ಮುಂಬೈ: ತಮ್ಮ ಮೊದಲ ಸಿನಿಮಾ ಬಿಡುಗಡೆಗೆ ಮುನ್ನವೇ ಅಂತಾರಾಷ್ಟ್ರೀಯ ಸೌಂದರ್ಯ ಉತ್ಪನ್ನವೊಂದಕ್ಕೆ ರಾಯಭಾರಿಯಾದ ನಟಿ ಸುಹಾನಾ ಖಾನ್ ಸ್ಟಾರ್ಡಮ್ ಬಗ್ಗೆ ಅನೇಕರು ಟೀಕಿಸಿದ್ದರು. ತಂದೆ ಶಾರುಖ್ ಖಾನ್ ಹೆಸರಲ್ಲಿ ಇಷ್ಟು ದೊಡ್ಡ ಆಫರ್ ಪಡೆದರು ಎಂಬ ಟೀಕೆಗಳು ವ್ಯಕ್ತವಾಗಿದ್ದವು.
ಆದರೆ, ಇದಕ್ಕೆ ಯಾವುದಕ್ಕೂ ಸುಹಾನಾ ಖಾನ್ ಪ್ರತಿಕ್ರಿಯಿಸಿರಲಿಲ್ಲ. ಈ ನಡುವೆ ಬಾಲಿವುಡ್ ನಟ-ನಟಿಯರ ಮಕ್ಕಳೇ ಬಹುತೇಕ ನಟನೆ ಮಾಡುತ್ತಿರುವ ನೆಟ್ಫ್ಲಿಕ್ಸ್ನ ಆರ್ಚಿಸ್ ಸಿನಿಮಾದಲ್ಲಿ 23 ವರ್ಷದ ಸುಹಾನಾ ಕೂಡ ಮೊದಲ ಬಾರಿಗೆ ಬಾಲಿವುಡ್ ಪ್ರವೇಶಕ್ಕೆ ಮುಂದಾಗಿದ್ದಾರೆ.
ಇನ್ನು ಈ ಕುರಿತು ಮಾತನಾಡಿರುವ ಕೋರಿಯೋಗ್ರಾಫರ್ ಬೊಸ್ಕೊ, ನಟಿ ಸುಹಾನಾ ತಂದೆಯ ಗುಣಗಳನ್ನು ಚೆನ್ನಾಗಿ ಕಲಿತು, ಅಳವಡಿಸಿಕೊಂಡಿದ್ದಾರೆ ಎಂದು ಆಕೆಯ ನಟನೆ, ವ್ಯಕ್ತಿತ್ವಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ದಿ ಆರ್ಚಿಸ್ ಸಿನಿಮಾದಲ್ಲಿ ಬೊಸ್ಕೊ ಕೂಡ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅಮೆರಿಕದ ಜನಪ್ರಿಯ ಕಾಮಿಕ್ ಕಥೆ ಆಧಾರದ ಈ ಚಿತ್ರವನ್ನು ಜೋಯಾ ಆಕ್ತಾರ್ ನಿರ್ದೇಶಿಸುತ್ತಿದ್ದಾರೆ.
23 ವರ್ಷದ ನಟಿ ಸೆಟ್ಗೆ ತಮ್ಮ ಸಾಮಗ್ರಿ - ಸರಂಜಾಮುಗಳನ್ನು ತರುವುದಿಲ್ಲ. ದೊಡ್ಡ ಸೂಪರ್ ಸ್ಟಾರ್ ಮಗಳಾಗಿದ್ದರು. ಯಾವುದೇ ಹಮ್ಮು ಬಿಮ್ಮು ಇಲ್ಲದೇ, ಕೆಲಸದ ಪರವಾಗಿ ಸಕರಾತ್ಮಕವಾಗಿರುತ್ತಾರೆ. ನನಗೆ ಆಕೆ ವಿಶೇಷ. ಆಕೆಯ ಶ್ರಮ, ಹಠ ಮತ್ತು ಕೆಲಸ ಸೇರಿದಂತೆ ಯಾವುದೇ ಕಡೆ ಆಕೆ ಸಕಾರಾತ್ಮಕವಾಗಿದ್ದಾರೆ ಎಂದು ಹಾಡಿ ಹೊಗಳಿದ್ದಾರೆ.
ಆಕೆ ತನ್ನ ವ್ಯಕ್ತಿತ್ವದೊಂದಿಗೆ ಬರುತ್ತಾಳೆ. ಆಕೆ ಸುತ್ತ ಮುತ್ತ ಕೆಲಸ ಮಾಡುವವರನ್ನು ಗಮನಿಸಿ, ಕಲಿಯುತ್ತಾಳೆ. ಇದು ಕಲಾವಿದರಿಗೆ ಬೇಕಾದ ದೊಡ್ಡ ಅಂಶವಾಗಿದೆ. ಇದನ್ನು ಆಕೆಯ ತಂದೆಯಿಂದ ಅವಳು ಕಲಿತಿರಬಹುದು. ಇದು ಅದ್ಬುತ ಎಂದು ಐಫಾ ಆವಾರ್ಡ್ ಅಂಡ್ ವಿಕೇಂಡ್ನ ಸಂದರ್ಶನದಲ್ಲಿ 48 ವರ್ಷದ ಕೊರಿಯೋಗ್ರಾಫರ್ ಮಾತನಾಡಿದ್ದಾರೆ.
