'ಕುಶಿ' ಬಿಡುಗಡೆಗೂ ಮುನ್ನ ವಾರ್ನರ್​​ ಬ್ರದರ್ಸ್​ ಸ್ಟುಡಿಯೋದಲ್ಲಿ ಸ್ನೇಹಿತರ ಭೇಟಿಯಾದ ಸಮಂತಾ

Samantha Ruth Prabhu visits Friends: ಸೋಮವಾರ ನಟಿ ಸಮಂತಾ ರುತ್​ ಪ್ರಭು ಅಮೆರಿಕದ ವಾರ್ನರ್​​ ಬ್ರದರ್ಸ್​ ಸ್ಟುಡಿಯೋದಲ್ಲಿ ಸ್ನೇಹಿತರನ್ನು ಭೇಟಿಯಾದರು.

ಸೌತ್​ ಸಿನಿಮಾ ಇಂಡಸ್ಟ್ರಿಯ ಬಹುಬೇಡಿಕೆಯ ತಾರೆ ಸಮಂತಾ ರುತ್​ ಪ್ರಭು. ಸಿನಿಮಾ ಮತ್ತು ವೈಯಕ್ತಿಕ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಇವರು ಸ್ಟಾರ್​ ಹೀರೋಗಳಂತೆ ದೇಶ ಮಾತ್ರವಲ್ಲದೇ ವಿಶ್ವದಾದ್ಯಂತ ಜನಪ್ರಿಯತೆ ಗಳಿಸಿದ್ದಾರೆ. ಸದ್ಯ ಸ್ಯಾಮ್​ ಅಮೆರಿಕ ಪ್ರವಾಸದಲ್ಲಿದ್ದಾರೆ. ಸಿನಿಮಾಗಳಿಂದ ಕೊಂಚ ಕಾಲ ಬ್ರೇಕ್​ ತೆಗೆದುಕೊಂಡಿರುವ ನಟಿ ಆರೋಗ್ಯದ ಕಡೆ ಗಮನ ಹರಿಸುವುದರ ಜೊತೆಗೆ ರಜಾ ದಿನಗಳನ್ನು ಎಂಜಾಯ್​ ಮಾಡುತ್ತಿದ್ದಾರೆ. ನಿತ್ಯ ಫೋಟೋ ಮತ್ತು ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾ ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ.

ಸ್ನೇಹಿತರನ್ನು ಭೇಟಿಯಾದ ಸ್ಯಾಮ್​: ನಟಿ ಸಮಂತಾ ರುತ್​ ಪ್ರಭು ಅವರು ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯ ಎಂಬುದು ನಿಮಗೆ ತಿಳಿದೇ ಇದೆ. ಸಂದರ್ಭಕ್ಕೆ ತಕ್ಕಂತೆ ಪೋಸ್ಟ್​ ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಸೋಮವಾರ ಸಮಂತಾ ಅಮೆರಿಕದ ವಾರ್ನರ್​​ ಬ್ರದರ್ಸ್​ ಸ್ಟುಡಿಯೋದಲ್ಲಿ ಸ್ನೇಹಿತರನ್ನು ಭೇಟಿಯಾಗಿದ್ದಾರೆ. ಈ ವಿಚಾರವನ್ನು ತಮ್ಮ ಫ್ಯಾನ್ಸ್​ಗೆ ತಿಳಿಸಲು ನಟಿ ಇನ್​ಸ್ಟಾ ವೇದಿಕೆಯನ್ನು ಸಮರ್ಥವಾಗಿ ಬಳಸಿಕೊಂಡಿದ್ದಾರೆ. ಅಲ್ಲಿನ ಸುಂದರ ದೃಶ್ಯಗಳ ಒಳಗೊಂಡ ಫೋಟೋಗೆ 'ಐ ವಿಲ್​ ಬಿ ದೇರ್​ ಫರ್​ ಯೂ' ಎಂಬ ಇಂಗ್ಲಿಷ್​​ ​ ಹಾಡನ್ನು ಹಿನ್ನೆಲೆ ಸಂಗೀತವಾಗಿ ಸೇರಿಸಿದ್ದಾರೆ.

ಅಮೆರಿಕದಲ್ಲಿ ಕುಶಿ ಪ್ರಮೋಶನ್​​​: ಸದ್ಯ ಈ ಮನಮೋಹಕ ನಟಿ ಅಮೆರಿಕ ಪ್ರವಾಸ ಆನಂದಿಸುತ್ತಿದ್ದಾರೆ. ಇದೇ ತಿಂಗಳ 20ರಂದು ನಡೆದ ಇಂಡಿಯಾ ಡೇ ಪರೇಡ್​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಭಾರತೀಯ ಸಂಸ್ಕೃತಿಯಂತೆ ಸೀರೆಯುಟ್ಟು ನ್ಯೂಯಾರ್ಕ್ ಸಿಟಿ ಸುತ್ತಿದ್ದರು. ಬಳಿಕ ತಮ್ಮ ಮುಂಬರುವ ಕುಶಿ ಚಿತ್ರದ ಪ್ರಮೋಶನ್​ ಸಹ ಕೈಗೊಂಡಿದ್ದರು. ಈವೆಂಟ್​ನಲ್ಲಿ ಸಮಂತಾ ಕೆಲವೇ ಕೆಲ ಕ್ಷಣ ಹಾಜರಿದ್ದರು. ಇದಕ್ಕಾಗಿ ನಟಿಗೆ ಸುಮಾರು 30 ಲಕ್ಷ ರೂ. ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ.

• " class="align-text-top noRightClick twitterSection" data="">

ಇದನ್ನೂ ಓದಿ: ವಿಜಯ್​ ದೇವರಕೊಂಡ ಜೊತೆ ಸಮಂತಾ ಸಿನಿಮಾ ಪ್ರಚಾರ; ಅಭಿಮಾನಿಗಳು ಫುಲ್ 'ಕುಶಿ': Photos