ಮುಂಬೈ: ನಟಿ ಮಲೈಕಾ ಮತ್ತು ಅರ್ಜುನ್ ಕಪೂರ್ ಸಂಬಂಧ ಈಗಾಗಲೇ ಬಹಿರಂಗವಾಗಿದ್ದು, ಇಬ್ಬರೂ ಈ ಬಗ್ಗೆ ಪರೋಕ್ಷವಾಗಿ ಒಪ್ಪಿಕೊಂಡಿದ್ದಾರೆ. ಬಹು ವಯಸ್ಸಿನ ಅಂತರದ ಈ ಸಂಬಂಧದ ಬಗ್ಗೆ ಮಲೈಕಾ ಮತ್ತು ಅರ್ಜುನ್ ಇಬ್ಬರೂ ಗಂಭೀರವಾಗಿಯೇ ಇದ್ದಾರೆ. ಇದನ್ನು ಇತ್ತೀಚೆಗೆ ನಡೆದ ಕಾಫಿ ವಿತ್ ಕರಣ್ ಶೋ ಅಲ್ಲಿ ನಟ ಅರ್ಜುನ್ ಕೂಡ ತಿಳಿಸಿದ್ದರು. ಒಟ್ಟೊಟ್ಟಿಗೆ ಪ್ರವಾಸಿತಾಣ, ಮೋಜು ಮಸ್ತಿ ನಡುವೆ ಕ್ಯಾಮೆರಾಗೆ ಈ ಜೋಡಿಗಳು ಸೆರೆಯಾಗುತ್ತಲೇ ಇರುತ್ತಾರೆ.
ಇದೀಗ ಇವರಿಬ್ಬರು ವಿಶೇಷ ದಿನಕ್ಕೆ ಒಟ್ಟಾಗಿ ಪ್ಯಾಪಾರಾಜಿಗಳ ಕಣ್ಣಿಗೆ ಬಿದ್ದಿದ್ದಾರೆ. ನಟ ಅರ್ಜುನ್ ಕಪೂರ್ ಹುಟ್ಟುಹಬ್ಬದ ಹಿನ್ನಲೆ ಇವರು ಕಾಣಿಸಿಕೊಂಡಿದ್ದಾರೆ. ಗೆಳೆಯ ಅರ್ಜುನ್ ಕಪೂರ್ ಹುಟ್ಟ ಹಬ್ಬದ ಹಿನ್ನಲೆ ನಟಿ ಮಲೈಕಾ ಗೆಳೆಯನ ಮನೆಯಲ್ಲಿ ಸೆರೆ ಸಿಕ್ಕಿದ್ದಾರೆ. ತಮ್ಮ ಬಳ್ಳಿಯಂತಹ ಬಳುಕುವ ದೇಹದೊಂದಿಗೆ ಸಖತ್ ಔಟ್ಫಿಟ್ನಲ್ಲಿ ನಾಚಿದ್ದಾರೆ. ಪ್ರತಿ ಬಾರಿ ದೇಶದ ಹೊರಗೆ ಪರಸ್ಪರ ಹುಟ್ಟು ಹಬ್ಬ ಆಚರಿಸುವ ಈ ಜೋಡಿ ಈ ಬಾರಿ ಮಾತ್ರ ಆ ಸಂಪ್ರದಾಯಕ್ಕೆ ತಿಲಾಂಜಲಿ ಹಾಕಿದೆ. ತಮ್ಮ 38ನೇ ಹುಟ್ಟುಹಬ್ಬದಂದು ಇಬ್ಬರು ತಮ್ಮ ಅಮೂಲ್ಯ ಸಮಯವನ್ನು ಮನೆಯಲ್ಲಿಯೇ ಕಳೆಯಲು ನಿರ್ಧರಿಸಿದ್ದಾರೆ.
ಅರ್ಜುನ್ ಕಪೂರ್ ಮನೆಗೆ ಸಂಜೆ ಬಂದ ನಟಿ ಮಲೈಕಾ ಬಿಳಿ, ಕಿತ್ತಳೆ ಬಣ್ಣದ ಸ್ಲಿವ್ಲೆಸ್ ಪ್ರಿಂಟ್ ಮಿಡಿ ಡ್ರೆಸ್ನಲ್ಲಿ ಮಿಂಚಿದರು. ಲೋವೆ ಬ್ರಾಂಡ್ನ ಈ ಸ್ಲಿಟ್ ಡ್ರೆಸ್ ಅವರಿಗೆ ಮುದ್ದಾಗಿ ಕಾಣುತ್ತಿತ್ತು. ಈ ನಡುವೆ ನೀ ಹೈ ಟಂಗ್ ಶೂ ತೊಟ್ಟಿದ್ದ ಅವರು ಕುತ್ತಿಗೆಗೆ ಕ್ಯೂಬನ್ ಚೈನ್ ತೊಟ್ಟಿದ್ದರು.