ಬೊಸ್ಕೊ ಮತ್ತು ಅವರ ಕೊರಿಯೋಗ್ರಾಫರ್ ಪಾರ್ಟನರ್ ಸೀಸರ್ ಗೊಂಸಲ್ವೆಸ್ ಈ ಹಿಂದೆ ನಟ ಶಾರುಖ್ ಖಾನ್ ಜೊತೆಗೆ ಸ್ವದೇಶ್, ಜಬ್ ಹ್ಯಾರಿ ಮೆಟ್ ಸೆಜಲ್, ರಯೀಸ್, ಜೀರೋ ಮತ್ತು ಇತ್ತೀಚಿನ ಬ್ಲಾಕ್ ಬಸ್ಟರ್ ಸಿನಿಮಾ ಪಾಠಾಣ್ನಲ್ಲಿ ಕೆಲಸ ಮಾಡಿದ್ದಾರೆ.
ಹೌಸ್ ಟೈಗರ್ ಬಾಬಿ ನಿರ್ಮಾಣದಲ್ಲಿ ಅಖ್ತರ್ ತಮ್ಮ ದೀರ್ಘಾವಧಿಯ ಜೊತೆಗಾರರಾಗಿರುವ ರೀಮಾ ಕಗ್ತಿ ಜೊತೆ ಬಂಡವಾಳ ಹೂಡಿದ್ದಾರೆ. ಚಿತ್ರದಲ್ಲಿ ದಿವಂಗತ ನಟಿ ಶ್ರೀದೇವಿ- ನಿರ್ಮಾಪಕ ಬೋನಿ ಕಪೂರ್ ಮಗಳು ಖುಷಿ ಕಪೂರ್, ಬಿಗ್ ಬಿ ಅಮಿತಾಬ್ ಬಚ್ಚನ್ ಮೊಮ್ಮಗ ಅಗಸ್ತ್ಯ ನಂದ ಕೂಡ ಬಣ್ಣ ಹಚ್ಚಿದ್ದಾರೆ.
1950ರ ಸೆಟ್ನ ಚಿತ್ರದ ಮೂರು ಹಾಡುಗಳಿಗೆ ಸೀಸರ್ ನೃತ್ಯ ಸಂಯೋಜಿಸಿದ್ದಾರೆ. ಚಿತ್ರ 50ರ ದಶಕದ ಚಿತ್ರಣ ಹೊಂದಿದ್ದು, ಹೆಚ್ಚು ಮೋಜು- ಮಸ್ತಿಯಿಂದ ಕೂಡಿದೆ. ಆರ್ಚಿಸ್ ಪುಸ್ತಕ ಹೊಂದಿರುವವರಿಗೆ ಇದೊಂದು ಅದ್ಬುತವಾಗಲಿದೆ ಎಂದಿದ್ದಾರೆ.
ಐಫಾ ರಾಕ್ಸ್ ಸಮಾರಂಭದಲ್ಲಿ ಭೂಲ್ ಭೂಲಯ್ಯ 2 ಚಿತ್ರಕ್ಕಾಗಿ ನಟಿ ಬೊಸ್ಕೊ ಮತ್ತು ಸೀಸರ್ ಅತ್ಯುತ್ತಮ ನೃತ್ಯ ಸಂಯೋಜಕರ ಪ್ರಶಸ್ತಿ ಪಡೆದಿದ್ದಾರೆ. 2007ರಲ್ಲಿ ಅಕ್ಷಯ್ ಕುಮಾರ್ ಅವರ ಚಿತ್ರದ ಹಾಡನ್ನು ನಟ ಕಾರ್ತಿಕ್ ಆರ್ಯನ್ ಅವರಿಗೆ ಮತ್ತೊಮ್ಮೆ ಸಂಯೋಜಿಸುವುದು ದೊಡ್ಡ ಸವಾಲಾಗಿತ್ತು ಎಂದಿದ್ದಾರೆ.
ಇದನ್ನೂ ಓದಿ: ಕಾನ್ ರೆಡ್ ಕಾರ್ಪೆಟ್ ಮೇಲೆ ಅನುಷ್ಕಾ ಮೊದಲ ಹೆಜ್ಜೆ: ನಟಿಯ ಅಂದಕ್ಕೆ ಫ್ಯಾನ್ಸ್ ಫಿದಾ
