ಬಾಲಿವುಡ್ ಕ್ಯೂಟ್ ಕಪಲ್ ದೀಪಿಕಾ ಪಡುಕೋಣೆ ಹಾಗೂ ರಣವೀರ್ ಸಿಂಗ್ ಜೋಡಿ ಕರಣ್ ಜೋಹರ್ ಹೋಸ್ಟ್ ಮಾಡುತ್ತಿರುವ ಪ್ರಸಿದ್ಧ ಟಾಕ್ ಶೋ ಕಾಫಿ ವಿತ್ ಕರಣ್ ಸೀಸನ್ 8 ರಲ್ಲಿ ಕಾಣಿಸಿಕೊಳ್ಳಲು ಸಿದ್ಧರಾಗಿದ್ದಾರೆ. 2018 ರಲ್ಲಿ ಹಸೆಮಣೆ ಏರಿದ ದೀಪ್ವೀರ್ ಜೋಡಿಯ ತಮಾಷೆಯ ಸಂವಾದವನ್ನು ಅಭಿಮಾನಿಗಳು ಕುತೂಹಲದಿಂದ ನಿರೀಕ್ಷಿಸುತ್ತಿದ್ದಾರೆ. ಸೀಸನ್ 8ರ ಮೊದಲ ಸಂಚಿಕೆಯಲ್ಲಿ ಈ ಜೋಡಿ ಭಾಗವಹಿಸುತ್ತಿದ್ದು, ಈ ಸೀಸನ್ನ ಮೊದಲ ಸಂಚಿಕೆ ಗುರುವಾರ ಮಧ್ಯರಾತ್ರಿ ಪ್ರಸಾರವಾಗಲಿದೆ.
ಇಂದು ತಮ್ಮ ಸಾಮಾಜಿಕ ಜಾಲತಾಣ ವೇದಿಕೆಯಲ್ಲಿ ದೀಪಿಕಾ ಪಡುಕೋಣೆ ಪತಿ ರಣವೀರ್ ಜೊತೆಗಿರುವ ಸ್ಟನ್ನಿಂಗ್ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಲವ್ಲಿ ಕಪಲ್ ಕ್ಯೂಟ್ ಪೋಟೋಗಳನ್ನು ನೋಡಿ ಅಭಿಮಾನಿಗಳು ಮಂತ್ರಮುಗ್ಧರಾಗಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಫೋಟೋದಲ್ಲಿ ದೀಪಿಕಾ ಪಡುಕೋಣೆ ಹಾಗೂ ರಣವೀರ್ ಸಿಂಗ್ ಒಬ್ಬರಿಗೊಬ್ಬರು ಹತ್ತಿರ ನಿಂತು, ಕಣ್ಣುಗಳನ್ನು ಮುಚ್ಚಿ, ಪ್ರೀತಿಯಿಂದ ಮೂಗುಗಳನ್ನು ಸ್ಪರ್ಶಿಸುತ್ತಿರುವುದು ಕಾಣಬಹುದು. ಪರಸ್ಪರ ಮೃದುವಾಗಿ ಕೈಗಳನ್ನು ಹಿಡಿದು, ಸಂತೋಷದ ಮುಗುಳುನಗೆಯೊಂದಿಗೆ ಆ ಕ್ಷಣವನ್ನು ಎಂಜಾಯ್ ಮಾಡುತ್ತಿರುವ ಜೋಡಿಯನ್ನು ಕಂಡು ಅಭಿಮಾನಿಗಳು ವಾಹ್ ಎಂದಿದ್ದಾರೆ.
ನಟ ರಣವೀರ್ ಕಪ್ಪು ಸ್ಯಾಟಿನ್ ಧರಿಸಿದ್ದು, ಕುತ್ತಿಗೆಯ ಸುತ್ತಲೂ ಸ್ಕಾರ್ಫ್ ಹಾಕಿಕೊಂಡಿದ್ದಾರೆ. ದೀಪಿಕಾ ಕಪ್ಪು ಬಾಡಿಕಾನ್ ಟೀ ಉದ್ದದ ಉಡುಗೆಯಲ್ಲಿ ಮಿಂಚಿದ್ದಾರೆ. ಉಡುಗೆಗೆ ಒಪ್ಪುವಂತಹ ಕನಿಷ್ಠ ಆಭರಣಗಳನ್ನು ಧರಿಸಿದ್ದಾರೆ.
ಓಂ ಶಾಂತಿ ಓಂ ಚಿತ್ರದ ನಟಿ ದೀಪಿಕಾ ತಮ್ಮ ಪ್ರೀತಿಯ ಪತಿ ರಣವೀರ್ ಅವರನ್ನು ಕ್ಯಾಪ್ಷನ್ನಲ್ಲಿ ಟ್ಯಾಗ್ ಮಾಡಿದ್ದಾರೆ. ಜೊತೆಗೆ ಕ್ಯಾಪ್ಷನ್ನಲ್ಲಿ ಕಾಫಿ ಕಪ್ ಇಮೋಜಿ ಕೂಡ ಹಾಕಿದ್ದು, ಕಾಫಿ ವಿತ್ ಕರಣ್ ಮುಂದಿನ ಸಂಚಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿರುವುದರ ಬಗ್ಗೆ ಸುಳಿವು ನೀಡಿದ್ದಾರೆ.
ಇದರ ಮಧ್ಯೆ ಸಿನಿಮಾಗಳ ಬಗ್ಗೆ ನೋಡುವುದಾದರೆ ರಣವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೋಣೆ ಶೀಘ್ರದಲ್ಲೇ ರೋಹಿತ್ ಶೆಟ್ಟಿ ಅವರ ಮುಂಬರುವ ಚಿತ್ರ ಸಿಂಗಮ್ ಎಗೇನ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಇತ್ತೀಚೆಗಷ್ಟೇ ಶಕ್ತಿ ಶೆಟ್ಟಿ ಎಂಬ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ದೀಪಿಕಾ ಕಾಣಿಸಿಕೊಳ್ಳುತ್ತಿದ್ದು, ಅದರ ಫಸ್ಟ್ ಲುಕ್ ಸಾಮಾಜಿಕ ಜಾಲತಾಣದಲ್ಲಿ ಅನಾವರಣಗೊಂಡಿತ್ತು. ಈ ಸಿನಿಮಾದ್ಲಿ ಅಜಯ್ ದೇವಗನ್, ಟೈಗರ್ ಶ್ರಾಫ್ ಹಾಗೂ ಅಕ್ಷಯ್ ಕುಮಾರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೆ ದೀಪಿಕಾ ಹೃತಿಕ್ ರೋಷನ್ ಅಭಿನಯದ ಫೈಟರ್ ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ.
ಇದನ್ನೂ ಓದಿ : ಕೆಂಪು ಬಣ್ಣದ ಲ್ಯಾಂಬೋರ್ಗಿನಿ ಕಾರು ಖರೀದಿಸಿದ ನಟಿ ಶ್ರದ್ಧಾ ಕಪೂರ್.. ಬೆಲೆ ಎಷ್ಟು ಗೊತ್ತಾ ?
