳಿಂದ ಬಿಗ್ ಬಿ ಬರ್ತ್ ಡೇ ಸೆಲೆಬ್ರೇಶನ್ ನಡೆಯಿತು. ಬಾಲಿವುಡ್ ರಂಗದ ಹಿರಿಯ ನಟನ ಜನ್ಮದಿನವನ್ನು ಹೆಚ್ಚಿನ ಸಂಖ್ಯೆಯ ಜನರು ಸೇರಿ ವಿಶೇಷವಾಗಿಸಿದರು.
ಬಿಗ್ ಬಿ ಫಸ್ಟ್ ಲುಕ್ ಪೋಸ್ಟರ್: 'ಕಲ್ಕಿ 2898 ಎಡಿ' ಬಿಗ್ ಬಿ ನಟನೆಯ ಮುಂದಿನ ಬಹುನಿರೀಕ್ಷಿತ ಚಿತ್ರಗಳಲ್ಲೊಂದು. ಚಿತ್ರ ನಿರ್ಮಾಪಕರು ಚಿತ್ರದಿಂದ ಬಿಗ್ ಬಿ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಶೇರ್ ಮಾಡಿದ್ದರು. ಮೊದಲ ನೋಟ ಚಿತ್ರದ ಮೇಲಿನ ಅಭಿಮಾನಿಗಳ ಕುತೂಹಲ, ನಿರೀಕ್ಷೆ ಹೆಚ್ಚಿಸಿದೆ. ಸಿನಿಮಾದ ಫಸ್ಟ್ ಲುಕ್ ನೋಡಿದ ಬಿಗ್ ಬಿ ಕೂಡ ಇದೀಗ ತಮ್ಮ ಪ್ರತಿಕ್ರಿಯೆ ನೀಡಿದ್ದಾರೆ. ಚಿತ್ರ ನಿರ್ಮಾಪಕರಿಗೆ ನಟ ಅಮಿತಾಭ್ ಬಚ್ಚನ್ ಕೃತಜ್ಞತೆ ಸಲ್ಲಿಸಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯ ಬಿಗ್ ಬಿ: 81ರ ಹರೆಯದಲ್ಲೂ ನಟ ಅಮಿತಾಭ್ ಬಚ್ಚನ್ ಸಿನಿಮಾ ಮತ್ತು ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ. ಹಿರಿಯನ ನಟನ ಎನರ್ಜಿ ಯುವ ಪೀಳಿಗೆಗೆ ಸ್ಫೂರ್ತಿ. ನಿಜ ಜೀವನದಲ್ಲಿ ಮಾತ್ರವಲ್ಲದೇ ಸೋಷಿಯಲ್ ಮೀಡಿಯಾಗಳಲ್ಲೂ ದೊಡ್ಡ ಸಂಖ್ಯೆಯ ಫಾಲೋವರ್ಸ್ ಸಂಪಾದಿಸಿದ್ದಾರೆ. ಆಗಾಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹೊಸ ಹೊಸ ಪೋಸ್ಟ್‌ಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಹಗಲಿರಲಿ, ರಾತ್ರಿಯಾಗಲಿ ಅವಕಾಶ ಸಿಕ್ಕಾಗಲೆಲ್ಲ ಬಿಗ್ ಬಿ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡಿ ಅಭಿಮಾನಿಗಳ ಪ್ರೀತಿಗೆ ಪಾತ್ರರಾಗುತ್ತಾರೆ.
