ಬಾಲಿವುಡ್‌ ಬೆಡಗಿ ಊರ್ವಶಿ ರೌಟೇಲಾ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಆ್ಯಕ್ಟೀವ್. ತಮ್ಮ ದಿನಚರಿಗಳನ್ನು ಸೋಶಿಯಲ್ ಮೀಡಿಯಾ ಮೂಲಕ ಅಭಿಮಾನಿಗಳಿಗೆ ಅಪ್ಡೇಟ್ ಕೊಡುತ್ತಿರುತ್ತಾರೆ. ಇದೀಗ ತಮ್ಮ ಅಭಿಮಾನಿಗಳಿಗೆ ದೊಡ್ಡ ಗುಡ್ ನ್ಯೂಸ್ ನೀಡಿದ್ದಾರೆ. ಇದು ಕೇವಲ ಅವರ ಅಭಿಮಾನಿಗಳಿಗೆ ಮಾತ್ರವಲ್ಲ ಕನ್ನಡಿಗರಿಗೆ ವಿಶೇಷವಾಗಿ ರಿಷಬ್ ಶೆಟ್ಟಿ ಅವರ ಅಭಿಮಾನಿಗಳಿಗೂ ದೊಡ್ಡ ಸುದ್ದಿಯೇ. ಬ್ಯೂಟಿಫುಲ್ ನಟಿ ಊರ್ವಶಿ ರೌಟೇಲಾ ಕನ್ನಡ ಚಿತ್ರರಂಗದ ಸೂಪರ್‌ಹಿಟ್ ಚಿತ್ರ 'ಕಾಂತಾರ'ದ ಸೀಕ್ವೆಲ್ನಲ್ಲಿ (ವಾಸ್ತವವಾಗಿ ಈಗಾಗಲೇ ತೆರೆ ಕಂಡ ಸಿನಿಮಾ ಭಾಗ 2, ಭಾಗ 1 ಸಿದ್ಧಗೊಳ್ಳುತ್ತಿದೆ) ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ಚರ್ಚೆ ಶುರುವಾಗಿದೆ. ಈ ಬೆಳವಣಿಗೆಗೆ ಕಾರಣ ಸ್ವತಃ ನಟಿಯೇ ಹಾಕಿಕೊಂಡಿರುವ ಸೋಷಿಯಲ್ ಮೀಡಿಯಾ ಪೋಸ್ಟ್.
ಊರ್ವಶಿ ರೌಟೇಲಾ ಇನ್ಸ್ಟಾ ಸ್ಟೋರಿ: ನಟಿ ಊರ್ವಶಿ ರೌಟೇಲಾ ಇನ್ಸ್ಟಾ ಸ್ಟೋರಿಯಲ್ಲಿ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ. ಈ ಪೋಸ್ಟ್‌ನಲ್ಲಿ ಅವರು ಕಾಂತಾರ ಸ್ಟಾರ್ ರಿಷಬ್ ಶೆಟ್ಟಿ ಅವರೊಂದಿಗೆ ಕಾಣಿಸಿಕೊಂಡಿದ್ದಾರೆ. ಈ ಫೋಟೋಗೆ ಅವರು ಹಾಕಿರುವ ಕ್ಯಾಪ್ಷನ್ ಎಲ್ಲರ ಗಮನ ಸೆಳೆದಿದೆ. ಕಾಂತಾರ 2 ಎಂದು ಬರೆದು ಪೋಸ್ಟ್ ಅನ್ನು ರಿಷಬ್ ಶೆಟ್ಟಿ ಮತ್ತು ಹೊಂಬಾಳೆ ಫಿಲ್ಸ್ಮ್ಗೆ ಟ್ಯಾಗ್ ಮಾಡಿದ್ದಾರೆ. ಇವರಿಬ್ಬರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.
