ಹೈದರಾಬಾದ್: ಪ್ರಭಾಸ್, ಕೃತಿ ಸನೋನ್, ಸೈಫ್ ಆಲಿ ಖಾನ್ ನಟನೆಯ 'ಆದಿಪುರುಷ್' ಸಿನಿಮಾ ಈಗಾಗಲೇ ಜನರಲ್ಲಿ ಕುತೂಹಲದ ಜೊತೆಗೆ ಕ್ರೇಜ್ ಮೂಡಿಸಿದೆ. ಮಹಾಕಾವ್ಯ ರಾಮಾಯಣದ ಕಥೆಯನ್ನು ಆಧುನಿಕ ತಂತ್ರಜ್ಞಾನದಲ್ಲಿ ವೀಕ್ಷಣೆ ಮಾಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. ಈ ನಡುವೆ ಆಗ್ಗಿಂದಾಗೆ ಸಿನಿಮಾಗೆ ಸಂಬಂಧಿಸಿದ ಹೊಸ ಅಪ್ಡೇಟ್ಗಳನ್ನು ನಟ ಪ್ರಭಾಸ್ ತಮ್ಮ ಅಭಿಮಾನಿಗಳಿಗೆ ಸಾಮಾಜಿಕ ಜಾಲತಾಣದಲ್ಲಿ ನೀಡುತ್ತಿರುತ್ತಾರೆ. ಅದರ ಅನುಸಾರವಾಗಿ ಇಂದು ಅವರು 'ಆದಿಪುರುಷ್' ಸಿನಿಮಾದ ಜೈ ಶ್ರೀ ರಾಮ್ ಹಾಡಿನ ಸಾಹಿತ್ಯವನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಈ ಹಾಡಿನ ಸಾಲಿಗೆ ಜನರು ಮನಸೋತಿದ್ದು, ಇದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
- " class="align-text-top noRightClick twitterSection" data="
">
'ಜೈ ಶ್ರೀ ರಾಮ್' ಸಾಹಿತ್ಯದ ಮೋಷನ್ ಪೋಸ್ಟರ್ ಅನ್ನು ಪಂಚ ಭಾಷೆಗಳಲ್ಲಿ ಅಂದರೆ ಕನ್ನಡ, ತೆಲುಗು, ತಮಿಳು, ಹಿಂದಿ ಮತ್ತು ಮಲಯಳಂನಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಈ ಕುರಿತು ತಿಳಿಸಿರುವ ಅವರು, ಚಾರ್ಧಾಮ್ ಪ್ರವಾಸಕ್ಕೆ ಹೋಗಲು ಅಸಾಧ್ಯವಾಗದವರು ಪ್ರಭು ಶ್ರೀ ರಾಮನ ನಾಮ ಸ್ಮರಣೆ ಮಾಡಬಹುದು ಎಂದಿದ್ದಾರೆ.
ನಟ ಪ್ರಭಾಸ್ ಅವರು ಈ ವಿಡಿಯೋವನ್ನು ಹಂಚಿಕೊಳ್ಳುತ್ತಿದ್ದಂತೆ, ಅಭಿಮಾನಿಗಳು ಕಮೆಂಟ್ಗಳ ಸುರಿಮಳೆ ಸುರಿಸಿದ್ದಾರೆ. ಜೈ ಶ್ರೀ ರಾಂ ಸಾಹಿತ್ಯ ಕೇಳುತ್ತಿದ್ದಂತೆ ಅಭಿಮಾನಿಗಳು ಪುಳಕಿತರಾಗಿದ್ದು, ಇದರ ವಿಡಿಯೋಗಾಗಿ ಕಾಯುತ್ತಿರುವುದಾಗಿ ಹೇಳಿದ್ದಾರೆ. ಈ ಮಧ್ಯೆ, 'ಆದಿಪುರುಷ್' ನ್ಯೂಯಾರ್ಕ್ನಲ್ಲಿ ಪ್ರತಿಷ್ಠಿತ ಟ್ರಿಬೆಕಾ ಫೆಸ್ಟಿವಲ್ನಲ್ಲಿ ಜೂನ್ 13ರಂದು ಪ್ರದರ್ಶನ ಕಾಣಲಿದೆ. ಈ ಕುರಿತು ನಟ ಪ್ರಭಾಸ್ ಕೂಡ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಚಿತ್ರ ಜನವರಿ 16ರಂದು ಜಗತ್ತಿನಾದ್ಯಂತ ತೆರೆಕಾಣಲಿದೆ. 3ಡಿಯಲ್ಲಿ ಈ ಚಿತ್ರ ತೆರೆಕಾಣಲಿದೆ.
