ಮುಂಬೈ: ತೆಲುವು ನಟ ಗೌತಮ್ ಕೃಷ್ಣರ ಚೊಚ್ಚಲ ಸಿನಿಮಾ "ಆಕಾಸ ವೀದುಲ್ಲೋ" ತೆರೆಗೆ ಬರಲು ಸಜ್ಜಾಗಿದೆ. ಈ ಸಿನಿಮಾದ ಹಾಡೊಂದು ಬಿಡುಗಡೆಯಾಗಿದ್ದು, ಅದರಲ್ಲಿ ನಟಿ ಪೂಜಿತಾ ಪೊನ್ನಡ ಅವರಿಗೆ ಲಿಪ್ಲಾಕ್ ಮಾಡಿದ ದೃಶ್ಯ ಎಲ್ಲೆಡೆ ವೈರಲ್ ಆಗಿದೆ. ಸಿನಿಮಾದ ರೊಮ್ಯಾಂಟಿಕ್ ಹಾಡಾದ ಅಯ್ಯಯ್ಯಯ್ಯೋದಲ್ಲಿ ಪೂಜಿತಾ ಮತ್ತು ಗೌತಮ್ ಕೃಷ್ಣ ಚುಂಬಿಸುವ ದೃಶ್ಯದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಬ್ಬರೂ ಲಿಪ್ಲಾಕ್ ಮಾಡಿದ್ದು, ಈ ದೃಶ್ಯ ಚರ್ಚಿತ ವಿಷಯವಾಗಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ನಟ ಗೌತಮ್ ಕೃಷ್ಣ, ಹಾಡಿನಲ್ಲಿ ಪ್ರಣಯವನ್ನು ಸುಮಧುರ ಮತ್ತು ನೈಜವಾಗಿ ತೋರಿಸಲು ಈ ರೀತಿ ಚಿತ್ರಿಸಲಾಗಿದೆ. ನಾವು ಟೀಕೆಗಳ ಬಗ್ಗೆ ಚಿಂತಿಸಲಿಲ್ಲ. ಹಾಡಿಗೆ ಜೀವ ತುಂಬಲು ಇದು ಅಗತ್ಯವಾಗಿತ್ತು ಎಂದು ಸಮರ್ಥಿಸಿಕೊಂಡರು. ಸಿನಿಮಾದ ಟ್ರೈಲರ್ ಮತ್ತು ಹಾಡುಗಳು ಜನರಿಗೆ ಇಷ್ಟವಾಗಿವೆ. ಸಕಾರಾತ್ಮಕ ಸ್ಪಂದೆನ ದೊರಕುತ್ತಿದೆ ಎಂದು ಇದೇ ವೇಳೆ ಹೇಳಿದರು.
ಚಿತ್ರದ ಕಥೆ ಯುವಕರ ಜೀವನಕ್ಕೆ ತುಂಬಾ ಹತ್ತಿರವಾಗಿದೆ. ಪ್ರತಿ ಯುವಕನ ಜೀವನಕ್ಕೂ ಇದು ರಿಲೇಟ್ ಆಗಿರುತ್ತದೆ. ಇದು ಪ್ರೇಕ್ಷಕರನ್ನು ರಂಜಿಸುವುದರಲ್ಲಿ ಅನುಮಾನವೇ ಇಲ್ಲ ಎಂದರು. ಚಿತ್ರದಲ್ಲಿ ನಟಿ ಪೂಜಿತಾ ಅವರು ಉತ್ತಮವಾಗಿ ನಟಿಸಿದ್ದಾರೆ. ಅವರ ಬೆಂಬಲ ಮತ್ತು ಸಹಕಾರದಿಂದ ರೊಮ್ಯಾಂಟಿಕ್ ಅಯ್ಯಯ್ಯಯ್ಯೋ ಹಾಡು ಉತ್ತಮವಾಗಿ ಮೂಡಿ ಬಂದಿದೆ. ನನ್ನ ಮತ್ತು ಅವರ ಆನ್ಸ್ಕ್ರೀನ್ ಕೆಮಿಸ್ಟ್ರಿ ತುಂಬಾ ಚೆನ್ನಾಗಿದೆ. ಇದು ಪ್ರೇಕ್ಷಕರಿಗೂ ಇಷ್ಟವಾಗಲಿದೆ ಎಂದರು. ಆಕಾಸ ವೀಧುಲ್ಲೋ ಸೆಪ್ಟೆಂಬರ್ 2 ರಂದು ಸಿನಿಮಾ ಬಿಡುಗಡೆಯಾಗಲಿದೆ.
ಓದಿ: ಎಲಿವೇಟರ್ನಲ್ಲಿ ಚುಂಬಿಸಿದ ಕರಣ್ ತೇಜಸ್ವಿ.. TejRan ರೊಮ್ಯಾನ್ಸ್ ಫೋಟೋಗಳ ಝಲಕ್