ಚಿತ್ರ ನಿರ್ಮಾಪಕರಿಗೆ ಕೃತಜ್ಞತೆ: ಅದರಂತೆ, ಗುರುವಾರ ಮಧ್ಯರಾತ್ರಿ 'ಕಲ್ಕಿ 2898 ಎಡಿ' ಚಿತ್ರದ ತಮ್ಮ ಮೊದಲ ನೋಟವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇದು ಬುಧವಾರ ಬಿಡುಗಡೆಯಾದ ಪೋಸ್ಟರ್. ಈ ಅದ್ಭುತ ಉಡುಗೊರೆಗಾಗಿ ಚಲನಚಿತ್ರ ನಿರ್ಮಾಪಕರಿಗೆ ಬಿಗ್ ಬಿ ಧನ್ಯವಾದ ಅರ್ಪಿಸಿದ್ದಾರೆ. 'ಕಲ್ಕಿ 2898 ಎಡಿ' ಚಿತ್ರ ವೈಜಯಂತಿ ಮೂವೀಸ್ ಅಡಿ ನಿರ್ಮಾಣಗೊಳ್ಳುತ್ತಿದೆ. ಚಿತ್ರ ನಿರ್ಮಾಪಕರಿಗೆ ಧನ್ಯವಾದ ಅರ್ಪಿಸಿದ ಬಿಗ್ ಬಿ, ''ವೈಜಯಂತಿ ಮೂವೀಸ್ ನನಗೆ ನೀಡಿದ ಸವಾಲು (ಸಿನಿಮಾ), ಜನ್ಮದಿನದ ಶುಭಾಶಯಕ್ಕೆ ನನ್ನ ಕೃತಘ್ಞತೆಗಳು'' ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಅಮಿತಾಭ್ ಬಚ್ಚನ್ ಬರ್ತ್ಡೇ: ಕಲ್ಕಿ2898ಎಡಿ ಪೋಸ್ಟರ್ ರಿಲೀಸ್; ಪ್ರಭಾಸ್ ಸ್ಪೆಷಲ್ ವಿಶ್
ಬಿಗ್ ಬಿ ಫಸ್ಟ್ ಲುಕ್ ಹೇಗಿದೆ? ಕಲ್ಕಿ 2898 ಎಡಿ ಇಂದ ಬಿಡುಗಡೆಯಾದ ಫಸ್ಟ್ ಲುಕ್ ಪೋಸ್ಟರ್‌ನಲ್ಲಿ, ನಟ ಅಮಿತಾಭ್ ಬಚ್ಚನ್ ದೊಡ್ಡ ಶಾಲು ಹೊದ್ದುಕೊಂಡಿದ್ದಾರೆ. ಮುಖವನ್ನೂ ಸಂಪೂರ್ಣ ಕವರ್ ಮಾಡಲಾಗಿದ್ದು, ಕಣ್ಣುಗಳು ಮಾತ್ರ ಗೋಚರಿಸುತ್ತವೆ. ಕೈಯಲ್ಲಿ ದೊಡ್ಡ ಕೋಲನ್ನು ಹಿಡಿದಿರುವುದನ್ನು ಸಹ ಕಾಣಬಹುದು. ಇದು ಜನಪ್ರಿಯ ನಟನ ಪಾತ್ರದ ಕುರಿತ ಕುತೂಹಲವನ್ನು ಹೆಚ್ಚಿಸಿದೆ.
ಇದನ್ನೂ ಓದಿ: ಈ ತಿಂಗಳಲ್ಲೇ 'ಕಾಫಿ ವಿತ್ ಕರಣ್' ಸೀಸನ್ 8 ಆರಂಭ: ಮಾಹಿತಿ ಇಲ್ಲಿದೆ..
ನಾಗ್ ಅಶ್ವಿನ್ ನಿರ್ದೇಶನದ ಈ ಸಿನಿಮಾ 2024ರ ಜನವರಿ 11 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಬಿಗ್ ಬಜೆಟ್ ಸಿನಿಮಾದಲ್ಲಿ ಬಿಗ್ ಬಿ ಜೊತೆ ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್, ಬಾಲಿವುಡ್ ಬಹುಬೇಡಿಕೆ ನಟಿ ದೀಪಿಕಾ ಪಡುಕೋಣೆ, ಸೌತ್ ಸೂಪರ್ ಸ್ಟಾರ್ ಕಮಲ್ ಹಾಸ್, ಬಹುಭಾಷಾ ನಟಿ ದಿಶಾ ಪಟಾನಿ ಕೂಡ ಕಾಣಿಸಿಕೊಳ್ಳಲಿದ್ದಾರೆ.
