ಹೈದರಾಬಾದ್: ಹಿಂದಿ ಚಿತ್ರೋದ್ಯಮದಲ್ಲಿನ ಬೆಸ್ಟ್ ಫ್ರೆಂಡ್ ಜೋಡಿಗಳಲ್ಲಿ ಒಂದಾಗಿರುವ ನಟ ಅಜಯ್ ದೇವಗನ್ ಮತ್ತು ಟಬು ನಟನೆಯ ರೋಮ್ಯಾಂಟಿಕ್ ಚಿತ್ರ 'ಔರೊ ಮೇ ಕಹಾ ದಮ್ ತಾ' ಚಿತ್ರದ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ. ಈ ಚಿತ್ರದ ಹೊಸ ಅಪ್ಡೇಟ್ ಕುರಿತು ನಿರ್ಮಾಪಕರು ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ನಿರಜ್ ಪಾಂಡೆ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರ ಮುಂದಿನ ವರ್ಷ ಏಪ್ರಿಲ್ಗೆ ಬಿಡುಗಡೆಯಾಗಲಿದೆ. ನಿರಜ್ ಪಾಂಡೆ ಈ ಹಿಂದಿನ ಸಿನಿಮಾಗಳಾದ 'ಎ ವೆಡ್ನೆಸ್ಡೇ', 'ಸ್ಪೆಷನ್ 26' ಮತ್ತು 'ಎಂಎಸ್ ಧೋನಿ: ದಿ ಅನ್ಟೋಲ್ಡ್ ಸ್ಟೋರಿ' ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಸದ್ದು ಮಾಡಿದ್ದವು. ಇದೀಗ ಈ ಸಿನಿಮಾ ಬಗ್ಗೆ ಕೂಡ ಹೆಚ್ಚಿನ ನಿರೀಕ್ಷೆ ಇದೆ.
ಇನ್ನು ಚಿತ್ರದ ಬಿಡುಗಡೆ ದಿನಾಂಕ ಪ್ರಕಟಿಸುವ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ನಿರ್ದೇಶಕರ ಜೊತೆಗೆ ನಟ ಅಜಯ್ ದೇವಗನ್ ಕೂಡ ಹಂಚಿಕೊಂಡಿದ್ದಾರೆ. ನಿರಜ್ ಪಾಂಡೆ ಜೊತೆಗಿನ ಸಹಯೋಗದಲ್ಲಿ ಮೂಡಿ ಬರುತ್ತಿರುವ 'ಔರೊ ಮೇ ಕಹಾ ಧಮ್ ತಾ' ಚಿತ್ರ ಏಪ್ರಿಲ್ 26ರಂದು ಬಿಡುಗಡೆಯಾಗುತ್ತಿದೆ ಎಂದು ತಿಳಿಸಿದ್ದಾರೆ.
'ಔರೊ ಮೇ ಕಹಾ ಧಮ್ ತಾ' ಚಿತ್ರದಲ್ಲಿ ಟಬು ಮತ್ತು ಜಿಮ್ಮಿ ಶೆರ್ಗಿಲ್ ಪ್ರಮುಖ ಪಾತ್ರದಲ್ಲಿ ಕಾಣಿಸಲಿದ್ದಾರೆ. ಚಿತ್ರವು ಒಂದು ಮ್ಯೂಸಿಕಲ್ ಲವ್ ಸ್ಟೋರಿ ಆಗಿದ್ದು, 2002 ಮತ್ತು 2023 ನಡುವಿನ ರೋಮ್ಯಾಟಿಕ್ ಡ್ರಾಮಾ ಆಗಿದೆ. ಹಿಂದಿ ಜೊತೆಗೆ ಬಹು ಭಾಷೆಯಲ್ಲಿ ಚಿತ್ರ ಬಿಡುಗಡೆಯಾಗುತ್ತಿದೆ. ಚಿತ್ರಕ್ಕೆ ಎಂ ಎಂ ಕ್ರೀಮ್ ಸಂಗೀತ ನಿರ್ದೇಶ ಮಾಡಿದ್ದಾರೆ. ಚಿತ್ರದ ಮತ್ತೊಂದು ವಿಶೇಷ ಎಂದರೆ, ಸಿನಿಮಾದಲ್ಲಿ ಸಾಯಿ ಮಂಜ್ರೇಕರ್ ಮತ್ತು ಶಾಂತನೂ ಮಹೇಶ್ವರಿ ಪ್ರಮುಖ ಪಾತ್ರದಲ್ಲಿ ಕಾಣಿಸಲಿದ್ದಾರೆ.
'ವಿಜಯಪತಿ', 'ಹಖೀಖತ್', 'ಫಿತೂರ್', 'ದೃಶ್ಯಂ', 'ಗೋಲ್ಮಲ್ ಎಗೈನ್', 'ದೆ ದೇ ಪ್ಯಾರ್ ದೇ', 'ದೃಶ್ಯಂ 2' ಮತ್ತು 'ಬೋಲಾ' ಚಿತ್ರದ ಬಳಿಕ ಅಜಯ್ ಮತ್ತು ಟಬು ಒಟ್ಟಿಗೆ ನಟಿಸುತ್ತಿರುವ ಚಿತ್ರ ಇದಾಗಿದೆ.
ಈ ಚಿತ್ರದ ಹೊರತಾಗಿ ಅಜಯ್ ದೇವಗನ್ ಬೋನಿಕಪೂರ್ ನಿರ್ಮಾಣದ ಮೈದಾನ್ ಮತ್ತು ಆರ್ ಮಾಧವನ್ ಜೊತೆಗೆ ಹೆಸರಿಡದ ಚಿತ್ರ ಮತ್ತು ರೋಹಿತ್ ಶೆಟ್ಟಿ ಜೊತೆಗೆ ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ ಸಿಂಗಂ ಎಗೈನ್ನಲ್ಲಿ ನಟಿಸುತ್ತಿದ್ದಾರೆ. ಇನ್ನು ನಟಿ ಟಬು ಕರೀನಾ ಕಪೂರ್ ಮತ್ತು ಕೃತಿ ಸನೋನ್ ಜೊತೆಗೆ ದಿ ಕ್ರೂ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ: ಡಂಕಿ ಟ್ರೇಲರ್: 'ಎಸ್ಆರ್ಕೆಯ 3rd ಬ್ಲಾಕ್ಬಸ್ಟರ್' ಅಂತಿದ್ದಾರೆ ಫ್ಯಾನ್ಸ್