- " class="align-text-top noRightClick twitterSection" data="
">
'ಆದಿಪುರುಷ್' ಚಿತ್ರವನ್ನು ಟಿ ಸೀರಿಸ್ನ ಭೂಷಣ್ ಕುಮಾರ್, ಕೃಷ್ಣ ಕುಮಾರ್, ರಾವತ್, ಪ್ರಸಾದ್ ಸುತಾರ್ ಮತ್ತು ರಾಜೇಶ್ ನಾಯರ್ ನಿರ್ಮಿಸುತ್ತಿದ್ದಾರೆ. ಇನ್ನು ಬಿಡುಗಡೆಗೆ ಮುನ್ನವೇ ಈಗಾಗಲೇ ಈ ಚಿತ್ರ ಬಾಯ್ಕಾಟ್ ಬಿಸಿಯನ್ನು ಕೂಡ ಅನುಭವಿಸಿದೆ. ಚಿತ್ರದ ವಿಶುಯಲ್ ಎಫೆಕ್ಟ್ ಮೂಲಕ ಹಿಂದೂ ದೇವತೆಗಳನ್ನು ವಿರೂಪಗೊಳಿಸಲಾಗಿದೆ ಎಂದು ಚಿತ್ರದ ಟೀಸರ್ ವಿರುದ್ಧ ಆಕ್ರೋಶ ವ್ಯಕ್ತವಾಗಿತ್ತು.
ಇನ್ನು ಈ ಚಿತ್ರವನ್ನು ಓಂ ರಾವತ್ ನಿರ್ದೇಶಿಸಿದ್ದಾರೆ. ಅಕ್ಟೋಬರ್ 2ರಂದು 'ಆದಿಪುರುಷ್' ಟೀಸರ್ ಬಿಡುಗಡೆ ಆಗಿ, ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಟ್ರೋಲ್ ಆಗಿತ್ತು. ಟೀಸರ್ನಲ್ಲಿ ಬರುವ ಕೆಲ ಗ್ರಾಫಿಕ್ಸ್ ಅನ್ನು ಅನೇಕರು ಕಾರ್ಟೂನ್ಗಳಿಗೆ ಹೋಲಿಕೆ ಮಾಡಿದ್ದರು. ಟೀಸರ್ ಟೀಕೆಗೊಳಗಾಗಿತ್ತು. ಇದೀಗ ಮತ್ತೆ ಚಿತ್ರತಂಡ ಸುಧಾರಿತ ವಿಎಫ್ಎಕ್ಸ್ ದೃಶ್ಯಗಳನ್ನು ತಂಡ ಹಂಚಿಕೊಂಡಿದೆ.
ಸಿನಿಮಾವನ್ನು 3ಡಿ ವರ್ಷನ್ನಲ್ಲಿ ನೋಡಿದಾಗ ಗ್ರಾಫಿಕ್ಸ್ ಚೆನ್ನಾಗಿ ಕಾಣಿಸುತ್ತದೆ. ಆದರೆ, ಮೊಬೈಲ್ ಯೂಟ್ಯೂಬ್ನಲ್ಲಿ ಜನರಿಗೆ ತಲುಪಿಲ್ಲ. ಚಿತ್ರಮಂದಿರದಲ್ಲಿ ಸಿನಿಮಾ ನೋಡಿದಾಗ ಗ್ರಾಫಿಕ್ಸ್ ಚೆನ್ನಾಗಿ ಕಾಣಲಿದೆ. ಈ ಟೀಕೆಗಳ ಹೊರತಾಗಿ ಕಳೆದ ಕಲಾವಿದರ ನಟನೆ ಪ್ರೇಕ್ಷಕರ ಮನ ಗೆಲ್ಲುವಲ್ಲಿ ಖಂಡಿತವಾಗಿಯೂ ಯಶಸ್ವಿಯಾಗಲಿದೆ ಎಂದು ಚಿತ್ರತಂಡ ವಿಶ್ವಾಸ ವ್ಯಕ್ತಪಡಿಸಿದೆ
ಇದನ್ನೂ ಓದಿ: 15 ಕೋಟಿ ರೂ. ಬಾಚಿಕೊಂಡ ಸಲ್ಮಾನ್ ಸಿನಿಮಾ: ಭಾಯ್ಜಾನ್ ಭೇಟಿಯಾಗುವ ಅವಕಾಶದಿಂದ ವಂಚಿತರಾಗಬೇಡಿ!