ಇನ್ನು ಈ ಬರ್ತಡೇ ಪಾರ್ಟಿಗೆ ನಟ ಅರ್ಜುನ್ ಅವರ ತಂಗಿ ಅಶುಲಾ ಕಪೂರ್ ಕೂಡ ಸೇರಿದ್ದಾರೆ. ಅವರು ಹಳದಿ ಬಣ್ಣದ ಉಡುಪಿನಲ್ಲಿ ಕಣ್ಸಳೆದಿದ್ದಾರೆ.
ಇನ್ನು ನಟ ಅರ್ಜುನ್ ಕಪೂರ್ ಅಸ್ಮಾನ್ ಭಾರಧ್ವಾಜ್ ಅವರ ನಿರ್ದೇಶನದ ಕುಟ್ಟಿಯಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ನಟಿ ಟಬು, ನಸೀರ್ದ್ದೀನ್ ಶಾ ಮತ್ತು ಕೊಂಕಣ್ ಸೇನ್ ಶರ್ಮಾ ಹಾಗೂ ರಾಧಿಕಾ ಮದನ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಇದಾದ ಬಳಿಕ ಅವರು ಅಜಯ್ ಬಹಲ್ ಅವರ ಸಾಹಸ ಥ್ರಿಲ್ಲರ್ ಹೊಂದಿರುವ ಕಥೆ ಲೇಡಿ ಕಿಲ್ಲರ್ನಲ್ಲಿ ಮಿಂಚುತ್ತಿದ್ದಾರೆ.
ಈ ಚಿತ್ರದಲ್ಲಿ ಅವರಿಗೆ ನಟಿ ರಾಕುಲ್ ಪ್ರೀತ್ ಸಿಂಗ್ ಮತ್ತು ಭುಮಿ ಪಡ್ನೇಕರ್ ಜೊತೆಯಾಗಲಿದ್ದಾರೆ. ಇತ್ತ ನಟಿ ಮಲೈಕಾ ಕೂಡ ಹಲವಾರು ಪ್ರಾಜೆಕ್ಟ್ಗಳಲ್ಲಿ ಬ್ಯುಸಿಯಾಗಿದ್ದಾರೆ. 49 ವರ್ಷದ ಈ ನಟಿ ತಮ್ಮದೇ ಫಟ್ನೆಸ್ ಸ್ಟುಡಿಯೋ ಹೊಂದಿದ್ದು, ಫುಡ್ ಡೆಲಿವರ್ ಸರ್ವಿಸ್ ನ್ಯೂಡ್ ಬೌಲ್ ಅನ್ನು ಕೂಡ ನಿರ್ವಹಿಸುತ್ತಿದ್ದಾರೆ. ಜೊತೆಗೆ ದಿ ಲೇಬಲ್ ಲೈಫ್ ಕ್ಲಾತ್ ಬ್ರಾಂಡ್ನ ಸ್ಟೈಲ್ ಎಡಿಟರ್ ಕೂಡ ಆಗಿದ್ದಾರೆ. ನಟಿ ಮಲೈಕಾ- ಅರ್ಬಜ್ ಖಾನ್ ಅವರ ವಿಚ್ಛೇದನ ಬಳಿಕ ನಟ ಅರ್ಜುನ್ ಕಪೂರ್ ಜೊತೆಗೆ ಡೇಟಿಂಗ್ನಲ್ಲಿದ್ದಾರೆ.
ಇದನ್ನೂ ಓದಿ: Guntur Kaaram: ಪೂಜಾ ಹೆಗ್ಡೆ ಸ್ಥಾನಕ್ಕೆ ಶ್ರೀಲೀಲಾ - 'ಗುಂಟೂರು ಕಾರಂ'ಗೆ ಮೀನಾಕ್ಷಿ ಛೌಧರಿ ಹೊಸ ಎಂಟ್ರಿ