ಕಾಂತಾರ ಬಗ್ಗೆ ಜನರ ಉತ್ಸಾಹ: ನಟಿ ಊರ್ವಶಿ ರೌಟೇಲಾ ಅವರು ತಮ್ಮ ಇನ್‌ಸ್ಟಾಗ್ರಾಮ್‌ ಸ್ಟೋರಿಯಲ್ಲಿ ಹಂಚಿಕೊಂಡ ಪೋಸ್ಟ್‌ನಲ್ಲಿ, ಅವರು ಹಳದಿ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಪಕ್ಕದಲ್ಲಿ ನಿಂತಿರುವ ಕನ್ನಡದ ಸೂಪರ್ ಸ್ಟಾರ್, ಕಾಂತಾರ ಸಾರಥಿ ರಿಷಬ್ ಶೆಟ್ಟಿ ಬಿಳಿ ಟೀ ಶರ್ಟ್ ಮತ್ತು ಡೆನಿಮ್ ಧರಿಸಿದ್ದಾರೆ. ಇದರೊಂದಿಗೆ ಹ್ಯಾಟ್ ಕೂಡ ಧರಿಸಿದ್ದಾರೆ. ಈ ಪೋಸ್ಟ್ ಅನ್ನು ಹಂಚಿಕೊಂಡಿರುವ ಊರ್ವಶಿ, ಕಾಂತಾರ ಲೋಡಿಂಗ್ ಎಂದು ಬರೆದು ರಿಷಬ್ ಶೆಟ್ಟಿ ಮತ್ತು ಹೊಂಬಾಳೆ ಫಿಲ್ಮ್ಸ್ಗೆ ಟ್ಯಾಗ್ ಮಾಡಿದ್ದಾರೆ. ಊರ್ವಶಿ ಅವರ ಈ ಪೋಸ್ಟ್ಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ಕಾಂತಾರ 2 ಬಗ್ಗೆ ಜನರು ಉತ್ಸಾಹ ತೋರುತ್ತಿದ್ದಾರೆ. ಇವರಿಬ್ಬರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ನಟಿ ಪೋಸ್ಟ್ಗೆ ಕಾಮೆಂಟ್ : ಈ ಫೋಟೋ ಭಾರಿ ಮೆಚ್ಚುಗೆ ಗಳಿಸೋದ್ರ ಜೊತೆಗೆ ಕೆಲ ಮಂದಿಯಿಮದ ಟ್ರೋಲ್ ಕೂಡ ಆಗಿದೆ. ಬಳಕೆದಾರರೊಬ್ಬರು, 'ರಿಷಬ್ ಪಂತ್ ಇಲ್ಲದಿದ್ದರೆ ರಿಷಬ್ ಶೆಟ್ಟಿ ಸರಿ' ಎಂದು ಬರೆದಿದ್ದಾರೆ. ಮತ್ತೊಬ್ಬ ಬಳಕೆದಾರರು, 'ನಿಮ್ಮ ಜೀವನದಲ್ಲಿ ಎಷ್ಟು ರಿಷಬ್ ರು ಭಾಗಿಯಾಗಿದ್ದಾರೆ, ದೀದಿ' ಎಂದು ಬರೆದಿದ್ದಾರೆ. ಇನ್ನೊಬ್ಬ ಬಳಕೆದಾರರು, 'ರಿಷಬ್ ಶೆಟ್ಟಿ ಕೇವಲ ರಿಷಬ್ ಆಗಿರಬೇಕು' ಎಂದು ಹೇಳಿದ್ದಾರೆ. ಮತ್ತೋರ್ವರು, 'ದೀದಿಯ ಜೀವನ ಆರ್‌ಪಿಯಲ್ಲಿ ಸಂಪರ್ಕ ಹೊಂದಿದೆ' ಎಂದು ಕಾಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: ವಿಶ್ವದ ಜನರು ನೋಡಿದ್ದು ಕಾಂತಾರ ‘2’, ಪಾರ್ಟ್ 1 ಬರಬೇಕಿದೆ: ನಿರ್ದೇಶಕ ರಿಷಬ್ ಶೆಟ್ಟಿ
16 ಕೋಟಿ ಬಜೆಟ್ನಲ್ಲಿ ನಿರ್ಮಾಣ ಆದ ಕಾಂತಾರ ಚಿತ್ರ ಕಳೆದ ಸೆಪ್ಟೆಂಬರ್ನಲ್ಲಿ ತೆರೆ ಕಂಡು 450 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಇತ್ತೀಚೆಗೆ 100 ದಿನ ಪೂರೈಸಿದ ಹಿನ್ನೆಲೆ ಚಿತ್ರತಂಡ ಶತದಿನೋತ್ಸವ ಸಮಾರಂಭವನ್ನು ಆಯೋಜನೆ ಮಾಡಿತ್ತು. ಆ ವೇಳೆ ನಿರ್ದೇಶಕ, ನಟ ರಿಷಬ್ ಶೆಟ್ಟಿ ನೀವು ನೋಡಿದ್ದು ಕಾಂತಾರ ಭಾಗ 2, ಕಾಂತಾರ 1 ಬರಬೇಕಿದೆ ಎಂದು ಹೇಳಿ ಕುತೂಹಲ ಮೂಡಿಸಿದ್ದರು.
